目前分類:搵食荃灣 (8)

瀏覽方式: 標題列表 簡短摘要

Book B Kitchen Mealmeal

肺炎影響下,香港人除了忙著「撲口罩」,就是到街市、超市買菜,為的是減低外出用餐的機會。有些餐廳選擇暫休,繼績營業的都額外注重衛生。多日未有出門,總要外出呼吸新鮮空氣。

來到南豐紗廠,選擇在Book B Kitchen Mealmeal用膳,餐點健康美味,加上人流不多,特別舒適

bookb1.jpg

南豐紗廠 The Mills是歷史悠久的紡織廠,經改建後成為全新的文青聚腳地。除了打卡點、小店,還有不少良心食店,等待一一發掘。

bookb2.jpg

Book B Kitchen Mealmeal位於1樓,由本地獨立出版書店創立,全店集咖啡店及書店於一身。

bookb3.jpg

bookb4.jpg

咖啡店以木色裝潢為主,一邊靠窗位置,數張二至四人桌,前陣子紗廠較多媒體介紹時,客人頗多。不過最近人流不多,柔和的光線配搭輕鬆音樂,氣氛舒適寧靜,正好適合放空。

bookb5.jpg

bookb6.jpg

bookb7.jpg

餐點品項不多,在食材選用上花過不少心思。除了招牌日替五品定食,還有意粉、烏冬、鹹批等數款熱食簡餐,定價$98-138,平日跟配飲品半價,亦可加錢升級沙律/飲料/自家蛋糕。

bookb8.jpg

當日的五品定食包括山藥自家年糕福袋昆布湯、櫻花蝦玉子燒、酸豆茄子他他配黑麥多士、梅子芥茉火箭菜蓮藕、黃薑糖漬栗子黑豆藜麥薯蓉、抹茶鹽炸謎瓜飯糰

bookb9.jpg

bookb10.jpg

甜品有班戟、芝士蛋糕、布丁,小店每日亦會烘焙季節口味蛋糕,可參考當日的甜品櫃。

bookb11.jpg

bookb12.jpg

飲品有咖啡、梳打、熱茶等,當日的免費飲料為陳皮冰糖檸檬茶。

bookb13.jpg

bookb14.jpg

五品定食 $138

五品定食以木盤、木碟呈上,即點即製,該熱的都是熱的。份量方面跟大部份這類型的日式定食差不多,用餐完畢都會有飽足感。

bookb15.jpg

首先嚐嚐山藥年糕福袋昆布湯,湯頭清爽,年糕福袋軟腍,味道不錯。黑麥多士跟櫻花蝦玉子燒是正常水準,未見突出。

bookb16.jpg

bookb17.jpg

日式定食一般都附有涼菜,梅子芥茉火箭菜蓮藕十分開胃。

bookb18.jpg

黃薑糖漬栗子黑豆藜麥薯蓉很對胃薯蓉軟滑細緻,香氣濃烈,味道不會太嗆,已經是整盤中「最」重口味的一品。

bookb19.jpg

抹茶鹽炸謎瓜香脆不油膩。

bookb20.jpg

最後以飯糰作結,昆布汁調味鹹香,飯粒濕潤不鬆散,簡單好吃

bookb21.jpg

芝士蛋糕 +$40

當日新鮮出爐的芝士蛋糕,有點像現在很流行的燒芝士蛋糕,表面呈焦糖色。芝士蛋糕挺香,蛋糕柔軟,入口亦算滑溜,裡頭微微軟心,不錯吃。

(但我近來吃過最好吃的芝士蛋糕,在之前介紹過的Artista Perfectto吃得到)

bookb22.jpg

bookb23.jpg

bookb24.jpg

抹茶牛奶 $45

牛奶類只設凍飲,抹茶分層並不明顯,攪拌後預期之中以奶味主導。

bookb25.jpg

有些朋友覺得日式定食價格頗進取,個人認為獨立評論每樣食物、做法可能不複雜,只是相當費時。如果你喜歡大埔Pimary的定食,或者口味偏清淡的,應該都會喜歡Book B的出品。


Book B Kitchen Mealmeal

地址:荃灣白田壩街45號南豐紗廠六廠1樓111號舖

星期一至日 中午12時至晚上9時


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

I'm Carol 發表在 痞客邦 留言(0) 人氣()

