再窮都要去旅行！

Black Coffee

「疫市」之下依然有數間咖啡店開幕，旺角區代表有Black Coffee，由HeySoNuts班底主理，去過的朋友都知道，質素不俗。

新店以黑色為主調，走型格路線。除了招牌梳乎厘鬆餅、窩夫，更專注做咖啡，實在是旺角難得一遇的高質素咖啡店

Black Coffee選址廣華街，附近前後左右都有食肆，算比較集中，雖然有甜品店，但以港式糖水為主，具一定的兢爭力。

店面頗大，門口未見任何亮眼的招牌，只有一個非常低調、近乎透明的營業時間牌。

店面以黑色為主調，杯、碟、桌、椅清一色：黑。Black Coffee的座位不少，除了一列吧枱，還有六至七張二人枱及一張大枱，分佈闊落，不帶壓迫感。

入店前，店員先幫我量體溫，然後安排位置。到訪當日是平日下午茶時間，獨自坐在吧枱，悠然自在。( 而且店員態度友善，印象不錯呢)

食物選擇驟眼看比HeySoNuts少一點，數款小食、全日早餐、意粉等，甜品有梳乎厘鬆餅、窩夫、提拉米蘇。

星期一至五設套餐形式，價格較實惠。午餐時間點任何一款熱食/沙律，可配$40或以下飲品及設餐湯追加優惠。

下午茶時間(星期一至五 3pm-6pm)點任何甜品附$40或以下飲品。

Orange Suzette Souffle Pancakes $82

Flat White/tea set

前陣子很流行梳乎厘鬆餅，幾乎大大小小的甜品店都有推出，我們試過幾家，質素上好像以「過江龍」比較優勝。想不到在Black Coffee遇到一份非常不錯的鬆餅呢

鬆餅一份兩件，眼見廚房出了幾份，賣相都很平均。入口有明顯蛋香鬆餅不易下塌，沒有吃蛋糕的感覺，保留空氣感，稍為濕潤一點。

忌廉奶香，自家製糖漬橙片甜甜的，配合鬆餅有加分

咖啡奶泡薄滑，後續帶點果香。

這次短暫到訪，只試了鬆餅和咖啡，由於兩者都很對味，相信會再訪，尤其千層和tiramisu的賣相都很吸引呢。

Black Coffee by HeySoNuts

地址：旺角廣華街3號地下3號鋪

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

天吉屋

用餐日期：2019/08/19

最近開了幾間來自日本的天婦羅專門店，試了天吉屋，本店位於新宿，香港第一店位於朗豪坊。首經獲得日本全國丼聯盟大賽的金賞獎，來頭不小，開業初期人氣超高，等位時間頗長。

整體水準不俗，天婦羅新鮮熱辣，炸漿薄身，人均消費百多元，亦符合價錢，待人流減少一點，都可以一試。

餐廳位於朗豪坊11樓，面積不算好大，裝潢跟日本店無差，以木色為主，卡座尚算舒適，二人枱足夠放置兩份餐點，而椅子下面有置物籃可以放個人物品。

廚房設計透明，可以見到店員製作過程。

全日供應5款天丼，分別是天吉丼、天幕御膳、All Star丼、天吉雙品及香港限定的軟殼蟹丼，附湯，定價$108-158，每人最低消費$100，即是一人一丼。

為確保質素，部份食材由日本空運，例如南瓜、柚皮，使用北海道七星米。

餐牌圖文並茂，每款丼的食材都有詳細列出，大致上是軟殼蟹、黑虎蝦、海紅鯛、雞肉、魷魚及多款野菜。頭3款丼的配搭近似，最終我們點了天吉丼、天幕御膳。

枱面上放有調味料、紙巾等。

牛蒡茶。

另有漬牛蒡、漬蘿蔔，既爽口又開胃。

點餐後，店員送上椰菜絲及柚子蜜，口感爽脆又清新；店員留意到我們吃完，也有主動協助添加。至於天丼，即點即製，大概等候20分鐘上枱。

湯

天幕御膳 $148

天婦羅有黑虎蝦、海紅鯛配紫蘇葉、軟殼蟹、洋蔥魷魚、茄子、南瓜、炸紫菜、四季豆，跟天吉丼最大分別是御膳有三種食法、飯與天婦羅分開上、而白飯可以無限添加。

店員於上菜時亦有簡單說明如何三食，一是直接食；二是加天丼醬汁；三是茶漬飯。

天婦羅熱辣辣，新鮮炸起，聽聞天吉屋出名在油粉比例，每樣食材的炸漿確實薄身，不一口粉，外層夠脆口，而不油膩，所以即使單單沾蘿蔔泥，都挺好吃。

軟殼蟹

越南黑虎蝦略為失色，雖然兩隻虎蝦連著炸，不過蝦的口感不夠爽，而且有點小。

洋蔥魷魚炸得金黃。

吃了大半，我們將天婦羅放於米飯上，加少許天丼醬汁，這個做法味道中規中矩。

最後可以請店員送上高湯，製作茶漬飯，加一點芥末或紫菜調味，暖暖胃，味道都不錯。

天吉丼 $118

天婦羅有黑虎蝦、魷魚、海紅鯛、茄子、南瓜、四季豆、炸紫菜、溫泉蛋，跟御膳的食材大致相同，多了溫泉蛋，而且已經預先添加醬汁、柚皮。

值得一提，當中的海紅鯛頗大件，外層香脆，魚肉嫩滑，回味呢！

天吉丼的天婦羅炸漿同樣薄身，但相對御膳的香脆度沒那麼高，可能是因為預先澆上醬汁的關係。所以如果喜歡吃脆口的，建議點選一份御膳，可以跟同行人分享。

難得有天婦羅溫泉蛋，流心度高。

天吉屋

地址：旺角朗豪坊11樓25-29號舖

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

SHAO

用餐日期：2019/11/28

最近在何文田試過兩間餐廳，其中「SHAO」的表現頗出色，小店一間，食物水準不輸其他尖沙咀、港島的西餐廳，一改何文田給我的印象。

餐廳主打健康輕食、日式丼飯；晚市4道菜晚餐每位定價$298，部份食材配搭不常見，十分美味，擺盤賞心悅目

SHAO店名意指：Stop here and Order。開業一年多，口碑不俗。餐廳位於梭椏道，其實由旺角步行過來亦不遠。單看門面還以為是家咖啡店呢，曾經中午時間經過，小店更有文青感。

