目前分類:搵食旺角 (32)

瀏覽方式: 標題列表 簡短摘要

天吉屋

用餐日期:2019/08/19

最近開了幾間來自日本的天婦羅專門店,試了天吉屋,本店位於新宿,香港第一店位於朗豪坊。首經獲得日本全國丼聯盟大賽的金賞獎,來頭不小,開業初期人氣超高,等位時間頗長。

整體水準不俗,天婦羅新鮮熱辣,炸漿薄身,人均消費百多元,亦符合價錢,待人流減少一點,都可以一試。

tenkichiya_01.jpg

餐廳位於朗豪坊11樓,面積不算好大,裝潢跟日本店無差,以木色為主,卡座尚算舒適,二人枱足夠放置兩份餐點,而椅子下面有置物籃可以放個人物品。

tenkichiya_02.jpg

tenkichiya_03.jpg

tenkichiya_05.jpg

廚房設計透明,可以見到店員製作過程。

tenkichiya_04.jpg

全日供應5款天丼,分別是天吉丼、天幕御膳、All Star丼、天吉雙品及香港限定的軟殼蟹丼,附湯,定價$108-158,每人最低消費$100,即是一人一丼。

為確保質素,部份食材由日本空運,例如南瓜、柚皮,使用北海道七星米。

tenkichiya_06.jpg

tenkichiya_07.jpg

餐牌圖文並茂,每款丼的食材都有詳細列出,大致上是軟殼蟹、黑虎蝦、海紅鯛、雞肉、魷魚及多款野菜。頭3款丼的配搭近似,最終我們點了天吉丼、天幕御膳。

tenkichiya_08.jpg

枱面上放有調味料、紙巾等。

tenkichiya_09.jpg

牛蒡茶。

tenkichiya_10.jpg

另有漬牛蒡、漬蘿蔔,既爽口又開胃。

tenkichiya_11.jpg

tenkichiya_13.jpg

點餐後,店員送上椰菜絲及柚子蜜,口感爽脆又清新;店員留意到我們吃完,也有主動協助添加。至於天丼,即點即製,大概等候20分鐘上枱。

tenkichiya_14.jpg

tenkichiya_15.jpg

天幕御膳 $148

天婦羅有黑虎蝦、海紅鯛配紫蘇葉、軟殼蟹、洋蔥魷魚、茄子、南瓜、炸紫菜、四季豆,跟天吉丼最大分別是御膳有三種食法、飯與天婦羅分開上、而白飯可以無限添加。

tenkichiya_16.jpg

店員於上菜時亦有簡單說明如何三食,一是直接食;二是加天丼醬汁;三是茶漬飯。

tenkichiya_17 (2).jpg

tenkichiya_17.jpg

tenkichiya_18.jpg

天婦羅熱辣辣,新鮮炸起,聽聞天吉屋出名在油粉比例,每樣食材的炸漿確實薄身,不一口粉,外層夠脆口,而不油膩,所以即使單單沾蘿蔔泥,都挺好吃。

軟殼蟹

tenkichiya_19.jpg

越南黑虎蝦略為失色,雖然兩隻虎蝦連著炸,不過蝦的口感不夠爽,而且有點小。

tenkichiya_20.jpg

洋蔥魷魚炸得金黃。

tenkichiya_21.jpg

tenkichiya_22.jpg

吃了大半,我們將天婦羅放於米飯上,加少許天丼醬汁,這個做法味道中規中矩。

tenkichiya_24.jpg

最後可以請店員送上高湯,製作茶漬飯,加一點芥末或紫菜調味,暖暖胃,味道都不錯。

tenkichiya_25.jpg

tenkichiya_26.jpg

天吉丼 $118

天婦羅有黑虎蝦、魷魚、海紅鯛、茄子、南瓜、四季豆、炸紫菜、溫泉蛋,跟御膳的食材大致相同,多了溫泉蛋,而且已經預先添加醬汁、柚皮。

tenkichiya_28.jpg

值得一提,當中的海紅鯛頗大件,外層香脆,魚肉嫩滑,回味呢!

tenkichiya_29.jpg

tenkichiya_30.jpg

天吉丼的天婦羅炸漿同樣薄身,但相對御膳的香脆度沒那麼高,可能是因為預先澆上醬汁的關係。所以如果喜歡吃脆口的,建議點選一份御膳,可以跟同行人分享。

tenkichiya_31.jpg

tenkichiya_33.jpg

難得有天婦羅溫泉蛋,流心度高。

tenkichiya_34.jpg

tenkichiya_35.jpg


天吉屋

地址:旺角朗豪坊11樓25-29號舖


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

SHAO

用餐日期:2019/11/28

最近在何文田試過兩間餐廳,其中「SHAO」的表現頗出色,小店一間,食物水準不輸其他尖沙咀、港島的西餐廳,一改何文田給我的印象。

餐廳主打健康輕食、日式丼飯;晚市4道菜晚餐每位定價$298,部份食材配搭不常見,十分美味,擺盤賞心悅目

shao_01.jpg

SHAO店名意指:Stop here and Order。開業一年多,口碑不俗。餐廳位於梭椏道,其實由旺角步行過來亦不遠。單看門面還以為是家咖啡店呢,曾經中午時間經過,小店更有文青感。

shao_02.jpg

全店位置約20個,平日晚上未算繁忙,坐得舒適。特別喜歡門面開放式的設計,通風之餘帶點悠閒感覺。

shao_03.jpg

shao_04.jpg

午市餐牌選擇豐富,主打健康輕食、日式丼飯,都有不少人推薦過,賣相討好。晚市大部份人都會點的是4道菜晚餐,每位定價$298,可享前菜、主食兩款、甜品、茶/啡。

當中已經包括招牌菜式,本來覺得有一點貴,試過後反而覺得性價比不俗

shao_05.jpg

shao_06.jpg

shao_07.jpg

秋葵沙葛沙律

秋葵很嫩、沙葛爽脆、木魚提味,裡面還加有白藜麥呢,這是很清新開胃的前菜,而且健康。

shao_08.jpg

shao_09.jpg

牛舌串燒

牛舌串燒一份兩件,口感爽脆,絲毫不韌,帶黑椒香氣,而且我們很喜歡柚子胡椒醬,酸酸辣辣,層次豐富

shao_10.jpg

shao_11.jpg

明太子意粉

明太子意粉一人份量,面頭是一隻煮得剛好的溫泉蛋,輕輕拮開,蛋液流出,令意粉口感更creamy。意粉沾上明太子,味道不會太濃,味道不錯。

shao_12.jpg

shao_13.jpg

shao_14.jpg

鵝肝漢堡

漢堡很小一個,我們切件分享,麵包香軟微酥,塗上黑松露醬、無花果醬,配搭特別,一邊較重口味,一邊清新帶甜。主角鵝肝入口細膩,香氣久久不散

shao_15.jpg

shao_16.jpg

shao_17.jpg

1914432086.jpg

腹肉牛排/150g

早前於另一間咖啡店吃過腹肉牛排,十分喜歡,所以也很期待SHAO的出品。

shao_18.jpg

腹肉牛排以慢煮方式處理,每片大小均勻,有適當厚度,外皮微脆,腹肉呈嫩紅色,口感柔軟無筋,肉味濃郁

shao_19.jpg

shao_20.jpg

配上蔥、黑蒜醬及香脆炸蒜片,回味無窮。

shao_21.jpg

楓糖叉燒/120g

楓糖叉燒亦是不少人推介的餐點,西班牙黑毛豬同樣以慢煮方式處理,配上薑蔥醬、炸蒜片。

shao_22.jpg

黑毛豬肉帶點脂肪,肉質較中式叉燒更為爽脆,以楓糖調味,做出蜜汁效果,個人認為黑毛豬可以再「肥」一點。

shao_23.jpg

值得一讚伴碟的薑蔥醬,薑味濃厚,配上蔥香,更勝一般薑蓉,心思之作想不到能在西餐廳吃到富中式味道的菜式,獨欠一碗香軟米飯呢,哈哈。

shao_24.jpg

Affogato

Matcha Affogato

上枱時已經淋上咖啡及抹茶,感覺餐廳是連碟冷藏,所以雪糕未如一般甜品的affogato般迅速溶化。

兩款當中先試抹茶,茶味甘醇,配上雲呢拿雪糕,適合喜歡吃甜的朋友。至於原味,濃縮咖啡和雪糕混合,中和苦味,很好吃呢

shao_25.jpg

shao_26.jpg

Latte

Avocado

飲料的部份表現較普通。

shao_27.jpg

shao_28.jpg

整體而言,SHAO的食物相當有水準,主角、醬汁選材都很有心思,並非一般西餐廳常見的配搭,四道菜有點fusion感覺,雖然未至於捧腹離開,卻又覺得錢花得值。


SHAO

地址:何文田梭椏道15-15A號典雅大廈地下4號舖

星期二至日 中午12時 - 晚上10時

26427053

港鐵旺角站 D3 出口


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

I'm Carol 發表在 痞客邦 留言(0) 人氣()

Are U Labeler

之前有留意到"Are U Labeler"這間餐廳,是因為小店有提供3D立體造型的咖啡,可惜遲遲未到訪。現在小店暫停供應3D拉花,雖然有點可惜,但基於食物都有水準,價格合理。

週末來吃個brunch也不錯,支持一下年輕人主理的食店

AreULabeler_01.jpg

Are U Labeler位於何文田梭椏道,水泥牆身加上霓虹燈店名,頗為顯眼。店名很有意思,希望鼓勵客人不要標籤其他人,又或者不要因為自己是被標籤的人就看輕自己。

AreULabeler_02.jpg

店面驟眼看,有點像酒吧。

AreULabeler_03.jpg

AreULabeler_05.jpg

咖啡店設數個室外位置,天氣稍涼,其實坐戶外,吹著自然風都好舒服。

AreULabeler_04.jpg

到訪時是萬聖節前後,所以咖啡店擺放不少相關的裝飾品,挺有節日氣氛。

AreULabeler_06.jpg

室內約有20多個位置,配合高樓底,空間感足。

AreULabeler_07.jpg

牆上的壁畫成為不錯的打卡背景。

AreULabeler_08.jpg

咖啡店的廚房是開放式,下午茶時間到訪,點單以輕食為主,所以沒有油煙味。

AreULabeler_09.jpg

前台的動物擺設好可愛,禁不住要拍張照。

AreULabeler_10.jpg

店內還有出售一些明信片、貼紙。

AreULabeler_11.jpg

餐牌選擇豐富,沙律、小食例如雞翼、薯條;還有全日早餐、多士、漢堡、意粉、意大利飯等,價格跟大部份咖啡店差不多。

AreULabeler_12.jpg

AreULabeler_13.jpg

AreULabeler_14.jpg

唯飲品需單點,除了咖啡,還有茶、梳打、朱古力及酒精飲品。

AreULabeler_15.jpg

小店設蛋糕畫碟服務,購買店內的蛋糕可以加錢畫卡通人物及寫英文字,如果有需要可以提前預訂。

1948651550.jpg

全日早餐 $108

雖然全日早餐的製作簡單,但到訪咖啡店總是忍不住要點一份。Are U Labeler的全日早餐有黑松露炒蛋、煙肉、香腸、蕃茄、焗茄汁豆、大啡菇、牛角包及沙律菜,豐富飽肚。