江湖小棧

用餐日期:2019/06/05

雖然煲仔飯在冬天比較受歡迎,但也不代表炎夏不可以吃煲仔飯。聽說江湖小棧的煲仔飯水準不俗,牛肉、滑雞、排骨、肉餅、鯰魚等隨意配搭,加入自家製豬油、豉油,提升層次,加上香口飯焦,令人垂涎

jianghu_01.jpg

江湖小棧位於荃灣鱟地坊,附近同類型餐廳不多,所以即使是大熱天,小店都客人不斷。餐廳位置不算很多,枱櫈稍顯密麻,格局就似一般茶餐廳。

jianghu_05.jpg

jianghu_06.jpg

裝潢方面頗特別,帶一點武俠、江湖味道,近門口的兵器、聖旨、秘笈、古色古香的擺設,有趣

jianghu_03.jpg

jianghu_04.jpg

餐牌貫徹主題,打開「九陰真經」即可見到完整菜單;而「英雄帖」則是最新菜式,玩味十足。

jianghu_07.jpg

jianghu_08.jpg

招牌煲仔飯有固定款式,例如窩蛋牛肉、土魷肉餅、北菇滑雞等,也可以由客人自選搭配,一律$73。

另外供應生滾粥、多款串燒、涼菜、少量煲仔菜等,選擇品項不多。

jianghu_09.jpg

jianghu_10.jpg

jianghu_11.jpg

jianghu_12.jpg

jianghu_13.jpg

jianghu_14.jpg

自選煲仔飯:滑雞、臘腸、臘肉 $73

自選煲仔飯:鹹蛋、牛肉 $73

我們選擇自由配搭,配料任選1至3款,即點即煲,需時等候約20分鐘。上枱時連同煲蓋、毛巾,客人可以加入豬油、豉油,合蓋輕輕焗一焗

jianghu_15.jpg

標榜豬油自家製,不用坊間合成豬油,以保留鮮味,比起一般豉油煲仔飯,香氣更重;大方任加,按自己喜好加入,美食面前,故且忘記個肥字。

jianghu_17.jpg

jianghu_18.jpg

配料份量不多也不少,反正鋪滿一煲飯,用料質素可以。滑雞、臘腸、臘肉配搭,雞件滑溜,臘味有肉香,略嫌乾硬。

值得一讚,加入大量香蔥,跟豬油、豉油混合,怎麼會不好吃

jianghu_16.jpg

jianghu_19.jpg

原本想點鹹蛋肉餅,可惜未有豬肉供應,換成牛肉,但這個組合也不錯

jianghu_20.jpg

牛肉嫩滑,口感不會過鬆,保留肉香。

jianghu_21.jpg

鹹蛋是我個人至愛,簡單下飯。

jianghu_22.jpg

飯粒乾身分明,火喉適中,能吃得上飯焦,才算一煲好的煲仔飯吧。

jianghu_23.jpg

油鹽水浸花甲煲 $78

花甲、豆卜、粉絲的組合,理應不會難吃,可惜食材未及理想。花甲大隻,肉質瘦削,不帶鮮味

jianghu_24.jpg

jianghu_25.jpg

湯底味道一般,只有一點麻油味,墊底的粉絲夠腍身。

jianghu_26.jpg

整體來說,江湖小棧的煲仔飯合符預期,雖然價格未算便宜,但誠意搭夠。


江湖小棧

地址:荃灣鱟地坊30號寶成大廈01地舖


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

Return Coffee 362

用餐日期:2019/06/08

總有像我一到假日就流連咖啡店的朋友,想要逃離一至五的繁忙,過一個悠閒、無負擔的週末

Return Coffee 362位於荃灣沙咀道,餐點選擇不多,以全日早餐、意粉、班尼迪為主,配搭咖啡,加上舒適的環境,成為不少人私藏之選。

