目前分類:澳門 (33)

瀏覽方式: 標題列表 簡短摘要

李家菜

用餐日期:2019/03/24

澳門有數間分店的李家菜有接近50年歷史,由咖啡室轉營成為煲仔、小菜館。連續幾年登上米芝蓮指南街頭小吃,價格合理,招牌椒鹽粟米令人回味。

移民外地的親戚最近回港旅遊,離開前到澳門走走,他們喜歡香口、煎炸一類食物,於是一家人前來,用餐愉快

leis _cuisine_01.jpg

李家菜本店位於十月初五街,在澳門筷子基有一家分店,週日到訪,未有預訂位置,頗為冒險,幸好入座時間尚早,店員好快安排了位置。

餐廳共兩層,一般小菜館裝潢,乾淨企理。離開時已經近乎滿座,足見其受歡迎程度。

leis _cuisine_02.jpg

leis _cuisine_03.jpg

leis _cuisine_04.jpg

餐牌選擇甚多,傳統中菜、煲仔菜、海鮮火鍋等,其中水蟹走地雞配脆米泡飯、古法秘製油浸黃花魚、烏魚子醬扒黑豆腐等都是招牌菜。

只可惜親友傾向傳統小炒、香口炸物,所以未能試到餐廳拿手菜。

leis _cuisine_05.jpg

leis _cuisine_06.jpg

leis _cuisine_07.jpg

leis _cuisine_08.jpg

leis _cuisine_09.jpg

小食 (免費)

醃製蘿蔔挺別,切到薄身,爽口帶好微辣,開胃。

leis _cuisine_10.jpg

椒鹽粟米 $58

粟米切成條狀,方便食用,伴以辣椒圈、椒鹽炸蒜,粟米金黃夠甜,連同椒鹽簡單美味,吃完粟米後,禁不住以椒鹽下飯

leis _cuisine_11.jpg

leis _cuisine_12.jpg

咖喱牛三寶 $78

咖喱汁濃稠適中,香辣度適中,合符大眾口味,雖然略油,但卻十分下飯。牛三寶分別為牛筋、牛腩、牛舌。

再加入薯仔,很豐富。牛舌厚而爽,比較可惜牛筋、牛腩偏硬身。

leis _cuisine_13.jpg

三杯雞煲 $78

雞煲上枱很香、惹味,伴上彩椒,賣相不俗。雞件頗入味,不會太柴。味道不俗,親友覺得可以再重口味一些

leis _cuisine_14.jpg

錦鹵鳳梨生炒骨 $78

經典廣東菜怎麼少得了生炒骨,醬汁濃淡恰到好處,裹滿每件排骨,酸酸甜甜,以香脆炸雲吞皮盛載,大人小孩都喜歡。

親友移居海外久了,其中最想念的一道菜,相信非生炒骨莫屬。

leis _cuisine_15.jpg

椒鹽雞中寶 $68

即雞軟骨,質素中規中矩,未見出色。

leis _cuisine_16.jpg

椒鹽鮮魷 $78

魷魚爽彈,裹粉不厚,可惜外層未夠酥脆,加上單純以椒鹽調味,比較單調

leis _cuisine_17.jpg

古法香煎魚餅 $58

魚片壓至薄身,真材實料,略嫌煎得未夠香脆。

leis _cuisine_18.jpg

leis _cuisine_19.jpg

蒜蓉炒豆苗 $78

leis _cuisine_20.jpg

椒絲腐乳炒通菜 $58

leis _cuisine_21.jpg

整體而言,李家菜的小炒很對辦,調味不會過份重手,吃罷未有出現如一般大牌檔般喉乾舌燥的感覺,而且整體消費合理。

菜式大概為四人份量,人均不過百多元。筷子基店的店員服務都可以,未知百老匯分店是否有同樣水準。


李家菜筷子基店

地址:澳門筷子基沙梨頭新街113T號威翠花園T座地鋪


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

文藝門 A Porta Da Arte

用餐日期:2019/02/18

澳門除了賭場、懷舊有特色的舊建築,其實還有很多熱愛文創的朋友,位於關前正街的文藝門集咖啡、創作、衣飾、本土設計於一身,正適合各位文青去重新感受澳門的魅力。

macau.artdoor_01.jpg

文藝門座落關前正街,街道充滿特色,一部分保留舊式建築,同時進駐了不少全新店鋪,正好展現出新舊融合。據講文藝門的前身是白鐵工廠,經藝術家重新設計,成為「文藝門」。

macau.artdoor_02.jpg

macau.artdoor_03.jpg

macau.artdoor_04.jpg

macau.artdoor_05.jpg

macau.artdoor_06.jpg

macau.artdoor_07.jpg

咖啡店一棟四層,裝潢獨特,門面老舊,磚牆、階磚樓梯等輕易吸引路人注目,我們正是如此。地下為咖啡館,以木質枱櫈為主,開放式吧枱使客人可以跟咖啡師交流。

地下和二樓各個區域都有展示及寄賣多種文創產品,例如雜誌、明信片、貼紙、衣履、飾品等,在喝咖啡的同時,可以周圍逛逛,我們最後也帶了一件衣服回家。

macau.artdoor_08.jpg

macau.artdoor_09.jpg

macau.artdoor_10.jpg

macau.artdoor_11.jpg

macau.artdoor_12.jpg

macau.artdoor_13.jpg

餐牌以咖啡為主,來自世界各地的咖啡豆,有虹吸式煮製的手沖,所以店內瀰漫著咖啡香氣;也有梳打。食物以輕食為主,例如沙律、三文治、自家製的芝士蛋糕等。

macau.artdoor_14.jpg

macau.artdoor_15.jpg

macau.artdoor_16.jpg

macau.artdoor_17.jpg

macau.artdoor_18.jpg

macau.artdoor_19.jpg

macau.artdoor_20.jpg

香橙甜酒朱古力牛奶 $45

因為剛剛在附近的咖啡店喝了咖啡,所以在這邊就點了一杯朱古力牛奶。點的是熱飲,他們家的杯子也好美,簡單寫上店名。

macau.artdoor_21.jpg

因為加了牛奶,朱古力味不會說很濃郁,容易入口,甜度也是剛好。

比較特別是因為裡面加了橙酒,喝起來會有橙香,而且最後在喉嚨留有酒的餘韻,當然,比例是很少很少,不會醉的,哈哈。

macau.artdoor_22.jpg

看了店家的介紹,三樓是工作室,而四樓是天枱,可惜當天時間比較趕,而且下雨了,只好留待下次再來走走。


A PORTA DA ARTE 文藝門

地址:澳門關前正街42號


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

Pace Coffee Macau

用餐日期:2019/02/18

澳門之行到訪關前正街兩家咖啡店,各有特色,其中pace coffee位於巷弄中,門面設計簡樸,全白色外牆跟舊式街道形成強烈對比,完全不會錯過小店。

不少客人都很喜歡咖啡店的氛圍,店主更不時跟客人互動,人與人間的距離以咖啡連接起來

pacecoffe_01.jpg

Pace Coffee位於關前正街,附近為充滿舊式建築的傳統老區,顯得小店格外亮眼。

pacecoffe_02.jpg

店名意為步伐,而小店以逗號作為標誌,不難令人聯想到背後的意思,大概是希望客人停一停、享受一杯咖啡的時間。

pacecoffe_03.jpg

白色外牆配搭淺木色裝潢,十分舒適。店面面積不大,只有幾個小木箱。門面的大玻璃窗增加空間感,嘆住咖啡望著街景,悠然自得

pacecoffe_04.jpg

pacecoffe_05.jpg

由於有不少人對奶類製品敏感,除了純素甜點,其實市面上亦有不少咖啡店供應植物奶,Pace Coffee選用瑞典燕麥奶,讓一眾素食或者對奶類敏感的朋友,都能享用咖啡。

pacecoffe_06.jpg

Mocha $48 (可加$3轉成燕麥奶)

