目前分類:搵食銅鑼灣 (22)

瀏覽方式: 標題列表 簡短摘要

柞木炭家

用餐日期:2019/04/21

一連四日復活節假期,當然係同朋友飲飲食食嘅最佳時機,揀左呢間之前食過一次嘅柞木炭家再訪,一來覺得好食過一般平價韓燒,二來價錢都可以接受

銅鑼灣分店位於金百利,餐廳面積頗大,座位間非常闊落,被安排到卡位,又唔洗同隔離枱貼枱、背貼背。店內燈光稍暗,可能係假期啦,客人頗多,店內嘅通風有待加強。

1676683606.jpg

餐牌有單點,亦有套餐,根據上次經驗,套餐比較划算,亦都免得我地諗到頭爆。全新套餐有兩款,分別係「王道」、「御膳」,定價每位$356/420。

套餐包括五道菜,可以試到唔同牛肉部位,點餐前店員會推出展示牛肉嘅餐車,其中西冷仲可以由客人自選產地(韓牛/和牛)。

876832241.jpg

前菜、粟米、生菜無限添加,泡菜可以自行剪出,味道剛好

1454328793.jpg

1478714912.jpg

1708627314.jpg

1595391549.jpg

沙律

334352521.jpg

御膳套餐 $420/位/2位起

套餐包括:牛舌、黑毛豬、汁燒牛小排、是日稀少部位、和牛牛胸腹、和牛牛胸、和牛西冷、牛肩、鰻魚、八爪魚、柞木韓牛飯、大醬湯

首先上枱係牛舌同黑毛豬,牛舌有齊厚切、薄切兩種口感,厚切特別爽口黑毛豬腩肉難得冇被比下去,肉香軟腍。

1637140226.jpg

呢四款當中,我地比較喜歡和牛,不論係牛胸定牛胸腹都同樣咁正。尤其係和牛胸腹,好搶火,脂肪較多,食落柔軟溶化,唔洗特別醃製調味,油香馥郁。

981408399.jpg

汁燒牛小排都唔差,韓牛嚼勁較強。反而呢塊稀少部位好難燒啊,可能因為瘦,油份唔多,燒到好散。

1169917990.jpg

1717915679.jpg

第三道菜實在回味無窮,要二選一的話,我都係投油脂豐富嘅日本和牛一票。

薄薄一片,為免浪費,我地請店員幫我地燒起,輕輕沾少少鹽份,入口溶化

639029077.jpg

299439627.jpg

1303231635.jpg

最後燒埋鰻魚同八爪魚,因為店員比較忙,由另一半操刀,有上次嘅經驗,佢都燒得唔錯。

1587796156.jpg

鰻魚肉厚無骨,外皮燒到香口(雖然燶左少唐,哈哈)。八爪魚入口好爽,不過我地燒到有少少過火,噍頭太強勁。

1398038388.jpg

2103212508.jpg

1956586567.jpg

燒左成晚肉,再食埋柞木韓牛飯飯同大醬湯,更加飽足。

柞木韓牛飯牛肉加蛋黃、大半碗京蔥拌飯,簡單美味;大醬湯不過不失。

1435373305.jpg

1564605898.jpg

我地對柞木炭家嘅印象依舊唔錯,牛肉整體質素比一般燒烤店好,但又未到負擔唔到嘅消費,值得再訪。


柞木炭家

地址:銅鑼灣記利佐治街1號金百利廣場3樓301室


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

鮮芋仙

經常到台灣或者深圳的朋友,對鮮芋仙一定不會陌生了,其實品牌於全球有接近800間店,分佈台灣、日本、澳洲、中國各地,「千呼萬喚」首間旗艦店終於開到香港。

選址銅鑼灣V-Point,食材大部份由台灣供應,每日現煮現賣,原汁原味,其芋圓、仙草、豆花等均為招牌。相信還有不少人未試過鮮芋仙的出品,未知會否引來一陣熱潮呢

meetfresh_01.jpg

鮮芋仙位於登龍街,鋪面不算很大,裝潢用色以木色為主,跟品牌的其他分店設計無異。

meetfresh_02.jpg

meetfresh_03.jpg

餐牌跟台灣大致相同,分芋圓、仙草、豆花、茶飲、點心五大系列。同時針對香港市場,點心系列口味更多元化,而且會按時令推出限定款式,更讓人期待。

甜品系列分芋圓、仙草、豆花、冰品、紅豆湯、紫米粥等,定價比台灣、深圳為高,招牌甜點定價$36-62,部份款式份量頗多,適合三至四人分享

meetfresh_04.jpg

meetfresh_05.jpg

招牌仙草冰沙 $45

鮮芋仙的芋圓、仙草系列共5款,相同號數,配料一樣,只是芋圓系列基底為刨冰,而仙草系列基底為仙草。

配料有紅豆/綠豆/珍珠/花生/芋頭/地瓜/薏仁/湯圓等,一律$45,可以加$3/6額外追加配料。

招牌仙草冰沙有芋圓、仙草凍、仙草冰沙,仙草味道濃郁,帶點清幽,不會死甜,厚薄適中,口感超滑溜,可按個人喜好加入鮮奶油

meetfresh_08.jpg

墊底位仙草冰沙,待冰碎融化一點更清爽好吃。芋圓、地瓜約十多粒,味道還可以,不算很突出,但口感Q彈,有韌性不死實

meetfresh_09.jpg

芋圓4號 $45

到訪鮮芋仙不下十次,還是最喜歡4號,配料有芋頭、紅豆、珍珠搭配招牌芋圓,以刨冰墊底,份量不少。

meetfresh_06.jpg

芋圓口感Q彈實在,珍珠偏硬,紅豆粒粒分明。最值得一讚芋頭粉糯,芋味重,稍為甜了一點。刨冰較粗糙,配上甜度適中的黑糖漿,十分消暑。

meetfresh_07.jpg

豆花2號 $42

喜歡傳統甜品可選豆花系列,2號包含豆花、地瓜、薏仁。

meetfresh_10.jpg

芋薯圓Q麻糬牛奶冰 $52

有齊麻糬、芋薯圓、小芋圓、冬瓜凍及一座刨冰,份量非常多,三人分享都足夠。

meetfresh_11.jpg

綠豆糕麻糬拼盤 $38

meetfresh_12.jpg

仙草冰沙凍奶霜 $35

meetfresh_13.jpg

小芋圓冬瓜茶 $29

小芋圓口感有彈性,冬瓜茶偏甜

meetfresh_14.jpg

meetfresh_15.jpg

據負責人所言,未來會開兩至三間分店,讓人期待呢。


鮮芋仙

地址:銅鑼灣登龍街18號V-Point地下1號鋪


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

老鍋台式火鍋

用餐日期:2019/01/12

一年四季都打邊爐,最近愛上台式火鍋,麻辣鍋、酸菜白肉鍋、鴨血、凍豆腐等使人吃個不停。老鍋台式火鍋在香港頗有名氣,銅鑼灣、尖沙咀都有分店。

主打台式火鍋,鍋底溫和,配料質素高,單點價格稍高,但在網上、手機程式不時有訂枱折扣優惠,相對抵食,可以襯優惠一試呢

laoguohotpot_01.jpg

銅鑼灣有兩間分店,今次到訪澳門逸園中心店,一早預訂位置,準時入座。餐廳位置不算多,枱與枱間有適量空間,二人枱夠闊落,坐得舒適。

laoguohotpot_02.jpg

枱邊亦有布藍,客人可以放置個人物品。裝潢方面走中國風,木色枱櫈,以格子木門作分隔,環境過得去。

laoguohotpot_03.jpg

laoguohotpot_04.jpg

由於是次使用訂座折扣優惠,店員會先解釋條款,茶芥、海鮮類、飲品並不適用,加一按原價收費。

餐牌選擇頗多,湯底有麻辣鍋、酸菜白肉鍋、美人鍋、養生鍋,定價$158/228,可以雙拼。

配料方面有海鮮、肉類、小食、丸類、餃類、蔬菜等。價格稍高,不過經折扣後人均消費約二百多,可以接受。

laoguohotpot_05.jpg

laoguohotpot_06.jpg

茶芥、醬油 $20/位

laoguohotpot_25.jpg

麻辣鍋拼酸茶白肉鍋 $158

餐牌標示,湯底麻辣度偏低,令食物保持原有鮮味,建議喜歡吃麻辣的,要點大辣。我們點了小辣,果然辣度偏低。

laoguohotpot_07.jpg

laoguohotpot_08.jpg

以香料、藥材配製,可見龍眼肉、紅棗等材料。湯頭聞起來有點嗆,完全不麻。慶幸不鹹,可能我比較適合中辣以上。

laoguohotpot_09.jpg

鍋底配上鴨血、凍豆腐,鴨血為友人推薦,果然出色,滑溜到像啫喱一樣,鮮嫩無比

laoguohotpot_10.jpg

豆腐軟綿,湯汁滲入,好吃。點選麻辣鍋底追加鴨血及凍豆腐每份只需$30。

laoguohotpot_11.jpg

至於酸菜白肉鍋以秘製大白菜、豬腩肉製作,湯底還有粟米、蕃茄、冬菇、寬粉條,頗為足料。

laoguohotpot_12.jpg

腩肉肥瘦雙隔,口感挺爽;粟米值得一讚,漲卜卜又甜;寬粉條份量多,但容易斷開,略為細碎。

我們倆比較喜歡酸一點的,會比較推薦阿里山台式美人鍋的鍋底。

laoguohotpot_13.jpg

美國特級牛肋肉 $218

牛肉冰底上,兩至三人用足夠。雪花都可以,肉質嫩腍,脂肪不多。

laoguohotpot_14.jpg

手工丸類拼盤 $108/10粒

拼盤有齊梅菜豬肉丸、墨魚丸、蝦丸、芝士牛肉丸、黃金咸蛋黃豬肉丸五款,價格合理。

laoguohotpot_15.jpg

laoguohotpot_16.jpg

laoguohotpot_17.jpg

丸類整體質素不俗手打大粒,牛肉丸芝味不算濃郁;蝦丸彈牙;墨魚丸不過不失,反而兩款豬肉丸幾特別,梅菜豬肉丸有梅菜味!