376730430.jpg

牛角包是現成的,輕輕加熱,口感軟熟不酥。沙律菜新鮮、啡菇多汁、蕃茄煎香,以香草調味。

AreULabeler_17.jpg

雞蛋滑溜,面頭有黑松露,味道未算濃郁。

AreULabeler_18.jpg

至於香腸及煙肉都是收貨。

AreULabeler_19.jpg

卡邦尼意粉 $80

意粉份量十足,醬汁量較多,沾滿扁意粉,口感creamy配以少量菇菌及煙肉,味道算可以,只是最近試過另一家的咖啡店的卡邦尼太出色,這份相對印象不深刻。

1771243611.jpg

AreULabeler_21.jpg

Flat White $42

拉花美觀,喝到尾仍然保持得完整。咖啡還好,屬於比較溫和的。

1492569902.jpg

Green tea Latte $45

抹茶牛奶的畫花很可愛,全是愛心,很療癒。以奶味主導,抹茶控可能覺得不夠濃呢。

1125174065.jpg

整體來說,咖啡店環境舒適,假日人流不算太多,跟三五知己短聚,暫且放下煩惱,是個不錯的好地方。


Are U Labeler

地址:何文田梭椏道25A地舖


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

椰小盅燉湯專門店

用餐日期:2018/12/21

踏入秋冬,是時候要滋潤一下,位於太子的「椰小盅」開張不久,主打原個椰子水加上不同材料燉製,例如烏雞、人參、鮑魚等,具調理功效,真材實料。

每款燉湯亦可加配以椰子水製成的椰小飯,健康到不得了。適合平日忙碌到沒有時間煲湯水的朋友,鼓勵客人「無論幾忙都記得要飲湯」。

coconutsoup_01.jpg

椰小盅位於白楊街,鋪面不大,小店約十數個位置,平日午市過後前來,人流不少,我們選擇靠牆高枱櫈。

coconutsoup_02.jpg

雖然位置不算便利,但開業不久即引起少量人龍,湯水不時售罄。現時為了讓更多客人可以嚐到燉湯,已經設有電話訂購服務,方便簡單。

coconutsoup_03.jpg

coconutsoup_04.jpg

餐牌主打原個椰子燉湯,不加味精,真材實料,一共六款,包括竹笙烏雞、竹笙子排、花生大棗鮮蹄、冬瓜薏米子排、鮮人參燉烏雞、蟲草花乾貝土雞燉鮮鮑

單點湯品定價$56-72,可加$6配上椰小飯。另有小食例如饅頭、燒賣等及椰子凍。

coconutsoup_05.jpg

coconutsoup_07.jpg

織金竹笙烏雞椰小盅、椰小飯 $62

原個小盅熱辣辣上枱,揭開椰蓋,可見滿滿配料,烏雞、杞子、淮山、椰子水、椰子肉等食材燉四小時而成,聞說用上東南亞老椰子燉湯,椰肉清甜。

湯頭金黃,帶少許油份,竹笙爽口。烏雞味道濃郁,可以吃得到的份量不算很多,足以使湯頭特別甘甜,無添加,原汁原味,喝罷暖身暖胃

coconutsoup_08.jpg

coconutsoup_09.jpg

coconutsoup_10.jpg

椰小飯

加配椰小飯,畢竟作為午餐,單喝一個湯還是有點不夠。椰小飯由大米、小米、紫米、糙米、椰子水及紫薯粒製成。

雖然吃不出來椰子水的味道,飯粒稍濕軟,但感覺較健康有益。套餐配上菜莆,因為湯料不多,而味淡,加點菜莆有助提味。

coconutsoup_14.jpg

織金竹笙子排椰小盅 $58

如果喜歡甜一點的,推薦烏雞;喜歡清爽的,推薦竹笙子排,因為相對烏雞,這款湯頭更清澈,不帶油份,視乎個人喜好。

基本材料相同,例如杞子、淮山、椰子水及椰子肉,搭配排骨,火喉十足,適合秋冬飲用。值得一讚,椰肉香而爽甜

coconutsoup_11.jpg

coconutsoup_12.jpg

coconutsoup_13.jpg

椰香燒賣 $15/8粒

燒賣味道一般,口感實而粉,而且未見椰香,可以略過

coconutsoup_16.JPG

椰子水 $8

甜度較低,味道清淡。

coconutsoup_17.jpg


椰小盅

地址:九龍太子荔枝角道130號白楊街2A號地下


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

阿爺粥膳八鮮鍋

用餐日期:2018/12/4

踏入秋冬,吃火鍋的意慾更大,阿爺粥膳八鮮鍋提供兩款粥底火鍋套餐,基本收費每位$298/398,包括數款海鮮,例如龍蝦、花竹蝦、肉蟹、鮑魚等。

另有數款火鍋配料,人頭份量。相對以往吃過的粥底火鍋價格稍高,但更新鮮,如果喜歡吃海鮮,不要錯過

grandpas shabu_01.jpg

餐廳位於旺角登打士廣場,位置便利,全店面積不算很大,一半位卡位,一部份梳化位置,非常闊落。

驟眼望到應該有房間,人多的話想預訂房間,記得自行查詢是否有最低消費。

grandpas shabu_02.jpg

grandpas shabu_03.jpg

1529041470.jpg

套餐分兩款,定價$298/398,均含海鮮,以每位$298的套餐為例,包括花竹蝦1隻/龍蝦半隻、肉蟹半隻、鮑魚

另有黑豚肉片、雞件、帶子雲吞、櫻花葉鮮蝦丸、芝士流心牛丸、豬骨濃湯貢丸、雜蔬菜,最後連同龍皇母米粥

grandpas shabu_04.jpg

grandpas shabu_06.jpg

現時只需讚好及分享餐廳專頁,每位可獲贈乳龍蝦半隻。另外由粥底到配料都可以散點,9:30pm後宵夜都有優惠,花膠濃雞湯只要$1,而單點海鮮及配料享7折。

grandpas shabu_07.jpg

醬油茶芥 $18/位

點餐後,店員會先上鍋,有別於其他粥底火鍋,並不會加入粥水。

grandpas shabu_09.jpg

粥底火鍋A $298/位 (以下為二人份)