透明杯子造型簡約,採用冰球,減慢溶化速度,使飲料不易變淡。據店主所言,朱古力都是自家製作,種種細節可見誠意。

pacecoffe_07.jpg

pacecoffe_08.jpg

咖啡味濃郁,後續朱古力香醇,入口帶點燕麥香氣。如果點選熱飲,燕麥香相信會更重一點。

pacecoffe_09.jpg

咖啡店附近還有澳門的可樂博物館,雖然面積不大,但館內都有各式各樣的可樂珍藏,嘆啡之餘順道走走,也不錯。


Pace Coffee

地址:澳門關前正街49號


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

一竜拉麵珈琲店 Ichiryu Cafe

用餐日期:2019/02/18

梳乎厘鬆餅除了在日本發光發熱外,港澳同樣流行,大大小小的甜品店爭相仿效。澳門一奄拉麵珈琲店的出品被譽為本地高質素梳乎厘鬆餅之一,果然沒有失望,可以一試

ichiryucafe_01.jpg

一奄拉麵珈琲店位於高地烏街,店面以黃色、白色為主調,加上玻璃上巨型梳乎厘鬆餅圖樣,於轉角位置特別顯眼。

ichiryucafe_02.jpg

地下一層位置不算多,約十多個,一邊靠牆座位。平日下午茶時間,加上大雨,客人不多,可以輕鬆跟朋友聊聊天、歇一歇。

ichiryucafe_03.jpg

ichiryucafe_04.jpg

餐牌主打日式梳乎厘鬆餅,除了原味,有水果、焦糖、朱古力、紫薯、抹茶、檸檬、野莓等,定價$58-90,即時製作,需時約20分鐘。

ichiryucafe_05.jpg

店名叫一奄拉麵,當然少不了供應拉麵,以魚介作為湯底,另有日式咖喱飯。

ichiryucafe_06.jpg

ichiryucafe_07.jpg

飲料有茶、咖啡、汽泡、果汁等。一早吃了馬慶康,鹹食只好留待下次再嚐。

ichiryucafe_08.jpg

日本朱古力香蕉梳乎厘鬆餅 $75

賣相跟圖片相符,厚身鬆餅兩件疊起,伴上忌廉、oreo碎、香蕉及朱古力漿。

ichiryucafe_09.jpg

ichiryucafe_10.jpg

鬆餅呈鮮黃色,厚薄適中,不易下塌,口感柔軟輕盈,濕潤度高,是我們都挺喜歡的質感蛋味吃得出來,合格,但不至於說很重很香。

ichiryucafe_11.jpg

ichiryucafe_12.jpg

忌廉比較一般,幸好配上口感豐富的配料,像香蕉及oreo碎,拉上補下。朱古力漿過得去,不會太甜。鬆餅整體也符合期望,不錯吃

ichiryucafe_13.jpg

新鮮水果茶 $48/壺

外面下著大雨,有點涼,點一壺熱茶剛好可以暖身。水果茶有蕉、橙及蘋果等,加入花草香氣,比起咖啡來得無負擔。

ichiryucafe_14.jpg


一奄拉麵珈琲店

地址:澳門高地烏街51號地下


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

馬慶康南天咖啡室

用餐日期:2019/02/17

「觀光客模式啟動」,網上搜尋澳門美食的話,經常出現一家茶餐廳,不論遊客或本地人都很推薦,正是馬慶康咖啡室。

馬慶康創業超過很多年,屬於老字號了,其中西多脆脆、滑蛋牛河、樽仔奶茶均是人氣餐點,賣相吸引,今次一試,都覺得水準不俗

mahinghong_01.jpg

馬慶康咖啡室位於新橋俾利喇街,店內裝潢保留舊式茶餐廳風貌,座位數不算少,不過由於街坊多,遊客亦多,顯得環境稍為擠擁。

mahinghong_02.jpg

mahinghong_03.jpg

平日午飯時間都有小人龍,幸好上菜速度快,用餐不會好長時間,所以等候一會就能成功入座。

mahinghong_04.jpg

mahinghong_05.jpg

餐牌選擇多,供應多士、粉麵、飯類,價格跟一般茶餐廳差不多。參照網上照片、文章,點了以下食物,味道不錯。

mahinghong_06.jpg

mahinghong_07.jpg

滑蛋牛肉炒河 $44

炒河有點鑊氣,夠乾爽,條條分明,不至於太油膩。河粉色澤均勻,但可能我個人比較重口味,喜歡再入味一點。

mahinghong_08.jpg

雞蛋名符其實滑嫩,並非全熟,時間拿捏得好,還有蛋汁呢。牛肉同樣滑嫩,如果香港都有差不多質素的出品,相信都一定排長龍吧。

mahinghong_09.jpg

煎肉餅飯加太陽蛋 $42

煎肉餅好像肉餅堡般厚身,外層煎到頗焦黑,但口感非常香脆、不油膩,未有過火,豬肉口感鬆。

mahinghong_10.jpg

mahinghong_11.jpg

mahinghong_12.jpg

而且份量足,連同煎到剛好的太陽蛋,輕鬆吃光光。反而比起炒河、多士,我們更喜歡這份肉餅飯呢。

mahinghong_13.jpg

阿華田西多脆脆 $35

西多賣相吸引,新鮮熱辣,牛油在眼前慢慢溶化,面頭灑上阿華田粉、煉奶,幾脆口,甜度高是預期之中。

mahinghong_14.jpg

多士厚身,外脆內軟,內餡竟然有芝士,實在「邪惡」,絕對要分著吃,不然有點膩。

mahinghong_15.jpg

樽仔奶茶 $18

奶茶冰凍,茶味香醇濃厚,完全不甜,店員表示奶茶為低糖版本,客人可按喜好加入糖漿。

mahinghong_16.jpg


馬慶康咖啡室

地址:澳門新橋俾利喇街65號A


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

轉角日本料理

用餐日期:2019/02/17

到澳門前在網上瀏覽,偶然見到這家日本料理小店的出品,看似吸引,於是加入行程。轉角日本料理位於下環,主要做街坊生意。

小店招牌蛋包飯顏值高,味道不錯,餐點整體價格合理,難怪成為不少人的私藏名單。

cornerkitchen_01.jpg

轉角日本料理位於風順堂街,慈幼中學附近,小店門面不大,店名寫著「轉角泰」,差點令我以為自己走錯了,聽說仍保留著前身泰國料理的招牌而已。

cornerkitchen_03.jpg

cornerkitchen_02.jpg

店內裝潢簡單平實,並無花巧,小店格局,約二十多個位置,闊落整潔。

cornerkitchen_04.jpg

cornerkitchen_05.jpg

層架上有不少手辦、模型,看來是店主的珍藏。

cornerkitchen_06.jpg

cornerkitchen_07.jpg

cornerkitchen_08.jpg

餐牌供應前菜、沙律、小食、卷物、刺身、拉麵、丼等。午市亦有不少選擇,由於鄰近學校,價格都實惠。

cornerkitchen_09.jpg

cornerkitchen_10.jpg

cornerkitchen_11.jpg

日式炸豆腐 $25/小

一份三件炸豆腐,豆腐外面微脆,內層軟滑,無需多餘調味,簡單沾上醬汁已經很好吃。

cornerkitchen_12.jpg

cornerkitchen_13.jpg

唐揚炸雞槌 $25/小

雞槌兩隻,炸漿適量,挺脆口,肉質稍老,未有調味,性價比不高。

cornerkitchen_14.jpg

cornerkitchen_15.jpg

炙燒吞拿魚香蔥卷 $68/6件

卷物賣相不錯,材料簡單,炙燒過吞拿魚頗香口,略嫌乾身,油份不多。

cornerkitchen_16.jpg

cornerkitchen_17.jpg

鰻魚扭紋蛋包飯 $88

蛋包飯有數款,除了鰻魚,還有咖喱、吉列豬扒、雞扒等,定價$48/68/88。點選鰻魚,即點即製,賣相果然吸引!