全店位置約20個，平日晚上未算繁忙，坐得舒適。特別喜歡門面開放式的設計，通風之餘帶點悠閒感覺。

午市餐牌選擇豐富，主打健康輕食、日式丼飯，都有不少人推薦過，賣相討好。晚市大部份人都會點的是4道菜晚餐，每位定價$298，可享前菜、主食兩款、甜品、茶/啡。

當中已經包括招牌菜式，本來覺得有一點貴，試過後反而覺得性價比不俗

秋葵沙葛沙律

秋葵很嫩、沙葛爽脆、木魚提味，裡面還加有白藜麥呢，這是很清新開胃的前菜，而且健康。

牛舌串燒

牛舌串燒一份兩件，口感爽脆，絲毫不韌，帶黑椒香氣，而且我們很喜歡柚子胡椒醬，酸酸辣辣，層次豐富

明太子意粉

明太子意粉一人份量，面頭是一隻煮得剛好的溫泉蛋，輕輕拮開，蛋液流出，令意粉口感更creamy。意粉沾上明太子，味道不會太濃，味道不錯。

鵝肝漢堡

漢堡很小一個，我們切件分享，麵包香軟微酥，塗上黑松露醬、無花果醬，配搭特別，一邊較重口味，一邊清新帶甜。主角鵝肝入口細膩，香氣久久不散

腹肉牛排/150g

早前於另一間咖啡店吃過腹肉牛排，十分喜歡，所以也很期待SHAO的出品。

腹肉牛排以慢煮方式處理，每片大小均勻，有適當厚度，外皮微脆，腹肉呈嫩紅色，口感柔軟無筋，肉味濃郁

配上蔥、黑蒜醬及香脆炸蒜片，回味無窮。

楓糖叉燒/120g

楓糖叉燒亦是不少人推介的餐點，西班牙黑毛豬同樣以慢煮方式處理，配上薑蔥醬、炸蒜片。

黑毛豬肉帶點脂肪，肉質較中式叉燒更為爽脆，以楓糖調味，做出蜜汁效果，個人認為黑毛豬可以再「肥」一點。

值得一讚伴碟的薑蔥醬，薑味濃厚，配上蔥香，更勝一般薑蓉，心思之作想不到能在西餐廳吃到富中式味道的菜式，獨欠一碗香軟米飯呢，哈哈。

Affogato

Matcha Affogato

上枱時已經淋上咖啡及抹茶，感覺餐廳是連碟冷藏，所以雪糕未如一般甜品的affogato般迅速溶化。

兩款當中先試抹茶，茶味甘醇，配上雲呢拿雪糕，適合喜歡吃甜的朋友。至於原味，濃縮咖啡和雪糕混合，中和苦味，很好吃呢

Latte

Avocado

飲料的部份表現較普通。

整體而言，SHAO的食物相當有水準，主角、醬汁選材都很有心思，並非一般西餐廳常見的配搭，四道菜有點fusion感覺，雖然未至於捧腹離開，卻又覺得錢花得值。

SHAO

地址：何文田梭椏道15-15A號典雅大廈地下4號舖

星期二至日 中午12時 - 晚上10時

26427053

港鐵旺角站 D3 出口

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

Are U Labeler

之前有留意到"Are U Labeler"這間餐廳，是因為小店有提供3D立體造型的咖啡，可惜遲遲未到訪。現在小店暫停供應3D拉花，雖然有點可惜，但基於食物都有水準，價格合理。

週末來吃個brunch也不錯，支持一下年輕人主理的食店

Are U Labeler位於何文田梭椏道，水泥牆身加上霓虹燈店名，頗為顯眼。店名很有意思，希望鼓勵客人不要標籤其他人，又或者不要因為自己是被標籤的人就看輕自己。

店面驟眼看，有點像酒吧。

咖啡店設數個室外位置，天氣稍涼，其實坐戶外，吹著自然風都好舒服。

到訪時是萬聖節前後，所以咖啡店擺放不少相關的裝飾品，挺有節日氣氛。

室內約有20多個位置，配合高樓底，空間感足。

牆上的壁畫成為不錯的打卡背景。

咖啡店的廚房是開放式，下午茶時間到訪，點單以輕食為主，所以沒有油煙味。

前台的動物擺設好可愛，禁不住要拍張照。

店內還有出售一些明信片、貼紙。

餐牌選擇豐富，沙律、小食例如雞翼、薯條；還有全日早餐、多士、漢堡、意粉、意大利飯等，價格跟大部份咖啡店差不多。

唯飲品需單點，除了咖啡，還有茶、梳打、朱古力及酒精飲品。

小店設蛋糕畫碟服務，購買店內的蛋糕可以加錢畫卡通人物及寫英文字，如果有需要可以提前預訂。

全日早餐 $108

雖然全日早餐的製作簡單，但到訪咖啡店總是忍不住要點一份。Are U Labeler的全日早餐有黑松露炒蛋、煙肉、香腸、蕃茄、焗茄汁豆、大啡菇、牛角包及沙律菜，豐富飽肚。

牛角包是現成的，輕輕加熱，口感軟熟不酥。沙律菜新鮮、啡菇多汁、蕃茄煎香，以香草調味。

雞蛋滑溜，面頭有黑松露，味道未算濃郁。

至於香腸及煙肉都是收貨。

卡邦尼意粉 $80

意粉份量十足，醬汁量較多，沾滿扁意粉，口感creamy配以少量菇菌及煙肉，味道算可以，只是最近試過另一家的咖啡店的卡邦尼太出色，這份相對印象不深刻。

Flat White $42

拉花美觀，喝到尾仍然保持得完整。咖啡還好，屬於比較溫和的。

Green tea Latte $45

抹茶牛奶的畫花很可愛，全是愛心，很療癒。以奶味主導，抹茶控可能覺得不夠濃呢。

整體來說，咖啡店環境舒適，假日人流不算太多，跟三五知己短聚，暫且放下煩惱，是個不錯的好地方。

Are U Labeler

地址：何文田梭椏道25A地舖

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

椰小盅燉湯專門店

用餐日期：2018/12/21

踏入秋冬，是時候要滋潤一下，位於太子的「椰小盅」開張不久，主打原個椰子水加上不同材料燉製，例如烏雞、人參、鮑魚等，具調理功效，真材實料。

每款燉湯亦可加配以椰子水製成的椰小飯，健康到不得了。適合平日忙碌到沒有時間煲湯水的朋友，鼓勵客人「無論幾忙都記得要飲湯」。

椰小盅位於白楊街，鋪面不大，小店約十數個位置，平日午市過後前來，人流不少，我們選擇靠牆高枱櫈。

雖然位置不算便利，但開業不久即引起少量人龍，湯水不時售罄。現時為了讓更多客人可以嚐到燉湯，已經設有電話訂購服務，方便簡單。

餐牌主打原個椰子燉湯，不加味精，真材實料，一共六款，包括竹笙烏雞、竹笙子排、花生大棗鮮蹄、冬瓜薏米子排、鮮人參燉烏雞、蟲草花乾貝土雞燉鮮鮑。

單點湯品定價$56-72，可加$6配上椰小飯。另有小食例如饅頭、燒賣等及椰子凍。

織金竹笙烏雞椰小盅、椰小飯 $62

原個小盅熱辣辣上枱，揭開椰蓋，可見滿滿配料，烏雞、杞子、淮山、椰子水、椰子肉等食材燉四小時而成，聞說用上東南亞老椰子燉湯，椰肉清甜。

湯頭金黃，帶少許油份，竹笙爽口。烏雞味道濃郁，可以吃得到的份量不算很多，足以使湯頭特別甘甜，無添加，原汁原味，喝罷暖身暖胃

椰小飯

加配椰小飯，畢竟作為午餐，單喝一個湯還是有點不夠。椰小飯由大米、小米、紫米、糙米、椰子水及紫薯粒製成。

雖然吃不出來椰子水的味道，飯粒稍濕軟，但感覺較健康有益。套餐配上菜莆，因為湯料不多，而味淡，加點菜莆有助提味。

織金竹笙子排椰小盅 $58

如果喜歡甜一點的，推薦烏雞；喜歡清爽的，推薦竹笙子排，因為相對烏雞，這款湯頭更清澈，不帶油份，視乎個人喜好。

基本材料相同，例如杞子、淮山、椰子水及椰子肉，搭配排骨，火喉十足，適合秋冬飲用。值得一讚，椰肉香而爽甜

椰香燒賣 $15/8粒

燒賣味道一般，口感實而粉，而且未見椰香，可以略過

椰子水 $8

甜度較低，味道清淡。

椰小盅

地址：九龍太子荔枝角道130號白楊街2A號地下

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

阿爺粥膳八鮮鍋

用餐日期：2018/12/4

踏入秋冬，吃火鍋的意慾更大，阿爺粥膳八鮮鍋提供兩款粥底火鍋套餐，基本收費每位$298/398，包括數款海鮮，例如龍蝦、花竹蝦、肉蟹、鮑魚等。

另有數款火鍋配料，人頭份量。相對以往吃過的粥底火鍋價格稍高，但更新鮮，如果喜歡吃海鮮，不要錯過

餐廳位於旺角登打士廣場，位置便利，全店面積不算很大，一半位卡位，一部份梳化位置，非常闊落。

驟眼望到應該有房間，人多的話想預訂房間，記得自行查詢是否有最低消費。

套餐分兩款，定價$298/398，均含海鮮，以每位$298的套餐為例，包括花竹蝦1隻/龍蝦半隻、肉蟹半隻、鮑魚。

另有黑豚肉片、雞件、帶子雲吞、櫻花葉鮮蝦丸、芝士流心牛丸、豬骨濃湯貢丸、雜蔬菜，最後連同龍皇母米粥。

現時只需讚好及分享餐廳專頁，每位可獲贈乳龍蝦半隻。另外由粥底到配料都可以散點，9:30pm後宵夜都有優惠，花膠濃雞湯只要$1，而單點海鮮及配料享7折。

醬油茶芥 $18/位

點餐後，店員會先上鍋，有別於其他粥底火鍋，並不會加入粥水。

粥底火鍋A $298/位 (以下為二人份)