returncoffee_01.jpg

Return Coffee 362位於轉角位置,位置不算亮眼,門面小小,想不到座位挺多的。半開放式廚房,抽風良好,而且並無一些需要大型煎炒的餐點。

returncoffee_02.jpg

returncoffee_03.jpg

returncoffee_04.jpg

裝潢方面以木色為主,跟一般咖啡店差不多,牆上展示不少比賽獎狀、獎盃,令人感覺更加專業

returncoffee_05.jpg

returncoffee_06.jpg

平日餐牌跟假日餐牌稍有不同,假日全天供應9款餐點,包括全日早餐、班尼迪、多士、牛角包、沙律、意粉等,定價$65起。

returncoffee_07.jpg

飲料一律單點,以咖啡為主。

returncoffee_08.jpg

芝士蟹肉蛋沙律帕尼尼 $75

帕尼尼配上大量沙律菜,蟹肉量不多,麵包表面酥脆,口感不會好硬,不過比起班尼迪,性價比低一點。

returncoffee_09.jpg

returncoffee_10.jpg

煙三文魚班尼迪蛋 $90

班尼迪以沙律、蘑菇伴碟,水波蛋下有一大片煙三文魚,輕輕拮開,蛋液流出,值得—讚蛋味出眾;竹炭多士微溫鬆軟,味道不錯。

returncoffee_11.jpg

returncoffee_13.jpg

Flat White $35

奶啡質地細滑,奶味不重同時啡味不夠濃,比想像中普通一點。

returncoffee_14.jpg

Iced Mocha $45

摩卡用上MAROU單品黑朱古力製作,濃度達到78%,入口偏濃苦,不算容易入口,如果是小孩口味或者平時喜歡偏甜一點的mocha就未必會欣賞。

returncoffee_15.jpg

returncoffee_16.jpg

本來還想試試他們的法式西多士,但實在太飽了,留待下次再訪吧。


Return Coffee 362

地址:荃灣沙咀道362號地下


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

hōmu by favilla

最初留意到Favilla是因為在港島區上班的朋友經常光顧,評價不錯,可惜鰂魚涌及觀塘工廈店位置未算就腳,一直未試,後來品牌8月底於荃灣愉景新城再開分店。

以家為主題,餐牌設計上有別於其他分店,主打日式定食、全日早餐、咖啡,務求讓客人到店得到治癒歇息

131724754.jpg

hōmu by favilla選址荃灣愉景新城,週末總是滿滿人流,餐廳面積頗大,裝潢貫徹一向的風格,走日系、簡約路線。店面開揚,以木色、淺色為主調,座位空間感足,即使隨行有小朋友都能夠舒適用餐。

店內角落更加設好有日本風味的榻榻米房間,適合家庭聚會或者多人用餐。

1981732433.jpg

534759914.jpg

餐牌除了現有各店供應的全日早餐、小食,新增了一些品項例如下午茶時間的梳乎厘班戟,配合親子商場的主題,亦有加入營養均衡的兒童餐。

主食方面更加多元,以晚餐為例,定食、意粉超過15款,不含味精,例如日式滑蛋自家製咖哩牛腩、吉列日本活性水飼育豬梅扒、油封鴨牛肝菌汁意大利飯、燒德國鹹豬手、漢堡等,定價$98-298。