cornerkitchen_18.jpg

鰻魚份量不少,香口軟腍,細骨不多。旋風蛋制作得頗完美,時間拿捏得剛好。蛋已全熟,入口滑溜,若然蛋香再重一點,可給更高分數。

cornerkitchen_19.jpg

滑蛋下有滿滿白飯,跟甜豉油混合著吃,不會太鹹,個人認為白飯中再添一點鰻魚汁,更顯心思。

cornerkitchen_20.jpg

但整體來說,水準也是不錯,而且價格良心,可以一試呢。


轉角日本料理

地址:下環風順堂街8號地下A舖


 Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

世記咖啡

用餐日期:2019/02/17

不知道什麼時候開始,豬扒包成了澳門人氣食物,其中一家非常受遊客歡迎的是世記咖啡。世記咖啡始於1965年,共有三間分店,主打外帶。

瓦煲咖啡、炭爐奶茶、豬扒包、厚多士、花生方塊等出品吸引很多人拜訪。接近關店時間依然人頭湧湧,可惜豬扒包已經售罄了

seikeecafe_01.jpg

不知道什麼時候開始,豬扒包成了澳門人氣食物,其中一家非常受遊客歡迎的是世記咖啡。世記咖啡始於1965年,共有三間分店,主打外帶。

瓦煲咖啡、炭爐奶茶、豬扒包、厚多士、花生方塊等出品吸引很多人拜訪。接近關店時間依然人頭湧湧,可惜豬扒包已經售罄了。

seikeecafe_02.jpg

世記咖啡氹仔店位於官也街,十分方便,週日六時多來到,門外也有不少人排隊等候,店面不大,有少量位置作等候區,但不可以在裡頭用餐。出餐迅速,並不需要等很久。

seikeecafe_03.jpg

店員在店面煮著咖啡、奶茶。

seikeecafe_04.jpg

餐牌供應麵包、麵食、飲品,豬仔包、厚多士可配豬扒、雞扒、魚片、鹹牛肉等,定價$15-30。

其中豬扒、雞扒等每日限量供應,晚上時間來到,已經賣光了,可惜。餐點價格合理,而且味道不錯,難怪大家都讚好。

seikeecafe_05.jpg

seikeecafe_06.jpg

秘製洋蔥鹹牛肉厚蛋多士 $26

多士厚身,經炭火輕輕燒過,稱不上香脆,反而幾鬆軟。重點是以八元追加的厚蛋,值回票價,厚蛋金黃,蛋香明顯,中間有微微流心效果,口感嫩滑到不得了。

配上洋蔥鹹牛肉,薄薄一層,份量不多,洋蔥味道很重,惹味不過鹹,吃得滋味。而且馬上要吃晚飯,我們兩個人分著吃,也很足夠了。

seikeecafe_07.jpg

秘製香滑奶茶 $19

本來想要點凍的,可是也賣光,我這枝是常溫的。樽裝奶茶口感順滑,茶味果然出眾,好喝呢。

seikeecafe_08.jpg

作為人氣食店,世記咖啡的水準不俗,厚多士新鮮熱辣,奶滑茶香。儘管沒吃到最人氣的豬扒包,也很滿足了。


世記咖啡

地址:氹仔舊城區消防局前地1號地舖

營業時間:

星期一 11:00 - 19:00
星期二 全日休息
星期三至日 11:00 - 19:00


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

Peace Of Cake

用餐日期:2019/02/17

澳門的cafe愈來愈多,各有特色,Peace of cake以粉紅色為主調,裝潢充滿少女心,雖然位處台山,仍吸引不少人本地人到訪、打卡。

除了西式主食,甜品頗受歡迎。港珠澳大橋通車後,去澳門或者珠海吃喝玩樂,交通方面多個選擇,襯假期又可以出發了。

peaceofcake_01.jpg

Peace of cake位於台山新城市花園,附近一帶cafe不多,加上粉紅色、黃色配搭鮮明的門面,於大街中特別亮眼。

peaceofcake_02.jpg

peaceofcake_03.jpg

店內約二十多個座位,週日下午茶時間人流不算多,但接近黃昏客人會開始多。

peaceofcake_05.jpg

peaceofcake_04.jpg

店內裝潢為打卡而設,粉紅色座椅、木枱不顯俗氣;加上霓虹燈字牌,偏韓風的咖啡店於附近比較少見。

最顯眼相信是一幅小花牆,不過當日座位已被預約。可能當日天色稍暗,店內光線較弱,照片未算好看。

peaceofcake_06.jpg

peaceofcake_07.jpg

peaceofcake_08.jpg

餐牌供應西餐為主,主食有飯、扒類、豬手、意粉等,甜點方面選擇不少,果昔碗、蛋糕、窩夫、鬆餅等。飲品、甜品賣相精美,色彩繽紛。

peaceofcake_10.jpg

peaceofcake_11.jpg

peaceofcake_12.jpg

peaceofcake_13.jpg

珍珠奶茶梳乎厘鬆餅 $78

鬆餅四款:原味蜜糖、抹茶紅豆、朱古力草莓及珍珠奶茶,即點即製,約等候二十多分鐘。

peaceofcake_14.jpg

賣相有別一般日式梳乎厘鬆餅,一塊完整圓形鬆餅對摺成一半上枱。加上少許珍珠、一球雪糕及一小杯奶茶漿。

鬆餅質地濕潤,不夠鬆軟,蛋香微弱,性價比不高。奶茶味的班戟於香港亦有不少,味道還好,不會突兀,吃起來有一點茶味。

peaceofcake_16.jpg

可是雪糕上枱時已經迎速開始溶化,實在偏甜;珍珠少量,質地略嫌太硬。

peaceofcake_15.jpg

抹茶拿鐵 $35

奶味較重,容易入口,屬於較大眾化的口味。

peaceofcake_17.jpg

環境來說,是不錯,應該很受少女歡迎。這次順路到訪,只是簡單試了鬆餅和一杯飲品,對鬆餅的味道會有一點小失望,未知其他甜品會否較出色。


Peace Of Cake

地址:澳門菜園涌邊街台山新城市花園第10座地下G


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

皇冠小館

用餐日期:2017/04/02

上次黎澳門就食左一哥水蟹粥,唔係話牯別好食,不過價錢幾平,今次同幾位朋友一齊黎,都想搵間蟹粥試下。

記得好多年前喺澳門搭的士,佢提過皇冠小館唔錯,好多司機大佬都去食,我估佢當時係講緊水坑尾店。

其實澳門有邊間蟹粥好食?我地少食,唔知邊間好,兩年前喺六記宵夜點左個粥,印象中係唔錯的。


講番皇冠小館先,今次我地去左銀座廣埸分店,位置都幾闊落,餐廳幾乾淨光猛。

18402561_625701240955434_453778763175679760_n.jpg

雖然我地一行7人,但距離早餐時間唔過一個鐘,距離晚飯又唔到三個鐘,我地只係點左幾樣野,當試下

見到餐牌有個米豬蓮公仔我都驚驚地,因為我不嬲同米豬蓮嘅口味唔係好夾 (笑)

餐牌選擇多,有粥、小食、小炒、飯、粉麵等,定價中上。


馳名海蟹粥 $500

聽講呢個就係米豬蓮推介,粥底加入瑤柱、腐竹熬製幾個鐘,配新鮮原隻鹹淡水海蟹,會因應時令加入水蟹、花膏海蟹等。

半窩就300蚊,一窩就500蚊,我地人多,點左大窩,分到十幾碗份量。

18403183_625701157622109_854402893562463610_n.jpg

一窩裡面有三、四隻唔算好大隻嘅奄仔,食落唔算好好肉,只左少量冇味嘅膏,非常普通。

粥底夠綿,可惜材料唔突出,唔夠鮮味

18341714_625701170955441_9082207760733712145_n.jpg

竹升蝦子撈麵 $83

文案就話以傳統古方製作嘅竹升幼麵,配極品大頭蝦子,清湯用魚、蝦子、豬筒熬製,係另一米豬蓮推介。

蝦子份量頗多,平均鋪於麵上,但蝦子唔香,食落粗糙,清湯亦都冇乜特別,有少少名大於實啦。

試埋咩秘製辣椒油,唔辣…

18341750_625701197622105_7237761795633020180_n.jpg

炸雲吞

即時炸起,炸粉唔厚,餡料就唔係多,但食落香口,已經係成餐最好味。

18342651_625701147622110_6386013297806001705_n.jpg

馬拉盞炒通菜

揀馬拉盞炒,稍為油膩,不過不失。

18341742_625701137622111_6808086759140597978_n.jpg

呢餐我地點左好少野,志在參與,所以人均消費就唔係貴,每人百五蚊左右;但如果正常黎食餐飯,就唔會係呢個價位。

環境方面固然係比起其他粥品店大,坐得會較舒適。但最重要嘅味道方面,有少許失望,普普通通,冇邊款特別出色,不試也罷

餐牌:

18341808_625701277622097_2066505429500036624_n.jpg


皇冠小館 
地址:新馬路伯多祿局長街3至13號銀座廣場一樓J號舖

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

園林小食

用餐日期:2017/04/02

去完澳門都已經一段時間尚未有時間整理照片,一直拖到而家,都超過一個月,哈哈。寫野嘅速度永遠追唔上食野嘅速度呢

Day2由珠海番過澳門打算食早餐,事前本身安排去金利,點知到左門口先見到連續休息幾日…噢…即時冇哂方向 (笑)

然後上網搵其他餐廳,冇乜頭緒下去左三盞燈附近,舟車勞頓左一朝,又坐巴士又行黎行去,打算求其食少少野醫肚要緊,見呢間鋪頭門口擠左好多人,決定一試!