海鮮拼盤非常吸睛,由於餐廳有魚缸,可以見到海鮮全部游水,十分新鮮。而花竹蝦、鮑魚上枱仍然會郁動

grandpas shabu_10.jpg

grandpas shabu_11.jpg

grandpas shabu_12.jpg

店員會幫客人按次序將配料加入鍋底,首先加雞件,利用雞肉油份將鍋炒熱;然後加入蟹、龍蝦、花竹蝦、鮑魚。

grandpas shabu_13.jpg

grandpas shabu_14.jpg

最後以火槍加熱,既有噱頭,而海鮮炒過特別香口,味道更鮮。接著會加入龍皇湯底,跟一貫粥底火鍋做法不一樣。

湯底本身已調味,十分鮮甜而不會太鹹,吃火鍋前可以先飲用。而中段需要加湯,同樣會添加此湯底,令湯不會變淡,及後粥底更美味

grandpas shabu_15.jpg

龍蝦雖然是贈送,肉質爽彈;花竹蝦令人驚豔,很大隻而且新鮮,口感紮實爽脆,不沾任何調味都很好吃。店員稱單點就已經過百元一隻了。

grandpas shabu_16.jpg

grandpas shabu_17.jpg

另外肉蟹蟹膏多,鮮甜無比;鮑魚軟腍不韌。

grandpas shabu_18.jpg

grandpas shabu_19.jpg

雖然海鮮量未有平時光顧的餐廳多,但以新鮮度而言,確實優勝,物有所值

可能因為餐廳本身有供應單點配料,其他火鍋配料質素亦相對好。黑豚肉片薄身,脂肪適量,入口不柴。

grandpas shabu_020.jpg

雞件因為預先炒過,比較香口。

grandpas shabu_21.jpg

帶子雲吞、鮮蝦丸即點即製,新鮮就是好吃。雲吞以肉、帶子做成,鮮甜可口;鮮蝦丸爽彈

grandpas shabu_22.jpg

grandpas shabu_023.jpg

芝士流心牛丸、貢丸彈牙。

grandpas shabu_24.jpg

grandpas shabu_25.jpg

雜菜籃份量大方,有粟米、娃娃菜、油麥菜,由於湯底鮮味,蔬菜寧舍鮮甜。

grandpas shabu_26.jpg

店員最後會送上粥膽、芫茜、菜莆、蔥花,待粥煮綿,即可享用。由於湯底本身有調味,粥底特別鮮甜,份量非常多,每人吃了三碗,已經十分飽肚

grandpas shabu_27.jpg

grandpas shabu_028.jpg

grandpas shabu_29.jpg

grandpas shabu_30.jpg

結帳前店員送上甜點,掏空西瓜製作的雜果啫喱,完全不甜膩,剛好作一餐結尾。

grandpas shabu_31.jpg

西瓜汁 $28

套餐不包括飲料,點選西瓜汁,新鮮即榨,味道天然無渣,不加糖水,清涼解渴。

grandpas shabu_32.jpg


阿爺粥膳八鮮鍋

地址:旺角登打士街43H號登打士廣場3樓


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

鍋心八鮮蒸鍋

用餐日期:2018/09/07

鍋心粥底火鍋就吃得多,卻第一次到訪鍋心八鮮蒸鍋,主打海鮮蒸鍋,人頭收費,雖然不是放題,但有八款海鮮加上八寶蒸飯,非常豐富。

相對其他煮法,「蒸」較健康,按個人喜好選擇醬料去蒸,新鮮感高,價格合理,海鮮有水準,難怪晚晚爆場,全晚分三輪用餐,一定要預先訂位啊

steam_sweet_seafood_01.JPG

鍋心八鮮蒸鍋位於太子花園街,共兩層,鋪面頗大,卡座算坐得舒適。唯獨可能人多,加上被蒸氣包圍,顯得冷氣有點不足。

店員頗為繁忙,不過上菜、下鍋、計時、起鮑魚等,樣樣做足,不收服務費前提下,都值得一讚

steam_sweet_seafood_02.JPG

steam_sweet_seafood_03.JPG

餐牌供應一款套餐,海鮮八款,分別有波士頓龍蝦、鮑魚、蟹、海蝦、多寶魚、鮮魷、大蚌、花甲。每款海鮮相應配備不同醬料,例如清蒸、豉汁蒸、金銀蒜蒸、豆醬蒸等。

每位收費$268,飲品單點,不設加一。由6:00pm、8:30pm、11:00pm開始,分三段時間用餐。

steam_sweet_seafood_04.JPG

steam_sweet_seafood_05.JPG

平日人少想吃海鮮可能比較難控制份量,款式沒有那麼多,所以這種火鍋人多人少也適合,下面圖片為四人份量。

入座後,店員就很快送上燉湯,雖然是免費的,但誠意滿滿,十分足料,有雞腳、桂圓、杞子,清潤無味精感

steam_sweet_seafood_06.JPG

波士頓龍蝦 - 清蒸

龍蝦每人半隻,除了清蒸,可選豆醬蒸/金銀蒜蒸/剁椒蒸,想吃龍蝦的鮮味,就故且選了清蒸。

店員會全程幫忙下鍋,時間控制得很好。龍蝦挺大隻,肉質爽彈,味道鮮甜,也是我們一直很喜歡鍋心的原因

steam_sweet_seafood_07.JPG

steam_sweet_seafood_08.JPG

steam_sweet_seafood_09.JPG

鮑魚 - 果皮蒸

鮑魚每人一隻,可選清蒸/豆醬蒸/果皮蒸/梅子蒸,我們選了果皮蒸,伴上已醃蘿蔔。鮑魚很新鮮,口感爽脆,帶果皮香

蘿蔔值得一提,店員很細心,幫我們把鮑魚去殼。

steam_sweet_seafood_10.JPG

steam_sweet_seafood_11.JPG

海蝦 - 金銀蒜開邊

海蝦有五種醬料,除了開邊蒸,還可以清蒸/紅糟蒸/豆醬蒸/剁椒蒸,伴上蕃薯件。蝦隻不算很大,但每人有三到四隻,鋪上大量蒜蓉,很入味

steam_sweet_seafood_11.JPG

多寶魚 - 豉汁蒸

魚肉不腥,而且肉質挺滑。

steam_sweet_seafood_18.JPG

鮮魷魚(腸粉底) - 金銀蒜蒸

有機會再訪,一定會選沙嗲蒸試試看。鮮魷份量不多,新鮮爽口,墊底的腸粉很滑溜。

steam_sweet_seafood_16.JPG

steam_sweet_seafood_17.JPG

大蚌 - 豉汁蒸

豉汁味道不夠濃郁,慶幸大蚌鮮甜多汁。

steam_sweet_seafood_12.JPG

steam_sweet_seafood_13.JPG

花甲 - 清蒸

花甲只有清蒸,有大有小,吐沙乾淨。

steam_sweet_seafood_14.JPG

steam_sweet_seafood_15.JPG

蟹 - 剁椒蒸

店員幫我們將蟹放到最後蒸,一來蒸蟹需時較長,二來,吃蟹的時間可以開始蒸飯,爭分奪秒。

剁椒帶微微麻辣,令膏蟹十分惹味,蟹肉豐腴,口感實在,而且有少量膏。平時比較少吃這種口味,有新鮮感

steam_sweet_seafood_19.JPG

steam_sweet_seafood_20.JPG

八寶蒸飯

最後以自選八款配料,製作蒸飯,按個人喜好,有菜有肉。我們選了蝦醬豬腩肉、秘製雞骨肉餅、秘製雞翼、豉汁排骨、臘腸、豆醬豆腐卜、粟米粒、翠玉瓜

配料擺放整齊,以飯墊底,份量非常多,臘腸夠香,雞翼嫩滑,必點豆卜,非常入味

飯粒帶油份,粒粒分明,每人吃了兩碗已經非常飽,所以店員都主動提供飯盒供我們外帶。

steam_sweet_seafood_21.JPG

最後還送上糖水,誠意之選,裡面有雪梨、桂圓、杞子、桃膠,冰涼滋潤,甜度適中,勝過不少糖水鋪出品。

steam_sweet_seafood_22.JPG

整體而言,以收費人均$268,能吃到多款海鮮,又夠新鮮,性價比高。店員不至於笑容滿面,但全程招待,也值得一讚。

不過留意,用餐時間剛好而已,不容許慢慢坐慢慢吃,所以難免讓部份人覺得店員有點趕。


鍋心八鮮蒸鍋

地址:太子花園街207-209號地舖


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

炑八韓烤

用餐日期:2018/09/05

提到韓燒,不少人都會推薦連鎖店炑八韓烤,分店多,款式多,價錢合理,適合多人聚餐。暑假過後,炑八韓烤推出「開sem飯優惠」,各位同學仔又可以相約韓燒。

全日制或大學生於星期一至四晚市惠顧,並於一天前訂座,出示學生證、單點燒烤產品或惠顧指定套餐,可獲全單6折,優惠到9月20日

MeokBang_01.JPG

旺角店位於瓊華中心,平日晚上客人甚多,更何況推出折扣。最近炑八亦更新了餐牌,套餐性價比不俗,折扣亦適用於以下介紹的二人套餐,按原價加一,人均消費約二百元

MeokBang_02.JPG

MeokBang_03.JPG

生菜、前菜齊全,還有爐邊芝士粟米、泡菜蛋,一樣任添,夠大方確實有其他韓燒店是要收費才可以任食的。

喜歡炑八的泡菜蛋,口感豐富,芝士粟米烤至微脆,亦都好吃。

MeokBang_04.JPG

MeokBang_05.JPG

沙律

MeokBang_07.JPG

海陸通通吃套餐 $588/2人份

海陸通通吃套餐定價$588,包括:韓牛牛胸腹、韓牛前胸肉、豬五花肉、豬頸肉、大蝦、魷魚、安東雞冬粉窩,二人份量很足,擺盤都比以往精美。

MeokBang_08.JPG

牛肉質素不俗,牛胸腹脂肪較多,燒起來見到油份溢出,薄身有牛香。至於前胸肉肉質較堅韌,兩種口感,未經大量醬料醃製,按個人喜好沾少許鹽,很美味

MeokBang_09.JPG

MeokBang_10.JPG

MeokBang_11.JPG

一向喜歡炑八的豬五花肉,厚切大條,慢慢燒至微焦後剪開,肥瘦相隔,爽脆呢。豬頸肉份量不少,包生菜減低油膩感。

MeokBang_12.JPG

MeokBang_13.JPG

至於大蝦,共有三隻,質素中規中矩。

魷魚原隻,已經輕輕剪開,方便燒烤,燒到剛熟,爽口。

MeokBang_14.JPG

MeokBang_15.JPG

套餐還包括安東雞冬粉窩,有四大件雞,雞脾肉尚算嫩,以蘿蔔、冬粉墊底,味道很濃郁,又甜又鹹,重口味的人應該會喜歡。

MeokBang_16.JPG

由於套餐未有飲料,所以單點了兩杯,分別為荔枝冰茶 ($38)、冰雪芒果特飲 ($38)