laoguohotpot_18.jpg

laoguohotpot_19.jpg

自家鮮做鮮蝦雲吞 $48/4粒

雲吞皮薄餡靚,蝦肉明顯,口感爽脆。

laoguohotpot_20.jpg

laoguohotpot_21.jpg

台灣A菜 $68

台灣萵荀 $48

留意到幾家台式火鍋的蔬菜類價格較一般港式火鍋高,但吃火鍋總少不了蔬菜,還是點了兩份。萵荀配麻辣鍋,爽而入味。

laoguohotpot_22.jpg

laoguohotpot_23.jpg

台灣蒜香腸 $48

去台灣旅遊,肯定會狂吃台灣腸,這份味道對辦,輕輕煎過,帶淡淡蒜香,外皮脆一點更好。

laoguohotpot_24.jpg

除了茶芥之外,我們點的都有折扣,確實提高了性價比!鍋底質素中規中矩,未算好特別,但配料整體質素不錯,我最喜歡鴨血、雲吞、丸類跟萵荀。


老鍋台式火鍋

地址:銅鑼灣軒尼詩道525號澳門逸園中心3樓


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

I'm Carol 發表在 痞客邦 留言(0) 人氣()

鮨和居食屋

用餐日期:2019/01/22

登龍街曾經被拉麵店佔據,同一街的永光中心則有多間日本料理,位於7樓的鮨和去年年底才開業,走中高檔路線,魚生由日本空運直送,保證質素。

除了刺身、壽司等,還供應各款日本料理,擺盤精緻,用料上乘,不輸廚師發辦,尤其一客蓮葉蒸鰻魚飯,很有新鮮感,值得推薦

sushikazuhk_01.jpg

鮨和位於永光中心,餐廳面積不算很大,約三十餘個座位,加上數個吧枱位置,裝潢清雅,可見師傳製作料理,跟食客互相交流。

sushikazuhk_02.jpg

sushikazuhk_03.jpg

sushikazuhk_04.jpg

雖然開張不久,但已積下來不少回頭客,平日晚上生意不俗。不論情侶約會,抑或朋友聚餐,都很適合。

sushikazuhk_05.jpg

sushikazuhk_06.jpg

sushikazuhk_07.jpg

餐牌選擇多,刺身、壽司、刺身飯、燒物、串燒、一品料理、和牛、飯、烏冬、鍋物等,價格中上。

每日推介會寫於黑板上,例如富山白蝦壽司、魴鮄魚刺身、鮟鱇魚肝、喜之次干燒等。

sushikazuhk_08.jpg

sushikazuhk_09.jpg

sushikazuhk_10.jpg

sushikazuhk_11.jpg

sushikazuhk_12.jpg

廚師發辦刺身拼盤 $480

刺身6款,包括拖羅、 鱲魚、鯛魚、赤貝、牡丹蝦、深海池魚,擺盤精美。

sushikazuhk_13.jpg

魚生新鮮不在話下,亦可見細緻配搭。牡丹蝦大隻甘甜,配上松露提鮮。赤貝爽脆、拖羅肥美

sushikazuhk_14.jpg

sushikazuhk_15.jpg

sushikazuhk_16.jpg

sushikazuhk_17.jpg

sushikazuhk_18.jpg

鮑魚磯煮 $150

鮑魚爽脆,加上膽汁帶出鮮味。

sushikazuhk_21.jpg

鮟鱇魚肝 $128

提到時令,少不了鮟鱇魚魚肝這種矜貴食材,肥美甘香,而口感綿滑。

sushikazuhk_22.jpg

和風沙律卷 $55

沙律卷甚有驚喜,簡單以紫菜包裹生菜、蟹柳、青瓜、蛋,口感很爽,清新開胃

sushikazuhk_19.jpg

sushikazuhk_20.jpg

岡山產珍珠蠔 $88

珍珠蠔蠔肉飽滿軟綿,味道濃郁。

sushikazuhk_23.jpg

明太子蝦天婦羅 $120

天婦羅亦有點驚喜,以兩隻蝦夾住明太子做成,口感比較一般的天婦羅豐富,蝦肉爽口到不得了,明太子鹹鮮,香脆度高

sushikazuhk_25.jpg

sushikazuhk_26.jpg

牛肉薄燒 $120

主食選擇牛肉薄燒,以野菜、芽菜墊底,少許肉汁滲入,但略嫌牛肉燒到稍老。

sushikazuhk_24.jpg

蓮葉鰻魚飯 $80

鰻魚飯值得一試,細細碗份量,以蓮葉墊底蒸飯,飯粒帶葉香,而且偏濕潤。

配搭燒到香口的鰻魚,鰻魚軟腍無細骨,無需額外醬汁都已經好好吃,好像珍珠雞的變奏版

sushikazuhk_27.jpg

sushikazuhk_28.jpg

sushikazuhk_29.jpg

整體而言,鮨和人均消費接近廚師發辦,出品一樣水準,不但新鮮,配搭都很有心思,可以一試。


鮨和

地址:銅鑼灣登龍街永光中心7樓


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

幸福班戟 A Happy Pancake

用餐日期:2018/01/31

梳乎厘班戟可說是近年人氣食物之一,除了本地甜品店爭相推出、製作班戟,多間日本過江龍都選擇於香港開店,更加引起長長人龍。

幸福班戟 A Happy Pancake於東京、大阪、沖繩都有分店,早前開到銅鑼灣,標榜使用日本雞蛋、小麥粉製作,對食材講究,即點即製,吃罷滿滿幸福感

ahappypancake_01.jpg

幸福班戟位於銅鑼灣利園三期,餐廳裝潢簡約,光線充足,面積頗大,設開放式廚房,客人可從中央的大玻璃見到製作過程。

廚房人手充足,出品時間不會太長。店員都戴上口罩,比較衛生

開業多個月,人氣不減,平日設網上預約服務,可以先行預約,節省時間。皆因我們平日下午前往,都有十多位客人等候位置。

ahappypancake_02.jpg

餐牌分甜、鹹班戟共十款,另外不時推出期間限定款式,定價$98-138,點班戟可以優惠價加配飲品,例如咖啡/茶/牛奶咖啡等。

店面設自助水機,客人可以自行添加。

ahappypancake_03.jpg

ahappypancake_04.jpg

ahappypancake_05.jpg

古典魅惑班戟 $138

班戟即點即製,等候約20分鐘,這款是期間限定款式,一球比利時白朱古力慕絲、忌廉、莓脆、開心果粒配上法式醬,酸甜交錯的組合。

ahappypancake_07.jpg

一份三件班戟,口感實在,空氣感低,偏蛋糕狀,確實軟綿,配上忌廉、微酸的醬汁,不會過乾。

最值得一讚,蛋香出眾略嫌班戟未夠蓬鬆,變相飽滯感較強烈。

ahappypancake_08.jpg

忌廉量多,滑溜不膩口,加上莓脆,口感豐富。

ahappypancake_09.jpg

白朱古力慕絲軟滑香甜,單吃可能有點膩,配搭醬汁,剛好可作平衡。

ahappypancake_010.jpg

ahappypancake_11.jpg

喜歡日本過江龍出品的班戟,一來價格合理,二來質素較穩定,蛋香的濃郁並非一般小店或平價班戟可以相比,期待日後分店更多,可以減省排隊時間


幸福班戟 A Happy Pancake

地址:銅鑼灣新寧道1號利園三期2樓203-205號舖


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

和牛燒肉‧純

用餐日期:2018/03/13

相對韓牛,我都係較鐘情日牛,和牛軟腍油脂無可取代。講到日本燒肉,不得不提和牛燒肉純,曾經去過尖沙咀分店食午飯,印象良好,久唔久又想食。

今日去到銅鑼灣店,餐廳位於亨利大廈, 位置唔多,有吧枱、卡位、梳化位,枱櫈間較集中。個人較喜歡尖東店嘅裝潢格局,私隱度高啲,而且闊落啲。

午市供應套餐,有燒肉有定食,定價$98-380,跟咖啡或紅茶,可加錢升級其他飲品,性價比當然較晚市為高。

豪華燒肉二人餐 $420

前菜、沙律

29177236_761827670676123_152422376380825600_n.jpg

29177860_761827644009459_1245084321593688064_n.jpg

特選和牛牛排肉、和牛上牛排肉、和牛壺漬牛排、日本產雞腿肉

大蝦、魷魚、帶子

29178531_761827474009476_5229857092222844928_n.jpg

29214089_761827477342809_6179280125767450624_n.jpg

和牛牛肉厚切小片,已經調味,輕輕燒好兩邊食得,入口嫩到不得了,冇牙都會溶化咁濟

上牛排肉脂肪均勻,肉汁豐富,油香十足;特選嘅更多脂肪,一切都值了。食和牛帶來嘅滿足,同其他牛肉不能相提並論

29178912_761827487342808_4322919462853410816_n.jpg

壹漬牛排有三大片,牛味香濃,較為瘦身,同牛排肉當然冇得比。

29177005_761827567342800_3078087951624699904_n.jpg

29178627_761827680676122_2993604995724607488_n.jpg

大蝦唔講得笑好大隻,已開邊,蝦殼薄身,輕輕烤好,食落又爽又脆。

29178158_761827577342799_8574284555807096832_n.jpg

魷魚同帶子正常水準,雞腿肉喺和牛面前變得渺小,冇辦法啦,哈哈

29136178_761827554009468_1599345941565931520_n.jpg

29186451_761827570676133_3476312594845794304_n.jpg

29243891_761827470676143_8341870634036363264_n.jpg

定食附味噌湯、日本米白飯,飯粒分明,配牛肉一流,呢餐真係大滿足!

