再窮都要去旅行！

喜茶

用餐日期：2018/07/13

以往喜茶久不久有新品，都會有班粉絲第一時間去試。為左提升新鮮感，呢排既重推桃桃，襯黑糖珍珠潮又推波波茶，亦會以原有產品加上新元素。

近日推出波波冰淇淋，之前都有雪糕類產品，例如冰淇淋芒芒，不過今次係自家雪糕，而非現成貨，都係個好嘗試

門店設雪糕機，用番招牌茶加北海道牛乳製作雪糕。暫時只限黑金店供應，以深圳為例，便是萬象城店，陸續先會喺其他分店上架。

由於今日係平日，時間尚早兼下雨，全店人流不多，幾乎無需等候。

雪糕系列分茶王冰淇淋及波波冰淇淋，前者為雪糕筒裝，冇珍珠，定價RMB¥9；後者為杯裝，有珍珠，定價RMB¥17。

雪糕有兩款，分別為金鳳及嫣紅。我地點左兩款杯裝，個人喜好。

波波冰淇淋 - 金鳳 RMB¥17

波波冰淇淋 - 嫣紅 RMB¥17

冰淇淋即時製作，於收銀處下單後另設隊伍取雪糕，唔會好似平時咁有個震動叫號牌。

先加入少量珍珠，倒少量黑糖於杯邊，最後唧上雪糕，雪糕份量相信比筒裝多。兩款外觀未有明顯分別，仔細睇會見到嫣紅顏色深好少好少。

珍珠微溫，所以聽過好多人講話雪糕溶得快，個人認為未算嚴重，因為溶嘅都係靠近杯底嘅雪糕，頂部依然堅挺

以茶味雪糕以言，非常普通，無驚無喜。金鳳冰淇淋味道好淡，茶香不足，嫣紅相對已經明顯啲，但仍稱唔上係濃郁。

雪糕以北海道鮮奶製作，可能比例較重，奶味較重，輕鬆蓋過茶味，幸好未有甜膩。

質地接近天仁嘅霜淇淋雪糕，帶沙沙地嘅口感，冰感很重。珍珠都算幾煙韌，黑糖只係做樣。

不論味道抑或賣相都係一杯正正常常嘅雪糕，平平地試下雪糕筒裝亦無損失

相對其他品牌嘅茶味雪糕，例如天仁、茶作等顯得弱弱的。有期望就注定失望，自行調節一下吧。

P.S. 同一時間仲推出左雙拼波波茶，裡面除左有黑糖珍珠，仲有黑糖奶凍~

喜茶 - 黑金店

地址：深圳寶安南路1881號華潤萬像城一期1層G09 (地鐵大劇院站F出口)

其他深圳嘅飲品、麵包店介紹：

【深圳一日遊】奈雪の茶 http://bit.ly/2k5ntDO

【深圳一日遊 - 歐包熱】樸悅間 http://bit.ly/2iZDyY2

【深圳一日遊】喜茶 - 超級網紅店 http://bit.ly/2iXC3ts

喜茶嘅其他IG帖文：http://bit.ly/2AaOZpc

【深圳一日遊】維星Veones http://bit.ly/2Ki5Edk

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com