海鮮拼盤非常吸睛，由於餐廳有魚缸，可以見到海鮮全部游水，十分新鮮。而花竹蝦、鮑魚上枱仍然會郁動

店員會幫客人按次序將配料加入鍋底，首先加雞件，利用雞肉油份將鍋炒熱；然後加入蟹、龍蝦、花竹蝦、鮑魚。

最後以火槍加熱，既有噱頭，而海鮮炒過特別香口，味道更鮮。接著會加入龍皇湯底，跟一貫粥底火鍋做法不一樣。

湯底本身已調味，十分鮮甜而不會太鹹，吃火鍋前可以先飲用。而中段需要加湯，同樣會添加此湯底，令湯不會變淡，及後粥底更美味

龍蝦雖然是贈送，肉質爽彈；花竹蝦令人驚豔，很大隻而且新鮮，口感紮實爽脆，不沾任何調味都很好吃。店員稱單點就已經過百元一隻了。

另外肉蟹蟹膏多，鮮甜無比；鮑魚軟腍不韌。

雖然海鮮量未有平時光顧的餐廳多，但以新鮮度而言，確實優勝，物有所值

可能因為餐廳本身有供應單點配料，其他火鍋配料質素亦相對好。黑豚肉片薄身，脂肪適量，入口不柴。

雞件因為預先炒過，比較香口。

帶子雲吞、鮮蝦丸即點即製，新鮮就是好吃。雲吞以肉、帶子做成，鮮甜可口；鮮蝦丸爽彈

芝士流心牛丸、貢丸彈牙。

雜菜籃份量大方，有粟米、娃娃菜、油麥菜，由於湯底鮮味，蔬菜寧舍鮮甜。

店員最後會送上粥膽、芫茜、菜莆、蔥花，待粥煮綿，即可享用。由於湯底本身有調味，粥底特別鮮甜，份量非常多，每人吃了三碗，已經十分飽肚

結帳前店員送上甜點，掏空西瓜製作的雜果啫喱，完全不甜膩，剛好作一餐結尾。

西瓜汁 $28

套餐不包括飲料，點選西瓜汁，新鮮即榨，味道天然無渣，不加糖水，清涼解渴。

阿爺粥膳八鮮鍋

地址：旺角登打士街43H號登打士廣場3樓

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

鍋心八鮮蒸鍋

用餐日期：2018/09/07

鍋心粥底火鍋就吃得多，卻第一次到訪鍋心八鮮蒸鍋，主打海鮮蒸鍋，人頭收費，雖然不是放題，但有八款海鮮加上八寶蒸飯，非常豐富。

相對其他煮法，「蒸」較健康，按個人喜好選擇醬料去蒸，新鮮感高，價格合理，海鮮有水準，難怪晚晚爆場，全晚分三輪用餐，一定要預先訂位啊

鍋心八鮮蒸鍋位於太子花園街，共兩層，鋪面頗大，卡座算坐得舒適。唯獨可能人多，加上被蒸氣包圍，顯得冷氣有點不足。

店員頗為繁忙，不過上菜、下鍋、計時、起鮑魚等，樣樣做足，不收服務費前提下，都值得一讚

餐牌供應一款套餐，海鮮八款，分別有波士頓龍蝦、鮑魚、蟹、海蝦、多寶魚、鮮魷、大蚌、花甲。每款海鮮相應配備不同醬料，例如清蒸、豉汁蒸、金銀蒜蒸、豆醬蒸等。

每位收費$268，飲品單點，不設加一。由6:00pm、8:30pm、11:00pm開始，分三段時間用餐。

平日人少想吃海鮮可能比較難控制份量，款式沒有那麼多，所以這種火鍋人多人少也適合，下面圖片為四人份量。

入座後，店員就很快送上燉湯，雖然是免費的，但誠意滿滿，十分足料，有雞腳、桂圓、杞子，清潤無味精感

波士頓龍蝦 - 清蒸

龍蝦每人半隻，除了清蒸，可選豆醬蒸/金銀蒜蒸/剁椒蒸，想吃龍蝦的鮮味，就故且選了清蒸。

店員會全程幫忙下鍋，時間控制得很好。龍蝦挺大隻，肉質爽彈，味道鮮甜，也是我們一直很喜歡鍋心的原因

鮑魚 - 果皮蒸

鮑魚每人一隻，可選清蒸/豆醬蒸/果皮蒸/梅子蒸，我們選了果皮蒸，伴上已醃蘿蔔。鮑魚很新鮮，口感爽脆，帶果皮香

蘿蔔值得一提，店員很細心，幫我們把鮑魚去殼。

海蝦 - 金銀蒜開邊

海蝦有五種醬料，除了開邊蒸，還可以清蒸/紅糟蒸/豆醬蒸/剁椒蒸，伴上蕃薯件。蝦隻不算很大，但每人有三到四隻，鋪上大量蒜蓉，很入味

多寶魚 - 豉汁蒸

魚肉不腥，而且肉質挺滑。

鮮魷魚(腸粉底) - 金銀蒜蒸

有機會再訪，一定會選沙嗲蒸試試看。鮮魷份量不多，新鮮爽口，墊底的腸粉很滑溜。

大蚌 - 豉汁蒸

豉汁味道不夠濃郁，慶幸大蚌鮮甜多汁。

花甲 - 清蒸

花甲只有清蒸，有大有小，吐沙乾淨。

蟹 - 剁椒蒸

店員幫我們將蟹放到最後蒸，一來蒸蟹需時較長，二來，吃蟹的時間可以開始蒸飯，爭分奪秒。

剁椒帶微微麻辣，令膏蟹十分惹味，蟹肉豐腴，口感實在，而且有少量膏。平時比較少吃這種口味，有新鮮感

八寶蒸飯

最後以自選八款配料，製作蒸飯，按個人喜好，有菜有肉。我們選了蝦醬豬腩肉、秘製雞骨肉餅、秘製雞翼、豉汁排骨、臘腸、豆醬豆腐卜、粟米粒、翠玉瓜。

配料擺放整齊，以飯墊底，份量非常多，臘腸夠香，雞翼嫩滑，必點豆卜，非常入味

飯粒帶油份，粒粒分明，每人吃了兩碗已經非常飽，所以店員都主動提供飯盒供我們外帶。

最後還送上糖水，誠意之選，裡面有雪梨、桂圓、杞子、桃膠，冰涼滋潤，甜度適中，勝過不少糖水鋪出品。

整體而言，以收費人均$268，能吃到多款海鮮，又夠新鮮，性價比高。店員不至於笑容滿面，但全程招待，也值得一讚。

不過留意，用餐時間剛好而已，不容許慢慢坐慢慢吃，所以難免讓部份人覺得店員有點趕。

鍋心八鮮蒸鍋

地址：太子花園街207-209號地舖

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

BHC

用餐日期：2018/08/25

形容BHC炸雞為「全智賢炸雞」一點都不過份，自《來自星星的你》劇集火紅，全智賢擔任品牌代言人，BHC就大受本地人甚至海外遊客歡迎。

品牌最近終於在旺角開設分店，相信會吸引不少人到訪，營業時間到凌晨兩時，炸雞控出動，相約朋友一試吧

餐廳位於登打士廣場1樓，面積不少，位置頗多，裝潢年輕。每到晚飯時間，大廈食肆多，滿滿人潮，連帶炸雞店即使是新開張，仍有不少walk in客人

餐牌選擇不算很多，主要供應炸雞，一共9款口味，例如芝士、咖喱、甜酸、蒜油等，定價$158-168/全隻。

另有沙律、小食、少量韓式料理、飯麵等，跟大部份韓國炸雞店一樣，適合多人用餐、聚會。

Macho King $168

店員介紹，此款式十分人氣，特別受女性歡迎，口味特別，有中式小炒風味，可以一試。

全隻雞分14件上，未算很大隻，兩個人吃得完。味道類似醬香炸雞，以辣椒、醬油、胡椒、蜂蜜調味，頗為惹味

相對烤雞，炸雞是預期之中，沒有那麼嫩滑有肉汁，慶幸炸粉不會過厚，而且外皮炸得酥脆呢

原本想點雞蛋卷，不過由於到訪時間有點晚，已經賣光了，所以點選了略為飽肚的青口湯。

Mussel Voyage $168

湯底加入蕃茄、辣椒、洋蔥等，酸酸辣辣，十分開胃，而且份量頗大。配料有青口、魷魚，大大小小青口共有20隻

小食有薯條、芝士條、芝士波，一律$58。

BHC Cheese Fries $58

用上幼薯，面頭沾上蜂蜜並加有芝士醬，不過味道略為失色。口感未夠香脆，頗為腍身，芝味未夠濃郁

飲品方面選擇不多，暫時未見酒精類飲料，相信未未日子會供應。

Marry Me $58

這杯雜莓梳打少女心滿滿，冰塊中藏有玫瑰花啊，相機先吃一流

Don't Know Why $58

薄荷檸檬茶味道清新，適合吃完炸雞後飲用，不過珍珠稍為硬身，未夠煙韌。