18221651_623368434522048_6731357094593118422_n.jpg

門口位係外賣位置,中午時間人潮湧湧,有唔少人排隊等外賣,店內位置唔多,類似香港廿蚊碗雲吞麵店嘅格局,清一色需要搭枱,有少少逼啦。

始終係快食快走,服務方面都唔好抱太大期望。

園林小食主要供應麵食,配唔同材料,例如鮮牛肉、豬扒、魷魚、魚片等,單拼就唔貴,但加餸的話每款要加$11。

眼見大部分人都點咖喱,咁我估咖喱都幾有名掛…

咖喱雞翼河 $24

咖喱豬扒雞翼撈麵 $36

咖喱豬扒雞翼麵 $36

咖喱薯仔豬扒米粉   $36

咖喱味唔算好濃烈,汁唔會太稠身,鹹淡適中,唔係好辣,見隔離枱小朋友都食到

河粉份量都幾多,滑身偏幼,點左雞翼有兩隻,連埋兩隻雞翼尖,唔係得層皮有咖喱味,炆得好腍,離骨,幾好食

豬扒比較薄身,例牌加鬆肉粉,肉質都鬆,但因為煎過,都會有少少油。

湯粉整體都幾好食,唯獨撈麵直接用咖喱汁撈過又冇湯汁就會比較鹹啲。

18221775_623368291188729_664288179032472713_n.jpg

18198698_623368274522064_4835696780500678942_n.jpg

18222489_623368257855399_4711345496687315951_n.jpg

18301632_623368401188718_8630685310194456649_n.jpg

油菜 $17

菜心比較老,部分有渣。

18222147_623368424522049_7961833924423912957_n.jpg

汽水 $11

維他奶 $11

呢度嘅維他奶係樽裝~

比較搞笑係,問呀姐有冇芬達,呀姐話有;然後拎出一枝芬達提子汁,哈哈哈,ok冇錯嘅,我一心以為係橙汁啫 (笑)

18275266_623368267855398_7744028282243492044_n.jpg

18300814_623368351188723_2592347146012632243_n.jpg

眼見都有唔少本地人食嘅園林小食,唔算好多遊客,今次都係誤打誤撞食左呢間麵食,可能我地行左好耐,都覺得肚餓,寧舍覺得好味!

曾經經歷過不愉快旅遊,都有少少陰影,總結旅遊還是要搵合適嘅旅伴,食啲乜、去邊度冇乜所謂,最緊要開心。


園林小食店
地址:新橋(三盞燈/白鴿巢)三盞燈飛能便度街25號B

 

文章標籤

I'm Carol 發表在 痞客邦 留言(0) 人氣()

Pastry Snaffle's

用餐日期:2017/04/01

喺芝士工房嘅附近就會見到呢間Pastry Snaffle's,其實舊年佢地都曾經喺K11短期租約形式擺賣過。

始創於北海道函館市,聽講佢地嘅catchcakes® 有北海道第一芝士蛋糕嘅美譽。呢度除左供應芝士蛋糕,仲有北海道軟雪糕。

17883618_611801402345418_8529628874753927895_n.jpg

17883878_611801455678746_6813229635776849847_n.jpg

店員明顯比起芝士工房嘅熱情、有禮,主動問客人試唔試芝士蛋糕。

本來我都想試,但朋友食左一小塊話覺得普通,所以我打消左念頭,專注食番雪糕。

17903356_611801445678747_1827866744771848722_n.jpg

北海道5.4極上牛乳軟雪糕 $38(加$20可配一件芝士蛋糕,會放喺雪糕上)

喺香港食過3.6牛乳,亦都試過兩間8.0牛乳,喺濃度上確有分別。今次呢隻5.4真係第一次食

牛乳味香濃,食落確係比3.6奶味重啲,不過甜度較高,幸好唔膩。

雪糕質地唔算好滑溜,亦都唔係好厚實,溶嘅速度驚人。

衡量番價錢,幾十蚊食到杯牛乳雪糕都可以一試,因為份量都幾多架。

17903576_611801385678753_1479677053113742259_n.jpg

17903710_611801415678750_205975947128410970_n.jpg


澳門斯樂芙
地址:氹仔舊城區水鴨街15號喜來登廣場地下C座
文章標籤

I'm Carol 發表在 痞客邦 留言(0) 人氣()

Holy cheese

用餐日期:2017/04/01

繼二月份、三月份去過澳門玩兩日一夜後,我四月份又黎了。

今次同朋友一齊黎,順便預祝我嘅生日,選擇喺澳門、珠海玩,住嘅係珠海嘅酒店。

粵海酒店 三房一廳  TripAdvisor:http://bit.ly/2pnM9oi (週六入住,一千蚊/晚唔洗,有三房一廳提供,方便幾位朋友想一齊住,一來可以share房錢,二來三房一廳環境都唔錯,除左床太硬,我地都算幾滿意。)

由於同行有朋友,所以比起平時我同男朋友過黎,食嘅野比較少。

呢間Holy Cheese芝士工房都係意外之列,因為食完午飯,小店就喺附近,冇理由唔食啦。

17760163_609200335938858_3390287731716385893_n.jpg

自稱係澳門第一間專賣芝士產品嘅蛋糕麵包店,供應三款味道嘅撻:芝士流心撻、抹茶撻、朱古力撻,另有泡芙、芝士蛋糕等,定價同香港差唔多。

17759973_609200375938854_4006776716642104166_n.jpg

17796561_609200399272185_2532285142179351756_n.jpg

芝士流心撻 $19.9

芝士撻並非剛出爐,我諗味道點都會有少少影響。

17634466_609200342605524_844208136148749781_n.jpg

芝士味食落並唔濃郁,流心效果唔太明顯,比較似係半熟口感。

相對香港食到嘅芝士撻點都有啲差距~

17796781_609200355938856_1977789249260894689_n.jpg

可放入雪櫃凍食 / 放入微波爐加熱15秒食用,咁我係遊客,當然只能夠選即食。

17796386_609200425938849_7642877866881751359_n.jpg

千層年輪流心芝士蛋糕 $25

朋友點嘅年輪芝士蛋糕,佢直頭話唔好食

賣相有少少似我之前食過嘅【不是葡撻】,食落又唔酥又硬身,仲要貴過我嗰件幾蚊…

17634533_609200389272186_5268724896819139399_n.jpg

泡芙 $10

17800441_609200405938851_955015338100795406_n.jpg

兩次喺澳門食芝士撻都覺得普普通通,可能食番葡撻最穩陣
 
吐糟:小店面積唔大,有兩位店員,只四、五個位置,但當日有一半都俾店員嘅「朋友」霸住吹水…
芝士工坊
地址:花城區廣東大馬路116A-142F號南新花園第六座地下G號舖

Follow us:
文章標籤

I'm Carol 發表在 痞客邦 留言(0) 人氣()

Paddington Pancakes 柏林頓班戟屋

用餐日期:2017/03/12

來自馬來西亞嘅柏林頓班戟屋係以班戟為主題嘅餐廳,喺澳門有兩間分店,最特別係分店分別供應唔同形式嘅班戟。

東方斜巷店主要以美式班戟,即係鬆餅,或者我地叫做熱香餅;位於白馬行嘅分店則供應歐式戟,即係窩夫、可麗餅

除左有傳統甜班戟外,仲供應唔少有具創意性嘅鹹食班戟,有冇諗過班戟都可以當正餐食?

