再窮都要去旅行！

JOMO Coffee & Cakes

用餐日期：2019/01/19

早排真係開左好多cafe，間間都好吸引，我最想試位於西營盤嘅JOMO，連黎台灣旅遊嘅朋友都試過，我真係冇理由再等喇，哈哈

小店位於西營盤水街巷弄中，接近香港大學站，全靠路口嘅指示牌先留意到。店面很小，以白色為主調，裝潢簡約，店內位置約十個，門外亦可以擺放左少量椅子。

週六下午茶時間，人流頗多，幸好入座時仍有空位，不過自己都唔好意思坐太耐，食完急急腳離開，希望搵次平日黎，睇下會唔會悠閒啲。

餐牌供應自家製蛋糕，例如戚風、卷蛋、磅蛋糕、蘋果批等，口味不時轉換，部份更加係全素，無蛋奶素，有一定嘅市場，甜點定價$38-68。

另有少量輕食例如多士、沙律、全日早餐。飲料有茶、咖啡、手沖、奶昔等。

芝麻戚風蛋糕 $52

當日戚風有伯爵茶、芝麻口味，你問我就梗係兩款都想試，最後忍痛揀左芝麻味。戚風蛋糕賣相好可愛，面頭加左黑芝麻淋醬，以杞子、桂花點綴。

淋醬輕盈，芝麻味濃郁，仲有啲芝麻口感，單食都完全唔膩蛋糕鬆軟到不得了，唔乾亦唔會過濕，水準甚高，只係蛋糕本身嘅芝麻味唔算好濃。

焙茶卷蛋 $48

焙茶卷味道都冇令人失望，蛋卷厚身，茶味明顯，甜度唔高，比較大眾化嘅口味，面頭嘅奶油好香滑

朱古力奶 $45

簡單灑少少朱古力粉、玫瑰花瓣已經令我融化，鐘意小店嘅用心。用黑朱古力製作，但添加左牛奶，飲落就唔算話好濃郁，勝在唔會太甜。

整體黎講，我地都好鐘意JOMO嘅出品，戚風蛋糕尤其出色，小店氛圍舒適，好想再黎試多幾款蛋糕啊！

JOMO Coffee & Cakes

地址:西環西營盤水街4號地下D號鋪

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

L.Z DESSART 無框架甜點

用餐日期：2018/10/24

今次之行，另一家另我們驚嘆不已的甜點正是L.Z.Dessart無框架甜點。甜點店由全球甜點廚師大賽冠軍師傅陳立喆主理，以藍鯨為主題。

餐廳座落勤美綠園道旁，環境優雅，加上出品色香味俱全，外觀滿分，製作花功夫，雖然價格相對稍高，都值得收藏。

無框架甜寓意風格不受限制，L.Z.Dessart兩個英文字母為店主英文名字縮寫。甜點亦故意改成"Dessart"，當中包含藝術的意思。

餐廳位於中興街，鄰近勤美綠園道，一棟兩層的純白色建築，很難錯過。店內裝潢有格調，以白色為主調，加上大理石紋，感覺挺高級的。

細節處可見藍鯨裝飾，迎合主題。地下設大型甜點櫃、雪糕櫃、麵包架等，並有少量座位。

二樓空間較大，靠窗的座位採光度高，照片非常自然，所以有不少客人打卡、拍照。

餐點方面以甜品為主，蛋糕、麵包、手工朱古力、冰淇淋等，甜點賣相相當精緻。

飲料有咖啡、歐蕾、果茶等，定價NT100-160。每人低消一杯飲品，用餐限90分鐘。蛋糕小巧精緻，整體消費較高，人均約港幣$100。

覓蘋 NT200

蘋果造型的甜點，用上兩種不同的蘋果製作，外層保留果皮口感，很花功夫

慕絲蛋糕軟滑，內餡為蜜漬蘋果，酸酸甜甜，還有烤蘋果蓉，口感豐富。整塊吃起來就好像蘋果金寶，不會太甜，好吃有水準。

檸潔 NT180

以檸檬造型為基礎，白色朱古力外層，加上糖雕葉子裝飾，美到不行。檸檬慕絲同樣軟滑，內餡為蜜漬檸檬、百香奶醬。

酸度較高，刺激口水分泌。還有一層很薄很薄的香脆餅底，外在美內在美兼備。

手炒榛果拿鐵 NT150

好可愛的鯨魚拉花，心頭暖暖的。而且味道不錯，喝起來有果仁香氣。

抹茶拿鐵 NT160

正常發揮，中規中矩。

總括來說，雖然無框架甜點價位相對一般甜點為高，環境優雅，出品獨特性高。不論是外觀，還是味道都很有驚喜，值回票價。

L.Z.Dessart無框架甜點

地址：台中西區中興里中興街183號1-2樓

營業時間：星期一至日 12-9

電話：88623026865

粉專：https://www.facebook.com/pg/LZ-Dessart-無框架甜點-2019076175010921

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com