甜品賣相吸引，有affogato、churros、焦糖燉蛋等，點了兩款試試，不過味道一般。

Magic cloud $68

Grand Mother's Secret Latte $68

貌似魚蛋的其實是糰子，不過口感有點硬。

新開業關係，各方面仍有不足之處，例如未有提供一般炸雞店會供應的酸蘿蔔、店員對餐牌的熟悉度。

憑著大家對韓式炸雞的熱愛，不用飛韓國都吃得到BHC，加上位處旺角鬧市，自然能吸引喜歡嚐鮮的朋友。

BHC

地址：旺角登打士街43H號登打士廣場1樓

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

新南苑私房菜火鍋鷄煲

用餐日期：2018/08/12

身邊總有幾個放題控，說到火鍋、雞煲，新南苑私房菜火鍋雞煲算是不錯的選擇。人多聚會頗為合適，皆因火鍋店設獨立房間可訂，私隱度高。

套餐雞煲任食，另有人頭份量海鮮、牛肉，火鍋配料放題，質素不俗

餐紙上印有關於新南苑的小背景，是以前觀塘仁愛圍很旺的食肆，後來因為重建而結業，輾轉間再於旺角開店，在灣仔亦有分店。

相對而言，灣仔店裝潢較花心思，廳房以學校為題，例如電腦室、體育室等。旺角店面積大位置多，一般火鍋店格局，週末生意好，可能會嘈雜一點。

房間需要預約，並每位加20元，六人房間不至於闊落，勝在舒適，每房有電視機，主要播放球賽。

房間裡面設有對講機，只要按掣就有店員應答，可以直接提出要求，例如加湯、點配料等，效率挺高

收費方面，海鮮火鍋半放題套餐平日人頭每位$268，另加醬油、前菜、加一服務費。週五、六日、假期每位加10元，入座起計算三小時。

包括：招牌麻辣雞煲 (3位以上先可以享用，無限任食，可選大辣/小辣)、湯底選一款、海鮮拼盤 (6-8款)、手切牛頸脊 (非任食、1-4位一碟)、火鍋配料任食、甜品、飲品。

同類型火鍋店，收費都差不多。雖然個人認為價錢稍貴，不過同行如果有食量大的朋友，其實性價比亦不俗。

醬油 $10/位；餐前小食 $20/份 (1-4位一份；5-8位兩份…)

海鮮火鍋半放題套餐

雞煲

先吃雞煲後火鍋，點了小辣，辣度比較弱，但確實幾入味、惹味。雞件大且肉多，雞皮位會肥一點，以任食而言，味道不錯，雞煲控追加了四次呢

火鍋

湯底有六款免費，包括蟹鍋花甲湯、豬骨濃湯、野生水魚湯、冬瓜湯、壽喜鍋、四式火鍋湯，任選一款。

老實說，對湯底不抱期望，吃過當中四款也屬於一般水準，跟平時散點火鍋店可以喝的湯底質素是無法比較。

蟹鍋花甲湯底裡面有隻蟹、少量蜆仔、粟米、蕃茄等，不算太入味，蟹肉較削

海鮮拼盤  (6-8款)

離不開蟶子、元貝、鮑魚、象拔蚌、馬刀貝、貴妃蚌、大蜆、大蝦、魚等視乎當日供應。人頭份量，下圖為六人份。

上枱都幾吸引呢，擺盤整齊，幾有霸氣。海鮮雖然並非生猛到會動的水平，可是也稱得上是新鮮了。蝦肉、鮑魚爽彈，元貝、蚌都新鮮鮑滿

手切牛頸脊 (非任食)

牛肉並非任食，口感腍身，脂肪不多，質素可以。一行六人，本身有兩碟，其實都足夠，反正還有其他配料任食呢。

火鍋配料跟一般任食火鍋差不多，例如豚肉、脆鯇、海蝦、丸、餃、麵食、炸魚皮等，蔬菜自取，正常水準

甜品每人一份，自家製牛乳布甸有淡淡牛奶味，質地不會太死實。

飲品有涼茶、汽水、果汁等自取任飲。

平日再加上不是訂房價錢也合理，性價比都高，始終任食而言質素不俗；如果假日再加上房費，會稍貴一點，勝在房間企理，店員服務不錯，總有機會再訪。

新南苑私房菜火鍋鷄煲 San Nam Yuen

 地址：旺角彌敦道678號華僑商業中心3樓全層

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

田籽茶事

用餐日期：2018/06/16, 06/23

最近有無數飲品店輪流開業，引起一波又一波排隊熱潮。選址旺角快富街的田籽茶事，由台灣調酒師主理，主打厚奶茶，亦有大熱的黑糖鮮奶系列。

加上店側牆身手繪壁畫，都吸引不少人前去打卡呢。由於小店仍屬新張期，尚未有長長人龍，飲茶都可以好輕鬆

以位置而言，茶店不屬大街大巷，幸好上手為模型店，相信都有部分人認知。前後到訪兩次，都由老闆親自打點、沖泡。

整店裝潢簡單，以黑白格仔配淺木色櫃面，最吸睛可算是窄巷中的壁畫，很有心思，有不少客人於牆邊拍照

餐牌供應接近三十款飲品，有奶茶、特調茶、冷泡茶、厚鮮奶、純茶等，定價$15-24，珍珠有多款口味，分別有黑糖、白玉、芒果、桂花、黃金珍珠。奶茶、鮮奶、純茶類可自選糖度，凍飲不設走冰。

比較特別是小店的冷泡茶、特調茶，名字玩味十足，例如「閨蜜比較美蜂蜜青檸」、「前男友酸溜溜益力多綠茶」、「田籽油切不怕胖茶」、「香港好難混蜜檸檬烏龍」等，頗有台式感覺。

田籽波霸厚鮮奶 $24

製作算透明，黑糖連珍珠半杯、冰半杯再加澳洲鮮奶。黑糖紋路明顯，比較稀身，所以向下流得頗快。

未搞勻先飲一口，黑糖濃郁偏甜，鮮奶具奶香而厚滑，混合後奶味覆蓋黑糖亦屬預料中事，使甜度更適中

珍珠腍身，帶點黏牙，個人比較喜歡煙韌的珍珠。

黃金珍珠普洱厚奶茶 $24

厚奶茶可選普洱、紅茶、綠茶、烏龍、鐵觀音茶底；珍珠亦可選黑糖、黃金、白玉、桂花、芒果，按個人喜好搭配。

配料份量足，黃金珍珠有接近半杯，加上純鮮奶沖泡，如此配搭，價錢合理。

味道比想像中遜色，奶味未夠濃郁，本以為較濃茶香的普洱茶，亦未見突出。 

勝在配料份量足，黃金珍珠有接近半杯，細細粒，很有噍頭

日式抹茶厚鮮奶 $22

平時喝台式飲料，個人比較少點抹茶類，即管一試。抹茶、鮮奶比例半半，直接喝抹茶味都有，甜度不高。 

亦不會有粉感或者未混合，都算是一杯合格的抹茶飲料。

田籽茶事

地址：旺角快富街37號地下

一燒窰

用餐日期：2018/06/10

一向比較少去女人街覓食，印象還停留於多年前盛行的特價磅裝三文魚刺身時期，原來有間很有誠意的日式料理小店，值得一試

一燒窰店面雖小，座位不多，但一應俱全，主打即燒串燒、定食，價錢相宜，製作用心，部分菜式更甚有驚喜。

餐廳位於威達商業大廈地下，只有約二十個座位，屬小資日本料理裝潢，簡約舒適，天花小掛飾亦令客人感覺份外溫馨。

當晚店內播放著8、90年代流行曲，首首耳熟能詳，勾起不少個人回憶

店內只有一名店員、一名廚師，耐心等候招待啊。

食品選擇比想像中多，供應燒物、串燒、小食、日本料理，價錢合理。晚市有數款親民價定食，由$48-108。

見過有朋友分享原條鰻魚飯的照片，亦頗為吸引，可惜是日我倆比較飽，主力試串燒為主，留待下次再嚐。

蟹籽沙律 $33

份量很足，配有沙律菜，青瓜切得幼身，爽脆開胃。

燒物方面有原條鰻魚、扇貝、燒蠔、魷魚筒、蝦等，定價$18起。

貴妃蚌 $30/2隻

貴妃蚌並非十分大隻，不過肉質飽滿，燒到剛好，保留水份，而且沒有過多調味，好吃。

自選串燒套餐 $68 (3款串燒、菠蘿冰；7pm前下單優惠價)