581293697.jpg

1424209708.jpg

飲料有咖啡、梳打、茶類、抹茶、70%單品朱古力及適合小朋友的純果汁。

1520831618.jpg

到訪兩次,點單才知道吉列豬梅扒售完,好可惜,建議餐廳可以在門外的餐牌上面標示。另外星期一至五晚市惠顧主食可享餐飲半價,週末並不提供優惠,而餐牌上未有明確表示

週末人手有點不足,餐點即點即製,平均都需等候約20分鐘。

221122469.jpg

日式滑蛋自家製咖哩牛肉定食 $98

套餐配湯、白飯/烏冬,是日餐湯為南瓜湯,濃郁微甜,味道討好。

1472815155.jpg

主食滑蛋飯賣相都不俗,採用日本雞蛋及日本米。雖然餐牌標示「辛口」,但可以放心,日式咖哩一般不會太辣的。醬汁濃稠,配上嫩腍的牛肉、滑溜的雞蛋,很好下飯

1779064880.jpg

慢煮封門牛柳定食 $118/4oz

同樣配湯、白飯/烏冬,除了慢煮封門牛柳,以沙律菜伴碟,有肉有菜。味道不錯,牛柳厚薄適中,一口size,外層好香,肉味挺明顯

只是份量有點少,男士可能不夠啊。

945355677.jpg

594974663.jpg

891727755.jpg

是日蛋糕 +$25

點套餐加配是日蛋糕,問過店員,當日有柚子及抹茶口味,原本點的是後者,不過最後上了一件柚子芝士蛋糕,沒關係啦,而且挺好吃。

柚子芝士蛋糕清新軟滑,有少量柚子肉的口感

709745861.jpg

抹茶拿鐵 $42

抹茶拿鐵有點普通,不算濃郁,慶幸不會太甜。

178347095.jpg

整體來說,hōmu by favilla的環境非常舒適,週末大部份為親子客人,不催不趕。餐點選擇不少,日式料理吃起來無負擔,只是餐廳運作上仍有不少改善空間。


hōmu by favilla

地址: 荃灣青山公路荃灣段398號愉景新城2樓2013號舖


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

留白 Blank Cafe

用餐日期:2019/05/26

放假先黎落大雨,都冇乜心機,近近地喺荃灣食個下午茶,揀左位於荃昌中心嘅「留白」,之前都有睇過關於小店嘅報導,估唔到質素真係唔錯,而且價格實惠,會加入再訪名單

好在我地之前去過附近另一間cafe先知道位置,否則唔係經常黎呢度,加上冇招牌好低調,可能會覺得有少少難搵。商場就冇乜野行,但週日呢幾間小店生意都唔錯。

825236591.jpg

餐廳位置唔多,門外有幾個好適合影相嘅高枱櫈位置,不過當日天氣太熱,我地都係坐室內較舒服。

全店位置只有十多個,以木色、黑色為主調,開放式廚房,所以都會有少少味道。

694218468.jpg

全店落單到整理、煮食由店主一腳踢,15分鐘內上齊菜

餐牌供應沙律、全日早餐、班尼迪、意粉、貝果等,飲料以咖啡、茶、手調飲品為主,價格合理

444988388.jpg

618405901.jpg

699169578.jpg

858569225.jpg

1536459855.jpg

1790517866.jpg

2077291568.jpg

班尼迪 $78

除左水波蛋、煙肉同酸包,以沙律、三文魚伴碟。賣相唔錯啊,物有所值

1642113526.jpg

1284859552.jpg

沙律菜加有藜麥、黑醋,用料唔hea。

328401959.jpg

水波蛋飽滿,毫不費力輕輕一拮開,流心度高,加埋荷蘭醬,質感滑溜。

88275301.jpg

1995578909.jpg

酸包口感煙韌,唔會好乾或者硬,配上帶少少鹹香嘅煙肉一齊食,確實滿足

1814967163.jpg

拿鐵咖啡 $35

橙酒朱古力 $38

見到唔係太多地方供應嘅橙酒朱古力,我都估到另一半肯定會點,嘻嘻。難得飲料都好啱胃口,拉花完整,睇得出樣樣野都好有心機。

13803077.jpg

1664986131.jpg


留白 Blank Cafe

地址:荃灣西樓角路202-216號荃昌中心昌寧商場地下12號舖


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

餃子屋

用餐日期:2018/11/1

裝修過嘅餃子屋鋪面大左啲,但人流一樣咁旺,咩時間都人山人海;餃子分6、8隻,以6隻為例,湯餃定價$32-40;煎餃就定價$36,加上海麵或米線$8。

價格比裝修前都係加左少少,合理範圍,皆因佢地嘅餃特別大隻,一隻等如別家兩倍,十分飽肚,性價比高!

雲耳白菜豬肉餃 $32/6隻

湯底可選魚膠淮山煲豬骨或重慶湯底,強調無味精。湯底有少少膠質,熱辣辣;我平時連例湯都飲清光,所以一定會飲哂,食餃子有一半原因係為湯

183426043.jpg

餃子巨型,皮唔厚,夠滑溜無粉,餡料爆棚,菜肉半半。白菜餃依然係我至愛,保留菜莖,食落特別爽!