MeokBang_17.JPG

MeokBang_018.JPG

芒果冰抹

另外單點了甜品,刨冰很有份量,鋪滿芒果肉,加上少許西柚肉及一球雪糕,烤肉後吃碗冰,十分清爽。

略嫌芒果肉未夠香甜,而西柚肉有點澀,幸好牛奶冰很細滑。

MeokBang_19.JPG

*關於「開sem飯優惠」詳情細節,可向店員查詢,記得要訂座及表明享用此優惠啊。

IMG_9227.JPG

IMG_9228.JPG


炑八韓烤 MeokBang Korean BBQ & BAR

地址:旺角彌敦道628號瓊華中心5樓


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

BHC

用餐日期:2018/08/25

形容BHC炸雞為「全智賢炸雞」一點都不過份,自《來自星星的你》劇集火紅,全智賢擔任品牌代言人,BHC就大受本地人甚至海外遊客歡迎。

品牌最近終於在旺角開設分店,相信會吸引不少人到訪,營業時間到凌晨兩時,炸雞控出動,相約朋友一試吧

bnc_01.JPG

餐廳位於登打士廣場1樓,面積不少,位置頗多,裝潢年輕。每到晚飯時間,大廈食肆多,滿滿人潮,連帶炸雞店即使是新開張,仍有不少walk in客人

bnc_02.JPG

bnc_03.JPG

餐牌選擇不算很多,主要供應炸雞,一共9款口味,例如芝士、咖喱、甜酸、蒜油等,定價$158-168/全隻。

另有沙律、小食、少量韓式料理、飯麵等,跟大部份韓國炸雞店一樣,適合多人用餐、聚會。

bnc_04.JPG

bnc_05.JPG

Macho King $168

店員介紹,此款式十分人氣,特別受女性歡迎,口味特別,有中式小炒風味,可以一試。

全隻雞分14件上,未算很大隻,兩個人吃得完。味道類似醬香炸雞,以辣椒、醬油、胡椒、蜂蜜調味,頗為惹味

bnc_07.JPG

相對烤雞,炸雞是預期之中,沒有那麼嫩滑有肉汁,慶幸炸粉不會過厚,而且外皮炸得酥脆呢

原本想點雞蛋卷,不過由於到訪時間有點晚,已經賣光了,所以點選了略為飽肚的青口湯。

Mussel Voyage $168

湯底加入蕃茄、辣椒、洋蔥等,酸酸辣辣,十分開胃,而且份量頗大。配料有青口、魷魚,大大小小青口共有20隻

bnc_09.JPG

bnc_10.JPG

bnc_11.JPG

小食有薯條、芝士條、芝士波,一律$58。

BHC Cheese Fries $58

用上幼薯,面頭沾上蜂蜜並加有芝士醬,不過味道略為失色。口感未夠香脆,頗為腍身,芝味未夠濃郁

bnc_06.JPG

飲品方面選擇不多,暫時未見酒精類飲料,相信未未日子會供應。

Marry Me $58

這杯雜莓梳打少女心滿滿,冰塊中藏有玫瑰花啊,相機先吃一流

bnc_12.JPG

bnc_13.JPG

Don't Know Why $58

薄荷檸檬茶味道清新,適合吃完炸雞後飲用,不過珍珠稍為硬身,未夠煙韌。

bnc_14.JPG

甜品賣相吸引,有affogato、churros、焦糖燉蛋等,點了兩款試試,不過味道一般。

Magic cloud $68

Grand Mother's Secret Latte $68

貌似魚蛋的其實是糰子,不過口感有點硬。

bnc_15.JPG

bnc_16.JPG

新開業關係,各方面仍有不足之處,例如未有提供一般炸雞店會供應的酸蘿蔔、店員對餐牌的熟悉度。

憑著大家對韓式炸雞的熱愛,不用飛韓國都吃得到BHC,加上位處旺角鬧市,自然能吸引喜歡嚐鮮的朋友。


BHC

地址:旺角登打士街43H號登打士廣場1樓


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

新南苑私房菜火鍋鷄煲

用餐日期:2018/08/12

身邊總有幾個放題控,說到火鍋、雞煲,新南苑私房菜火鍋雞煲算是不錯的選擇。人多聚會頗為合適,皆因火鍋店設獨立房間可訂,私隱度高。

套餐雞煲任食,另有人頭份量海鮮、牛肉,火鍋配料放題,質素不俗

san_nam_ yuen_01.JPG

餐紙上印有關於新南苑的小背景,是以前觀塘仁愛圍很旺的食肆,後來因為重建而結業,輾轉間再於旺角開店,在灣仔亦有分店。

相對而言,灣仔店裝潢較花心思,廳房以學校為題,例如電腦室、體育室等。旺角店面積大位置多,一般火鍋店格局,週末生意好,可能會嘈雜一點。

san_nam_ yuen_02.JPG

房間需要預約,並每位加20元,六人房間不至於闊落,勝在舒適,每房有電視機,主要播放球賽。

房間裡面設有對講機,只要按掣就有店員應答,可以直接提出要求,例如加湯、點配料等,效率挺高

san_nam_ yuen_03.JPG

san_nam_ yuen_04.JPG

收費方面,海鮮火鍋半放題套餐平日人頭每位$268,另加醬油、前菜、加一服務費。週五、六日、假期每位加10元,入座起計算三小時。

包括:招牌麻辣雞煲 (3位以上先可以享用,無限任食,可選大辣/小辣)、湯底選一款、海鮮拼盤 (6-8款)、手切牛頸脊 (非任食、1-4位一碟)、火鍋配料任食、甜品、飲品

同類型火鍋店,收費都差不多。雖然個人認為價錢稍貴,不過同行如果有食量大的朋友,其實性價比亦不俗。

san_nam_ yuen_05.JPG

san_nam_ yuen_06.JPG

醬油 $10/位;餐前小食 $20/份 (1-4位一份;5-8位兩份…)

san_nam_ yuen_07.JPG

海鮮火鍋半放題套餐

雞煲

先吃雞煲後火鍋,點了小辣,辣度比較弱,但確實幾入味、惹味。雞件大且肉多,雞皮位會肥一點,以任食而言,味道不錯,雞煲控追加了四次呢

san_nam_ yuen_08.JPG

san_nam_ yuen_09.JPG

火鍋

湯底有六款免費,包括蟹鍋花甲湯、豬骨濃湯、野生水魚湯、冬瓜湯、壽喜鍋、四式火鍋湯,任選一款。

老實說,對湯底不抱期望,吃過當中四款也屬於一般水準,跟平時散點火鍋店可以喝的湯底質素是無法比較。

蟹鍋花甲湯底裡面有隻蟹、少量蜆仔、粟米、蕃茄等,不算太入味,蟹肉較削

san_nam_ yuen_10.JPG

san_nam_ yuen_11.JPG

海鮮拼盤  (6-8款)

離不開蟶子、元貝、鮑魚、象拔蚌、馬刀貝、貴妃蚌、大蜆、大蝦、等視乎當日供應。人頭份量,下圖為六人份。

上枱都幾吸引呢,擺盤整齊,幾有霸氣。海鮮雖然並非生猛到會動的水平,可是也稱得上是新鮮了。蝦肉、鮑魚爽彈,元貝、蚌都新鮮鮑滿

san_nam_ yuen_12.JPG

san_nam_ yuen_13.JPG

手切牛頸脊 (非任食)

牛肉並非任食,口感腍身,脂肪不多,質素可以。一行六人,本身有兩碟,其實都足夠,反正還有其他配料任食呢。

san_nam_ yuen_14.JPG

火鍋配料跟一般任食火鍋差不多,例如豚肉、脆鯇、海蝦、丸、餃、麵食、炸魚皮等,蔬菜自取,正常水準

san_nam_ yuen_15.JPG

san_nam_ yuen_16.JPG

san_nam_ yuen_17.JPG

san_nam_ yuen_18.JPG

san_nam_ yuen_19.JPG

甜品每人一份,自家製牛乳布甸有淡淡牛奶味,質地不會太死實。

san_nam_ yuen_20.JPG

飲品有涼茶、汽水、果汁等自取任飲。

san_nam_ yuen_21.JPG

平日再加上不是訂房價錢也合理,性價比都高,始終任食而言質素不俗;如果假日再加上房費,會稍貴一點,勝在房間企理,店員服務不錯,總有機會再訪。


新南苑私房菜火鍋鷄煲 San Nam Yuen

 地址:旺角彌敦道678號華僑商業中心3樓全層


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

田籽茶事

用餐日期:2018/06/16, 06/23

最近有無數飲品店輪流開業,引起一波又一波排隊熱潮。選址旺角快富街的田籽茶事,由台灣調酒師主理,主打厚奶茶,亦有大熱的黑糖鮮奶系列。

加上店側牆身手繪壁畫,都吸引不少人前去打卡呢。由於小店仍屬新張期,尚未有長長人龍,飲茶都可以好輕鬆

tintzechasi_01.JPG

以位置而言,茶店不屬大街大巷,幸好上手為模型店,相信都有部分人認知。前後到訪兩次,都由老闆親自打點、沖泡。

tintzechasi_02.JPG

整店裝潢簡單,以黑白格仔配淺木色櫃面,最吸睛可算是窄巷中的壁畫,很有心思,有不少客人於牆邊拍照

tintzechasi_03.JPG

tintzechasi_04.JPG

餐牌供應接近三十款飲品,有奶茶、特調茶、冷泡茶、厚鮮奶、純茶等,定價$15-24,珍珠有多款口味,分別有黑糖、白玉、芒果、桂花、黃金珍珠。奶茶、鮮奶、純茶類可自選糖度,凍飲不設走冰。

比較特別是小店的冷泡茶、特調茶,名字玩味十足,例如「閨蜜比較美蜂蜜青檸」、「前男友酸溜溜益力多綠茶」、「田籽油切不怕胖茶」、「香港好難混蜜檸檬烏龍」等,頗有台式感覺。

tintzechasi_06.JPG

田籽波霸厚鮮奶 $24

製作算透明,黑糖連珍珠半杯、冰半杯再加澳洲鮮奶。黑糖紋路明顯,比較稀身,所以向下流得頗快。

未搞勻先飲一口,黑糖濃郁偏甜,鮮奶具奶香而厚滑,混合後奶味覆蓋黑糖亦屬預料中事,使甜度更適中

珍珠腍身,帶點黏牙,個人比較喜歡煙韌的珍珠。

tintzechasi_07.JPG

黃金珍珠普洱厚奶茶 $24

厚奶茶可選普洱、紅茶、綠茶、烏龍、鐵觀音茶底;珍珠亦可選黑糖、黃金、白玉、桂花、芒果,按個人喜好搭配。

配料份量足,黃金珍珠有接近半杯,加上純鮮奶沖泡,如此配搭,價錢合理。

味道比想像中遜色,奶味未夠濃郁,本以為較濃茶香的普洱茶,亦未見突出。 

勝在配料份量足,黃金珍珠有接近半杯,細細粒,很有噍頭

tintzechasi_08.JPG

日式抹茶厚鮮奶 $22

平時喝台式飲料,個人比較少點抹茶類,即管一試。抹茶、鮮奶比例半半,直接喝抹茶味都有,甜度不高。 

亦不會有粉感或者未混合,都算是一杯合格的抹茶飲料。

tintzechasi_09.JPG

田籽茶事

地址:旺角快富街37號地下


文章標籤

I'm Carol 發表在 痞客邦 留言(0) 人氣()

一燒窰

用餐日期:2018/06/10

一向比較少去女人街覓食,印象還停留於多年前盛行的特價磅裝三文魚刺身時期,原來有間很有誠意的日式料理小店,值得一試

Ichi-Shio- Kama_02.JPG

一燒窰店面雖小,座位不多,但一應俱全,主打即燒串燒、定食,價錢相宜,製作用心,部分菜式更甚有驚喜。

餐廳位於威達商業大廈地下,只有約二十個座位,屬小資日本料理裝潢,簡約舒適,天花小掛飾亦令客人感覺份外溫馨。

Ichi-Shio- Kama_03.JPG

Ichi-Shio- Kama_04.JPG

Ichi-Shio- Kama_05.JPG

Ichi-Shio- Kama_06.JPG

當晚店內播放著8、90年代流行曲,首首耳熟能詳,勾起不少個人回憶

店內只有一名店員、一名廚師,耐心等候招待啊。

Ichi-Shio- Kama_09.JPG

食品選擇比想像中多,供應燒物、串燒、小食、日本料理,價錢合理。晚市有數款親民價定食,由$48-108。

Ichi-Shio- Kama_07.JPG

IMG_5174.JPG

見過有朋友分享原條鰻魚飯的照片,亦頗為吸引,可惜是日我倆比較飽,主力試串燒為主,留待下次再嚐。

IMG_5175.JPG

IMG_5176.JPG

蟹籽沙律 $33

份量很足,配有沙律菜,青瓜切得幼身,爽脆開胃。

Ichi-Shio- Kama_10.JPG

燒物方面有原條鰻魚、扇貝、燒蠔、魷魚筒、蝦等,定價$18起。

貴妃蚌 $30/2隻

貴妃蚌並非十分大隻,不過肉質飽滿,燒到剛好,保留水份,而且沒有過多調味,好吃。

Ichi-Shio- Kama_11.JPG

自選串燒套餐 $68 (3款串燒、菠蘿冰;7pm前下單優惠價)