29177637_761827677342789_4230721659062976512_n.jpg


和牛燒肉‧純

地址:銅鑼灣恩平道42號亨利中心15樓

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

道鮨日本料理

用餐日期:2018/09/22

曾經喺餐廳新開不久就到訪過,事後朋友圈中一直有聽聞仍然甚有水準,但老實講,要我一頭半個月就食廚師發辦,我負擔唔來

知道佢地午市有其他套餐供應,今次就選擇中午到訪。週六約一點鐘到達,餐廳位置不少,分成三個用餐區,裝潢日式,簡約風格,環境寧靜舒適

IMG_0018.JPG

IMG_0019.JPG

IMG_0020.JPG

想唔到生意十分好,師傅前面嘅吧枱都坐滿了,我地被安排到另一邊嘅二人枱。由於環境太舒適,我地慢慢食、慢慢傾,不知不覺過左接近兩少時。

IMG_0022.JPG

午市餐牌除左同樣供應兩款廚師發辦(刺身/壽司)之外,仲有超過15款御膳,包括自選壽司、刺身、海鮮丼、西京燒、天婦羅、燒活鰻、網燒西冷等。

套餐附沙律、茶碗蒸、味噌湯、甜品、咖啡/茶,定價二百至四百零蚊。

IMG_0015.JPG

IMG_0016.JPG

IMG_0017.JPG

IMG_0021.JPG

店員先送上熱毛巾,雖然係午市,但應有嘅服務都做到足,加茶、收拾、上菜速度等都有細心留意,起碼令客人覺得物有所值。

沙律、茶碗蒸

首先送上沙律、茶碗蒸,茶碗蒸香滑料多,略嫌蛋味唔夠。

IMG_0025.JPG

吞拿魚御膳 $420

喜歡吞拿魚嘅可以點呢款全10件吞拿魚盛,分別有拖羅、赤身、吞拿魚蓉卷、炙燒拖羅,擺盤非常精美。

IMG_0041.JPG

IMG_0050.JPG

最鐘意炙燒拖羅,油份爆棚,魚油香久久不散拖羅喺口中融化,肉質軟腍,肥美到不得了。赤身色澤紅潤,口感較清爽

IMG_0044.JPG

IMG_0046.JPG

IMG_0045.JPG

吞拿魚蓉卷頗有驚喜,用上赤醋飯,魚蓉份量不少,加埋蔥香,口感、味道都令人印象深刻

收得咁嘅錢,比一般壽司連鎖店層次肯定係要有分別

IMG_0043.JPG

自選壽司12貫 配稻庭烏冬 $280

喜歡呢度嘅壽司御膳提供自選,畢竟唔係所有魚生都啱食,可以自己揀就梗係最好啦。而且自選壽司款式有約20款,除左固定款式,仲會有每日精選。

除左海膽外,每款可選兩件,好吸引,我樣樣都想食!最終揀選左吞拿魚腩、深海池魚、三文魚、燒右口魚邊兩件、帆立貝、赤蝦、真鯛、炙銀鱈魚兩件、蔥吞拿魚腩、北海道海膽,共12件。

包含海膽、拖羅、真鯛、太刀魚等款式可自選,雖然唔及廚師發辦食到嘅咁特別,魚類所謂比較大路,穩打穩扎,但性價比不俗。最重要係質素高,不輸廚師發辦

IMG_0027.JPG

店家幫我地將軍艦後上,以免紫菜變腍,非常細心。先上十件壽司,我只係按個人喜好食,冇特別去按魚味濃淡排次序。真鯛白嫩,味道淡雅;帆立貝極度新鮮,鮮甜程度令人回味。

IMG_0036.JPG

IMG_0031.JPG

三文魚肥美;深海池魚口感爽滑,魚味比較濃。赤蝦軟滑,吞拿魚腩肥美無筋,魚油甘香

IMG_0034.JPG

IMG_0030.JPG

IMG_0037.JPG

最後當然少不了我最喜歡嘅炙燒右口魚邊,燒過後香氣濃,油份喺口中爆發,點夠兩件先滿足;炙銀鱈魚同右口魚邊口感唔同,但魚油一樣豐腴

飯粒中已加左山葵,用上赤醋米,壽司本身唔會好大件,米粒黏性適中,夾起唔散。

IMG_0032.JPG

IMG_0035.JPG

見我食得八八九九,店員就安排送上剩低嘅兩件軍艦,包括係蔥吞拿魚腩及北海道海膽,魚腩幼滑,加上蔥香,一定要點;最正係海膽軍艦啊,鮮甜飽滿,欲罷不能,可惜只係可以點一件,哈哈。

IMG_0052.JPG

IMG_0054.JPG

味噌湯

稻庭烏冬 (可選冷/熱)

食完12貫壽司後,來一碗小小嘅熱烏冬,烏冬煙韌滑溜,腸胃都滿足了。

IMG_0061.JPG

套餐包括甜品、餐飲,是日甜品為豆腐雪糕,豆腐味濃郁,雪糕細滑,高質呢。

IMG_0067.JPG


道鮨日本料理

地址:銅鑼灣渣甸街50號渣甸中心6樓


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

道鮨日本料理

用餐日期:2018/03/26

香港人對飲食追求愈黎愈高,尤其是日本料理,由早年比較流行嘅迴轉壽司到成行成市嘅放題改變,願意花錢去食啲高級日本料理,其中不得不提廚師發辦

廚師發辦不時不食,除左食物,仲講究環境、同師傅間嘅交流,我地唔係試過好多間,完全係門外漢,每次食都好似去學習般,加上師傅經驗豐富,令我地對好多食材有啲基本知識

坊間雖然都出現過一啲平價板嘅omakase,但食過嘅都應該知道係完全不同嘅體驗。

銅鑼灣道鮨日本料理可謂近期試過比較有水準嘅廚師發辦,位於渣甸中心,上左樓,加上係月初先開業,估唔到平日晚上都有咁多客人,相信靠口碑傳開。

打開電梯,可見餐廳裝潢走傳統日式風格,以木色為主,布簾、流水、竹葉等,環境清幽。(但好搞笑,播嘅係kpop,哈

michi-japanese -uisine-01.JPG

圍繞吧枱,最接近師傅嘅位置,約可坐七、八人,記得預訂位置。師傅就喺面前製作,透明度高,亦係廚師發辦嘅一大特色。

師傅根據當日新鮮食材,設計餐牌,可以享用當季魚生,而如果有特別需求,可向師傅提出,較為個性化。雖然價錢貴啲,但至少讓人覺得物有所值。

當晚約有八位客人,師傅都好細心,照顧到每位需要,試左定價每位$1200嘅omakase set,整餐飯接近兩個半鐘,氣氛歡愉,師傅亦不時提出有關食材嘅資訊,可以見到每道菜嘅配搭都係經過精心安排。