IMG_4342.JPG

肉餡調味重手,咬落仲爆汁,食完6粒已經好飽。

IMG_4344.JPG

香辣豬肉煎餃 $36/6隻

煎餃油是常識,外皮都煎到幾脆,呢款辣豬肉真係有少少鹹,所以6隻就啱啱好。

餃子屋大件夾抵食,但餃偏重口味,唔能夠日日食,間中黎一次就好滿足。

IMG_4335.JPG

IMG_4347.JPG

IMG_4334.JPG


餃子屋

地址:荃灣西樓角路202-216荃昌商場1樓58號舖


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

Anchor's Seafood and Beer House

用餐日期:2018/06/06

自助餐一向深受香港人歡迎,一個價錢享用多款美食,位於汀九段的Anchor's Seafood and Beer House推出泰式主題自助餐,邀請到泰國名廚Chef Dang親臨主理菜單

另外可任食生蠔、刺身等,而且訂位或以信用卡結帳有75折優惠,相當划算。而且餐廳對海,黃昏、入夜景色優美,份外浪漫寫意。

餐廳位於汀蘭居,提供穿梭巴士服務,距離荃灣鐵路站約十分鐘。我作為區內人,則更加方便

餐廳裝潢簡約,以木色為主調,本應可欣賞日落景色、海景,可惜是日天氣欠佳,下著大雨。

anchor_03.JPG

anchor_04.JPG

anchor_05.JPG

泰式自助餐於6、7月晚餐及星期日早午餐時段供應,自助餐區共18款菜式,連同生蠔、刺身、壽司等,選擇不多,勝在質素平穩,價錢合理

anchor_02.JPG

凍海鮮

凍蟹、青口、凍蝦、翡翠螺等,一般自助餐質素。

anchor_06.JPG

anchor_07.JPG

沙律吧

供應基本沙律、火腿、芝士、煙三文魚、薄餅等。

anchor_08 (2).JPG

anchor_09.JPG

生蠔

難得此價位的自助餐有生蠔吃,每晚兩款,產地不定,視乎供應,是日分別來自美國、南非,即場開蠔,感覺乾淨衛生。每人每次取兩隻,蠔迷要多走幾轉。

個人比較喜歡南非蠔, 不至於袖珍,海水味較重;美國蠔清淡,未算肥美。但以此價位,可以任食,質素可接受,加上客人不多,無需等候

anchor_010.JPG

anchor_011.JPG

anchor_12.JPG

刺身、壽司

刺身方面有三文魚、八爪魚、吞拿魚、鱲魚,以三文魚較新鮮;壽司屬基本款,未有嚐試,我較專注試其他熱葷。

anchor_13.JPG

anchor_14.JPG

湯品

甘筍忌廉湯,配合泰式主題,供應泰式椰汁雞湯,很足料。

anchor_15.JPG

即製自選泰式沙律

anchor_16.JPG

anchor_17.JPG

anchor_18.JPG

熱葷方面有肉眼、泰式烤雞、燒豬頸肉、泰式青咖喱、金不換、炒蜆等,燒比目魚肉質嫩滑無骨,幾有水準。

anchor_23.JPG

anchor_19.JPG

anchor_20.JPG

anchor_21.JPG

其他例如巴馬火腿長通粉、紫薯薯蓉等,中規中矩。

anchor_22.JPG

湯麵亦有泰式風味。

anchor_24.JPG

anchor_25.JPG

方面選擇不多,基本有齊,即製心太軟比較特別,另有窩夫、自製班戟可添加配料,略略試過便好。

anchor_26.JPG

anchor_27.JPG

 

anchor_29.JPG

anchor_30.JPG

朱古力噴泉相信是每家自助餐必備的。

anchor_28.JPG

最後重點放於movenpick雪糕,當日有5款口味任食,包括士多啤梨、雲呢拿、朱古力、意大利奶凍、楓糖合桃,甜品控表示滿足

anchor_31.JPG

anchor_32.JPG

整體而言,Anchor's Seafood and Beer House質素符合預期,折扣後人均三百多,縱然選擇不多,仍然頗受歡迎。


Anchor's Seafood and Beer House

地址:  荃灣油柑頭青山公路汀九段123號汀蘭居地下

文章標籤

I'm Carol 發表在 痞客邦 留言(0) 人氣()