串燒基本上都係即點即燒,需時等候。反正要點飲品,就選了自選串燒套餐,包括一口芝士、免治雞肉串、燒雞中翼

Ichi-Shio- Kama_18.JPG

一口芝士

推介之選,大大粒搽上醬油再燒,表面焦脆,芝士澎湃,味道不會太濃,口感軟綿,不易膩,絕非馬虎製作

Ichi-Shio- Kama_19.JPG

免治雞肉串

一份兩串,性價比高。雞肉混合雞骨製做成免治雞肉串,口感豐富,啖啖肉,而且細心附上蛋液,沾上後雞肉會比較滑溜

Ichi-Shio- Kama_01.JPG

Ichi-Shio- Kama_20.JPG

燒雞中翼

正常水準,加了少量孜然粉,香氣十足,而且脆口。

Ichi-Shio- Kama_21.JPG

燒雞皮 $18/2串

必點雞皮,不怕肥膩,因為雞皮已經燒到又香又脆

Ichi-Shio- Kama_13.JPG

汁燒雞軟骨 $16

雞軟骨相對較貴,雖然一串有接近十粒,勝在燒得香脆。

Ichi-Shio- Kama_14.JPG

蒜蓉茄子 $32

茄子是另一款吃串燒必點項目,即時烤起,需時等候。點了蒜蓉口味,很足料,蒜味持續到回家呢。

Ichi-Shio- Kama_12.JPG

芝士明太子玉子燒 $45

玉子燒亦屬推介之選,玉子燒時間掌握得好,裡面有很多芝士,而且有流心效果,明太子份量再多點更滿足,吃一整塊都可以,很回味

Ichi-Shio- Kama_15.JPG

Ichi-Shio- Kama_16.JPG

一舊飯 $24

「一舊飯」就是飯卷,加點沙律醬,然後輕輕燒烤,最後灑上木魚、紫菜製成。一舊飯份量十足,兩個人分享剛好,否則會太飽。

飯粒帶點焦香,而且有沙律醬,所以不會乾口,略嫌鬆散。

Ichi-Shio- Kama_17.JPG

飲品選擇都多,除左一般汽水、檸茶檸水、仲有鮮果汁、梳打、茶飲、奶昔等。 食串燒當然唔少得可配啤酒、cocktail等。

菠蘿冰 (套餐附送)

有原片菠蘿,清新冰涼,免費而言,都很有誠意。

Ichi-Shio- Kama_22.JPG

Ichi-Shio- Kama_23.JPG

小店雖小,但由料理、串燒等都足見誠意,未似坊間串燒店流水作業,單靠孜然調味,製作亦不馬虎,難怪入座不久,就已滿座。

一燒窰

地址:旺角通菜街1A-1L號威達商業大廈地下J舖      


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

小念頭

用餐日期:2018/05/19

最近有不少網店正式開實體店,位於旺角鬧市的小念頭屬其中之一,環境、裝潢很討喜,加上用心製作甜點的店主,令人不禁一訪再訪。

小店供應茶味甜點為主,配上各款茶飲,雖然位處樓上鋪,但鄰近地鐵站,天氣暑熱,到店歇一歇是不錯的選擇

 

littleideahk_01.JPG

IMG_4024.JPG

littleideahk_02.JPG

小店位於通菜街,面積比想像中大,裝潢花過心思,走簡約風,光線柔和,擺放用色簡單的傢具、木枱櫈、格仔布梳化,又添置不少綠色植物

littleideahk_03.JPG

littleideahk_04.JPG

littleideahk_05.JPG

littleideahk_06.JPG

littleideahk_07.JPG

整個空間十分舒適,跟旺角的氣氛截然不同。角落位還放有小風扇,十分貼心。

littleideahk_08.JPG

littleideahk_09.JPG

littleideahk_10.JPG

littleideahk_11.JPG

littleideahk_13.JPG

littleideahk_12.JPG

 

網店主要製作手工茶味蛋糕,實體店亦然,餐牌供應甜點有招牌芝士蛋糕、卷蛋、戚風、布丁等,不定期轉換,定價$40-45。

飲品以茶為主,茶葉選用台灣出品精品茶,凍飲有冷泡茶、芝士奶蓋系列,選擇唔多,定價$32-36。

littleideahk_14.JPG

littleideahk_15.JPG

littleideahk_16.JPG

芒果紅茶卷蛋 $45

蛋糕配搭頗新鮮,卷蛋厚切,面頭、碟邊加有芒果醬,卷蛋中亦有芒果肉,無論味道、口感都做得出色。

卷蛋完全沒有粗糙感,口感鬆軟濕潤,入口有清香茶味,忌廉軟滑,再加上芒果醬,很特別

littleideahk_17.JPG

littleideahk_18.JPG

鐵觀音芝士蛋糕 $40

芝士蛋糕比較小件,伴碟有朱古力醬、鐵觀音啫喱、脆脆。鐵觀音啫喱份量不多,爽口帶淡淡茶香,我們都很喜歡。

littleideahk_20.JPG

鐵觀音慕絲質地厚滑,單吃會有明顯茶味甘香。芝士蛋糕比慕絲更扎實,不搶風頭。

不過兩者分量各半,蛋糕並非輕盈,幸好配上多種口感的toppings,不甜不膩。餅底帶點燕麥香氣,挺好吃

littleideahk_21.JPG

焦糖菠蘿布丁 $45

半片菠蘿輕輕炙燒過,香甜多汁,忌廉輕盈,布丁質素中規中矩。(純粹個人比較喜歡像燉蛋滑溜的布丁)

 

littleideahk_19.JPG

奶蓋茉莉綠茶 $43、芝士奶蓋炭焙烏龍 $45

相信小店嘅熱茶或者冷泡茶味道較有保証,但天氣太熱,只好選擇凍飲,奶蓋、芝士系列比較普通,仍有改善空間。

奶蓋不夠挺身,比較似忌廉奶泡,未有奶香。芝士奶蓋入口有種鹹味,不太自然

但無可否認,茶底味道濃郁,特別是烏龍。未有好似一般茶飲店般有冰塊,所以不用擔心會愈喝愈淡。

littleideahk_22.JPG

littleideahk_23.JPG

草莓羅勒汽泡水 $45

草莓醬為小店自家製,味道酸酸甜甜,相對奶蓋類更清涼解喝。

littleideahk_24.JPG

整體而言,我地都好喜歡小念頭的風格、自家製甜點,會一直關注小店的嘅出品


小念頭

地址:旺角通菜街75號1樓


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

青花 Champak Restaurant

用餐日期:2018/05/07

喺波鞋街The Forest入面餐廳唔多,相信呢間青花都係最亮眼了,配合埋商場風格,裝潢簡約年輕,以好多綠色植物、盆景裝飾天花、牆身,環境舒適

IMG_3593.JPG

IMG_3598.JPG

配合窗外自然光,塑造清新自然感覺。連同餐具、大理石紋枱面,手殘都影到靚相

唔知道平日如何,週日晚市七點鐘已經全場滿座,很受歡迎。

IMG_3592.JPG

餐牌供應泰式fusion菜,有沙律、小食、湯品,主食選擇唔多,有咖喱、盲鰽、炒蜆、炒菜等,另有飯麵、包餅、甜品

二人套餐定價$428,配搭都可以,包括小食/湯、主食、炒菜、飯/包餅、飲品、甜品

IMG_3595.JPG

由於事前睇過唔少食評作參考,想試其中一個甜品,而套餐唔包括,所以決定單點。

IMG_3616.JPG

冬蔭公炸雞翼 $72

一份六隻,即點即炸,外皮非常脆口,亦唔油膩,雞肉並冇過火。冬蔭味道主要來自雞皮,基本上唔辣,幾明顯幾惹味嘅

IMG_3610.JPG

黃咖喱海鮮 $138

食物擺盤確實幾精美,裡面有蜆、魷魚、大蝦,二人用足夠。四粒大蝦爽口新鮮,蜆肉偏細粒,乾淨冇沙,魷魚圈都仲幾嫩口。

IMG_3611.JPG

黃咖喱質地稀身,適合撈飯或者沾麵包,可惜唔係太啱我地口味,唔夠香濃,可能椰漿落得比較少,食落有陣陣奇怪嘅香料味…

IMG_3619.JPG

油酥手抓薄餅 $52

一份四片,用黎配咖喱類一流。手抓餅做得唔錯,入口冇油膩粉感,厚薄適中,面頭微微燶焦,襯熱食鬆軟

IMG_3608.JPG

泰式肥豆兒醬炒芥蘭 $68

鐘意呢度用芥蘭苗,冇咁老,調味冇平時泰菜咁重口味,份量不少。

IMG_3618.JPG

女仔當然係對甜品更有興趣,雖然知道芒果糯米飯比較多人推介,但個人十分期待花生芭菲

焦糖爆谷花生芭菲 $58

想試好耐嘅花生芭菲,整體都唔會太甜膩,鐘意花生醬嘅朋友可以一試。芭菲面頭唧上少量忌廉、焦糖醬緩衝。

彩色龍鬚糖不期然令我諗起姊妹店ATUM嘅甜品,最後以爆谷、花生碎伴碟

IMG_3626.JPG

原本唔期望爆谷,但又幾好食喎,焦糖脆口冇通風。花生芭菲濃郁,連埋焦糖醬、花生粒一齊食係大滿足。

IMG_3628.JPG

唯獨舊芭菲雪得比較冰凍,口感扎實,幾乎要剉住食。

IMG_3630.JPG

蝶豆花椰子奶蓋 $32

適合相機食先嘅飲品,加入蝶豆花原素,做出清晰漸層效果。

奶蓋比較接近奶泡,比較虛無,味道偏甜,幸好搞勻後飲用,則與一般椰汁冰無異。

IMG_3602.JPG

IMG_3599.JPG

泰象青檸梳打 $36

IMG_3604.JPG

IMG_3606.JPG

IMG_3607.JPG

餐牌:

IMG_3596.JPG

IMG_3597.JPG


青花 Champak Restaurant

地址:旺角奶路臣街17號The Forest 1樓107-108號舖


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

蘭苑饎館

用餐日期:2018/01/18

對於中式糖水有種固執,我好多時都係食芝麻糊、杏仁露,而男朋友好多時都食合桃露,好處係可以容易比較各店嘅分別。

呢間蘭苑饎館明明喺公司附近,照道理就應該一早試過,但今次係第一次黎,好多時行過路過專登黎過都食唔到,有時食飯時間人地滿滿人潮,咁我又唔好意思話入黎食碗糖水;有時又時間太夜