michi-japanese -uisine-02.JPG

michi-japanese -uisine-03.JPG

前菜:鴨胸、粟米湯

鴨胸軟諗,加上醬汁,幾開胃;粟米湯凍上,呷一口為以下美食作開始。

michi-japanese -uisine-04.JPG

真鯛刺身

先食魚背,再食魚腹,可算係食過最為鮮味嘅鯛魚,魚片爽脆。

michi-japanese -uisine-05.JPG

醬油八爪魚

八爪魚新鮮,味道濃烈,底下墊有昆布,吸收醬油,保留八爪魚本身嘅鮮味。

michi-japanese -uisine-06.JPG

赤貝刺身

一向係我個人私心之選,赤貝大粒,加上即磨山葵,帶出鹹鮮味

michi-japanese -uisine-07.JPG

清酒鮑魚

鮑魚薄片,味道香濃,配上赤醋米飯,一口接一口。

michi-japanese -uisine-08.JPG

梭子魚壽司

梭子魚屬春夏時令魚,面頭輕輕燒開,魚味濃郁,完全唔腥

michi-japanese -uisine-09.JPG

海膽魷魚壽司

魷魚黏身而爽,海膽份量大方,入口軟滑,平時唔係太喜歡海膽,係怕遇到唔新鮮嘅海膽,食廚師發辦基本上會食得好放心。

michi-japanese -uisine-10.JPG

車海老壽司

赤醋飯配山葵,加上新鮮車海老配搭,邊個唔鐘意。

michi-japanese -uisine-11.JPG

michi-japanese -uisine-12.JPG

地蛤壽司

加上醬油,突顯肉身鮮甜多汁,爽口唔韌,平時比較少食到咁大粒厚肉。

michi-japanese -uisine-13.JPG

烤白子

第一次食白子,聽就聽得多,烤白子微稠魚油感,口感好軟熟,難怪咁多人一試愛上。

michi-japanese -uisine-14.JPG

michi-japanese -uisine-15.JPG

生蠔

蠔身肥美大粒,配酸汁冇咁膩口。

michi-japanese -uisine-16.JPG

青柳貝裙邊、青柳貝壽司

青柳貝味道清甜,貝肉爽身薄脆。

michi-japanese -uisine-17.JPG

michi-japanese -uisine-18.JPG

毛蟹壽司

蟹腳鮮甜。

michi-japanese -uisine-19.JPG

魚籽

面頭以金箔點綴,更加豪華。三文魚籽粒粒飽滿,魚肉四溢,鮮味十足

michi-japanese -uisine-20.JPG

海膽手卷

海膽份量多,唔算好濃味嘅,口感軟滑,入口即溶,適合我呢種平時唔係太沉迷海膽嘅人。

michi-japanese -uisine-21.JPG

michi-japanese -uisine-22.JPG

拖羅壽司

唔係屬於油脂好多嘅部位,粉嫩色澤,食落較爽。

michi-japanese -uisine-23.JPG

最後,師傅都好貼心,仲問我地夠唔夠飽,可以來一個熱烏冬,但我地已經好飽,食左十幾款菜。

昆布清湯

清湯製作有誠意,昆布都係自家製,味道清淡暖胃。

michi-japanese -uisine-24.JPG

靜崗蜜瓜

一大片蜜瓜,瓜肉多汁香甜,作為結尾,取代甜品,相當滿足

michi-japanese -uisine-25.JPG


道鮨日本料理

地址:銅鑼灣渣甸街50號渣甸中心6樓


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

十下 SUPPA

用餐日期:2018/04/14

經常見到有人介紹銅鑼灣十下火鍋,一見到照片,就認得出店家的出品,辨識度高。火鍋位於永光中心,四四正正,枱與枱間有適當空間,坐得舒適。

suppa_01.JPG

IMG_2758.JPG

IMG_2740.JPG

suppa_03.JPG

裝潢走懷舊路線,有各種八十年代佈置、裝飾,格仔地磚、圓枱、雪櫃、日曆、熱水壺、雞毛掃、碗筷、霓虹燈等,令人置身舊式屋邨中,加上經典廣東歌,很有感覺。

走懷舊風的火鍋店不下一家,以整體裝潢、食物水準,十下做得出色。

suppa_02.JPG

suppa_04.JPG

suppa_05.JPG

suppa_06.JPG

火鍋配料單點價格稍高,相信有一部分人會選擇點套餐。套餐分兩款,包括鍋底、十款配料、飲品,定價每位$288/368,可加錢升級汽水以外飲品。

前者可配一般邊爐湯底,例如蕃茄魚湯、麻辣鍋、胡椒豬肚等;$368套餐可選湯底為較貴價款式,例如花膠魚肚湯、卜卜蜆湯、椰子雞、龍蝦鮑魚海鮮鍋(+$60)。

兩個套餐中的十款配料分別不大,選擇哪一款就視乎湯底。消費跟一般火鍋店差不多,火鍋配料很有本地風味,份量很足

suppa_07.JPG

suppa_08.JPG

醬油

suppa_09.JPG

十下2人精選套餐 $368/位

suppa_10.JPG

湯底:龍蝦鮑魚海鮮鍋 +$60

湯底豐富裡面有龍蝦、貴妃蚌、象拔蚌、翡翠螺、鮑魚、帶子粒、魷魚筒、大蜆,大部分為人頭份量,大蜆接近十幾隻,所以鐘意食海鮮不妨升級。

suppa_11.JPG

suppa_12.JPG

湯底除了海鮮,還加有蕃茄肉,不會太鹹。海鮮整體不俗,雖然不至於生猛,但以60元升級一定抵食

suppa_13.JPG

suppa_14.JPG

suppa_15.JPG

大刀手切本地牛肉

手切牛厚切、大塊,新鮮牛肉牛味濃郁,口感腍身不過注意時間,比較容易韌。

suppa_16.JPG

suppa_17.JPG

牛白胸膀油

牛胸油既不油膩,入口爽身,淥一淥即可。

suppa_22.JPG

三寶滑

見到廚房手打情況,三款分別為辣椒馬蹄牛筋滑、鮮打鹹蛋黃蝦滑、臘腸鯪魚滑,加上蟹籽點綴。賣相美之餘配搭有心思、新鮮感

三寶滑撻得夠,已起膠,牛筋滑有微微香辣味,馬蹄爽口;作為鹹蛋控就好喜歡粒粒鹹蛋黃蝦滑;鯪魚滑入口軟綿,加入臘腸,沒有粉感。

suppa_18.JPG

果皮魚蛋

配合懷舊主題,果皮魚蛋不能少。

suppa_23.JPG

漿爆瀨尿牛丸、流心粟米丸

瀨尿牛丸裡面用上瀨尿蝦肉餡,牛丸有彈性,名副其實會爆汁

suppa_19.JPG

脆炸響鈴、爽滑鴨血、蔬菜拼盤、寬冬粉

最後有蔬菜及一般火鍋配料,非常飽肚。

suppa_20.JPG

suppa_21.JPG

suppa_24.JPG

suppa_25.JPG

套餐包括每位一罐汽水,可以兩罐汽水並$10升級其他飲品,例如冬瓜茶、酸梅湯、甘蔗汁、洛神花茶等。

suppa_26.JPG


十下

地址:銅鑼灣登龍街28號永光中心2樓


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

ATUM Desserant

用餐日期:2018/04/05

一直都知道呢間餐廳很有名氣,大時大節、男女朋友生日,總會聽身邊朋友推薦,其中「席前甜品」為餐廳招牌,以創新藝術角度帶給客人新鮮感,甜品既呃like亦有相當水準。

甜品店位於16樓,裝潢簡約,帶點格調,景觀開揚,日頭採光一流,晚上配合夜景更有氣氛。店內有幾張梳化位,另外大範圍一張圓形吧枱,方便甜品師在客人面前即席「作畫」。

atum_01.JPG

atum_02.JPG

工作枱整潔衛生,枱底設掛鈎可放置個人物品。餐廳人氣不一般,正值公眾假期,我地都一早訂位,以免撲空,亦見到致電預約電話響過不停。

IMG_1858.JPG

IMG_1860.JPG

餐牌供應"improvisation",正是店家的招牌席前甜品,定價$348/2位;$522/3位。此外亦有其他藝術感滿滿的甜品。

飲品有茶、咖啡、果汁等,每位客人最低消費一款甜品。點餐後,店員好快送上歡迎飲品,士多啤梨汁味道清新,酸甜開胃

atum_03.JPG

席前甜品 $348/2位 

甜品師先鋪上膠墊,然後會問客人有沒有特別字句需要寫上,既然我們來慶祝生日,寫上happy birthday最適合不過

atum_04.JPG

atum_05.JPG

整福畫用上多種材料,包括幾款果醬,芒果、芋頭、椰子、紅莓;再配以果凍、果乾、忌廉、脆米作畫,可以想像得到口感會好豐富

atum_07.JPG

atum_08.JPG

抹茶麻糬、柑桔果凍、哈蜜瓜奶凍、梨子奶凍,樣樣都屬味道鮮明的配料,有清新、有較甜的。朱古力慕絲、烘乾70%朱古力片味道濃郁

atum_09.JPG

atum_15.JPG

脆脆是男朋友最愛。

atum_16.JPG

甜品師技巧純熟,手到拿來。一路畫畫外,亦一邊介紹食材,跟客人之間的互動是一般甜品店鮮有。

atum_10.JPG

然後再加入重頭戲  - 液態氮製作的分子雪糕。

atum_11.JPG

atum_12.JPG

椰子菠蘿分子雪糕清新鮮甜,而竹炭朱古力味亦很香濃。

atum_13.JPG

atum_14.JPG

做起大致圖畫後,甜品師亦都好「識做」,先為我們拍照。還為我加上蠟燭,十分細心

c.jpg

整份甜品既滿足眼球,味道亦相當不俗,加上煙霧瀰漫效果,我終於明白為何ATUM一直人氣高企。

Mocha 

atum_18.JPG

Chocolate 70%

atum_17.JPG


ATUM Desserant

地址:銅鑼灣駱克道459-461號The L. Square 16樓


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog:http://http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

和牛88 

用餐日期:2018/01/15

去到日本其中一樣必食嘅相信係和牛吧,來自沖繩嘅Steak House 88進駐香港,取名「和牛88」座落銅鑼灣登龍街,客人可以合理價格品嚐到不同部位嘅牛肉。

而且餐廳營業至凌晨,更加推出宵夜和牛套餐,成為不少人嘅深宵食堂

wagyu88_02.JPG

餐廳位於永光中心,裝潢富日式風味,座位不少,有吧枱、梳化、卡座、另有傳統和式包廂,環境舒適。平日嘅宵夜時間,人流唔算多。

店員可以更自在跟客人交流,感覺佢地對餐廳、日本都有相當豐富嘅認識,招呼亦很到位。

wagyu88_03.JPG

餐牌供應黑毛和牛刺身、和牛壽司、不同部位嘅和牛,有招牌火焰牛扒、牛柳、西冷、肉眼、和牛粒、漢堡扒等。

另有沙律、小食、前菜、鍋物、飯麵、甜品,迎合香港人需要,唔怕只有牛食咁單調。

至於宵夜套餐,每晚十點半至凌晨一點供應,有和牛牛柳、蓋飯、和牛漢堡等,定價$148-388,附沙律、餐湯、白飯/法包。

我地點左兩份宵夜,然後再追加正餐牌嘅薄燒和牛、幾件壽司,非常滿足

wagyu88_04.JPG

沙律、餐湯

wagyu88_05.JPG

wagyu88_06.JPG

燒和牛 $32、和牛大拖羅 $45、和牛鵝肝 $58 

和牛壽司有不同配搭,燒和牛、赤身、配海膽、配三文魚籽等,定價$32-68,有選擇困難嘅大可點廚師精選五款壽司拼盤

燒和牛呈淡粉紅色,脂肪較少,紋理分明,面頭嘅生洋蔥粒令一口燒和牛口感味道提升。和牛大拖羅係同行朋友之選,果然好似拖羅一樣入口即溶嫩腍冇筋,但牛嘅味道唔重。

wagyu88_07.JPG

wagyu88_08.JPG

和牛鵝肝上枱傳來香氣,鵝肝燒至微焦,慢慢喺口腔溶化味道濃而不膩,和牛都幾乎淪為配角。

IMG_6442.JPG

薄燒和牛壽司 $68

呢款相信係其中一款幾乎每枱客人都會點嘅和牛壽司,上枱後店員都先問我地需唔需拍照,我地準備好手機佢就以酒燒香和牛,肉質薄身,輕輕一燒已經食得。

wagyu88_09.JPG

wagyu88_10.JPG

除左視覺效果滿分,味道都係一流,炙燒過後,和牛油份逼出,油香十足,沾點附上嘅蔥花、蒜,更加香口

wagyu88_011.JPG

wagyu88_012.JPG

和牛牛柳 $388/200g (宵夜餐牌)

和牛牛柳以鐵板上,落單時店員會問到需要幾成熟,我地點左五成,賣相吸引,一份約切成十件,表面燒至金黃,肉質保持嫩紅,熟成度剛好。

wagyu88_13.JPG

由於會有鐵板餘溫,最佳味道、口感應該選擇三成熟會更好,不過同行朋友怕太生。食前可以加入大蒜汁,唔需要加多調味。

牛柳肉質嫩腍,外脆內軟,口感帶點嚼勁,脂肪均勻,唔會有油膩感。伴菜有薯仔、栗米、豆角,以洋蔥墊底,浸入牛柳嘅肉汁,我地食清光。

wagyu88_14.JPG

燒和牛蓋飯 $188 (宵夜餐牌)

和牛肉鋪滿碗中,香氣十足,配上白飯、雞蛋、沙律醬,食之前輕輕拮穿雞蛋,蛋漿流出,我地輕輕搞勻再食。

wagyu88_15.JPG

牛肉煎到嫩紅色,唔會太熟,肪肪唔多,口感柔軟,加入蛋漿,更加濕潤滑溜。

wagyu88_16.JPG

Like 店家facebook送嘅飲品:

wagyu88_17.JPG


和牛88

地址:銅鑼灣登龍街28號永光中心13樓


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

Pizza Maru

用餐日期:2017/11/30

位於銅鑼灣希慎廣場嘅Pizza Maru原來係韓國品牌啊,早幾年喺韓風好流行時已經開過黎香港,主要原材料都會由韓國進口,保持正宗嘅味道。

以健康為概念,佢地嘅麵團配方居然有專利啊薄餅有綠茶成份之餘,仲加入左亞麻籽、小球藻、大麥第健康殼物,製成嘅薄餅甚有特色。

IMG_7595.JPG

IMG_7594.JPG

餐廳裝潢簡約,韓式快餐風格,枱與枱間空間不多,一路聽住kpop。平日晚上,客人都非常多,基本上我地離開時都仲等緊位,客人以年輕人為主 

IMG_3018.JPG

IMG_3019.JPG

IMG_3020.JPG

餐牌供應多款薄餅,有牛肉、蒜香雞、泡菜、薯角等接近十款,分為9寸、12寸,更具彈性,即使人少少都唔怕食唔哂,定價$117/168。

鐘意食芝士嘅不能錯過,佢地有三款手工批邊可升級,包括金芝邊、摩卡邊、雙芝邊。

另外仲有芝加哥薄餅、黑米長批、炸雞、意粉、炒飯、拌飯、沙律、扒類、炸物小食、炒年糕、湯等,價錢唔算話好貴,難怪平日都人流不斷。

IMG_2630.JPG

韓式海陸 9" $133 (+$24雙芝邊)