喺香港食crêpes冇8、90蚊都走唔甩,成日覺得澳門物價接近香港,但相對上柏林頓班戟屋定價都合理,幾個朋友share食相當划算。


上次我地去嘅係東方斜巷店,鬆餅相當出色,而且份量唔少,今次過去澳門就去左近白馬行分店,試埋小店嘅鹹食班戟。

柏林頓班戟屋位於小巷中,位置較癮蔽,但門面就幾亮眼。

Paddington-Pancakes-01.jpg

餐廳裝潢花過心思,靠近門口係比較悠閒嘅梳化位置。

Paddington-Pancakes-02.jpg

人多都唔怕坐得唔舒服。

Paddington-Pancakes-04.jpg

另外有少量二人、四人枱。

呢間分店明顯比東方斜巷嘅闊落、空間感足,而且人流冇嗰邊咁旺,所以我地都慢慢食,hea一陣。

Paddington-Pancakes-03.jpg

由於一落船只係去左文創村食左件撻同埋一份雞蛋仔,所以點左兩份甜食,兩份鹹食,最終飽到飛起。

韓式芝士粟米辣雞荷蘭餅 $75

我地非常推薦呢款味道嘅荷蘭餅,賣相已經好吸引,睇落似薄餅,其實係班戟底,周邊做到又薄又脆口!

荷蘭餅配料豐富,有雞肉、粟米粒、生菜絲,芝士,以韓式辣醬調味,份量頗多。

食嘅時候先切開一件件,由中間向外卷,直接揸住食更爽,口感有pancake嘅元素,邊位脆口,加上辣雞味道突出,惹味非常!

配合生菜絲、粟米粒,除左可以增添口感,同時減輕肥膩感,兩個人食清光覺得飽,但完全唔會滯,計番價錢仲覺得好抵食

唔鐘意食辣嘅尚有其他款式,例如煙三文魚、牛油果卷餅,仲有黑松露雜菌荷蘭餅等。

Paddington-Pancakes-05.jpg

芝士軟殼蟹格仔餅(窩夫) 配 現炸薯角及芝士醬 $79

賣相相當吸引,以軟殼蟹為主角,用兩件格仔餅夾住,類似漢堡造型;加上薯角、沙律,同樣都係抵食之選!

格仔餅實心有份量,軟硬適中,唯獨爭少少蛋香。軟殼蟹size一啲都唔細,有霸氣,食落脆口,值回票價

芝士汁由於採用水牛芝士,較為軟身,容易做成拉絲效果,不過味道相對唔會太濃烈,可以考慮加少少海鹽調味。

Paddington-Pancakes-06.jpg

而薯角有驚喜,熱辣辣即時炸起,非常香脆,就算唔係即時食都依然保持。旁邊嘅沙律菜既作為點綴,亦同時減輕成份格仔餅嘅油膩感。

Paddington-Pancakes-07.jpg

鹹嘅班戟好啱我地口味,推薦大家去白馬行分店一試。至於甜食,我地揀左兩款,包括招牌朱古力卷、窩夫。

雜果黑糖麻糬窩夫  配  香草雪糕 $68

窩夫質地、口感基本上差唔多,裡面夠軟熟,如果加少少焦糖喺面頭,做到外脆內軟更好。

Paddington-Pancakes-08.jpg

特別之處係窩夫中間係麻糬夾心,少少甜,食落煙韌,就算唔加糖漿都好夠味。

雲呢拿雪糕冇乜特別,反而伴碟嘅雜果夠多,有香蕉片、士多啤梨、奇異果、菠蘿、藍莓,幾大方!

Paddington-Pancakes-09.jpg

Paddington-Pancakes-10.jpg

招牌朱古力卷 $62

招牌朱古力卷以班戟配上花生醬、oero、花生、朱古力醬、淡忌廉,再加一球雪糕,份量非常大,如果好似我地咁之前已經食左幾樣野,隨時食唔哂。

12吋嘅荷蘭甜薄餅卷左兩層,口感軟熟,一層一層朱古力醬、花生醬相隔,甜度適中

雖然有oreo碎餅、花生粒,但可能比較碎,所以口感唔係太明顯,食落比較單一。

Paddington-Pancakes-11.jpg

Paddington-Pancakes-12.jpg

Paddington-Pancakes-13.jpg

飲品方面都有唔少選擇,有咖啡、朱古力飲品、果汁、沙冰、奶昔等,價位大概三十幾蚊。

薄荷青汁 (青瓜、雪碧、薄荷葉) $34 

青汁比較解膩,所以揀左呢杯,飲落清新,不過薄荷味唔夠強烈。

Paddington-Pancakes-15.jpg

雜錦樂園 (香蕉、小蜜桃、芒果、雜莓) $34

鮮榨果汁比較健康,水果混合味道酸酸甜甜。

Paddington-Pancakes-14.jpg

總括黎講,我比較喜歡柏林頓班戟屋嘅鹹食,價錢唔貴之餘頗有水準。去到澳門唔想淨係食葡撻、豬扒包可以試下班戟。

當然啦,話就話係班戟主題店,其實佢地仲有沙律、意粉、意大利飯等主食,並非戟愛好者先可以黎


柏林頓班戟屋

地址:柯傳善堂圍11號A地下 (白馬行利基通訊對面巷直入)


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

 

文章標籤

I'm Carol 發表在 痞客邦 留言(0) 人氣()

一哥美食

用餐日期:2017/03/12

以往去澳門我地都比較「遊客mode」,去嘅、食嘅都係比較熱門嘅旅客點。最近我地去到比較頻密,所以都想一改呢個習慣,出發前都做定資料搜集,希望盡量食啲地道人介紹嘅美食。

講到澳門都不得不提水蟹粥,最出名難食嘅我就冇食過,so far之前食過幾間都唔錯。今次出發前搵左間都幾多人介紹、推薦嘅食店,打算作為last day晚餐。

一哥美食位於祐漢, 因為我地唔熟路,盡量跟住地圖行,但都覺得有少少難搵

去到附近一個街口,已經聽到火爐「冚冚聲」,可見佢地鑊氣十足。

週日八點鐘左右,客人不少,幾乎滿座,而且有唔少人等外賣,幸好有人剛埋單,我地先有位

一哥美食供應多款粥品、腸粉、小菜、炒粉麵、椒鹽菜等,定價唔貴,比較出名嘅係水蟹粥、腸粉。

17554141_606258826233009_392444255599682121_n.jpg

17634731_606258616233030_2444563836605555116_n.jpg

一哥水蟹粥

本來佢地有碗裝嘅水蟹粥 ($73),但我地兩個當然係眼闊肚窄地點左一窩。一上枱…真係好大窩呀 lol

面頭有大量生菜絲,粥嘅份量好多,隱約記得最後裝左成十碗…飽到我地…

17545168_606258749566350_809948365511522445_o.jpg

水蟹唔算好大隻,有膏,但唔算係好多;蟹肉偏少、削。

一哥嘅粥底都依然係呈白色,粥底綿滑,但食落並冇想像中咁鮮甜,有少少失望。

但考慮到價錢比平時食平一半, 分分鐘夠四、五個人食, 都算係咁啦

JIPR6118.JPG

17632329_606258576233034_2099327040353027792_o.jpg

鮮魷魚炒麵 $42

炒麵幾有鑊氣,唔會炒到好乾,食落唔油膩,調味恰當。 麵嘅份量都相當多,魷魚大大塊,好抵食

17637038_606259116232980_8265169117609640621_o.jpg

17635516_606259176232974_8190799123843459936_o.jpg

叉燒腸 $23

腸粉皮比較厚身,一層一層咁,食落同香港酒樓嘅好唔同。

餡料亦都唔係話特別多,普普通通

17630173_606259152899643_5302251561613109027_n.jpg

炒菜心 $43

菜心油多,雖然呈嫩綠色,但食落較老、粗。(個人喜好啫,我地比較鐘意食菜心苗)

17621724_606258892899669_411515500423426802_o.jpg

總括黎講,一哥美食定價合理,食物份量頗多。埋單連飲品$275,兩個人捧住個肚走

但可能我地期望有少少高,覺得水蟹粥冇所講咁出色。


一哥美食 
地址:祐漢黑沙環第七街8號C-D舖

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: http://mrmrsfoodhk@gmail.com

 

 

 

 

文章標籤

I'm Carol 發表在 痞客邦 留言(0) 人氣()

壹燕糖

用餐日期:2017/03/12

壹燕糖位於福隆新街,係早年黎澳門幾乎必到嘅手信街,同時亦都係唔少遊客食翅嘅集中地,佔盡地理優勢。

不過近年遊客買手信都已經轉去大三巴、官也街等地方,食魚翅嘅人都比以往少,所以雖然我地黎過澳門幾次,亦都喺福隆新街影過唔少充滿懷舊味道嘅照片,但都唔知道原來有間挺有水準嘅甜品店。

壹燕糖顧名思義係以燕窩作為主打,定價親民,實行將燕窩平民化。

唔講唔知,原來老闆出生自海味世家,家族經營海味生意好多年,當中為人熟悉嘅就係附近嘅添發碗仔翅美食,所以壹燕糖取貨都係來自自家品牌,變相成本較低之餘,用料又有保證,難怪食落真材實料!