有時又行過黎途中俾其他糖水店吸引左。今次係專程飯後行番過黎,留肚,一心衝著佢地嘅糖水而來

26907544_736406683218222_5610509784727663759_n.jpg

26992617_736406729884884_3128117041096633926_n.jpg

黎到都仲有半個鐘就關門,眼見都有唔少客人食緊正餐,咁我地食左野,所以就冇留意正餐有咩食,但知道都有唔少人鐘意呢度嘅中式野,話哂都係米豬蓮餐廳。

裝潢幾有中國風,木枱木櫈、傳統印花餐具。甜品供應傳統中式野,蹄露、雪耳、木瓜、西米露、杏仁、芝麻、合桃、開心果、甜湯等,定價18蚊至3、40蚊。

另外有啲標榜不含香料味精嘅多款糕點,紅豆、馬豆、菠蘿、紅莓、桂花、馬蹄、開心果、藍莓糕等,迷你size定價$12-16。

26904606_736375303221360_5313694020899988548_n.jpg

26991999_736406679884889_8439534466896479971_n.jpg

26992498_736406686551555_3471279159503511435_n.jpg

藍莓糕 $14

開心果糕 $16

價錢都唔算平,都係預先整好嘅糕點,點單後拎入廚房倒番出黎,size就係正常麵包鋪見過嘅杯裝布丁咁上下。

當你懷疑緊開心果顏色嘅時間,餐牌會替你釋疑寫明出品不含香料、人造色素,採用天然材料製成。 聽過係用過伊朗嘅開心果,我見識較少,原來咁翠綠色架

同平時食開嘅糕點,質地差不多,口感唔會太實太黏,幾彈手。

26815515_736375299888027_2030098724667326956_n.jpg

第一次食開心果糕,同平時食開心果、或者開心果雪糕好唔同,味道係慢慢滲出黎,唔係一野衝擊味蕾。都知道有啲人覺得淡,可能係俾佢鮮明顏色影響,先入為主認為應該好濃吧。

26815089_736375306554693_335856102737442507_n.jpg

開心果糕比糊較甜一點,我就覺得幾好食

藍莓糕晶瑩啲,色澤自然,從外表見到明顯果肉,類似果乾、西莓咁嘅濕濕腍腍質地。食落唔係太藍莓,偏酸清新,好似山渣咁。

27067002_736375309888026_4106493772025098239_n.jpg

開心果糊 $34

最近試過幾間中式糖水店,以呢度嘅質地望落最濃稠,目測已經知道係我地鐘意嘅口感。

26815436_736375346554689_1322751013252716117_n.jpg

搞佢幾下,就會見到稠度好高,顏色同開心果糕一樣。相對而言,開心果味更清淡一點,甜度都低啲。

顏色驚豔,但味道自然,冇堅果嘅燶味或者熱氣感,稠身得黎唔會封喉,最重要唔係周街都食到

26993401_736375359888021_3285484070748555192_n.jpg

補腦合桃露 $33

溫度適中,色澤同質地都很對辦,濃稠度同開心果糊一樣。合桃露比較厚,都足以稱為糊。 個人唔鐘意太滑溜,亦都唔鐘意太鞋,好麻煩,呢個剛好,唔會好似成堆粉推出黎咁。

保留合桃口感,又唔會多到起渣,入口有香濃合桃味,都算係近期食過比較有水準的

26815357_736375339888023_820407197015746710_n.jpg

整體兩個人食左接近一百蚊,因為第一次黎,又點糕又點糖水。其實單睇糖水30零蚊都好合理。

今次一試,個人認為幾滿意,如果想食中式糖水,我會再訪試埋其他產品


蘭苑饎館

地址:太子西洋菜北街318號集賢樓地舖

 

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

滾得

用餐日期:2017/12/01

最近好多新形大廈都食肆林立,位於旺角譽發廣場嘅好滾得新開張不久都頗受歡迎,主打嘅海鮮鍋、雞煲不同時段推出優惠。秋風起,打火鍋嘅時機又到喇,呢間可以試啊

holyhotpot_01.JPG

餐廳位置唔算好多,一邊係細枱,一邊係大枱,因為火鍋店都幾好生意,特別週五六日,建議最好先行預約喇,否則好似我地當日晚上,都出現左搭枱情況。

雖然枱都夠大張,但始終會有少少尷尬,哈哈

holyhotpot_03.JPG

holyhotpot_04.JPG

火鍋店以熊貓為標誌,座位、餐具、餐牌都加入熊貓、竹嘅元素。坐近窗邊,大玻璃視野廣闊,都幾舒適。

唯獨冷氣有點弱,抽風不是很好,離開嘅時候,都有一陣邊爐香

holyhotpot_02.JPG

holyhotpot_05.JPG

餐牌選擇豐富,湯底有超過十款,除左比較普通嘅沙嗲蕃茄薯仔芫茜之外,仲有矜貴啲海鮮類,例如花甲蟹煲、龍蝦煲等,定價$88-498。

另有刺身、小食,火鍋配料方面都有唔少海鮮,明碼實價;多款部位嘅牛肉、豬羊駝鳥肉、內臟、丸餃滑類、蔬菜、麵食等,價錢同一般火鍋店差不多。

holyhotpot_07.JPG

醬料 $15/位、茗茶 $8/位

大石砸死蟹鍋 $268 (原價$448)

講到最吸引應該要數呢個【大石砸死蟹鍋】,原價食性價比唔高,但新張期內9:30pm前只係$268,如果係呢個價錢就幾抵食。

見到個煲已經覺得好吸引,鍋底唔係好深,所以成鍋睇落好豐富,而且隻蟹真係幾大隻,係原隻膏蟹,足料

入面仲有大量蜆,加入蘿蔔、什菌、洋蔥、檸檬、九層塔煮成湯底,愈煲愈鹹鮮。

holyhotpot_08.JPG

holyhotpot_09.JPG

holyhotpot_10.JPG

蟹肉彈牙爽口,蟹腳、蟹鉗都好好肉地,蟹膏鮮味,本來覺得唔多,食到蟹蓋愈刮愈多,連平時嫌棄食蟹好麻煩嘅我,都未停過口

蜆肉雖然唔係好肥美飽滿,但勝在量多,起碼有斤半,食極都仲有,吐沙乾淨。鍋底調味帶點香辣,不論蟹肉同蜆肉都好入味,蘿蔔冇渣夠甜。

本來以為個鍋底好碎料,點知妹妹下啲蜆,食埋菇,都會有少少飽肚。食完加湯繼續打火鍋,呢個湯底都有少少重口味。

holyhotpot_11.JPG

holyhotpot_12.JPG

封門柳 $168/小 ($238/大)

封門柳都係牛牛嘅罕有部位,鐘意牛味重嘅人可以一試。因為只有我地兩人,所以點左細份,約16片。

牛肉比較細片,但唔會太薄,口感夠腍身,完全唔韌之餘牛肉味濃,油脂唔多

holyhotpot_14.JPG

holyhotpot_15.JPG

手打野生紅蝦松露丸 $58/半份

手打丸餃可選全份/半份,較有彈性,人少少想試多幾款都可以。紅蝦松露丸都幾大粒,平時買紅蝦價錢唔平,加埋松露製成蝦丸四粒為半份。

始終松露味道比較強,點都蓋過蝦嘅鮮味,口感爽口帶點實,淥完都冇乜點縮水。

鮮蝦雲吞 $42/半份

雲吞比較普通,皮有點厚,肉同蝦都係普通質素

葵花寶典 $78

即係蔬菜籃,娃娃菜、油麥菜、粟米、蕃茄。

holyhotpot_16.JPG

出前一丁 $20

食重口味煲,總係忍唔住用個一丁作結。

holyhotpot_17.JPG

值得一提係,雖然當晚生意很好,店員都金睛花眼關注客人嘅需要,加湯、換碟都自動波,希望下次再訪,質素都能夠保持。

holyhotpot_18.jpeg

holyhotpot_19.jpeg


好滾得 

地址:旺角彌敦道558-560號譽發廣場7樓


檢視較大的地圖


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

 
文章標籤

I'm Carol 發表在 痞客邦 留言(0) 人氣()