呢個韓式海陸裡面有鮮蝦、牛肉、薯角、蘑菇、青椒、洋蔥,配料都幾多,而且我地仲加左雙芝邊,類似芝心批嘅意思。

薄餅以香辣醬、酸忌廉醬、馬蘇里拉芝士調味,非常惹味。呢度嘅薄餅有少少似麵包,餅底較軟腍,麵粉感唔重。

IMG_2640.JPG

每小件薄餅都有一隻蝦、牛肉,蝦仁彈牙;牛肉類似韓式做法,煎過,唔會太肥膩,但又有少少油份,所以成份薄餅食落都唔會乾 加上其他大量配料,口感豐富。

如果鐘意脆底嘅人未必會鐘意,但我地兩個都幾鐘意,而且完全唔覺得飽滯。加錢配嘅雙芝邊令口感提升,芝味都幾濃

IMG_2641.JPG

IMG_2643.JPG

韓國烤肉芝加哥 $176

薄餅上枱時已經切好哂,材料用處馬蘇拉芝士、芝士條、牛小排、臘肉腸、蕃茄、巴馬臣芝士、糖霜等製成,非常豐富。

薄餅嘅芝士香濃,拉絲效果出眾。自己都曾經喺尖沙咀食過類似嘅薄餅,相對之下,呢份嘅芝味更突出。

IMG_3039.JPG

IMG_3045.JPG

薄餅外層好香脆,而可能加左啲糖霜嘅關係,食落帶點甜,粉感唔重,不膩口。

每件薄餅有一塊烤牛小排同幾片臘肉腸,烤牛肉都幾香口,切成條狀,如果每份再多少少性價比會高啲整體呢份薄餅係非常好食,香口惹味。

IMG_3044.JPG

蜂蜜牛油秘製炸雞 $98/6件 ($183/12件) 

原味炸雞 $98/6件

炸雞份量彈性,好似我地咁人少,怕食唔哂可以選半份,個人最欣賞呢種做法,因為太多韓國餐廳嘅炸雞只有全隻,一食就十幾件,唔太適合人少食用。

半份六件啱啱好,雞脾、雞胸、雞翼都有。炸雞款式多,有蒜香甜辣、原味、火辣、蜂蜜牛油、洋蔥、芝士、蜂蜜蒜泥、紫蘇等。

IMG_2636.JPG

IMG_2638.JPG

比起醬炸雞,我比較鐘意呢種乾身嘅炸雞,雖然睇個樣有啲似快餐店雞,外皮炸到脆卜卜,完全唔會油膩,新鮮熱辣 雞脾肉嫩滑,保留雞嘅油份,食落唔乾唔鞋。

雞胸肉相對較大件,同埋口感冇咁滑。蜂蜜牛油味幾香口,主要係調味粉,唔會有好飽滯嘅感覺。至於原味相對之下,當然較為失色

(個人口味,都係比較欣賞Goobne chicken嘅烤雞!)

IMG_3024.JPG

火焰海鮮湯意粉 $96

揀呢個因為我地都比較鐘意啲香辣野,剛好見到有辣湯意粉,即管一試。湯底唔算好辣,容易入口,質地帶稠身,會比較容易掛汁。

意粉腍身,加上有啲蕃茄,酸酸辣辣,幾惹味海鮮就唔多,有四隻青口、少量魷魚圈。

青口不錯,雖然細細隻,但質地軟腍,唔會有雪藏青口硬到不行嘅感覺。魷魚圈則略嫌太幼身,煮得有點耐,比較乾韌

IMG_2632.JPG

IMG_2635.JPG

辣味魷魚烤蛋拌飯 $98

旁邊圍住有烤蛋,唔係好厚身,加左燈籠椒同辣醬去炒,食落香香辣辣,裡面仲有魷魚、椰菜、紫菜,份量唔算好多,不過簡單美味

IMG_3032.JPG

IMG_3035.JPG

Maru紫蘇炸魷魚圈 $73

魷魚圈係當中比較失望的,約有十件,中間一坨沙律菜。食落感覺唔係即時炸起,炸漿厚身,口感偏硬實,而非香脆。魷魚都係比較硬實,冇乜彈牙感覺

IMG_2634.JPG

Pizza Maru嘅薄餅相當出色,我地就食厭左連鎖餐廳嘅薄餅,事隔一段時間,先重拾對薄餅嘅興趣。而且款式夠多,唔怕冇選擇啊。


Pizza Maru

地址:銅鑼灣軒尼詩道500號希慎廣場13樓1302舖


檢視較大的地圖


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

丸作食茶

用餐日期:2017/11/25,  12/10

下月中去台灣,本來而家想少飲台式野,準備去到大飲特飲月尾行過,見到【丸作食茶】,原來準備開業,幾有興趣,諗住之後黎!新開張仲有9折,飲料控即試!

38076434365_cd9aeca174_o.jpg

來自台灣嘅人氣茶店(?),第一店選址銅鑼灣,裝潢參照台灣店,從玻璃房可以見到店員,即場製作珍珠,透明度高

38626917202_812b9e5f9a_o.jpg

38659060141_3603eaa289_o.jpg

店內分排隊買飛同取飲品兩條隊,剛開張,等候時間唔長,遲下有人報導的話,就唔敢講了(笑)  

38659058951_07e177cfd4_o.jpg

餐牌供應原茶、拿鐵、奶茶、抹茶、黑芝麻等特飲,定價$14-28,可加配手作奶蓋、珍珠(5款),定價$5-6。較特別有竹炭、黑芝麻同仙人掌口味,冰、糖度可自選。 

38626916802_bd83790954_o.jpg

38626916212_4f8a39d0a0_o.jpg

 

手燒焦糖奶茶 加焦糖珍珠 $23 (9折 原價$26)

甜度固定,個人認為都唔會過甜,可以接受。焦糖味突出,幾香,奶茶夠順滑。

焦糖珍珠橙黃色,唔會太甜,味道自然,幾啱我地口味。口感煙韌帶黏,又有嚼勁,似噍緊軟身嘅橡皮糖

珍珠份量大方,不過建議少冰,否則會卡住珍珠。 

如果影相效果突出,一定係揀黑洞拿鐵,黑白配,型。(事後見過網上評語卻話味道一般,哈哈)

38626914262_e1bfd2f19f_o.jpg

宇治抹茶拿鐵 加仙人掌珍珠 $28 (9折 原價$31)

有第一杯嘅經驗,今次點左微冰,珍珠唔會俾啲冰卡住,又怕太甜,所以點左微糖。

但唔知同奶量有冇關係,我呢杯抹茶拿鐵嘅鮮奶層好少,其他人嘅奶層有接近一半。

抹茶味道有,帶微微茶澀,不過茶粉融合得不太好,入口唔夠順滑。可能因為奶層少,跟抹茶混合後幾乎冇一絲奶味

至於仙人掌珍珠,呈紅紅地色,透透地明,份量大方,比第一杯試嘅焦糖珍珠淡得多,要好認真噍先有少少酸味,口感煙韌帶黏,又有嚼勁,會再試埋其他口味嘅珍珠。

38626912882_85083814a9_o.jpg
二訪係因為上次買兩杯飲品有抽獎機會,抽中左【買一送一】優惠券,於是再黎試試其他款式。

其實佢地當日都做緊【買一送一】優惠,不過我去到時100杯限額已售完。條隊排左廿分鐘,等飲品唔洗十分鐘,涼涼地我特別好耐性,又唔覺得話等左好耐

琥珀鐵觀音+奶蓋+黑芝麻珍珠、白玉珍珠 $27

因為茶底只需14蚊,加左3樣野都係27蚊,上次拿鐵不討我歡心,加上個人鐘意茶飲,於是揀左鐵觀音底,可惜呢度嘅茶香一般

始終沖定哂,同用單個茶包沖泡,有一定嘅分別。

奶蓋並冇好似而家流行嘅茶店咁,做出可以傾斜飲嘅杯子,取飲品時問過店員,佢地話原本係冇奶蓋的, 只係見香港人幾鐘意而加入,所以並冇特製杯子。

其實大可以好似KOI咁,喺杯邊界開。不過講咁多野,我都唔建議試奶蓋

奶蓋唔厚亦都唔算稠,奶香一般,反而係非常之鹹,太鹹sick(去到底完全唔想飲,搞到我淨番啲珍珠都冇食哂) 

因為上次試唔到黑芝麻珍珠,今次決定一黑一白,混搭白玉珍珠。

黑芝麻珍珠味道超濃郁,好似食緊芝麻糊,甜度適中。但比較霸道,基本上我全杯野只係飲到黑芝麻味 (但我幾鐘意的)。

至於白玉珍珠,甜甜地冇啥特別。珍珠口感係我鐘意的,煙韌有咬口

25090996288_4f81469ef4_o.jpg

香港愈開愈多茶飲店,但要搵一家有質素嘅都唔易。 


 丸作食茶

地址: 銅鑼灣禮頓道138號希雲大廈地舖


檢視較大的地圖


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

101手工涮涮鍋

用餐日期:2017/11/29

最近麻辣鍋大行其道,但多食都冇乜新鮮感,最近試過位於銅鑼灣金朝陽中心嘅101手工涮涮鍋,主打台式火鍋,好評甚多,所以都幾有信心,定價中上。

比較適合大胃口嘅人士,畢竟呢個價錢仍然有好多選擇。

IMG_2626.JPG

餐廳位於大廈29樓,店內位置非常大,有卡位、梳化位,亦有房間供應,落地大玻璃,居高臨下,景觀一流,人多可以預先訂位。

IMG_2623.JPG

IMG_2624.JPG

另外設有戶外位置,方便吸煙嘅客人,又或者唔吸煙嘅客人也大可出去吹吹風,飲杯野,隱約望到過對面海,加上微微涼風,幾舒適

IMG_2600.JPG

IMG_2616.JPG

餐牌供應【無限時任飲任食套餐】,基本係包括前菜鍋底(2-6人選一款鍋)、肉類(每兩位一碟),另有手工火鍋拼盤(人頭份)或台灣夜市拼盤、一份手工炸響鈴卷及炸魚皮、飲品任飲、甜品(人頭份)。

