再窮都要去旅行！

鍋心粥底火鍋

用餐日期：2018/06/19

吃過幾間主打粥底火鍋，至今仍然覺得鍋心質素較高，光顧過不下一次，水準亦很穩定。由最初只有佐敦、大圍店，到而家深水埗、北角都有分店，人氣依然不減

基本收費$200/位，無加一服務費，包括七款海鮮、八款自選配料、粥底 (粥膽、南瓜粒、芋頭粒)，一律人頭份量，並非任食，飲品另計，以此價錢加上質素，性價比高。

餐廳分為兩層，地下以卡座為主，坐得較舒適，二樓枱櫈稍為密麻，人多想坐房記得預訂位置。樓梯比較窄，上落要注意

座位有限，餐廳有劃分用餐時間，頭輪6:00-8:30pm；第二輪8:30pm-11pm。 

套餐包括兩款特選海鮮 (肉蟹、沙白)、五款當日時令海鮮 (一般有鮑魚、花甲、蚌、魚等，視乎供應)、八款自選配料、粟米粒、粥底 (粥膽、南瓜粒、芋頭粒) 。

若然覺得唔夠飽，亦有收費嘅追加配料。不過我地鮮有追加，皆因基本套餐已足夠。

餐廳提供海鮮烹調時間、粥底鍋食法作為參考，建議先食海鮮，加南瓜粒、芋頭粒，再食自選配料，最後加入粥底，令粥吸收海鮮、配料嘅精華，更加入味。

調料

店員先上米水，然後陸續會上配料。

以下為兩人份：

肉蟹

肉蟹一隻，粥底入味與否，海鮮新鮮程度好重要，吃過其他粥底火鍋，比較常見用花蟹、水蟹。

相對而言，肉蟹更加美味。蟹肉多、肥厚，又有膏，為及後粥底提鮮。

海蝦

每人兩隻海蝦，十分生猛，不停扎扎跳，落鍋要小心，新鮮蝦爽口。

鮑魚

鮑魚亦新鮮，而且好大隻，淥5-6分鐘食得，要留意時間，否則會韌。  

黃金蚌、貴妃蚌

鮮甜多汁。

花甲

每人都有6粒，乾淨冇沙，鮮味十足。

沙白

吐沙乾淨，約有十隻，雖然細隻，但肉質飽滿。

吃完海鮮後，可加入粥底配料，包括南瓜粒、芋頭粒，份量大方。另外有自選配料八款，質素中規中矩，我們偏好選擇肉類，令粥底更加濃味。

美國肥牛

質素可以，不會太肥或過瘦。

西班牙黑毛豬梅頭肉、午餐肉、台灣香腸

手打雞骨丸

每次都會點的，脆口又爽。

魚片頭、花枝丸

油炸鬼

店員送上粥底、芫茜、豬油渣、冬菜等，並會幫客人熬煮，不會馬虎，先壓碎南瓜粒、芋頭粒成蓉，粥底更綿。

鍋心粥底火鍋

地址：佐敦吳松街88-90號地下

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com