227甜棧

用餐日期:2017/10/23

早聞呢間甜品店都有唔少人推介,其實早幾個月我都差啲成功食左,只係入座點餐後,店員突然要求調位,調位本來都好小事,不過調去廁所位,我確實有啲唔願意,於是離開左。

是日喺附近食完火鍋,唔少得來一個甜品作結,對面正正係呢間甜品店,既然唔需要等位,就俾一次機會。

22688359_699162536942637_7724860275649935635_n.jpg

22780568_699162656942625_4392856646658323824_n.jpg

一行四人,點左四款甜品,可以話係冇款好食,早知行多幾步去任何一間都應該比佢好。  

甜品店由名字到裝潢都有種古色古香味道,木枱木櫈,卡位嗰邊還好,唔會太逼,其餘位置都比較密麻。

22555240_699162606942630_9084951531395349271_n.jpg

22730319_699162560275968_1807442473181743433_n.jpg

22688519_699162570275967_9155964896914058769_n.jpg

餐牌供應一般中式糖水,強調養生,有花膠、燕窩、海底椰一類嘅燉品,定價$49-69。

另有涼粉、西米露、港式嘅水果甜品,同埋唔少得幾乎每間甜品店不能缺少嘅乜圓勿圓小丸子等,價錢唔貴,大部分都係40蚊內。  

22728926_699162690275955_2837043736240625345_n.jpg

22729093_699162616942629_8901205805909972228_n.jpg

椰汁紫米露 $30

本來係附紅豆,不過朋友唔想食,所以走豆。 紫米露一個字:甜到飛起

入口以為係椰汁嘅甜,後續就知其實根本係糖水味。 

彩虹綜合圓黑糖沙冰 $38

圖片睇落幾吸引的,當然只供參考都係平常事,實物冇咁靚仔咁鮮豔,但擺放整齊,諗住都唔會差得去邊。

彩虹圓分別係紅黃綠黑白紫色,強調純天然、無人造色素,實際比圖片淡色。

睇番資料先知紫色係紫心地瓜圓;黃色係地瓜圓;白色係芋圓;紅色係紅麴圓;綠色係綠茶圓、黑色係芝麻圓。

因為除左黃色嘅地瓜圓係有少少甜度,其餘全部係冇味…又唔香又唔煙韌,口感較硬,不過唔會實。

至於黑糖冰亦係fail,點得黑糖預左會有少少甜,點會諗到係淡成咁其餘紅豆、綠豆係正常野,冇啥可評。  

22687904_699162583609299_1179851282870382575_n.jpg

22729235_699162543609303_7077234361758735713_n.jpg

自選養生花仙草涼粉 $36

除左固定款式,甜品自由度大,可以自選糖水底、糖水、配料,糖水底有仙草、豆花、沙冰等,糖水可選黑糖/薑汁黑糖/微糖黑豆漿

配料方面選擇豐富,有紫米、蓮子、雪耳、小丸子、手工芋圓地瓜圓、龍眼肉等,選兩款$30,選四款$36。

我地揀左綠茶凍、杞子龍眼肉、黑糖寒天凍、手工芋圓

黑豆漿用黑豆石磨而成,冇加色素,所以顏色睇落會灰灰地,飲落唔會太甜,有少許豆味,係全晚唯一合格的。

仙草涼粉、綠茶凍、寒天凍完全冇味,養生養生都唔洗淡成咁…

而且份量相當少,比起固定款式,唔抵食。 講仙草,康瑞真係贏左9條街…  

22780683_699162526942638_2117895900962324021_n.jpg

雪糕紅豆綠茶布甸 $38

呢款甜品都係見有唔少人介紹過,所以點埋試試。雪糕可選雲呢拿、紅豆、綠茶口味。

綠茶布甸好似切芒果咁,顏色好淡,裡面仲有紅豆、小丸子,墊底嘅係牛奶冰。

布甸一入口,媽啊,我食緊咩…係苦的!冇綠茶味不特止,仲要係苦澀的,明明見有人話茶味好重,咁我都唔知水準係咪唔穩定到咁了。

布甸嘅口感還可以,雖然比較乾,但都唔硬;配少少底下嘅牛奶冰食會冇咁苦。

牛奶冰甜度適中,小丸子一啲都唔煙韌,最好食係個雲呢拿雪糕(笑)。  

22688080_699162516942639_7969233040860165373_n.jpg

四樣野,四樣都係唔好食的,變相令我地又好懷念鮮芋仙,就算同康瑞都爭幾皮,唔知係我脷胎太厚,味覺失靈


227甜棧

地址:太子花園街246號地下B舖


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

火薈中日火鍋 Flaming Pot【二訪】

用餐日期:2017/08/08

今次係我第二次黎呢間火鍋店喇,記得對上一次印象都非常好,由環境食物質素服務到臨走我「參觀」埋店家嘅洗手間都非常滿意

餐廳位於酒吧街果邊,以前就旺,而家大不如前,唔知係咪因為咁,呢間火鍋店客人唔算好多,所以我地都冇預約,直接walk in。

餐廳喺1樓,個人認為裝潢幾靚,相當闊落,四人枱位置充足,而且客人唔多,唔催唔趕,真心坐得舒服

亦有房間,雖設最低消費,但問過定價合理,人均消費二百左右就坐到,日後有聚會都要提議朋友黎呢度。

20708399_669598489899042_1221775458946301637_n.jpg

20664654_669598986565659_1025803708807683019_n.jpg

20727834_669598593232365_3193996465552115488_n.jpg

火鍋選擇豐富,湯底都有十幾款 $68-$298,沙嗲、麻辣、胡椒豬肚雞、冬瓜瑤柱蛤蜊、蝦兵蟹將等。配料有肉類、海鮮、刺身、自家製手打丸、餃類、一般火鍋配料、粉麵、蔬菜等,定價中上,但質素甚高。

佢地都有套餐供應,三款定價每位 $208/268/298,另收茶芥($10/位)、醬油($15/位)、加一服務費,連埋飲品人均三百起,包湯底、牛、海鮮、丸類、餃類、滑類、蔬菜、粉麵等,上次我已經試過最平果個餐,其實相當抵食兼飽肚。

19756902_669599013232323_2181199605740613295_n.jpg 

20727883_669598613232363_7597790545813255939_n.jpg

三文魚 (免費)

只要like店家嘅facebook就有三文魚剌身送呢,按者有份,雖然係免費,但質素唔曳 

20708357_669598679899023_6610134202323277602_n.jpg

胡椒豬肚雞鍋 $138/半隻雞:

推介!胡椒味非常突出,裡面加有酸菜,成個湯底好惹味,頭一輪我覺得可以飲用完先打邊爐,唔會太鹹,之後加湯就唔好喇。

豬肚爽口,最正係果半隻雞,朋友們都大讚好食,因為完全唔老唔韌,非常高質,相信唔係冰鮮貨嘅質素,啖啖肉而肉嫩滑

20708324_669598676565690_3647973878164540822_n.jpg

20663688_669598699899021_4288349552285872313_n.jpg

頂級安格斯牛頸脊 $198/中

上次我食套餐,包嘅只係雪花肥牛,但質素真係唔差;今次自己點,就點左靚少少嘅牛頸脊,果然冇失望

牛肉份量唔多,肥瘦雙隔,手切雙飛,食落會比較厚身,口感一流帶嚼勁,牛味濃郁

20664082_669598753232349_2040781622964761762_n.jpg

20638126_669598839899007_4783492548978703988_n.jpg

手打雙拼丸 $78/8粒

呢度嘅丸類又係另一樣我覺得必點的,當然係揀左手打蝦丸、手打墨魚丸,真係好好食丸類十分大粒,食得出係手打貨,特別推薦蝦丸,食落啖啖蝦肉,好新鮮,係我食過最好食嘅蝦丸三甲

墨魚丸一樣正,爽口彈牙,有墨魚味,完全冇粉感。by the way,雙拼抵食過單拼其實我想講,蝦滑同墨魚滑都一樣出色,蝦味墨魚味都明顯,真材實料,留待下次人多我地再點。
 
20638630_669598723232352_853583742245469348_n.jpg

20664800_669598879899003_18868309428495302_n.jpg

魚片頭 $38

相對其他配料當然係比較普通,中規中矩。 

20638696_669598789899012_5979259139574490053_n.jpg

午餐肉 $38

餐肉切成條狀,一共6條,可能有啲人會覺得唔抵食,但我打邊爐必點嘅,而呢度嘅餐肉又係好好食,切得厚身,冇乜肥膏位。

20638383_669598769899014_5681531569980017619_n.jpg

滑豆腐 $28、油麥菜 $32

豆腐係另一樣必點配料,放落任何湯底都好食;油麥菜一片片插好,唔好以為好少,其實份量好足,夠三個人食。

20621256_669598883232336_8077905914279914506_n.jpg

王老吉 $15、汽水 $15

飲品選擇唔多,除左汽水,就係凍檸樂、咸檸七、王老吉、啤酒、竹蔗茅根,價錢就真係貴啲。

20638101_669598659899025_8407808062203685244_n.jpg

總括黎講,同我第一次黎一樣,今次都係一路食一路讚好食

環境舒適,可能因為客人唔多,店員驟眼睇只係見到兩個,但非常賣力有禮,絕對冇怠慢客人

人均三百左右,雖然較同區嘅任食火鍋價格為高,但唔知係咪我年紀大呢,愈黎愈怕放啲平得黎唔好食嘅野入口,一坐低就瘋狂畫畫畫、落單…然後限時限刻狂食。

有時寧願俾多百零蚊食啲高質素嘅火鍋,同朋友慢慢傾下計食下野,睇住電視,舒舒服服。

餐牌:

20638290_669598563232368_8353164774291060265_n.jpg

20663684_669598599899031_6997580813161647191_n.jpg

20663975_669598509899040_2067346650574473866_n.jpg

20664565_669599003232324_1222075968844771039_n.jpg

20708462_669598499899041_5397070429471298691_n.jpg


火薈中日火鍋Flaming Pot

地址:太子花園街239號嘉慶苑1樓


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

Roseate Castle

用餐日期:2017/07/31

有留意開唔同社交媒體,不難發現呢間新嘅玫瑰主題餐廳,講到主題餐廳,可能好多人都會覺得環境行先,本來我都以為只係間裝修靚靚嘅cafe,不過呢度賣嘅除左係環境,仲係食精緻嘅法國fusion菜

20621921_666916723500552_8442757038943602911_n.jpg

餐廳位置唔算好多,最好都係先行預約。裡面佈置成城堡,以玫瑰花為主調,偏白燈光,幾幅玫瑰花牆輕鬆成為打卡熱點,地面鋪有草地,枱面放有玫瑰乾花瓶。

20525230_666916070167284_883106311881781569_n.jpg

20597259_666916130167278_740419163571477140_n.jpg

20479678_666916013500623_8431626597664453788_n.jpg

20431386_666915960167295_1237531571201358473_n.jpg

20597124_666915976833960_6746173645719162156_n.jpg

而較亮眼嘅當然係正中心嘅鞦韆、角落嘅「鳥籠位」,仲有轉角嘅拱門設計,用上大量玫瑰裝飾,雖稱唔上精緻,但不至於俗氣,相信大部分人都同我一樣,係被咁少女嘅裝潢吸引而來

20526088_666915990167292_4970377859394598446_n.jpg

20476197_666916033500621_8552806693583934231_n (1).jpg

20597266_666916236833934_8718908475298300929_n.jpg

雖然係全新嘅餐廳,不過椅背嘅舊有痕跡清晰可見,而可能尚在試業階段,店員亦比較清澀,未及時交入座後提供清水,亦未見餐巾可能遲一步穩定落黎再體驗。

平日晚上加上新開業不久,客人唔多,只有兩三枱,情侶、少女們大可以放心影相。

20597472_666916053500619_6166028131011478944_n.jpg

晚市供應套餐,包括前菜、頭盤、湯、前菜、主菜、甜品、飲品,定價 $298-528,喺旺角區而言屬頗高消費。

據店主所言,未來會陸續供應單點款式食品,到期時可按胃口決定單點還是套餐,更具彈性。

20597144_666915906833967_7885949386222702750_n.jpg

煎日本帶子配臘腸、菜莆及粟米蓉

帶子煎香兩邊,新鮮肥美,不過如果唔係睇番餐牌,都唔覺食左臘腸、菜莆同粟米蓉 (笑)