串燒基本上都係即點即燒，需時等候。反正要點飲品，就選了自選串燒套餐，包括一口芝士、免治雞肉串、燒雞中翼。

一口芝士

推介之選，大大粒搽上醬油再燒，表面焦脆，芝士澎湃，味道不會太濃，口感軟綿，不易膩，絕非馬虎製作

免治雞肉串

一份兩串，性價比高。雞肉混合雞骨製做成免治雞肉串，口感豐富，啖啖肉，而且細心附上蛋液，沾上後雞肉會比較滑溜

燒雞中翼

正常水準，加了少量孜然粉，香氣十足，而且脆口。

燒雞皮 $18/2串

必點雞皮，不怕肥膩，因為雞皮已經燒到又香又脆

汁燒雞軟骨 $16

雞軟骨相對較貴，雖然一串有接近十粒，勝在燒得香脆。

蒜蓉茄子 $32

茄子是另一款吃串燒必點項目，即時烤起，需時等候。點了蒜蓉口味，很足料，蒜味持續到回家呢。

芝士明太子玉子燒 $45

玉子燒亦屬推介之選，玉子燒時間掌握得好，裡面有很多芝士，而且有流心效果，明太子份量再多點更滿足，吃一整塊都可以，很回味

一舊飯 $24

「一舊飯」就是飯卷，加點沙律醬，然後輕輕燒烤，最後灑上木魚、紫菜製成。一舊飯份量十足，兩個人分享剛好，否則會太飽。

飯粒帶點焦香，而且有沙律醬，所以不會乾口，略嫌鬆散。

飲品選擇都多，除左一般汽水、檸茶檸水、仲有鮮果汁、梳打、茶飲、奶昔等。 食串燒當然唔少得可配啤酒、cocktail等。

菠蘿冰 (套餐附送)

有原片菠蘿，清新冰涼，免費而言，都很有誠意。

小念頭

用餐日期：2018/05/19

最近有不少網店正式開實體店，位於旺角鬧市的小念頭屬其中之一，環境、裝潢很討喜，加上用心製作甜點的店主，令人不禁一訪再訪。

小店供應茶味甜點為主，配上各款茶飲，雖然位處樓上鋪，但鄰近地鐵站，天氣暑熱，到店歇一歇是不錯的選擇

小店位於通菜街，面積比想像中大，裝潢花過心思，走簡約風，光線柔和，擺放用色簡單的傢具、木枱櫈、格仔布梳化，又添置不少綠色植物

整個空間十分舒適，跟旺角的氣氛截然不同。角落位還放有小風扇，十分貼心。

網店主要製作手工茶味蛋糕，實體店亦然，餐牌供應甜點有招牌芝士蛋糕、卷蛋、戚風、布丁等，不定期轉換，定價$40-45。

飲品以茶為主，茶葉選用台灣出品精品茶，凍飲有冷泡茶、芝士奶蓋系列，選擇唔多，定價$32-36。

芒果紅茶卷蛋 $45

蛋糕配搭頗新鮮，卷蛋厚切，面頭、碟邊加有芒果醬，卷蛋中亦有芒果肉，無論味道、口感都做得出色。

卷蛋完全沒有粗糙感，口感鬆軟濕潤，入口有清香茶味，忌廉軟滑，再加上芒果醬，很特別

鐵觀音芝士蛋糕 $40

芝士蛋糕比較小件，伴碟有朱古力醬、鐵觀音啫喱、脆脆。鐵觀音啫喱份量不多，爽口帶淡淡茶香，我們都很喜歡。

鐵觀音慕絲質地厚滑，單吃會有明顯茶味甘香。芝士蛋糕比慕絲更扎實，不搶風頭。

不過兩者分量各半，蛋糕並非輕盈，幸好配上多種口感的toppings，不甜不膩。餅底帶點燕麥香氣，挺好吃

焦糖菠蘿布丁 $45

半片菠蘿輕輕炙燒過，香甜多汁，忌廉輕盈，布丁質素中規中矩。(純粹個人比較喜歡像燉蛋滑溜的布丁)

奶蓋茉莉綠茶 $43、芝士奶蓋炭焙烏龍 $45

相信小店嘅熱茶或者冷泡茶味道較有保証，但天氣太熱，只好選擇凍飲，奶蓋、芝士系列比較普通，仍有改善空間。

奶蓋不夠挺身，比較似忌廉奶泡，未有奶香。芝士奶蓋入口有種鹹味，不太自然

但無可否認，茶底味道濃郁，特別是烏龍。未有好似一般茶飲店般有冰塊，所以不用擔心會愈喝愈淡。

草莓羅勒汽泡水 $45

草莓醬為小店自家製，味道酸酸甜甜，相對奶蓋類更清涼解喝。

整體而言，我地都好喜歡小念頭的風格、自家製甜點，會一直關注小店的嘅出品

青花 Champak Restaurant

用餐日期：2018/05/07

喺波鞋街The Forest入面餐廳唔多，相信呢間青花都係最亮眼了，配合埋商場風格，裝潢簡約年輕，以好多綠色植物、盆景裝飾天花、牆身，環境舒適

配合窗外自然光，塑造清新自然感覺。連同餐具、大理石紋枱面，手殘都影到靚相

唔知道平日如何，週日晚市七點鐘已經全場滿座，很受歡迎。

餐牌供應泰式fusion菜，有沙律、小食、湯品，主食選擇唔多，有咖喱、盲鰽、炒蜆、炒菜等，另有飯麵、包餅、甜品。

二人套餐定價$428，配搭都可以，包括小食/湯、主食、炒菜、飯/包餅、飲品、甜品

由於事前睇過唔少食評作參考，想試其中一個甜品，而套餐唔包括，所以決定單點。

冬蔭公炸雞翼 $72

一份六隻，即點即炸，外皮非常脆口，亦唔油膩，雞肉並冇過火。冬蔭味道主要來自雞皮，基本上唔辣，幾明顯幾惹味嘅

黃咖喱海鮮 $138

食物擺盤確實幾精美，裡面有蜆、魷魚、大蝦，二人用足夠。四粒大蝦爽口新鮮，蜆肉偏細粒，乾淨冇沙，魷魚圈都仲幾嫩口。

黃咖喱質地稀身，適合撈飯或者沾麵包，可惜唔係太啱我地口味，唔夠香濃，可能椰漿落得比較少，食落有陣陣奇怪嘅香料味…

油酥手抓薄餅 $52

一份四片，用黎配咖喱類一流。手抓餅做得唔錯，入口冇油膩粉感，厚薄適中，面頭微微燶焦，襯熱食鬆軟

泰式肥豆兒醬炒芥蘭 $68

鐘意呢度用芥蘭苗，冇咁老，調味冇平時泰菜咁重口味，份量不少。

女仔當然係對甜品更有興趣，雖然知道芒果糯米飯比較多人推介，但個人十分期待花生芭菲

焦糖爆谷花生芭菲 $58

想試好耐嘅花生芭菲，整體都唔會太甜膩，鐘意花生醬嘅朋友可以一試。芭菲面頭唧上少量忌廉、焦糖醬緩衝。

彩色龍鬚糖不期然令我諗起姊妹店ATUM嘅甜品，最後以爆谷、花生碎伴碟

原本唔期望爆谷，但又幾好食喎，焦糖脆口冇通風。花生芭菲濃郁，連埋焦糖醬、花生粒一齊食係大滿足。

唯獨舊芭菲雪得比較冰凍，口感扎實，幾乎要剉住食。

蝶豆花椰子奶蓋 $32

適合相機食先嘅飲品，加入蝶豆花原素，做出清晰漸層效果。

奶蓋比較接近奶泡，比較虛無，味道偏甜，幸好搞勻後飲用，則與一般椰汁冰無異。

泰象青檸梳打 $36

餐牌：

青花 Champak Restaurant

地址：旺角奶路臣街17號The Forest 1樓107-108號舖

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

蘭苑饎館

用餐日期：2018/01/18

對於中式糖水有種固執，我好多時都係食芝麻糊、杏仁露，而男朋友好多時都食合桃露，好處係可以容易比較各店嘅分別。

呢間蘭苑饎館明明喺公司附近，照道理就應該一早試過，但今次係第一次黎，好多時行過路過專登黎過都食唔到，有時食飯時間人地滿滿人潮，咁我又唔好意思話入黎食碗糖水；有時又時間太夜