嘉樂冰廳

日期:2018/03/17

而家好多傳統或者舊式冰室都被受追捧,經常大排長龍,其中荃灣嘅嘉樂冰廳都有好耐歷史,可謂該區名物,一見到標誌性嘅蛋治、奄列都認得係佢地嘅出品

另一半就已經食過,而我呢個鄉下仔都係首訪。之前都有意無意經過行過都人頭湧湧,懶得排隊。搵左一日好得閒,專程兩再來。最終等左十零分鐘,可以接受。

客人都好守規矩,自動自覺喺門口列隊,並無派飛叫號,當有人結帳,收銀姐姐就會安排客人入座。

餐廳裝潢簡單,空間有限,一律卡座,屬舊式冰室嘅卡位,僅僅坐到兩人。

環顧四周客人點菜,就可以知道呢度招牌係乜,離不開奄列、蛋牛治、牛腩麵、炸雲吞、雞翼等。

食物份量偏大,兩人share足夠,變相消費都唔算好高。(見大部分情侶都係叫個麵加個蛋治分享)即時製作,就算係簡單嘅食材,起碼有心做


咸牛肉三文治烘底三文治 $31

一個字:大,三文治切成一半,極厚身,大量蛋煮成,咸牛肉薄薄一層。

雞蛋煎得夠香,有白有黃,唔會過老,都仲幾嫩咸牛肉較薄,又冇乜點煎過,蛋牛分離,個人就較喜歡煎香嘅咸牛,加蛋,更加正

至於烘底,我自己就唔太在意,冇特別為件事加分,呢兩蚊加唔加就睇個人喜好。

29388790_764038690455021_4020196419641016320_n.jpg

29386657_764038687121688_4116785118822006784_n.jpg

 

招牌火腿小奄列 $32

個名就叫小奄列,但份量一啲都唔小。最好蛋治同奄列二選一啦,始終性質都幾相似。

小奄列誇張之處係用左好多隻蛋,加厚身火腿條、一小片牛油麵包製成。

29356831_764038703788353_6981636598559408128_n.jpg

雞蛋面頭煎到脆脆地,裡面滑溜,蛋香濃郁;火腿粗身,唔係薄過乜嘅超市火腿,幾有誠意。明白點解喺招牌

當一般茶記嘅奄列毫無感情,突然有份三十蚊嘅奄列,有番咁上下功夫,都食得過。

29356335_764038707121686_8397205459374702592_n.jpg

豉油皇雞翼 $36

一份6隻,伴酸辣醬。巴西雞翼肥大,油份會重啲,雞翼脹卜卜,咬落有少少爆汁效果。

雞肉啱啱好熟,嫩滑唔鞋口,乾淨冇毛,豉油味唔算好重,唔會太鹹。

作為雞翼狂,如果唔係馬上要食晚飯,真係想追加多兩碟獨吞

29388380_764038773788346_7867954364818653184_n.jpg

IMG_4757.JPG

牛腩麵 $30

比起一般牛腩麵約1.5倍份量,牛腩都有六、七件,就唔係切腩,係啲柱候牛腩燜過咁。

湯底濃得黎都唔算太鹹,麵底幼身,食落軟,好在唔腍。 牛腩大粒,仲俾左啲少少牛筋,口感唔韌,腍身入味。

以30蚊黎講,真係抵食囉

IMG_4751.JPG

酥炸鮮蝦雲吞 $36

分鮮蝦同韭菜餡,可以半半混合。雲吞細細粒,即炸,皮薄硬脆,油份點都有啲。

裡面有明顯蝦肉,新鮮,一口size我最鐘意

IMG_4755.JPG

西多士 $21

連個西多都好似特別巨型?賣相好似幾好食,煎得幾靚仔冇燶邊,可惜味道一般。

裡面百無,單靠蛋漿煎起,蛋漿冇味,加上麵包厚身,唔能夠完全吸收蛋漿。

西多士口感太厚,儘管狂倒糖漿、搽勻牛油都仲係好乾,根本係食緊麵包

IMG_4753.JPG

IMG_4754.JPG

阿華田奶昔 $29

阿華田味濃唔過甜,沙冰預料之內冰感重,但幾順滑冇冰碎,用幼身飲管已經可以

29315138_764038767121680_8138836861255680000_n.jpg

好立克奶昔 $29

相對阿華田奶昔,呢杯真係太甜

IMG_4747.JPG


嘉樂冰廳

地址:荃灣新村街40B號地下


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

 
文章標籤

I'm Carol 發表在 痞客邦 留言(0) 人氣()