當然除左比較傳統嘅燕窩甜品,小店尚有其他特式糖水、小食,值得一試。


壹燕糖就位於福隆新街1號,門外保留街道嘅舊有風味。晚上黎到福隆新街更有味道,幾乎唔見遊客蹤影,我地都影左唔少相。

gluttonous-house-02.jpg

店內相當闊落,而且乾淨企理。由於時間比較夜,我地都係當日最後嘅客人。

gluttonous-house-01.jpg

甜品款式唔少,分燕窩系列、芒果甜品、傳統石磨糖水、中式糖水。另外有不同款式嘅小食,例如撈麵、蛋撻、豬扒包等。

gluttonous-house-03.jpg

gluttonous-house-04.jpg

椰皇燉官燕 $98

話明主打係燕窩,當然要試下佢地嘅招牌!

燕窩款式都有幾款,有椰皇、燉奶、更滋補嘅花膠燉燕窩等,價錢唔貴。燕窩可以選擇燕盞或碎燕,當然價錢有別,相差幾十蚊,豐儉由人。

一場黎到,我又唔係成日有燕窩食,當然係點燕盞,呢款椰皇燉官燕有足足一両燕窩架,相當足料!

如果選擇冰糖燉燕窩,相同價錢仲食到足二両燕窩,真係諗起都想食。

gluttonous-house-09.jpg

椰皇裡面滿滿係燕窩,由於原隻椰皇燉,椰子味相當強烈,老闆話仲加左椰子水、奶等材料,難怪味道咁清新!

燕窩足料唔洗講,睇番份量都真係相當抵食。喺香港食椰皇燉幾粒湯丸都六、七十蚊…

gluttonous-house10.jpg

芒果腸粉 $32

芒果腸粉睇番評語都係必試系列,食過後都覺得不能錯過。

腸粉睇落已經好滑溜,而且做得相當薄身,用上椰汁製作腸粉皮,所以都帶清甜椰子味。

gluttonous-house11.jpg

芒果肉雖然唔算澎湃,但微微香甜,唔會有甜水感覺,食哂都唔覺得膩。

gluttonous-house12.jpg

鮑魚撈麵 (鮑汁/XO) $120

賣相好吸引!兩隻大鮑魚、撈麵、生菜,好豐富。由於我地食過晚飯,所以二人分享,份量剛好。

見我地大讚好味,老闆都解釋呢個鮑魚撈麵係佢地嘅招牌菜,由鮑魚、麵、調味等配料全部自己煮過,唔係現成貨,當中嘅誠意、功夫可想而知。

gluttonous-house-06.jpg

鮑魚大大隻,煮得腍身,食落爽口,鮑汁入味,唔係一般喺其他鋪頭食到嘅惹味!

gluttonous-house-07.jpg

麵嘅份量唔少,面頭有蝦米仔,食落唔腥。明明幾分鐘前話飽,但我同男朋友都忍唔住一口接一口。

gluttonous-house-08.jpg

燕窩薏米水 $25

食完鮑魚麵飲番杯薏米水,十分清涼。薏米水有利水祛水功效,啱哂女士。

gluttonous-house-05.jpg

總括黎講,壹燕糖嘅甜品都幾有水準,價錢合理,真材實料。如果有多幾個朋友一齊分享,可以試更多款式,特別推介椰皇燉官燕、鮑魚撈麵!

福隆新街係昔日澳門最繁華嘅街道之一,至今仍然保留舊貌,除左黎食糖水,仲可以感受下街巷獨有嘅特色。


壹燕糖甜品
地址:新馬路福隆新街1號地舖

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: http://mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

Cha Bei

用餐日期:2017/02/18

Cha Bei係澳門銀河一間以生活風格為題嘅粉色系咖啡廳,裝潢、設計充滿少女心,開幕以來都有唔少人去過打卡。

Cha Bei,即係「茶杯」,結合餐飲、美食、設計、藝術於一身,當中有唔少擺設都出自大師手筆。

咖啡廳面積甚廣,除左提供茗茶、咖啡、甜點,仲陳列一系列精緻茶具、家居產品、花卉等,客人滿足口腹、眼球之餘,心靈都得以放鬆。

Cha Bei位於澳門銀河1樓,佔地幾千呎,裝潢極具少女心,就算唔幫襯,都可以影番幾張相。

UDQM2366.JPG

咖啡廳設有超大型甜品櫃,旁邊一塊大玻璃更加可以讓客人欣賞到甜品師製作過程。

RDML3884.JPG

近門外位置為「外賣區」,即使買左甜品、飲品嘅客人,都可以喺餐廳內用餐,環境都唔錯呢!

當然啦,要想坐喺裡面就要點餐單嘅食物,並會收取服務費。

SFPY9232.JPG

門外陳列唔少甜點,作為手信,包裝都相當靚。

SMKY8240.JPG

OVCI6813.JPG

門口呢個相信就係打卡熱點。

OOBH6539.JPG

PKNG9097.JPG

餐廳空間感足,位置舒適。

17554456_604203736438518_3069185066530877009_n.jpg

Cha Bei 嘅下午茶每日兩點半後供應,分別有兩個選擇 -  縱情享受 $328、繽紛狂想曲 $528,定價為兩人份。

事前我睇過唔少食後感,都表示佢地嘅下午茶「得個樣」,唔飽肚。

但由於咖啡廳太靚,我都自行腦補過後,我都堅持要男朋友陪我去試下,我地揀左較便宜嘅一款。

優惠:想食可以預先網上申請埋銀河皇卡,有9折。

17498761_604203563105202_8330113504828338470_n.jpg

 縱情享受 $328/兩位

有鹹點四款、甜點八款,加上鬆餅、瑪德蓮,飲品,配合環境、服務、食物質素,我認為定價合理。

店員首先送上歡迎茶,係熱紅棗茶,味道香濃,飲完有暖和感。餐飲方面,可選茗茶、熱朱古力或咖啡。

茗茶分綠茶、紅茶、烏龍、白茶及花草茶,選擇不少。

皇后伯爵茶

以壺上嘅伯爵茶,茶具非常精緻,飲落帶香而不濃,因為呢款伯爵茶混合清酒、花橙、佛手柑嘅成分。

TUWT7132.JPG

17426342_604203886438503_7086485671233542270_n.jpg

可可豆所用亦係頂級朱古力品牌,熱朱古力分三種濃度:35%白朱古力、66%黑朱古力、80%黑朱古力

Caraïbe 黑朱古力 66%

朱古力味好香濃,帶少少苦澀,可按喜好加入淡奶,更加幼滑。

XNGO2022.JPG

主角下午茶以珠寶盒形式展現有鹹點四款、甜點八款,加上鬆餅、瑪德蓮,夠少女吧!

眼見在場各位女士都舉起手機影相,我都唔執輸,影番三五七打照片。

VDCJ1701.JPG

鹹點以三文治、麵包為主,用料都幾特別,有牛油果、松露磨菇、煙三文魚等,整體味道不錯,尤以松露磨菇酥味道最好!