有時又行過黎途中俾其他糖水店吸引左。今次係專程飯後行番過黎，留肚，一心衝著佢地嘅糖水而來

黎到都仲有半個鐘就關門，眼見都有唔少客人食緊正餐，咁我地食左野，所以就冇留意正餐有咩食，但知道都有唔少人鐘意呢度嘅中式野，話哂都係米豬蓮餐廳。

裝潢幾有中國風，木枱木櫈、傳統印花餐具。甜品供應傳統中式野，馬蹄露、雪耳、木瓜、西米露、杏仁、芝麻、合桃、開心果、甜湯等，定價18蚊至3、40蚊。

另外有啲標榜不含香料味精嘅多款糕點，紅豆、馬豆、菠蘿、紅莓、桂花、馬蹄、開心果、藍莓糕等，迷你size定價$12-16。

藍莓糕 $14

開心果糕 $16

價錢都唔算平，都係預先整好嘅糕點，點單後拎入廚房倒番出黎，size就係正常麵包鋪見過嘅杯裝布丁咁上下。

當你懷疑緊開心果顏色嘅時間，餐牌會替你釋疑寫明出品不含香料、人造色素，採用天然材料製成。 聽過係用過伊朗嘅開心果，我見識較少，原來咁翠綠色架

同平時食開嘅糕點，質地差不多，口感唔會太實太黏，幾彈手。

第一次食開心果糕，同平時食開心果、或者開心果雪糕好唔同，味道係慢慢滲出黎，唔係一野衝擊味蕾。都知道有啲人覺得淡，可能係俾佢鮮明顏色影響，先入為主認為應該好濃吧。

開心果糕比糊較甜一點，我就覺得幾好食

藍莓糕晶瑩啲，色澤自然，從外表見到明顯果肉，類似果乾、西莓咁嘅濕濕腍腍質地。食落唔係太藍莓，偏酸清新，好似山渣咁。

開心果糊 $34

最近試過幾間中式糖水店，以呢度嘅質地望落最濃稠，目測已經知道係我地鐘意嘅口感。

搞佢幾下，就會見到稠度好高，顏色同開心果糕一樣。相對而言，開心果味更清淡一點，甜度都低啲。

顏色驚豔，但味道自然，冇堅果嘅燶味或者熱氣感，稠身得黎唔會封喉，最重要唔係周街都食到

補腦合桃露 $33

溫度適中，色澤同質地都很對辦，濃稠度同開心果糊一樣。合桃露比較厚，都足以稱為糊。 個人唔鐘意太滑溜，亦都唔鐘意太鞋，好麻煩，呢個剛好，唔會好似成堆粉推出黎咁。

保留合桃口感，又唔會多到起渣，入口有香濃合桃味，都算係近期食過比較有水準的

整體兩個人食左接近一百蚊，因為第一次黎，又點糕又點糖水。其實單睇糖水30零蚊都好合理。

今次一試，個人認為幾滿意，如果想食中式糖水，我會再訪試埋其他產品

蘭苑饎館

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

好滾得

用餐日期：2017/12/01

最近好多新形大廈都食肆林立，位於旺角譽發廣場嘅好滾得新開張不久都頗受歡迎，主打嘅海鮮鍋、雞煲不同時段推出優惠。秋風起，打火鍋嘅時機又到喇，呢間可以試啊

餐廳位置唔算好多，一邊係細枱，一邊係大枱，因為火鍋店都幾好生意，特別週五六日，建議最好先行預約喇，否則好似我地當日晚上，都出現左搭枱情況。

雖然枱都夠大張，但始終會有少少尷尬，哈哈

火鍋店以熊貓為標誌，座位、餐具、餐牌都加入熊貓、竹嘅元素。坐近窗邊，大玻璃視野廣闊，都幾舒適。

唯獨冷氣有點弱，抽風不是很好，離開嘅時候，都有一陣邊爐香

餐牌選擇豐富，湯底有超過十款，除左比較普通嘅沙嗲蕃茄薯仔芫茜之外，仲有矜貴啲海鮮類，例如花甲蟹煲、龍蝦煲等，定價$88-498。

另有刺身、小食，火鍋配料方面都有唔少海鮮，明碼實價；多款部位嘅牛肉、豬羊駝鳥肉、內臟、丸餃滑類、蔬菜、麵食等，價錢同一般火鍋店差不多。

醬料 $15/位、茗茶 $8/位

大石砸死蟹鍋 $268 (原價$448)

講到最吸引應該要數呢個【大石砸死蟹鍋】，原價食性價比唔高，但新張期內9:30pm前只係$268，如果係呢個價錢就幾抵食。

見到個煲已經覺得好吸引，鍋底唔係好深，所以成鍋睇落好豐富，而且隻蟹真係幾大隻，係原隻膏蟹，足料

入面仲有大量蜆，加入蘿蔔、什菌、洋蔥、檸檬、九層塔煮成湯底，愈煲愈鹹鮮。

蟹肉彈牙爽口，蟹腳、蟹鉗都好好肉地，蟹膏鮮味，本來覺得唔多，食到蟹蓋愈刮愈多，連平時嫌棄食蟹好麻煩嘅我，都未停過口

蜆肉雖然唔係好肥美飽滿，但勝在量多，起碼有斤半，食極都仲有，吐沙乾淨。鍋底調味帶點香辣，不論蟹肉同蜆肉都好入味，蘿蔔冇渣夠甜。

本來以為個鍋底好碎料，點知妹妹下啲蜆，食埋菇，都會有少少飽肚。食完加湯繼續打火鍋，呢個湯底都有少少重口味。

封門柳 $168/小 ($238/大)

