半熟工房 Hanjuku Kobo
半熟工房係香港第一間半熟蛋糕專門店，所有蛋糕嘅原材料都由日本空運到港，同時引進日本製作方法，確保質素。
工房嘅產品口啤一直不俗，特別係店家嘅芝士撻，好受歡迎。
半熟工房最近都喺各區開設期間限定店，方便各位芝士控。
其中位於上環信德中心嘅限定店，更加係方便澳門朋友購買半熟產品作手信呢！
除左招牌芝士撻、半熟芝士蛋糕，工房嘅產品都愈黎愈多元化。
半熟芝士蛋糕 $75/5件；$135/10件
半熟芝士蛋糕一直係工房嘅皇牌產品之一，採用北海道特濃奶油芝士，配上日本幼滑麵粉、法國奶油，以秘製烤焗方法製成「半熟」口感。
蛋糕食落非常鬆軟，口感幼滑綿密，加上香濃芝士，幾重口感，好滿足！
蛋糕小小一件，食多兩件都唔會膩。
布雪 $15/個；$65/5個
布雪一共有五款口味，分別係原味(煉奶)、抹茶、朱古力、草莓、開心果。
之前我地已經食過草莓布雪，酸酸甜甜，配幼滑草莓忌廉，味道天然。今次試左新口味 - 開心果。
開心果布雪採用意大利入口開心果製造，散發濃郁開心果奶油味，甜度適中。
呢類小食好啱經常口痕嘅我，不過買5個裝抵啲。
四國水果啫喱 $19/件
估唔到工房而家連唧唧啫喱都有得食，有六款口味，分別係柚子、芒果、柑橘、藍梅、文旦柚、香橙，全部日本直送。
水果味喱採用原粒水果製作，味道天然，裡面有新鮮水果果粒。
柚子味清新，帶少少酸味；芒果汁較甜，味道唔錯啊又方便食用，而且比想像中飽肚。
完熟水果蕃茄啫喱、馬路村產柚子啫喱 $17/個
兩款啫喱都係日本直送。
呢款柚子味啫喱較唧唧裝嘅柚子味更清新點，少左酸度，鐘意清甜柚子可以揀呢款。
蕃茄味啫喱第一次試到，入口非常濃郁嘅蕃茄味，似食緊茄膏。蕃茄味頗特別，但我個人喜歡柚子口味。
不過價錢稍貴，比較之下，上面提及嘅四國水果啫喱抵食啲喎！
上環信德中心限定店會開放至5月份，喜歡半熟工房產品嘅朋友不妨留意下，特別推薦半熟芝士蛋糕，一試難忘
去澳門玩嘅朋友可以帶上船食，甚至澳門黎香港旅遊嘅朋友都可以帶番去做手信呢！
【半熟工房上環信德中心 期間限定店】
地址：上環信德中心二樓Shop 276（即日起至5月31日，11:00-20:00）
Follow us:
Instagram: http://ttp://bit.ly/2g3ZtuS
Facebook: http://bit.ly/2gu1fIG
Blog: http://bit.ly/ywycarol
Contact us: mrmrsfoodhk@gmail.com
肉蟹 
吃貨夫婦 (51)