RUPB5163.JPG

雖然聽過唔少人表示Cha Bei嘅甜點一般,可能我冇乜期望去到,又覺得比想像中好呢。

甜品賣相精美,用料特別就稱唔上,都係比較大路嘅材料,就連男朋友都覺得味道唔差。

SLLF6611.JPG

PIMG4972.JPG

甜點配合珠寶盒嘅主題,有戒指造型嘅嘴唇朱古力、馬卡龍。

WDRY6314.JPG

WPJW2310.JPG

加上最後嘅烤瑪德蓮、英式乾果鬆餅,其實都飽肚。

特別一提香蕉熱情果醬、雜莓醬配合鬆餅,味道不錯。

17522586_604204066438485_3508438167142302760_n.jpg

WQIW2637.JPG

整體黎講,我地覺得Cha Bei嘅下午茶味道不俗,可能好多評價都係開業初期,相信試業一段時間,食物已水準已經穩定落黎。

個人認為價錢合理,配合環境,加上店員服務親切、有禮,都好值得一試。

見到旁邊兩位客人點嘅係「繽紛狂想曲下午茶」,價錢貴一點點,食物更豐富呢!

17425913_604203533105205_1555532321445216524_n.jpg

詳細餐牌可查閱餐廳網站: https://www.galaxymacau.com/zh-hant/macau-restaurant/restaurant-directory/bar/cha-bei

***下午茶不設預約

Cha Bei

地址:澳門銀河1樓,1047

 


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: http://mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

千笹日本料理

用餐日期:2017/03/12

澳門之行都有唔少餐廳想食,本身心中有另一選擇,但上網搵搵下資料先發現,原來該餐廳已經轉左做放題。咁我地放題就冇乜興趣,唯有搵另一間

千笹日本料理聽番啲澳門人講,都算係澳門比較唔錯嘅日本菜,朋友話當然比較香港仲有距離,不過都可以一試。

佢地有三間分店,分別係我地去嘅筷子基店、花城店、百老匯大街店,因為聽聞客人都幾多,所以預先打左過黎訂位,聽電話嘅店員好有禮,而且聽起黎好開朗,即時已經對佢地印象唔錯

17457322_602315596627332_6044795067673121322_n.jpg

週日晚黎到,幾乎滿座,加上筷子基店本身位置唔多,想食嘅話真係最好訂位,因為見walk in嘅客人都基本上要等位。

小店裝潢好有日本風味,燈籠、粉彩手寫嘅餐單、木製枱凳,仲有幾個面對師傅嘅吧枱位置。

17309319_602316009960624_5647804716843474817_n.jpg

17424776_602315963293962_799764612009363295_n.jpg

17426258_602315986627293_5216551421443008203_n.jpg

17426285_602316016627290_4294638169170858112_n.jpg

餐單食物選擇非常多,沙律、刺身、壽司、卷物、串燒、爐端燒、手作料理、天婦羅、鍋物、丼物、湯、拉麵、烏冬、冷麵,花多眼亂

定價中上,兩個人都食左7百蚊左右(上網發現某網站有9折券,成功用到: http://bit.ly/2mSR5zH,都食得幾飽,但就唔係話點左好多靚野,人多嘅話相信會正好多。

由於我地只有兩個人,食物款式揀得比較多,二人枱其實唔係好放得落,呢方面我都有少少躁底+無奈

餐廳彈性唔夠高,考慮到餐枱唔夠大,應該控制出菜速度,有部分熱食,我地根本食唔切,都凍哂了。或者我應該逐樣落單啦…

刺身:

三文魚腹 $78/5片;北寄貝 $62/5枚

三文魚腩食落都好新鮮,而且厚切,肥美北寄貝就比較普通。

見有唔少人都會點佢地嘅刺身拼盤 (六款$328/十款$468)~

17425985_602315636627328_8759373379030563969_n.jpg

17457788_602315609960664_4841653550875873289_n.jpg

沙律:

溫室青瓜蟹籽沙律 $48

沙律都有十款,$52-$98,點左最普通嘅款式,喜歡特別啲嘅有海膽蟹肉沙律、芝士烤雞沙律等。

青瓜沙律賣相唔錯,份量唔少,青瓜食落好新鮮,沙律醬唔會太酸!

17425945_602315646627327_5132283146192812481_n.jpg

壽司/1件起:

蟹籽壽司 $10、香蔥金槍魚腹蓉 $26、火炙左口魚邊 $28、火炙芝士帆立貝 $24

壽司價錢偏貴,所以只係點左4款淺嚐,真係幾唔錯,金槍魚腹蓉鮮味非常,特別鐘意左口魚邊,入口即溶

17425907_602315673293991_5980228832773718057_n.jpg

串燒:

京都黑七味串燒雞中翼 $22/2隻

串燒雞中翼味道唔重,皮燒得微脆,唔會油膩。

17425120_602315813293977_7996639606212955963_n.jpg

南高梅燒丹波雞柳串 $18

來自和歌山嘅南高梅,唔試過就唔知有咩特別,可惜失望了。

雞肉串雖有醬汁,但味道唔強,而且雞肉夠乾身冇味

17457713_602315826627309_7840173423915683728_n.jpg

17424782_602315909960634_7941127773405380842_n.jpg

日本料理:

千笹豚平燒 $48 (本店限定)

見餐牌上寫住只有此分店供應,都點左一客試下。

大阪燒、文字燒就聽得多,豚平燒係第一次食,豚平燒都係關西嘅鐵板料理。

食落煙煙韌韌,蛋味濃郁;放涼嘅話味道有差,記得趁熱食

TMAP1110.JPG

17457255_602315716627320_1832695504736221320_n.jpg

溫玉子牛舌鐵皿燒 $86

牛舌煮得腍身,而且入味,好似牛腩咁嘅質地,食到尾略鹹。

17457360_602315769960648_2040167595375312218_n.jpg

手作料理:

鯛魚湯季節野菜煮蛤 $88

如果喜歡飲魚湯,一定要點呢個蛤蜊份量不少,粒粒都大粒,完全冇沙。

特別係個湯,真係好鮮甜,魚湯一啲腥味都冇

17425997_602315683293990_8060543708460545596_n.jpg

17425820_602315713293987_4673304836412200238_n.jpg

鍋物:

豚肉韭菜泡菜鍋 $108

最後先上嘅泡菜鍋,其實我地都已經飽左8成~

點左泡菜鍋還是有啲失望,泡菜份量太少,所以味道較淡,泡菜鍋係應該喺韓國餐廳食的

17498662_602315859960639_5539057476417894264_n.jpg

鍋物材料都幾豐富,有豚肉、菇類、泡菜、韭菜、娃娃菜

雖然有韭菜,但味道唔強烈,好似我咁唔食韭菜,只要夾開,味道都唔會好嗆。

17424826_602315946627297_4084294803077802627_n.jpg

總括黎講,呢餐都非常豐富、滿足,埋單9折後650蚊,價錢稍貴,但味道不錯,同意朋友所言,都算係澳門性價比高嘅日本料理

不過以呢個價位,服務可以再細心一啲,加上呢間分店座位較逼,如果再訪,我或許會試試百老匯大街嘅新店。


千笹日本料理 
地址:筷子基船澳街82號海擎天地下
文章標籤

I'm Carol 發表在 痞客邦 留言(0) 人氣()

脆卜卜雞蛋仔

用餐日期:2017/03/12

喺文創村試左兩間食店,除左Royal-Place尚堂.手感の创作屋,當日仲試左脆卜卜雞蛋仔,賣嘅係雞蛋仔、窩夫、夾餅、小食

雞蛋仔口味陳出不窮,款式愈見花巧,加左雪糕嘅雞蛋仔喺香港亦都曾經流行,但喺澳門並唔常見。

17311206_598300103695548_2031015005950310160_o.jpg

17342667_598300137028878_401650243703358651_n.jpg

17218551_598299197028972_3129770979980711885_o.jpg

17218356_598299747028917_933522475203516187_o.jpg

雞蛋仔即叫即做,需時等候。

 