20604631_666916113500613_1275683517032077080_n.jpg

20525265_666916140167277_3651961595752365522_n.jpg

黑魚子醬雞胸

好似風乾脫水嘅雞肉咁,未至於嫩滑,但都唔乾身,純粹以黑魚子調味,不過都唔單調。

20525383_666861623506062_7305799239818357953_n.jpg

三文魚他他及薄切生牛肉片配自家製泰式汁

作為頭盤,都幾開胃,仲令我地諗起另一間位於銅鑼灣嘅法國菜餐廳呢。

20525606_666916153500609_5918674347117120480_n.jpg

20525468_666916180167273_5685297819952331427_n.jpg

餐湯:洋蔥湯、麵包

洋蔥湯係稍為唔合口味嘅一環質地稀身似中湯,飲落帶甜,食完麵包再飲湯的話,甜味更顯突出。廚師解釋謂店家用嘅係有機嘅洋蔥,做法亦有別於一般洋蔥湯。

20525374_666916210167270_861978231876189597_n.jpg

20476398_666916233500601_5550506617605523370_n.jpg

20479916_666916253500599_4578465204321311382_n.jpg

自家製半生叉燒配米型粉、甜豉油汁 $428

喺西餐廳中見到叉燒二字都頗為驚訝,以牛肉眼做成半生叉燒嘅模樣,旁邊伴有菜心苗,用上米型意粉當成飯,賣相都幾可亂真

當然啦牛肉眼本身肥脂部位唔多,就扮唔到「半肥瘦」喇,齋食肉嘅部分會覺得比較乾身,肉質都算嫩腍,食落唔鞋口。

基本上冇乜牛肉味,主要係靠沾上用十幾種香料製成嘅甜豉油汁提升味道,確實有少少似食緊瘦叉,獨欠精粹蜜汁同脆皮。

米型意粉嘅份量唔多,但足夠飽肚。

20525909_666916490167242_7802411499074021150_n.jpg

20526265_666916613500563_1301127519002339104_n.jpg

20479713_666916323500592_3435715925944446717_n.jpg

三文魚波板糖配西班牙紅蝦、牛油果蓉、日本豉油泡沫 $528

黎呢度食野之前要調整好心理,食嘅係fusion菜、sell嘅係創意同靚料,呢道三文魚波板糖係大廚為餐廚設計嘅菜式,中規中矩,不過定價高

西班牙紅蝦聽聞係世界上最好食嘅蝦,一共兩隻,珍寶大小,食落爽甜

至於三文魚做成波板糖形狀,以芝士做出糖棍,新鮮肥美,芝士味亦甚為香濃。面頭均勻搽上牛油果蓉,睇落同芥茉都好似。

20621846_666916573500567_1894427704816308948_n.jpg

20480009_666916586833899_7959358012987010325_n.jpg

芝士蛋糕、芝麻糊燉蛋

甜品試到店家嘅招牌玫瑰花蛋糕,賣相好靚,仲用上好似「魔鏡」造型嘅碟襯托,影相期間我已經十分期待味道如何

一黑一白分別係芝士蛋糕、芝麻糊燉蛋,冇令我失望呢,而且份量大方

芝士蛋糕質地香滑,味道濃郁,特別係餅底夠厚,而且加入蜜糖,既有賣相亦有內涵

相對之下,芝麻糊略為失色,雖然係燉蛋,但芝麻味本來就突出,反正既然會蓋過蛋香,倒不如再重手啲,至於質感就唔似動L燉蛋,食落都係似芝士蛋糕。

最近沉迷芝麻味甜品嘅我就覺得芝麻味再濃更正。

20476467_666915923500632_4917131420453900296_n.jpg

20525651_666916666833891_3635308730187692873_n.jpg

20621013_666916700167221_1377807074490400272_n.jpg

胎菊金駿眉紅茶

玫瑰鐵觀音青烏龍茶

飲品選擇頗多,有咖啡、茶、朱古力、特飲等超過20款。食完主菜後,店員就送上熱茶,並提醒要焗大概十五分鐘,茶嘅味道較為濃,玫瑰、胎菊嘅味道較弱。

20525360_666916650167226_3004805596916567772_n.jpg

今次試左兩個套餐,上菜速度正常,逐道菜上,唔好當係一般西餐,食物擺盤都好精緻,對融合菜唔係太多認識,加上自行腦補過,個人認為味道方面都比想像中好,只係定價稍高。

不過我留意到嘅係下午茶時段嘅tea set收費反而唔貴,賣相幾靚,有機會再參考他人評語,再決定會否一試。

餐牌:

20525333_666916690167222_828898169859924675_n.jpg

20479542_666915940167297_1406541277444021588_n.jpg


Roseate Castle - French Cafe & Restaurant

地址:旺角砵蘭街215號朗晴坊8樓


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog:http://http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

ChiBa 吃吧

用餐日期:2017/07/07

 

呢間樓上cafe,之前已經食過晚餐,質素不俗,所以經常滿座。餐廳位置唔多,建議預約

19884517_655812857944272_1805949284947690054_n.jpg

最近佢地推出左下午茶,週五就約埋個朋友一齊去試下
下午茶時間,可能因為平日,客人唔多,對比上次晚上黎,環境寧靜好多,我地二人坐喺一角,食下傾下,好快就坐左兩個鐘。

19875464_655813247944233_3934734662019838881_n.jpg

Tea Set $248/2人 (包飲品/另加一)

價錢就幾吸引,賣相、質素都算交足功課呢。

鹹點3款,分別係海膽三文魚籽冷麵、黑松露多士、芒果蝦酥盒;甜點5款,包括朱古力布朗尼、馬卡龍、泡芙、卷蛋、風乾火腿哈蜜瓜

19756505_655812884610936_5869261672774447978_n.jpg

19884102_655813207944237_816013104014788749_n.jpg

海膽三文魚籽冷麵

用玻璃瓶盛載,冷麵軟硬適中,海膽新鮮冇腥味,三文魚籽飽滿帶鹹香,所以連埋麵食就略嫌稍鹹。

19748747_655812817944276_431437622835910583_n.jpg

19756772_655812811277610_1534095453473588102_n.jpg

黑松露多士
相信大部分食過嘅都會覺得多士味道唔錯,取代一般tea set中嘅牛角包、三文治等,餐廳選用焗治。
黑松露味道突出,夾層用上芝士磨菇,係不死配搭,芝士香而不膩

19884124_655812997944258_5852312313776059763_n.jpg

芒果蝦酥盒

賣相精緻,以芒果、茄粒點綴爽口凍蝦,酸酸甜甜,酥盒香口鬆化,如果我唔係影左咁耐相會更加好食

19756795_655812971277594_2541411702306876191_n.jpg

朱古力布朗尼
布朗尼蛋糕鬆軟濕潤,淋糍糍,入口唔乾,朱古力甜度適中,裡面加有nuts,增添口感,但呢種質感嘅brownie唔係個個喜歡。
卷蛋
卷蛋幾重奶油味道,蛋糕普普通通,都算鬆軟。

19959173_655812981277593_824368302736708903_n.jpg

馬卡龍

我地分別食左綠茶、草莓味,外脆內軟,而且煙韌,味道較低調,甜度可接受。

泡芙
中規中矩,冇乜特別。

19884243_655812881277603_3381409989027805646_n.jpg

風乾火腿蜜瓜

火腿切成薄片,鋪於蜜瓜上,鹹甜交錯,以水果作結,清甜不膩。

19748914_655812957944262_4192014882488475854_n.jpg

飲品選擇頗多,咖啡、梳打、沙冰、果茶等,無需另外加錢天氣咁熱我係冇辦法飲熱野了,一人一杯凍飲。

蜜桃熱情果梳打

糖漿按個人喜好加入,自行控制甜度,清涼解喝。

19884444_655813197944238_8625555594909873192_n.jpg

曲奇朱古力奶昔
忌廉夠滑唔膩,曲奇味道較突出。

19756483_655813221277569_5032409497528753664_n.jpg

賣相令中女都忍唔住影左N幅相,以雲石板作底盤,旁邊有餐廳名字,花、蝴蝶裝飾雖然唔食得,但擺盤令成個tea set加左不少分數

19894667_655812867944271_908959694439954021_n.jpg

個人食tea一向都鐘意鹹點多過甜點,今次亦不例外。而且一般tea set特飲都要加錢,所以呢set都算唔話得,我同朋友一致認為質素不俗呢


吃吧
地址:旺角彌敦道566-568號僑建大廈2樓2室

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

 

文章標籤

I'm Carol 發表在 痞客邦 留言(0) 人氣()

新南苑私房菜火鍋鷄煲

用餐日期:2017/06/09

週五成班14個人想喺旺角搵個地方食飯,要有間房都唔易,本來想去另一間花膠雞新店,但回覆話間房唔夠大坐唔落。

朋友於是提議去新南苑,話食過唔錯,最終訂到間房,就決定呢間餐廳位置頗多,枱與枱間都幾密麻。

2017-06-11-PHOTO-00001371.jpg

大廳收費 $208,坐房就 $228,所以人多不妨訂房間,當然有最低消費,視乎人數、房間大小。我地間房坐14人剛好,唔算好逼,房內有獨立廁所,冷氣夠大。

海鮮火鍋半放題套餐 $228 (宵夜時段:10pm後/免加一/免醬油)

套餐包括:

雞煲任食,可選大/中/小辣食完雞煲。(三位以上先有)

另選湯底五揀一, 繼續打邊爐。

配料有海鮮拼盤人頭份量、手切牛 (14人就黎左4碟)、丸類。

刺身放題每位加 $48,有三文魚、甜蝦、赤貝、墨魚、希靈魚、北寄貝、瀨尿蝦、蟹柳等任食。

甜品係自家製奶凍。

另外有張配料紙任食,自助區有蔬菜、飲品任飲 (啤酒另計)。

19029343_640315599493998_1460491472272298284_n.jpg

雞煲任食香口惹味,食落唔鹹而且唔會好辣,但偏油膩。

19030549_640315596160665_1409295356763865258_n.jpg

刺身幾唔錯赤貝、墨魚等都幾新鮮,食左兩輪,好過好多日式放題

19060072_640315609493997_3331225230318061403_n.jpg

因為人多,揀左3款唔同湯底,分別係蟹鍋花甲湯、野生水魚湯、冬瓜粟米花甲湯,不過味道一般偏淡,唔會話好想當湯飲。

19030175_640315642827327_7511555700501561917_n.jpg

19029302_640318489493709_7869178427016808861_n.jpg

野生水魚鍋:

19030266_640315639493994_4147768129466180618_n.jpg

海鮮拼盤冰底上,六至八款,有蝦、元貝、鮑魚、海參、蚌等。

每人份量唔多,整體都新鮮,冇霉嘅情況

19106046_640315636160661_4911558345848266590_n.jpg

18952746_640318492827042_3106798396458989800_n.jpg

手切牛腍身有牛味,食落唔韌,不過唔係任食。(我地14人黎左4碟)

19029751_640315649493993_2433563104210040251_n.jpg

食到呢度都已經7、8成飽,再點下其他火鍋配料夠哂。

宵夜實收 ($228+$48) 挺划算 套餐食物都算豐富、新鮮,仲有間房俾你坐下有埋wifi、招呼合格,抽風不錯,食完唔會一陣味

不過非宵夜時段會收加一、醬油、前菜,呢樣嗰樣差唔多350蚊,仲未計刺身要加錢,感覺就唔係太抵食。


新南苑私房菜火鍋鷄煲

地址:旺角彌敦道678號華僑商業中心3樓全層


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

1 2