我知，過了中秋都已經有一段時間，然後現在才有空間留個字。

出發日期：2016/9/16

雖然天氣預報是說會打風，可是當天就是天氣很好嘛，天公造美。難得幾個朋友是租了渡假屋玩玩，下雨的話就很掃興。

渡假屋的資料已經在前面有分享過，因為我不太推介，所以都不會再重覆說。

到了渡假屋，先打點一下，我們就到梅窩碼頭那邊走走，然後買了一堆吃的，因為晚上準備燒烤！雖然說附近有士多，但我們還是覺得超市比較方便，價格也好像比較划算。

然後還有點時間，所以就到沙灘那邊摸蜆，收穫很少，但都挺大顆的。晚上BBQ就perfect。

牠們都好有性啊，懂得停下來讓人拍完照才走！

然後我必須說，這些燈籠都好美好可愛啊！

朋友在淘寶訂的，超美，我們都拍了好多照片。

在梅窩退屋後出發去大澳，作為參考的士大概$160，約45分鐘。

因為還未有吃早餐，下車後見到第一間店，馬上要開動！

脆爆大魚蛋$14/2枚
好好吃啊！魚蛋好彈好彈好彈，名符其實爽脆。還有辣得是剛剛好，
我覺得……甚至比長州的好吃呢！
 

復興行

地址：大澳永安街4D舖

然後走到裡面就是有家冷氣好涼的冰室，腳步就是自自然然走進去了。

老闆娘就是很熱情！她推介水餃和米粉，我們都點了，覺得還好。

就是飲品一般般，可能喝汽水比較吧。

永生冰室

地址：大澳吉慶街50號

炭燒雞蛋仔$15

最近都吃好多新式的雞蛋仔 ，有時候都想吃吃舊式風味。
天氣都有點熱，戴住黑超的呀伯用炭爐烤雞蛋仔，用炭火烤出來微脆 ，裡面係鬆軟 ，粒粒都好完整。
蛋漿比起說有蛋味，反而是甜味，可能糖有點多。現在吃的主要是情懷！

大澳炭燒雞蛋仔叔叔

地址：大澳吉慶街59號地下

沙翁$10

這個沙翁新鮮炸起，外脆內軟，沒有令人卻步的油淋淋，都算爽身。
蛋味都算重，甜度亦適中，像一陣風般很快就吃完。

大澳餅店
地址：大澳吉慶街66號

走到裡要就是吃豆花的，這家不是太出色，就是位置好，風景美。

最後我們也有一直走到大澳文物博物館，真的有點遠呢。

今次有朋友同行，感覺就算熱點陽光猛點都可以一遊，抱了點期望過來的，所以實在有點失望。

講環境，我想要秋冬過來才行，雖然透明玻璃屋設計，但太熱而且已經拉了天幕。
三十幾度只有幾把吊扇仔，廁所還比餐廳通風點。
窗外就是有個海灘 ，但如果說不是坐窗邊的話……酒店外形也沒有照片那麼美。
因為已經吃了不少，所以已經有點飽。於是每人點了一杯飲品，連服務費差不多50塊呢！

紅樹林特飲$48
紫貝天葵+蘋果+檸檬
有雷到！外表也就是普通，可能環境已經一般，再喝了這杯，不冰，味道又怪，山渣又不是，酸酸甜甜的。

Tai O Lookout
地址：大澳石仔埗街大澳文物酒店1樓

雖然是兩天一夜，但時間真的很快喔！

希望下一次有機會再跟朋友來！

Follow us:

Instagram: http://bit.ly/2g3ZtuS

Blog: http://bit.ly/ywycarol

Facebook: http://bit.ly/2gu1fIG

Contact us: mrmrsfoodhk@gmail.com

上個禮拜中秋節有幾日假期，同幾個朋友一早決定租個渡假屋玩下，過過節。雖然成班已經唔是年青人，但就想搞下老鬼camping囉。

其實網上而家都算有好多渡假屋嘅選擇，大部分都有齊照片同價錢。原本就想搵南丫島嘅屋，不過發現南丫島比較少一整幢嘅渡假屋（?）

我地決定好地點：大嶼山、梅窩、塘福等等呢類

因為係中秋翌日，都預左會比較貴少少，作為參考，假日大部分嘅屋都貴出兩倍有多。

我地總數有7人，起碼都要求要有3房。另外想要有燒烤爐同簡單設備，中秋嘛當然是BBQ！

搵嘅過程發現，有9成以上嘅網站都係吹大左，有d你睇相已經好明顯見到冇可能容納咁多人嘅。

當然事情就總會拖下拖下，選擇就有唔少，但揀下又愈小、揀下又少間。

到我地狠下心嘅時候，比較好、比較企理嘅屋都冇了。

最終喺呢個網站預約左一個三房一廳嘅單位。

Holimood 網站該房資料：http://bit.ly/MY10A

因為相片跟網站展示大概有9成吻合，傢具嘅位置大致上相同，但我必須說，照片睇起上黎，的確係單位裝修完成初期嘅樣子，你如果正在考慮，我會話，實際係比較冇相片咁乾淨、光猛。

