再窮都要去旅行！

是蛋

週末或者公眾假期，怕人多，總是不敢去離島；早前趁清大假的日子前往長洲，平日較悠閒，餐廳不至於人頭湧湧。食肆多了，不再只有海鮮、糯米糍、大魚蛋，反而愈來愈多年輕活力的小店。

「是蛋」是其中之一，主打以雞蛋製作的料理，卡邦尼、西多、炸蛋等。小店一間，對出品有要求，並不是是旦旦。

「是蛋」選址長洲北社街，白色門面、簡約無花巧的裝潢，以實力及親切的服務招徠顧客。全店座位不多，平日的下午茶時間仍有八成客人，有不少是島民

餐牌以西式食物為主，例如沙律、意粉、意大利飯、全日早餐，較飽肚的選擇有牛肉眼扒及慢煮豬扒。當中大部分含雞蛋這種簡單但配搭多的食材。

飲品有咖啡、茶、梳打，更有手工啤酒呢。

真．卡邦尼意粉 $78

午餐吃得很飽的關係，只是點了一份主食，選了真．卡邦尼意粉，何謂「真」？市面不少咖啡店出售的卡邦尼會使用忌廉、鮮奶油製作卡邦尼，而「是蛋」所製作的卡邦尼比較傳統，用上雞蛋、煙肉。

意粉即點即製，上枱時由店員刨上芝士，廚師對材料都很講究，可以見到煙肉並非一般常見的，而是選用pancetta，厚身入口細膩柔軟，香氣十足

意粉掛滿蛋黃汁，吃起來偏硬，保留咬口，質素符合價錢。

土製炸蛋 $48

炸蛋亦非常見的小食，所以點了一客，伴即炸香脆薯條，簡單卻又使人印象深刻

炸粉薄脆，將炸蛋一分為二，可以見到蛋黃仍然是流心狀態，只是外層的肉香料味較重。

粒粒菠蘿梳打 $28

是蛋以食物為主，飲料價格相宜。

平日的長洲不像週末般熱鬧，遊人真正可以享受悠閒的氣氛，慢慢吃一頓飯，呷一口咖啡，重新認識長洲。

是蛋

地址：長洲北社街49號前座地舖

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

啡寮 Valor Cheung Chau

用餐日期：2017/11/22

距離上一次黎長洲已經係兩年前，記憶猶新，又熱又多人，一班人本來興致勃勃，最後熱到又黐退熱貼(嗚)。

近期留意到長洲都多左好多食店，存下幾間，心思思想去。早個零星期又涼涼地，啱哂我呢啲躁底人士，梳乎~

因為怕週末人多，專登揀左個平日，一行四人去走走

本來以為平日嘅長洲冇乜人，諗多左但一定好過假期黎。雖然有唔少食店都冇開門(哭)，包括左【長洲冰室】，想試個冰啊，可惜。

當日天氣超好，藍天白雲，又有涼風，久唔久吹到我中分。由於早餐食過裕興，我地喺附近行左陣黎左呢間咖啡店歇歇。

啡寮主打冰滴咖啡，由門面、裝潢、出品都好唔長洲，佈置幾花心思，牆身、木箱、咕𠱸等都印上logo。店內有少量梳化位置，配合簡約嘅色調，滿足打卡人士需要。

餐牌供應冰滴、手沖咖啡、朱古力、茶等，定價$32-52，比較吸睛一定係，椰皇冰滴咖啡。

海鹽朱古力 $42

朱古力點左熱嘅，本來想要焦糖嗰款，但當日未有焦糖。呢杯海鹽朱古力味道都唔錯啊，朱古力味香濃，拉花好靚，冇乜氣泡，而且一路飲都係完整。

奶泡帶少少海鹽鹹味，兩者配合得很好，令朱古力味更加香甜，適合呢個天氣飲

伯爵茶 $32

熱底人士係唔會為左拉花放棄凍飲的，哈，另一杯我揀左伯爵茶。杯子比較細瘦，最欣賞係佢地用環保飲管。

（雖然自己都唔係好慣，因為我係咬飲筒嘅人） 不過見人地願意多做一步，都好值得支持

伯爵茶夠哂凍，冇添加多餘野，就係一杯好濃好濃嘅伯爵，茶厚滑。英式茶有別於一般日式或者台式茶，有茶種嘅甘澀，未必個個喜歡。  

長洲冰滴咖啡 $35

冰滴一般價錢都唔平，而且供應量有限。朋友點嘅呢杯有明顯嘅漸層，可以見到咖啡嘅濃度。

價錢唔貴，入到黎長洲都可以一試。

餐牌：