另外有精選火鍋配料超過30款可無限追加,有肉類、魚腩、丸餃類、蔬菜、麵食等。

如果鐘意食海鮮嘅可以每位另加$58有五款海鮮拼盤

7518818208_IMG_2560 (1).JPG

7518818208_IMG_2561.JPG


醬料 $15/位 (基本嘅都有齊,個人特別喜歡XO醬,夠哂香辣)

7518818208_IMG_2564 (1).JPG

前菜 (麻辣醬手撕雞、麻辣木耳)

前菜無限追加,兩款都好食,木耳夠哂爽脆,帶微微麻辣,夠哂入味。手撕雞更容易入口,唔會好麻辣

7518818208_IMG_2563.JPG

IMG_2605.JPG

台式香辣三杯卜卜蜆涮涮鍋

鍋底有10款選擇,以雞、卜卜蜆配唔同嘅味道為主,例如冬蔭公/冬瓜/酸菜/香辣三杯卜卜蜆,香辣三杯雞、麻辣雞、沙茶雞,另有紅燒牛肉鍋酸菜白肉鍋等。

我地四位可以選一款,揀左香辣三杯卜卜蜆鍋,因為同行朋友唔係好食得辣,選左少辣。

IMG_2572.JPG

鍋底都幾多配料,有卜卜蜆,其實係沙白嘅大小,豬紅、娃娃菜、洋蔥、蕃茄、墨魚丸、蘿蔔等,雖然揀左少辣,但都幾惹味,鍋底香辣唔油膩,怕辣嘅應該都食到。

IMG_2591.JPG

蜆肉份量唔算好多,乾淨冇沙;豬紅軟腍,墨魚丸都明顯食到有墨魚粒。點呢個湯底基本上唔需要醬料都好入味。

IMG_2594.JPG

IMG_2592.JPG

海鮮拼盤 +$58/位 (人頭份量)

考慮到有啲朋友未必鐘意食海鮮,做法比較有彈性,可選擇個別追加與否。咁我地見陣容咁吸引,四個都追加左。

拼盤有珍寶美國桶蠔、鮑魚、大海蝦、馬刀貝、蜆,按人頭份量上。除左蜆之外,每人一份。

桶蠔真係好大隻,冇雪感,淥完都冇乜野縮水,回味。大蝦、馬刀貝新鮮爽口,而鮑魚則比較腍身,蜆就係卜卜蜆嘅size,較為普通。

IMG_2578.JPG

IMG_2580.JPG

IMG_2581.JPG

肉類 (每兩位選一碟)

手切安格斯prime grade牛頸脊肥牛片/西班牙伊比利亞黑毛豬肉片/西班牙伊比利亞玫瑰黑毛豬頸肉,我地揀左肥牛片同豬肉片。

牛肉肥脂平均,牛味重而腍身;豬肉片薄片,唔需要淥好耐,入口夠腍唔柴

IMG_2565.JPG

IMG_2567.JPG

101特選手工火鍋拼盤 (人頭份量)

墨魚汁鳥結糖、黑松露蟹籽海鮮軍艦、太極冬菇、黑松露蟹肉餃、安格斯牛丸、黑松露芝士豚肉餃、三重芝士鮮蝦丸、三重芝士鮮墨魚丸

非常豐富,擺盤精美。幾丸類基本上都好新鮮彈牙,蝦丸同墨魚丸都有明顯流心;蟹肉餃味道唔算太突出,餃皮薄身餡唔易散;豚肉餃皮比較厚,我自己就麻麻地鐘意食。

IMG_2573.JPG

IMG_2574.JPG

IMG_2577.JPG

太極冬菇釀左墨魚滑,都幾爽爽口;鳥結糖比較少見,墨魚汁味道頗濃,口感煙韌。

IMG_2575.JPG

手工即炸響鈴拼手工即炸魚皮

兩者都係即時炸起,口感香脆,響鈴size巨型,加上香辣湯底,特別入味。

IMG_2584.JPG

IMG_2590.JPG

台灣沙茶滑牛片、八寸長鱈場蟹棒、午餐肉、日式芝士竹輪卷、冬瓜、豆腐

其實食哂佢套餐入面嘅野,都已經好飽肚。但見有張配料紙任點,我地就點少少野試下啦。

相對套餐入面嘅食材,呢啲就比較正常,係一般火鍋店食到嘅質素。其中沙茶滑牛,朋友就讚幾濃味,幾好食。

其實仲有好多款配料都係任食,自問都算大食,但都冇本事試哂,哈哈。

IMG_2603.JPG

IMG_2607.JPG

甜品:木槺珍珠奶茶布丁

布丁質地較為流質,都幾重奶茶味,可惜面頭嘅木槺粉有點格格不入

IMG_2620.JPG

飲品

好誇張,呢度同其他火鍋店其中一個最大分別,就在於飲品,亦係台式二字展現之處,一般喺火鍋店點飲品都唔平啦,更何況幾有誠意

超過20款台式飲品都係任飲,而且味道都唔差,不過留意,會比較大杯,可能會飽肚。分別有倒插沙冰、水果冰茶、盆栽奶茶、汽水、咖啡等都係任飲。

奶茶系列幾有驚喜,珍珠亦都幾煙韌。不過朋友點嘅兩杯愛文芒都一般,唔推薦

柑桔檸檬沙冰、青蘋果水果茶、愛文芒水果茶、蜂蜜水果茶、盆裁珍珠奶茶、盆栽香芋珍珠、盆栽特濃朱古力珍珠

IMG_2568.JPG

IMG_2569.JPG

IMG_2570.JPG

IMG_2571.JPG

IMG_2608.JPG

週一至週四定價$398/位,星期五、六日、假期前每位加$30。加埋海鮮、醬油、服務費,人均差唔多500蚊有多,但好處係無限時,而食物都幾有水準,我地四個都覺得值回票價。


101手工涮涮鍋

地址: 銅鑼灣登龍街1-29號金朝陽中心2期29樓全層


檢視較大的地圖


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

I Love You dessert bar

用餐日期:2017/11/25

食甜品 以前多數淨係會點心太軟,梳乎厘眼尾都唔望下,自從出現一樣叫梳化厘班戟嘅野,我有少少著迷感

熱潮唔知幾時會消退,但至少而家好多甜品店,即使唔係專門做梳乎厘,都一樣有供應。

白布街嘅班戟店,喺新開嘅時候食過一次,賣$28份,排哂長龍,當時食過,覺得以價錢黎計 算中規中矩,唯獨口感像風一般,唔係我鐘意嘅類型

銅鑼灣分店其實都開左 一段時間,礙於唔太鐘意食風,一直未訪。由於我冇再去過旺角店,所以唔清楚兩邊供應嘅款式有否唔同。

但選址銅鑼灣,設堂食,定價比旺角只有企街食高一半,分店位置唔多,冇乜特別嘅裝潢,相對用個紙兜企街食,我寧願俾多一半,用玻璃碟鐵叉 ,加有個位坐,所以並唔覺得特別貴

IMG_7020.JPG

餐牌供應10款梳乎厘班戟,底蘊都係嗰件戟,在於味道、配料不同;另有拿破崙班戟,目測係疊起左嘅班戟,甜品定價$42-59。

設最低消費每人$35,唔食班戟,點杯熱飲就到數。

IMG_7021 (1).JPG

IMG_7022.jpg

日本紫薯梳乎厘班戟 配甜薯、豆腐雪糕 $59

我諗呢份梳乎厘並非即製,因為前後十鐘就上枱,加上只係好微溫。班戟依然係原味,只係面頭灑上少量紫薯粉,所以並唔會有好重紫薯味。

IMG_2435.JPG

班戟明顯同旺角店食嘅不同,因為嗰個一陣風嘅感覺太強烈,記憶猶新。 呢份空氣感唔會太重,帶點實在感,但又唔會似食紙杯蛋糕。

 

IMG_2433.JPG

IMG_7026.JPG

唔知係咪並非即製,蛋香稍弱, 但伴著帶甜嘅滑忌廉食,頗有驚喜

伴碟嘅紫薯蓉質地比較粗糙,入口香而不甜,甜薯片脆口。豆腐雪糕旁灑有木糠,豆腐味濃郁,唔會好快溶,不錯食。

IMG_2432.JPG


為滿足最低消費,我地食到咁上下,就多點一份班戟,第二份冇失望呢

揀左自覺較特別嘅流心奶皇嗰款,店員話需時等候,大概係因為要營造流心效果,而冇法一早整定。那麼更好,因為我時間多的是,唔怕等。 

事實證明我食兩左份,即時做嗰份係好食得多 (等左30分鐘有多)。


流心奶皇梳乎厘班戟 配豆腐雪糕、蓮蓉馬卡龍 $56

梳乎厘上枱時脹卜卜,厚身飽滿,而到食完一刻都未有下塌同漏氣。用力擠壓下,見到梳乎厘嘅輕盈鬆軟,蛋味香,比第一份出色

空氣感唔會太重,有點實在,但又唔會似食紙杯蛋糕。 

IMG_2439.JPG

IMG_2438.JPG

IMG_2440.JPG

第一件班戟並冇流心,有啲似奶皇包餡,食到中間會有小小蛋黃;第二件切開依然冇流心,但有少少蛋黃汁咇出黎,鹹香同班戟幾夾,口感會較濕潤

馬卡龍脆身,但個人口味覺得蓮蓉呢件事太中式,唔多夾而且有點甜

由於我對件戟本身幾滿意,就唔苛刻流唔流心呢一點喇

IMG_2443.JPG


唔知係咪冇抱期望入黎,又覺得幾好味喎!今次第一次黎銅鑼灣店,未知水準能否喺我下次再訪時保持


I Love You Dessert Bar

銅鑼灣希雲街28號希雲大廈地下30號舖


檢視較大的地圖


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog:http://http://bit.ly/ywycarol

Contact us: mrmrsfoodhk@gmail.com

 

文章標籤

I'm Carol 發表在 痞客邦 留言(0) 人氣()