封門柳都係牛牛嘅罕有部位，鐘意牛味重嘅人可以一試。因為只有我地兩人，所以點左細份，約16片。

牛肉比較細片，但唔會太薄，口感夠腍身，完全唔韌之餘牛肉味濃，油脂唔多

手打野生紅蝦松露丸 $58/半份

手打丸餃可選全份/半份，較有彈性，人少少想試多幾款都可以。紅蝦松露丸都幾大粒，平時買紅蝦價錢唔平，加埋松露製成蝦丸四粒為半份。

始終松露味道比較強，點都蓋過蝦嘅鮮味，口感爽口帶點實，淥完都冇乜點縮水。

鮮蝦雲吞 $42/半份

雲吞比較普通，皮有點厚，肉同蝦都係普通質素

葵花寶典 $78

即係蔬菜籃，娃娃菜、油麥菜、粟米、蕃茄。

出前一丁 $20

食重口味煲，總係忍唔住用個一丁作結。

值得一提係，雖然當晚生意很好，店員都金睛花眼關注客人嘅需要，加湯、換碟都自動波，希望下次再訪，質素都能夠保持。

好滾得 

地址：旺角彌敦道558-560號譽發廣場7樓

檢視較大的地圖

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

227甜棧

用餐日期：2017/10/23

早聞呢間甜品店都有唔少人推介，其實早幾個月我都差啲成功食左，只係入座點餐後，店員突然要求調位，調位本來都好小事，不過調去廁所位，我確實有啲唔願意，於是離開左。

是日喺附近食完火鍋，唔少得來一個甜品作結，對面正正係呢間甜品店，既然唔需要等位，就俾一次機會。

一行四人，點左四款甜品，可以話係冇款好食，早知行多幾步去任何一間都應該比佢好。  

甜品店由名字到裝潢都有種古色古香味道，木枱木櫈，卡位嗰邊還好，唔會太逼，其餘位置都比較密麻。

餐牌供應一般中式糖水，強調養生，有花膠、燕窩、海底椰一類嘅燉品，定價$49-69。

另有涼粉、西米露、港式嘅水果甜品，同埋唔少得幾乎每間甜品店不能缺少嘅乜圓勿圓小丸子等，價錢唔貴，大部分都係40蚊內。  

椰汁紫米露 $30

本來係附紅豆，不過朋友唔想食，所以走豆。 紫米露一個字：甜到飛起

入口以為係椰汁嘅甜，後續就知其實根本係糖水味。 

彩虹綜合圓黑糖沙冰 $38

圖片睇落幾吸引的，當然只供參考都係平常事，實物冇咁靚仔咁鮮豔，但擺放整齊，諗住都唔會差得去邊。

彩虹圓分別係紅黃綠黑白紫色，強調純天然、無人造色素，實際比圖片淡色。

睇番資料先知紫色係紫心地瓜圓；黃色係地瓜圓；白色係芋圓；紅色係紅麴圓；綠色係綠茶圓、黑色係芝麻圓。

因為除左黃色嘅地瓜圓係有少少甜度，其餘全部係冇味…又唔香又唔煙韌，口感較硬，不過唔會實。

至於黑糖冰亦係fail，點得黑糖預左會有少少甜，點會諗到係淡成咁其餘紅豆、綠豆係正常野，冇啥可評。  

自選養生花仙草涼粉 $36

除左固定款式，甜品自由度大，可以自選糖水底、糖水、配料，糖水底有仙草、豆花、沙冰等，糖水可選黑糖/薑汁黑糖/微糖黑豆漿。

配料方面選擇豐富，有紫米、蓮子、雪耳、小丸子、手工芋圓地瓜圓、龍眼肉等，選兩款$30，選四款$36。

我地揀左綠茶凍、杞子龍眼肉、黑糖寒天凍、手工芋圓

黑豆漿用黑豆石磨而成，冇加色素，所以顏色睇落會灰灰地，飲落唔會太甜，有少許豆味，係全晚唯一合格的。

仙草涼粉、綠茶凍、寒天凍完全冇味，養生養生都唔洗淡成咁…

而且份量相當少，比起固定款式，唔抵食。 講仙草，康瑞真係贏左9條街…  

雪糕紅豆綠茶布甸 $38

呢款甜品都係見有唔少人介紹過，所以點埋試試。雪糕可選雲呢拿、紅豆、綠茶口味。

綠茶布甸好似切芒果咁，顏色好淡，裡面仲有紅豆、小丸子，墊底嘅係牛奶冰。

布甸一入口，媽啊，我食緊咩…係苦的！冇綠茶味不特止，仲要係苦澀的，明明見有人話茶味好重，咁我都唔知水準係咪唔穩定到咁了。

布甸嘅口感還可以，雖然比較乾，但都唔硬；配少少底下嘅牛奶冰食會冇咁苦。

牛奶冰甜度適中，小丸子一啲都唔煙韌，最好食係個雲呢拿雪糕(笑)。  

四樣野，四樣都係唔好食的，變相令我地又好懷念鮮芋仙，就算同康瑞都爭幾皮，唔知係我脷胎太厚，味覺失靈

227甜棧

地址：太子花園街246號地下B舖

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

火薈中日火鍋 Flaming Pot【二訪】

用餐日期：2017/08/08

今次係我第二次黎呢間火鍋店喇，記得對上一次印象都非常好，由環境、食物質素、服務到臨走我「參觀」埋店家嘅洗手間都非常滿意

餐廳位於酒吧街果邊，以前就旺，而家大不如前，唔知係咪因為咁，呢間火鍋店客人唔算好多，所以我地都冇預約，直接walk in。

餐廳喺1樓，個人認為裝潢幾靚，相當闊落，四人枱位置充足，而且客人唔多，唔催唔趕，真心坐得舒服

亦有房間，雖設最低消費，但問過定價合理，人均消費二百左右就坐到，日後有聚會都要提議朋友黎呢度。

火鍋選擇豐富，湯底都有十幾款 $68-$298，沙嗲、麻辣、胡椒豬肚雞、冬瓜瑤柱蛤蜊、蝦兵蟹將等。配料有肉類、海鮮、刺身、自家製手打丸、餃類、一般火鍋配料、粉麵、蔬菜等，定價中上，但質素甚高。

佢地都有套餐供應，三款定價每位 $208/268/298，另收茶芥($10/位)、醬油($15/位)、加一服務費，連埋飲品人均三百起，包湯底、牛、海鮮、丸類、餃類、滑類、蔬菜、粉麵等，上次我已經試過最平果個餐，其實相當抵食兼飽肚。

三文魚 (免費)

只要like店家嘅facebook就有三文魚剌身送呢，按者有份，雖然係免費，但質素唔曳 

胡椒豬肚雞鍋 $138/半隻雞：

推介！胡椒味非常突出，裡面加有酸菜，成個湯底好惹味，頭一輪我覺得可以飲用完先打邊爐，唔會太鹹，之後加湯就唔好喇。

豬肚爽口，最正係果半隻雞，朋友們都大讚好食，因為完全唔老唔韌，非常高質，相信唔係冰鮮貨嘅質素，啖啖肉而肉嫩滑

頂級安格斯牛頸脊 $198/中

上次我食套餐，包嘅只係雪花肥牛，但質素真係唔差；今次自己點，就點左靚少少嘅牛頸脊，果然冇失望

牛肉份量唔多，肥瘦雙隔，手切雙飛，食落會比較厚身，口感一流帶嚼勁，牛味濃郁

手打雙拼丸 $78/8粒

呢度嘅丸類又係另一樣我覺得必點的，當然係揀左手打蝦丸、手打墨魚丸，真係好好食丸類十分大粒，食得出係手打貨，特別推薦蝦丸，食落啖啖蝦肉，好新鮮，係我食過最好食嘅蝦丸三甲

墨魚丸一樣正，爽口彈牙，有墨魚味，完全冇粉感。by the way，雙拼抵食過單拼其實我想講，蝦滑同墨魚滑都一樣出色，蝦味墨魚味都明顯，真材實料，留待下次人多我地再點。

Roseate Castle

用餐日期：2017/07/31

有留意開唔同社交媒體，不難發現呢間新嘅玫瑰主題餐廳，講到主題餐廳，可能好多人都會覺得環境行先，本來我都以為只係間裝修靚靚嘅cafe，不過呢度賣嘅除左係環境，仲係食精緻嘅法國fusion菜。

餐廳位置唔算好多，最好都係先行預約。裡面佈置成城堡，以玫瑰花為主調，偏白燈光，幾幅玫瑰花牆輕鬆成為打卡熱點，地面鋪有草地，枱面放有玫瑰乾花瓶。

而較亮眼嘅當然係正中心嘅鞦韆、角落嘅「鳥籠位」，仲有轉角嘅拱門設計，用上大量玫瑰裝飾，雖稱唔上精緻，但不至於俗氣，相信大部分人都同我一樣，係被咁少女嘅裝潢吸引而來

雖然係全新嘅餐廳，不過椅背嘅舊有痕跡清晰可見，而可能尚在試業階段，店員亦比較清澀，未及時交入座後提供清水，亦未見餐巾可能遲一步穩定落黎再體驗。

平日晚上加上新開業不久，客人唔多，只有兩三枱，情侶、少女們大可以放心影相。

晚市供應套餐，包括前菜、頭盤、湯、前菜、主菜、甜品、飲品，定價 $298-528，喺旺角區而言屬頗高消費。

據店主所言，未來會陸續供應單點款式食品，到期時可按胃口決定單點還是套餐，更具彈性。

煎日本帶子配臘腸、菜莆及粟米蓉

帶子煎香兩邊，新鮮肥美，不過如果唔係睇番餐牌，都唔覺食左臘腸、菜莆同粟米蓉 (笑)

