再窮都要去旅行！

潤園四季椰子雞

用餐日期：2018/04/09

喺香港主打椰子雞嘅餐廳，只係食過四季文昌，唔算話特別喜好，相對之下，一般火鍋更啱口味。

而幾乎每次番深圳都係食啲重口味，酸辣野為主，今次就試下呢間椰子雞鼻祖、口碑較好嘅連鎖店 - 潤園四季椰子雞。

平日晚上都有唔少人等位，好在位置夠多。除左卓越INTOWN，潤園四季喺歡樂海岸、KKmall、華僑城等都有分店。

餐廳分為兩層，設室內外座位。裝潢偏東南亞風，走園林路線，但燈光偏暗

餐牌選擇唔多，主打椰子雞，連同簡單配料、煲仔飯等，價錢中上，如果好似平時打邊爐咁食法都唔平

另有幾款套餐供應，不過大部分人都係單點一份雞、少量蔬菜、煲仔飯咁就算

醬料/茶位 RMB¥6/位

配備豉油、辣椒、沙姜，唔少得可以更突出湯底鮮味嘅青桔。

竹笙椰子雞鍋 RMB¥149/隻

附上漏斗計時，5-6分鐘食得，湯底以椰汁、椰子肉製成。

原隻文昌雞整齊放於膠盒中，份量很足，配埋竹笙，價錢合理

雖然跟足時間，但雞肉食落真係唔算嫩滑部分位置仲會鞋口，勝在雞有雞味，雞皮爽脆冇油膩感。

湯底有椰子清甜味，加上少少雞嘅油份，確實係精華，點都要飲番幾碗先開波打邊爐，期後湯底一路食都唔會話太鹹

配料方面性價比唔高，主要點蔬菜為主。一來肉類價錢唔平，肥牛定價RMB¥68-88/份；二來可能肉類會影響椰子湯底嘅清甜。

豬肉丸 RMB¥20/半份、墨魚丸 RMB¥20/半份

味道冇乜特別，港式丸類。

油麥菜 RMB¥20/份、凍豆腐 RMB¥20/份

正常火鍋配料質素。

整體黎講，我對椰子雞唔係十分喜好，但偶然一次清淡都唔錯，好難餐餐麻辣鍋嘅。

多人食當然會抵啲，兩個人好難又食雞又食飯，怕肚撐。

潤園四季椰子雞

地址：福華三路與金田路交彙處卓越intown3樓

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

Anchor's Seafood and Beer House

用餐日期：2018/06/06

自助餐一向深受香港人歡迎，一個價錢享用多款美食，位於汀九段的Anchor's Seafood and Beer House推出泰式主題自助餐，邀請到泰國名廚Chef Dang親臨主理菜單

另外可任食生蠔、刺身等，而且訂位或以信用卡結帳有75折優惠，相當划算。而且餐廳對海，黃昏、入夜景色優美，份外浪漫寫意。

餐廳位於汀蘭居，提供穿梭巴士服務，距離荃灣鐵路站約十分鐘。我作為區內人，則更加方便

餐廳裝潢簡約，以木色為主調，本應可欣賞日落景色、海景，可惜是日天氣欠佳，下著大雨。

泰式自助餐於6、7月晚餐及星期日早午餐時段供應，自助餐區共18款菜式，連同生蠔、刺身、壽司等，選擇不多，勝在質素平穩，價錢合理。

凍海鮮

凍蟹、青口、凍蝦、翡翠螺等，一般自助餐質素。

沙律吧

供應基本沙律、火腿、芝士、煙三文魚、薄餅等。

生蠔

難得此價位的自助餐有生蠔吃，每晚兩款，產地不定，視乎供應，是日分別來自美國、南非，即場開蠔，感覺乾淨衛生。每人每次取兩隻，蠔迷要多走幾轉。

個人比較喜歡南非蠔， 不至於袖珍，海水味較重；美國蠔清淡，未算肥美。但以此價位，可以任食，質素可接受，加上客人不多，無需等候

刺身、壽司

刺身方面有三文魚、八爪魚、吞拿魚、鱲魚，以三文魚較新鮮；壽司屬基本款，未有嚐試，我較專注試其他熱葷。

湯品

除甘筍忌廉湯，配合泰式主題，供應泰式椰汁雞湯，很足料。

即製自選泰式沙律

熱葷方面有肉眼、泰式烤雞、燒豬頸肉、泰式青咖喱、金不換、炒蜆等，燒比目魚，肉質嫩滑無骨，幾有水準。

其他例如巴馬火腿長通粉、紫薯薯蓉等，中規中矩。

湯麵亦有泰式風味。

甜品方面選擇不多，基本有齊，即製心太軟比較特別，另有窩夫、自製班戟可添加配料，略略試過便好。

朱古力噴泉相信是每家自助餐必備的。

最後重點放於movenpick雪糕，當日有5款口味任食，包括士多啤梨、雲呢拿、朱古力、意大利奶凍、楓糖合桃，甜品控表示滿足

整體而言，Anchor's Seafood and Beer House質素符合預期，折扣後人均三百多，縱然選擇不多，仍然頗受歡迎。

Anchor's Seafood and Beer House

地址：  荃灣油柑頭青山公路汀九段123號汀蘭居地下