17265284_598300050362220_5424862302675841598_n.jpg

聖誕繽紛杯 $40

聖誕繽紛杯其實就係草莓口味,材料有新鮮草莓、香蕉、草莓醬、雪糕、忌廉、脆米、手指餅。

一拎上手,非常有份量,唔能夠垂直放置,所以食嘅時候難免狼狽

17308843_598299847028907_6365499848144107394_n.jpg

17264647_598299680362257_2561378363708804683_n.jpg

草莓係新鮮切,酸酸甜甜,份量唔少。脆米有助增添口感,雪糕係普通貨色,幸好溶嘅速度唔會太快。

主角雞蛋仔微脆,唔係空心,當然比起香港嘅雞蛋仔,蛋味唔夠香濃,稍為遜色。

17155640_598299023695656_1954224892394442799_n.jpg

唔算係好出色嘅雞蛋仔,但文創村中仲有唔少食店,有時間不妨去行下。


脆卜卜雞蛋仔

址址:澳門文創村水坑尾百老匯中心3樓


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

Royal-Place尚堂.手感の创作屋

用餐日期:2017/02/18 & 2017/03/12

文創村係澳門首個以文化創意為主題嘅集中地,座落水坑尾百老匯中心,佔地三層。

三樓主要提供餐飲,以小食、咖啡為主,而且有唔少位置,文青大可參觀完喺度稍作休息,醫肚。

但時間、肚皮所限,未能一一試哂,但都有兩間小店可以推介俾大家。

Royal Place主打用各種日本原材料製成甜品、食物、飲品,特別強調使用日本宇治市最有名嘅茶園之一 -  丸久小山園嘅抹茶粉,用上屬於上級水平嘅若竹抹茶粉

17212171_598299033695655_7445149419309789613_o.jpg

17218675_598299213695637_7487622121524207105_o.jpg

17264551_598299370362288_8874664184178118282_n.jpg

除左手作抹茶雪糕,仲提供一系列抹茶/焙茶手沖茶。

16998100_592551750937050_954685768821587401_n.jpg

17098242_592551820937043_123222088854335434_n.jpg


宇治抹茶拿鐵 $33

呢個自稱係全澳首創嘅漸層宇治抹茶latte,以標榜使用日本抹茶粉沖嘅飲品以言,定價合理。

宇治抹茶拿鐵用上丸久小山園抹茶粉,加上明治4.3牛乳,抹茶、牛奶漸層明顯,賣相討好,飲用前需搖勻。

16997911_592551697603722_6902182639968211614_n.jpg

老闆娘介紹時話佢地嘅抹茶飲品甜度較低,著重回甘,希望參照日本正宗手法。

聽到呢句,我地已經有哂心理準備,因為我地最怕台式飲品嘅甜水感覺。

17022263_592551714270387_298263759504288965_n.jpg

雖然見過有人話呢杯飲品普通,所以成日都話口味呢樣野好主觀…我地兩個偏偏幾鐘意…

如果你喜歡甜度較高,奶香重嘅latte,呢杯或許唔啱你。

首先呢杯拿鐵甜度可以話係零,適合平日飲野都自動要求少甜嘅我地 唔知係咪因為使用明治牛乳,奶味相對薄弱,所以亦都能夠解釋何以完全唔甜。

抹茶味突出,質地厚滑,有回甘效果,唯飲到尾會有少許苦澀。


宇治焙茶沙冰 $33

天氣開始悶熱,覺得拿鐵唔夠涼爽,可以選擇沙冰。

起抹茶,焙茶少了一份苦澀,但茶香濃厚,完全唔甜膩,更推薦焙茶飲品!

沙冰打得夠碎,入口即溶。

17308835_598299150362310_9166134228398917684_n.jpg

特別係天氣唔好嘅時間,見到老闆娘嘅小字句,可以提起勁,繼續一日嘅行程!

17038550_598298827029009_1476449903549714056_o.jpg


除左提供抹茶/焙茶飲品、手作雪糕,呢度仲有幾款大熱口味嘅芝士撻,分別有芝士、宇治抹茶、宇治焙茶、限定嘅紫薯,四種口味。

16938433_592551810937044_1273950779310320530_n.jpg

17098348_592551687603723_8980613922340719209_n.jpg

宇治焙茶芝士撻 $18

呢個焙茶撻一試愛上,推介呢款啊!選用上等宇治焙茶再人手製成撻皮,令我最近沉迷焙茶嘅源頭。識食真係要食焙茶!

焙茶芝士撻外形精緻,微溫。

17022057_592551727603719_3571836326621070374_n.jpg

咬落去流心效果明顯,焙茶澎湃。

烘過嘅茶茶香濃厚,微微炭香,但冇抹茶嘅苦澀,甜而不膩

16939175_592551724270386_7637012999386827919_n.jpg

曲奇餅皮鬆脆,好好食!

16938491_592551757603716_7219340479040548411_n.jpg


紫薯芝士撻 $18

個人對紫薯食品唔係好沉迷,但亦都唔抗拒,所以都試埋呢件期限定嘅紫薯撻。

小店用嘅係純天然紫薯,每日新鮮製作,冇添加人造色素,可以放心食。

紫薯味道唔算好強烈,味道帶甜,天然唔假,配合芝士撻都唔會好膩。

17264535_598298933695665_4438742533332031963_n.jpg

同焙茶撻一樣,紫薯撻嘅流心效果都澎湃!(燈光不足,相機有色差喔)

17155681_598298887029003_2255042962254740102_n.jpg

價錢唔貴,唯獨size偏小,感覺比香港食開嘅芝士撻再細啲。認真講,我兩啖可以食完啊,勁回味!


Royal Place 尚堂 手感の創作屋
地址:水坑尾街258號百老匯中心3樓CB3室

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

 

文章標籤

I'm Carol 發表在 痞客邦 留言(0) 人氣()

水坑尾百老匯中心

無論香港、台灣、國內都愈黎愈多市集、文青聚集地,推動創意產業,一眾手作人、從事藝術創作人都有機會喺各平台展示自己嘅作品。

香港有元創坊,台灣嘅華山、松山文創園區,什至深圳都有華僑城創意文化園。至於澳門?

文創村係澳門首個以文化創意為主題嘅集中地,座落水坑尾百老匯中心,佔地三層。

16999124_592887157570176_7851608906945875897_n.jpg

當日我地週五去到,可能係平日,大部分店鋪都未有營業,什至見到部分鋪位尚未租出,可以逛嘅唔多。

16939129_592887167570175_6354762592066026593_n.jpg

17021694_592887144236844_2070065129618759239_n.jpg

一樓、二樓中有商品零售、手作小店、藝術品展示、漫畫作品展。

17103679_592887230903502_6737835228344504237_n.jpg

令我諗起香港嘅「油街實現」。

17098545_592887204236838_1428860738940258584_n.jpg

16998907_592887277570164_7098852409998396819_n.jpg

16938721_592887357570156_7639930779884717516_n.jpg

16938469_592887384236820_4102394604802424856_n.jpg

16998898_592887280903497_4412103121543752019_n.jpg

17022495_592887307570161_2347829135683516108_n.jpg

17103271_592887370903488_9204581639138002120_n.jpg

17103582_592887244236834_181584096530662279_n.jpg

其中我停留最耐就係呢間乾燥花小店,裡面有唔少手作乾燥花擺設,飾品。

17022026_592887464236812_3253995457956374402_n.jpg

17098479_592887454236813_528330945960661240_n.jpg

週末定期會舉辦工作坊,週末人流會較旺。

不過想對其他地方嘅文創村,澳門呢個仍然發展中,希望之後會有多啲創作人加入,加強該處吸引力。

17309154_598298983695660_5030658986556638429_n.jpg

至於三樓主要提供餐飲,以小食、咖啡為主,而且有唔少位置,文青大可參觀完喺度稍作休息,醫肚。

17021784_592887467570145_2605660609423792926_n.jpg

17022219_592887424236816_5186543001719181538_n.jpg

咖啡店

17098558_592887490903476_5916447610151410721_n.jpg

17212171_598299033695655_7445149419309789613_o.jpg

熱狗店

17190635_598298820362343_450868395558985631_n.jpg

雞蛋仔

17311206_598300103695548_2031015005950310160_o.jpg

由於時間、肚皮所限,未能一一試哂,但都有兩間小店可以推介俾大家。

澳門文創村

地址:水坑尾街258號百老匯中心3樓


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

1 2