FireBird

用餐日期:2017/10/29

位於銅鑼灣邊寧頓街嘅FireBird係一間日式居酒屋,以串燒為主,同時供應多款日式料理,消費不高,食材例如雞蛋、和牛、鮮魚日本直送,由日本師傅主理,質素有保証。

餐廳位置唔多,一邊係吧枱,有少少酒吧格局,面前就正係開放式廚房,如果鐘意坐吧枱,較有氣氛的話,建議預約位置;另一邊係高枱高櫈,但都唔會覺得不舒適。
firebird_01.JPG

firebird_02.JPG

餐牌供應沙律、前菜、刺身、壽司、炸物、串燒、日本料理、鍋物、茶漬飯、甜品,選擇豐富,定價合理。
firebird_03.JPG
 
前菜盛合 (6點) $88
參考懷石料理嘅概念,前菜六小碟,佐酒不錯。分別有玉子燒、日本蒜頭、蟹籽蘿蔔蓉、瑩光魷魚、日本蘆笋、芝士鰻魚組成。
作為前菜,幾開胃。玉子燒香甜;芝士鰻魚嘅芝士粒creamy;日本蒜頭好特別,蒜味唔重鹹鹹地,口感爽脆
唯獨瑩光魷魚比較腥,唔啱口味
firebird_04.JPG
 
明太子芝士椰菜燒餅 $68
一次過可以試到兩款味道嘅燒餅,左邊係燒汁,右邊係芝士明太子,各有特色,滿滿蛋汁同柔軟嘅雞蛋,裡面加有椰菜絲,口感豐富。
firebird_06.JPG

firebird_07.JPG

山盛! 芥末脆脆薯條 $58
薯條新鮮炸起,熱辣辣,調味唔會太鹹,份量頗多,兩個人食極都食唔完。
firebird_05.JPG
 
珍寶海老天婦羅盛合 $158
除左珍寶蝦,另搭配茄子、蕃薯、紫蘇葉,非常豐富。我都係第一次食咁大隻天婦羅蝦呢,一共兩隻,性價比幾高嘅炸物,畢竟隻蝦有一隻筷子咁長啊
天婦羅炸漿唔厚,香脆鬆化,蝦肉彈牙鮮味,實在大滿足
firebird_08.JPG

firebird_09.JPG

鹿兒島霜降A4橫濱風和牛燒2人前 $298
鹿兒島出產嘅和牛油脂分佈平均,和牛肉呈嫩紅色,一場黎到,都要試試。一份約左十件,配上野菜,例如洋蔥、雜菌、茄子,伴味噌汁。
firebird_10.JPG
店員首先用和牛油脂燒熱個爐,然後輕輕炒熱野菜,再加入和牛,翻兩三下,最後加入味噌汁食得,十分期待
和牛粒肥美,肉質嫩滑,以味噌調味,唔會太嗆。茄子、洋蔥、椰菜等都煮得香甜。
firebird_11.JPG

firebird_12.JPG

firebird_13.JPG

firebird_14.JPG

firebird_15.JPG

鮭魚茶漬飯 $78
享用和牛途中上左一份茶漬飯,我地都無瑕欣賞。
飯團燒至微脆,帶飯焦感,面頭係燒鮭魚,附上微溫嘅湯汁,食嘅時候先加入。飯焦香口,鮭魚略乾略鹹,幸好湯汁清淡。
firebird_16.JPG
firebird_17.JPG
 
富士雪山布甸 $58
吸睛度高嘅甜品,店員以火槍加熱棉花糖,待棉花糖慢慢溶化後就會見到甜品嘅真身,原來係雪糕、布甸
面頭微脆,雪糕小小一球,配合布甸食冇咁甜膩。布甸質感稍實,奶味重,而且見到裡面有雲呢拿籽呢。
firebird_18.JPGfirebird_19.JPG

firebird_20.JPG

Frozen Grapefruit Cocktail $68
帶清新水果香,柚子、燒酒加上梳打水做成,酒味唔會太濃烈,容易入口。
firebird_21.JPG
 
Lava Flow $78
賣相吸引,以士多啤梨、菠蘿為主嘅飲品,忌廉細滑,飲落香甜唔假。
firebird_22.JPG

FireBird

地址:銅鑼灣邊寧頓街13號隆堡柏寧頓酒店地下


Follow us:
文章標籤

I'm Carol 發表在 痞客邦 留言(0) 人氣()

Goobne Chicken

用餐日期:2017/10/21, 10/28

Goobne Chicken係香港數一數二嘅人氣烤雞店,佢地嘅烤雞不經油炸,外層薄而香脆,雞肉嫩滑而不油膩,因此都喺短時間內開設多間分店。

其中銅鑼灣店位於登龍街,位處高層,日頭天氣好、日落、入夜景色真係幾正。餐廳佔地頗廣,相對其他分店闊落,坐得舒適。

goobne_01.JPG

goobne_02.JPG

裝潢簡約,但又有格調,特別配上大玻璃,視野廣闊,環境滿分。

goobne_03.JPG

餐牌選擇豐富,有鐵板雞、烤雞、年糕、部隊鍋、魚糕湯、沙律、雞蛋卷、豬肋骨等,仲有埋韓式雪冰,定價中上。

食韓國野最好都係一班人黎,一來烤雞份量多,可以分享,二來消費冇咁高。

goobne_04.JPG

因為呢間分店比較大,所以枱面上都一個按鈴,有需要可以按下。

goobne_05.JPG

蜜糖咖喱烤雞 $185

烤雞有多款口味,例如原味、韓式BBQ醬、甜辣、果味蒜香、黑椒、三重芝士等,$165-$208,部分口味可選擇雙拼,人多嘅話可以方便試多幾款。

炸雞同烤雞二選一的話,我都係毫不猶疑揀後者的,Goobne嘅烤雞強調不經油炸,反而用烤嘅方法令雞保持香脆口感,雞肉嫩滑,而且不含反式脂肪

先不講食烤雞食得健康咁誇張,至少冇炸雞咁油膩,自我感覺良好 

一份烤雞約有12件,雞件睇落勁吸引,餐廳提供手套、濕紙巾等客人食得方便點。雞皮烤至香脆,薄薄一層,完全唔會有油膩感。

goobne_08.JPG

雞肉咬一口,依舊嫩滑,外脆內嫩,質素確實不錯。味道方面,雞皮有香甜蜜糖味道,仔細嚼會食到咖喱味,唔會太濃烈,亦都唔會辣,相信係一般人都會喜歡嘅口味。

附上一小碟醬汁同蘿蔔,食哂一份都唔會覺得好滯

goobne_09.JPG

芝士炒年糕 $165

呢份都係我地幾乎每次黎都會食的,芝士炒年糕份量都幾足,裡面有麵、年糕、雞蛋、魚糕片,加入大量芝士,用鐵板上,熱辣辣。

年糕條幼身,煮到煙煙韌韌,好美味。魚糕則比較厚啲,幸好粉感都唔重。麵嘅份量唔多,兩個人分享足夠

味道方面甜甜辣辣,醬汁唔會太多,芝味濃郁,雖然價錢唔平,但確實幾好食

goobne_06.JPG

goobne_07.JPG

韓式雞蛋卷 $148

雖然只係雞蛋卷,價錢又唔平,但真係幾好食,而且都算係食過咁多間韓國野之中,比較好食嘅雞蛋卷。

煎雞蛋卷裡面有黃瓜、蘿蔔、午餐肉、芝士、紫菜呢啲材料,其實好簡單,但我試過自己做,當然冇人地做得咁好食。

外面嘅蛋都煎得唔老,略嫌乾身左少少。材料多,口感豐富,黃瓜、蘿蔔爽口。芝士份量唔多,但芝味濃郁,另外附上嘅沙律醬汁帶少少辣,可以解決雞蛋卷有啲乾嘅情況。

goobne_13.JPG

goobne_14.JPG

砂鍋魚糕湯 $150

魚糕湯定價同一般連鎖韓國野差不多,但魚糕嘅份量都幾多,而且有數款,有偏身嘅魚糕片、有餡嘅魚糕等,裡面仲有幾粒丸。

湯底清甜,唔會太鹹,飲落暖笠笠,因為只係加左幾片紅、青辣椒,辣度唔高,一般人都食到。魚糕嘅質素都唔錯,粉感唔重,亦都幾彈牙。

goobne_10.JPG

goobne_11.JPG

芒果雪奶冰 $88

一共有五隻味,紅豆牛奶、芒果、士多啤梨、綠茶、朱古力曲奇,樣樣都想試,掙扎下揀左芒果。

店員提我地,因為雪冰製作大概要15分鐘,所以最好預番少少時間,差唔多食完主菜先點,就啱啱好,好細心。

雪奶冰嘅賣相都幾吸引,外型睇落有少少似金元寶。雪冰嘅份量都好多,兩至三個人share剛好

雪糕係普通品牌,冇乜特別。芒果粒分佈平均,雖然唔係好大粒,但入口香甜,而且呢個size方便食用。

冰嘅面頭淋上大量奶漿,啖啖都有味道,亦都考慮到會唔會食食下冇味,所以喺中間都有唧到奶漿,唔會冇味。

goobne_15.JPG

柚子沙冰  $58、藍橙沙冰 $58

個人係非常唔建議點飲品,一來價錢唔平,二來味道真係不怎麼樣,甜度太高

goobne_16.JPG

goobne_17.JPG


呢間分店環境真係唔錯,週末客人不少,入座時限  90分鐘,上菜夠快,時間足夠有餘。


Goobne Chicken
地址:銅鑼灣登龍街18號V Point 25樓


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

 

文章標籤

I'm Carol 發表在 痞客邦 留言(0) 人氣()