黑魚子醬雞胸

好似風乾脫水嘅雞肉咁，未至於嫩滑，但都唔乾身，純粹以黑魚子調味，不過都唔單調。

三文魚他他及薄切生牛肉片配自家製泰式汁

作為頭盤，都幾開胃，仲令我地諗起另一間位於銅鑼灣嘅法國菜餐廳呢。

餐湯：洋蔥湯、麵包

洋蔥湯係稍為唔合口味嘅一環質地稀身似中湯，飲落帶甜，食完麵包再飲湯的話，甜味更顯突出。廚師解釋謂店家用嘅係有機嘅洋蔥，做法亦有別於一般洋蔥湯。

自家製半生叉燒配米型粉、甜豉油汁 $428

喺西餐廳中見到叉燒二字都頗為驚訝，以牛肉眼做成半生叉燒嘅模樣，旁邊伴有菜心苗，用上米型意粉當成飯，賣相都幾可亂真

當然啦牛肉眼本身肥脂部位唔多，就扮唔到「半肥瘦」喇，齋食肉嘅部分會覺得比較乾身，肉質都算嫩腍，食落唔鞋口。

基本上冇乜牛肉味，主要係靠沾上用十幾種香料製成嘅甜豉油汁提升味道，確實有少少似食緊瘦叉，獨欠精粹蜜汁同脆皮。

米型意粉嘅份量唔多，但足夠飽肚。

三文魚波板糖配西班牙紅蝦、牛油果蓉、日本豉油泡沫 $528

黎呢度食野之前要調整好心理，食嘅係fusion菜、sell嘅係創意同靚料，呢道三文魚波板糖係大廚為餐廚設計嘅菜式，中規中矩，不過定價高

西班牙紅蝦聽聞係世界上最好食嘅蝦，一共兩隻，珍寶大小，食落爽甜

至於三文魚做成波板糖形狀，以芝士做出糖棍，新鮮肥美，芝士味亦甚為香濃。面頭均勻搽上牛油果蓉，睇落同芥茉都好似。

芝士蛋糕、芝麻糊燉蛋

甜品試到店家嘅招牌玫瑰花蛋糕，賣相好靚，仲用上好似「魔鏡」造型嘅碟襯托，影相期間我已經十分期待味道如何

一黑一白分別係芝士蛋糕、芝麻糊燉蛋，冇令我失望呢，而且份量大方

芝士蛋糕質地香滑，味道濃郁，特別係餅底夠厚，而且加入蜜糖，既有賣相亦有內涵

相對之下，芝麻糊略為失色，雖然係燉蛋，但芝麻味本來就突出，反正既然會蓋過蛋香，倒不如再重手啲，至於質感就唔似動L燉蛋，食落都係似芝士蛋糕。

最近沉迷芝麻味甜品嘅我就覺得芝麻味再濃更正。

胎菊金駿眉紅茶

玫瑰鐵觀音青烏龍茶

飲品選擇頗多，有咖啡、茶、朱古力、特飲等超過20款。食完主菜後，店員就送上熱茶，並提醒要焗大概十五分鐘，茶嘅味道較為濃，玫瑰、胎菊嘅味道較弱。

今次試左兩個套餐，上菜速度正常，逐道菜上，唔好當係一般西餐，食物擺盤都好精緻，對融合菜唔係太多認識，加上自行腦補過，個人認為味道方面都比想像中好，只係定價稍高。

不過我留意到嘅係下午茶時段嘅tea set收費反而唔貴，賣相幾靚，有機會再參考他人評語，再決定會否一試。

餐牌：

Roseate Castle - French Cafe & Restaurant

地址：旺角砵蘭街215號朗晴坊8樓

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog:http://http://bit.ly/ywycarol

Contact us: mrmrsfoodhk@gmail.com

ChiBa 吃吧

用餐日期：2017/07/07

呢間樓上cafe，之前已經食過晚餐，質素不俗，所以經常滿座。餐廳位置唔多，建議預約

最近佢地推出左下午茶，週五就約埋個朋友一齊去試下

下午茶時間，可能因為平日，客人唔多，對比上次晚上黎，環境寧靜好多，我地二人坐喺一角，食下傾下，好快就坐左兩個鐘。

Tea Set $248/2人 (包飲品/另加一)

價錢就幾吸引，賣相、質素都算交足功課呢。

鹹點3款，分別係海膽三文魚籽冷麵、黑松露多士、芒果蝦酥盒；甜點5款，包括朱古力布朗尼、馬卡龍、泡芙、卷蛋、風乾火腿哈蜜瓜。

海膽三文魚籽冷麵

用玻璃瓶盛載，冷麵軟硬適中，海膽新鮮冇腥味，三文魚籽飽滿帶鹹香，所以連埋麵食就略嫌稍鹹。

黑松露多士

相信大部分食過嘅都會覺得多士味道唔錯，取代一般tea set中嘅牛角包、三文治等，餐廳選用焗治。

黑松露味道突出，夾層用上芝士磨菇，係不死配搭，芝士香而不膩

芒果蝦酥盒

賣相精緻，以芒果、茄粒點綴爽口凍蝦，酸酸甜甜，酥盒香口鬆化，如果我唔係影左咁耐相會更加好食

朱古力布朗尼

布朗尼蛋糕鬆軟濕潤，淋糍糍，入口唔乾，朱古力甜度適中，裡面加有nuts，增添口感，但呢種質感嘅brownie唔係個個喜歡。

卷蛋

卷蛋幾重奶油味道，蛋糕普普通通，都算鬆軟。

馬卡龍

我地分別食左綠茶、草莓味，外脆內軟，而且煙韌，味道較低調，甜度可接受。

泡芙

中規中矩，冇乜特別。

風乾火腿蜜瓜

火腿切成薄片，鋪於蜜瓜上，鹹甜交錯，以水果作結，清甜不膩。

飲品選擇頗多，咖啡、梳打、沙冰、果茶等，無需另外加錢天氣咁熱我係冇辦法飲熱野了，一人一杯凍飲。

蜜桃熱情果梳打

糖漿按個人喜好加入，自行控制甜度，清涼解喝。

曲奇朱古力奶昔

忌廉夠滑唔膩，曲奇味道較突出。

賣相令中女都忍唔住影左N幅相，以雲石板作底盤，旁邊有餐廳名字，花、蝴蝶裝飾雖然唔食得，但擺盤令成個tea set加左不少分數

個人食tea一向都鐘意鹹點多過甜點，今次亦不例外。而且一般tea set特飲都要加錢，所以呢set都算唔話得，我同朋友一致認為質素不俗呢

---

吃吧

地址：旺角彌敦道566-568號僑建大廈2樓2室

---

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

用餐日期：2017/06/09

週五成班14個人想喺旺角搵個地方食飯，要有間房都唔易，本來想去另一間花膠雞新店，但回覆話間房唔夠大坐唔落。

朋友於是提議去新南苑，話食過唔錯，最終訂到間房，就決定呢間餐廳位置頗多，枱與枱間都幾密麻。

大廳收費 $208，坐房就 $228，所以人多不妨訂房間，當然有最低消費，視乎人數、房間大小。我地間房坐14人剛好，唔算好逼，房內有獨立廁所，冷氣夠大。

海鮮火鍋半放題套餐 $228 (宵夜時段：10pm後/免加一/免醬油)

套餐包括：

雞煲任食，可選大/中/小辣食完雞煲。（三位以上先有）

另選湯底五揀一， 繼續打邊爐。

配料有海鮮拼盤人頭份量、手切牛 (14人就黎左4碟)、丸類。

刺身放題每位加 $48，有三文魚、甜蝦、赤貝、墨魚、希靈魚、北寄貝、瀨尿蝦、蟹柳等任食。

甜品係自家製奶凍。

另外有張配料紙任食，自助區有蔬菜、飲品任飲 (啤酒另計)。

雞煲任食香口惹味，食落唔鹹而且唔會好辣，但偏油膩。

刺身幾唔錯赤貝、墨魚等都幾新鮮，食左兩輪，好過好多日式放題

因為人多，揀左3款唔同湯底，分別係蟹鍋花甲湯、野生水魚湯、冬瓜粟米花甲湯，不過味道一般偏淡，唔會話好想當湯飲。

野生水魚鍋：

海鮮拼盤冰底上，六至八款，有蝦、元貝、鮑魚、海參、蚌等。

每人份量唔多，整體都新鮮，冇霉嘅情況

手切牛腍身有牛味，食落唔韌，不過唔係任食。（我地14人黎左4碟）

食到呢度都已經7、8成飽，再點下其他火鍋配料夠哂。

食宵夜實收 ($228+$48) 挺划算 套餐食物都算豐富、新鮮，仲有間房俾你坐下有埋wifi、招呼合格，抽風不錯，食完唔會一陣味

不過非宵夜時段會收加一、醬油、前菜，呢樣嗰樣差唔多350蚊，仲未計刺身要加錢，感覺就唔係太抵食。

新南苑私房菜火鍋鷄煲

地址：旺角彌敦道678號華僑商業中心3樓全層

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com