睇番網站關於呢個渡假屋嘅簡介：

------1.基本資料/ 特色------
此三房一廳單位2016年新裝修, 設有八人床具。單位設備齊全，有4台空調。此房間鄰近銀鑛灣沙灘及公共泳池，附近亦有餐館食肆。而位置亦十分便利，步行至碼頭或巴士站也只是5分鐘距離。

------2. 預訂前注意事項------
房間按金：HK $ 200
入住時間：下午3時（最遲晚上7:00前辦理入住手續，如需七時後入住，請事先通知安排）
退房時間：中午12時
登記時至少2人同時前往。
請攜帶您的身份證辦理入住手續。

------3. 額外收費項目------
免費天台燒烤爐
麻將租用費：$ 100/晚
*不設加床

*MY10A / MY10B 為上下層單位, 2間一起租共可住16人, 此兩單位共用私家天台及2個免費燒烤爐

我有以下幾點根講：

1 裝修：呢間屋或許曾經新裝修過，不過如果打理不善，實際唔可以作為一個賣點。

2 人數：渡假屋表示可容納客人係10個，設8人床具，事實上係包括兩間雙人床房，同埋一間廚房改建成嘅單人床房。再加上廳嘅兩張梳化，勉強都只係訓到我地7個人。

3 有4台空調：咁又啱喎，冇寫明係4台work嘅空調，因為有一間房嘅冷氣係勁嘈+會噴灰出黎。另外一間房嘅冷氣睇得出比較新淨，但唔明點解完會搵唔到remote，長期17度。

4 床：其中一間雙人床張床真係正到無輪，訓落去同直接訓上彈簧係冇分別。plus，廳嘅其中一張梳化係4尺半嘅，希望你同行都好似我地咁有個細粒d嘅朋友訓到。

5 天台燒烤爐：設有2個，簡直係crazy，只有一個係正常嘅燒烤爐，另一個係fix左係天台中心。既然要同2樓共用天台，係有冇可能喺咁細嘅地方，容納到所謂16個人！？

6 位置：我簡單講，都算便利，但絕對不是步行至碼頭只是5分鐘距離！我估如果跑步嘅話，你有機會5分鐘到嘅！行嘅話起碼10分鐘。

呢個係世紀級好笑！

因為都有擔心過天氣問題，事前我地問過兩個問題：第一天台有冇帳篷，第二提供嘅電熱鍋work唔work。

網站回覆天台係冇帳篷，電熱鍋係work的。

於是乎我地都方心d，因為怕落雨燒烤有難度，都可以轉plan B打邊爐。

屋裡面的確有一個圖中咁嘅樣嘅電熱鍋。但係！我地真係屌左出聲。

因電爐過熱會自動斷電

請停用10分鐘後再開啓使用

乜Q野？！咁樣嘅野夠膽死擺出黎俾人用？

我地試圖想溿煲野食，佢果然係會自動斷電，一個水都煲唔熱嘅電熱鍋點解會係work？

如果有d人一心入黎打邊爐，買哂野食咁樣，咁我想問下可以點煮到野呢？每10分鐘斷電一次再等15分鐘先開得番？

好老實講，租得呢d渡假屋，都唔會有咩期望，我地都好清楚，絕對唔會以為自己住緊酒店。

講左咁耐，我必須講番，我地房費係$2300。呢3房1廳平日預約係$980。

我地事後俾左以上意見呢個網站，屋主居然打電話俾我朋友，問下可否修改下d評語。

？！

咩呀？真係聞所未聞。

屋主話，佢仲有兩張床不過係收埋左，所以佢間屋係訓到10個人的。

我就當你有多兩張床，問題係你間屋放唔到多兩張床呢屌，仲撐飯蓋。佢話我地預約只係表示7人入住，所以佢就收埋左兩張床。

你寫到明住到10個人，我想問下如果真係final出席有10人，咁點呢？訓天台？

點解人有人寫d真實意見出黎，屋主唔檢討下，仲想點點反駁呢？

我想問下你駁得幾多點？佢話番我地轉頭，覺得我地有問題應該打左俾佢問左先。大佬我咪要打俾你幾廿次？我打俾你係咪會有個新嘅電熱鍋？會有張好d嘅床褥？

仲話叫我地改評語，下次入住有8折。

都未訓醒，仲有下次入住？

大佬2千3呀，唔係2百3。

以上係評論緊間渡假屋。

唔同意呢d係基本要求嘅請close window。

之後會分享番我地兩日一夜嘅少少照片，同埋第二日我地去大澳食左d乜，點樣過左個假期。

Follow us:
 

Instagram: http://bit.ly/2g3ZtuS

Blog: http://bit.ly/ywycarol

Facebook: http://bit.ly/2gu1fIG

Contact us: mrmrsfoodhk@gmail.com