V.Thai

用餐日期:2017/09/24

香港有唔少主打東南亞菜嘅餐廳,其中以泰、越美食最受歡迎。講到泰國菜好多時都會提到九龍城,畢竟好多仍然係泰國人主理,由裝潢到店員都好地道。

不過都有唔少人鐘情新派泰越菜,環境企理啲,服務講究啲,食物同樣有水準。位於銅鑼灣商廈嘅V.Thai主打泰越菜式,加入融合元素、概念創作不少全新風味,水準不俗。

餐廳裝潢簡潔,以梳化位、卡座為主,光線充足,驟眼睇就唔算話好有泰菜特色嘅裝修,但間中都見到有啲大象擺設。環境方面唔錯,坐得舒舒服服

vthai_01.JPG

vthai_02.JPG

vthai_03.JPG

雖然係週日晚上,但客人唔多,可能餐廳尚新,因此店員招待都細心有禮,不時換上乾淨嘅碗碟,食物方面都頗有水準,而且價錢合理,可以一試呢,新張期間仲有啲款式有優惠價

餐牌供應泰越菜式,選擇豐富,有小食、串燒、沙律、湯品、海鮮、咖喱、主食、蔬菜、粉麵飯、甜品,亦都有較特別嘅融合菜式,例如蝦球伴鵝肝、慢火灼魷魚等。

vthai_04.JPG

泰越拼盤 $128

一行四人決定點個拼盤,唔洗煩,試到多啲款式。拼盤有一口春卷、扎肉炸蝦片、香茅單骨雞翼、手打蝦餅四款,即時製作,新鮮熱辣。
蝦餅表面炸至香脆,肉質彈牙;一口春卷酥脆唔油膩;單骨雞翼入味肉嫩;扎肉炸蝦片都係常見菜式,唯一挑剔係醬料盤太窄,唔能夠成塊蝦片浸到酸辣汁。
 
vthai_05.jpg

vthai_06.jpg

慢火灼原隻魷魚 $88(原價$128)
原隻魷魚有兩款煮法,可炭火燒或慢火灼,因為後者有新張優惠價,一於試下。魷魚原隻上,簡單加有青紅辣椒、蔥花調味,配上芥茉豉油。
魷魚十分嫩滑,而且爽口,烹煮時間剛好,冇加入繁複嘅調味令魷魚嘅鮮味更為突出,沾少少芥茉食已經簡單美味,但如果可以配個泰式生蝦汁俾我就更加正,更為惹味

vthai_07.jpg

vthai_08.jpg

咖喱皇金瓜海蝦 $188
實物比圖片更多咖喱汁,我地幾個唔太肚餓,否則應該點個飯撈汁,咖喱調整至適合香港人口味,濃淡得宜,而且唔辣,容易入口。
海蝦一共六大隻,非常新鮮,肉質爽口,裡面仲有唔少入味嘅金瓜。

vthai_09.jpg

vthai_10.jpg

西貢路邊燒春雞 $108/隻
即時製作,所以燒春雞接近最後先上枱,但一行四人都覺得春雞值得一試
上碟前已經分好四份,方便食用。燒雞皮香脆唔油膩,雞肉十分嫩滑,加入香料燒過,味道獨特,唧少少青檸汁,味道更加突出。
 
vthai_11.jpg
馬拉盞炒椰菜苗 $88
每次食泰國菜幾乎必點椰菜苗,輕輕加少少辣椒、蒜蓉去炒已經好入味。椰菜苗鮮嫩,完全唔會有苦澀味,食落爽脆,而且有豐富鉀質,仲有助消化。
 
vthai_12.jpg
飲品方面選擇多元,有鮮果汁、沙冰、朱古力、咖啡。追求健康嘅朋友可點鮮榨果汁,提供多款配搭,例如牛油果乳酪、西柚、青瓜、水蜜桃、奇異果等

至於我就推薦原個菠蘿沙冰,夠哂清甜。

vthai_15.jpg

vthai_13.jpg

vthai_14.jpg

vthai_16.jpg

vthai_17.JPG


V.THAI 
地址:銅鑼灣渣甸街66號Aura on Pennington 3樓
 
文章標籤

I'm Carol 發表在 痞客邦 留言(0) 人氣()

韓讚

用餐日期:2017/09/09

我最鐘意嘅韓綜三時三餐又開播了,經常追看,睇睇下都會特別想食韓國菜,最近都食左好幾間,當中以呢間「韓讚」最好食

呢棟大廈可能仲新,暫時得兩間食肆,相信之後會愈黎愈多餐廳進駐。

韓讚位置都幾闊落,裝潢都幾靚啊,藍色牆身撞黃、白天花,地板不規則嘅配色,木枱配上木色、黃綠色椅子,感覺年輕。

21371338_682127388646152_3312768218650046837_n.jpg

21557497_682126875312870_2501116815692133471_n.jpg

21432999_682126891979535_5695862278163006479_n.jpg

餐牌選擇豐富,有鍋類、沙律、餃子、煎餅、紫菜卷、鐵板烤肉、湯品、炸雞、飯麵、三文治、鬆餅、甜品等,定價合理,同一般連鎖韓國餐廳差不多。

飲品選擇都好多,有韓式飲品、梳打、咖啡、朱古力、抹茶、水果茶、沙冰等,仲有鮮果汁,見到隔離枱點左,會即場用榨汁機榨搞到我地仲心思思即刻上網睇下部榨汁機咩價位,想買部番公司玩下

落單後,店員好快送上沙律、小菜,沙律幾新鮮,而泡菜味道都唔錯,不過就唔係任食,每碟係$20。

21371194_682126898646201_8109170343075011240_n.jpg

21370864_682126901979534_4696265124339224665_n.jpg

辣醬炒年糕 $118

炒年糕嘅味道對辦,除左圓形年糕,仲食到唔少沙白、魷魚、泡菜,年糕煙韌,份量不少

21558576_682126955312862_4517259742251692647_n.jpg

21462796_682126958646195_6740164772491533227_n.jpg

韓潮炸雞 $98

全晚點嘅菜都好滿意,唯獨呢份炸雞,有點失望

醬嘅味道調配得好,唔會太黏太稠身,但雞嘅炸漿偏厚硬,而且唔知點解試左好幾舊,都冇乜肉食,顯得粉更加厚

21430314_682127128646178_8200031106691477899_n.jpg

韓潮春川芝士鍋(牛仔肉)配韓國麵一份 $298

最期待嘅芝士鍋出現了,呢款芝士可以配牛仔肉/雞肉/黑豚肉,店員先送上鍋、牛仔肉、配料、芝士,然後一邊幫我地炒一邊教我地點做。

雖然加入左好多辣醬,但容易入口,唔會覺得好辣,牛仔肉炒過都嫩腍十足,而且份量大方,唔會得幾片,卷埋爐邊芝士食,芝味濃郁,輕鬆拉絲,好美味

配料仲有菇、洋蔥、年糕、薯仔、瓜、蘿蔔、娃娃菜,加埋辣醬炒,又香口又惹味。

臨尾仲整番個韓國麵,望落有啲似讚歧烏冬,不過炒過之後屬於爽口,冇咁煙韌。人多嘅話可以一試啊,因為份量不少。

21430542_682127055312852_6535642938303860983_n.jpg

21430285_682127058646185_2272863386403928783_n.jpg

21432946_682111431981081_4419308904907814624_n.jpg

21369638_682111535314404_5680999550553377465_n.jpg

21371235_682127335312824_8583394373796461627_n.jpg

21430582_682111631981061_6023343497860625883_n.jpg

21371125_682127421979482_5858279782589203800_n.jpg

海鮮煎蔥餅 $108

除左海鮮煎,仲有泡菜餅、馬鈴薯餅,鐵板上,煎餅略厚,不過煎得幾香脆而且唔會油淋淋,裡面有唔少魷魚,中規中矩

21369561_682127341979490_6104397532287602334_n.jpg

海鮮豆腐湯配白飯

湯品方面仲有牛肉粉絲湯、銀鱈魚湯、牛骨湯、泡菜湯、水餃年糕湯,當然唔少得人蔘雞湯。

海鮮豆腐湯豆腐滑溜,裡面有少量沙白,湯底容易入口,唔會太辣太嗆喉,送飯一流(當然係得我喺度食食食)

21371287_682127221979502_5738732330928553117_n.jpg

21432974_682111451981079_6193055179179837961_n.jpg

朱古力恐龍、oero沙冰、鮮芒果沙冰、鮮菠蘿沙冰 $35/杯

21462315_682126928646198_6172734626525265474_n.jpg

21463008_682126985312859_6627212526963600574_n.jpg

21432987_682111345314423_2156216443226315473_n.jpg

呢間餐廳環境唔錯,坐卡位望到街景都幾舒服,除左炸雞一般之外,其他菜式都好滿意

加上可能新開業,客人未算好多,店員都好細心招呼,令我地邊食都邊笑話有下次啊,希望下次黎仲keep到 (笑)


韓讚
地址:銅鑼灣渣甸街66號Aura on Pennington 2樓


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog:http://http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

茶之環

用餐日期:2017/06/11

茶之環嘅布丁係兩個月前見有人介紹,然後一直好想試的。估唔到事隔足足兩個月,機會終於黎喇飛雲。

是日去到銅鑼灣食飯,順個便帶左兩個布丁回家。

city super內嘅店面唔大,陳設各式嘅抹荃產品,好似年輪蛋糕、雪芳蛋糕、饅頭、銅鑼燒、蛋卷、抹茶朱古力等,定價中上。

由於一心食布丁,就專注一項

店員話買兩杯平6蚊,小恩小惠確實有助銷情,哈哈,買兩款試下。 佢問我係即食定拎走,然後幫我包裝,事後番到屋企拆開先見到。

紙袋以卡紙鞏固底部,再用膠紙輕輕貼好布丁杯固定,旁邊放有小冰包、紙巾、匙更,盡顯細心

19030283_641293519396206_4307243880065490123_n.jpg

19030296_641293522729539_9050990402285748966_n.jpg

抹茶焦糖配牛奶布丁 $45

焙茶焦糖配牛奶布丁 $45

買兩個收費 $84,綠色包裝係抹茶味,啡紅色包裝係焙茶味,實物非常迷你(睇相唔覺細杯到咁),三四啖可以食完

19030231_641293479396210_8808436646441141625_n.jpg

首先係兩層牛奶布丁,口感滑溜,淡淡牛奶味,唔會搶過主角風頭。

19148970_641293476062877_7631843694686697729_n.jpg

抹茶布丁味道香濃醇厚,有回甘效果,布丁食落厚滑

19113784_641293486062876_1268441151069505368_n.jpg

一向都鐘意焙茶甜品,呢個焙茶布丁茶香十足,帶明顯烘焙味道。可惜布丁質感唔夠抹茶嗰款滑溜,有少少茶粉未完全融合嘅感覺
兩杯布丁底層都有焦糖醬,唔會好甜,份量唔多,純粹食到底令布丁冇咁糊口,冇乜特別。

19029676_641293496062875_5539884423550281515_n.jpg

整體兩款味道都唔錯,個人比較喜歡抹茶布丁,但呢個份量相對售價,性價比略低呢,不能常吃


茶之環
地址:銅鑼灣勿地臣街1號時代廣場B1樓 city'super

 

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog:http://http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

1 2