再窮都要去旅行！

南京大牌檔

用餐日期：2018/05/12

遇著沒有特別安排的假期，找一、兩間深圳餐廳試試，都成為我們其中一個消遺行程。月中到訪南京大牌檔，印象不錯，值得再訪

南京大牌檔屬於深圳頗受歡迎的連鎖餐廳，於中國很多城市都有分店，供應南京特色菜、江浙菜為主。

深圳有兩家，裝潢古色古香，令人仿佛穿越到古代，菜品價格相宜，而且味道不俗，性價比高，很受本地人喜愛

南京大牌檔有兩間分店，分別在KKmall及華強九方商場，今次選擇了後者，論地方，九方商場都大，有點像金光華、購物公園。

餐廳裝潢走中國風，木枱木櫈、月亮門、燈籠等，模仿老南京街景，連同穿著古裝的店員，十足置身古代場景，跟網紅桂滿隴各有特色。

大廳基本上是四人方桌，餐廳面積很大，但客人多的話，會有一點點擠逼。

燈籠印有菜品名稱。

傳統碗筷、摺叠式餐牌都很有風味。

菜品選擇豐富，以鴨類為主，另有地道小食、飯麵，人少少起碼分幾次，先能夠將招牌菜品試清，今次兩個人點了幾款，已經投降

天王烤鴨包 RMB¥12

招牌烤鴨包一籠三隻，類似小籠包，鴨肉餡料扎實，份量十足，加上少量湯汁，味道濃郁，略嫌皮厚。

金牌烤鴨 RMB¥29

以鴨肉汁浸住烤鴨，味道基本上跟烤鴨包一樣，鴨肉不乾柴，愈吃愈滋味，配飯或粥一流，否則會鹹

地鍋小公雞 RMB¥46

以鐵鍋上，即時點火，火力挺猛。鍋中有醬炆雞，雞肉入味，不至於滑，如果雞肉豐滿，啖啖肉更好。

有點客家風味，而且有茶樹菇、薯仔等，味道濃郁，單吃可能會覺得有點重口味。

所以配搭上麵包條，口感扎實軟熟而非酥脆，沾上醬汁亦不會有油膩感，很好吃。

老牌陽春麵 RMB¥9

因為面頭一層油，湯頭非常熱，麵條幾香，雖然頗為軟身，但不會糊口。湯底鹹鹹甜甜，可惜太油

本來想點國民美齡粥，但下午居然賣哂，廿幾蚊碗粥喺國內係天文數字，好想試下啊，好多人讚架。

桂花拉糕 RMB¥12

一份四條，拉糕淡黃色，夾起已經感覺到那股煙韌。糯米糕面頭掃上桂花醬，薄薄一層，味道清甜

當甜品吃可以，不過始終有飽滯感，一件起兩件止。

整體而言，南京大牌檔菜品選擇多，價格相宣，口味地道，人均消費六、七十元，性價比很高，可以再訪。

餐牌：

南京大牌檔

地址：深圳華強北振中路九方購物中心5樓L506鋪

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

花甜果室

用餐日期：2018/05/27

當最近大家被黑糖同鮮奶包圍住之時，就見到有報導話呢間喺台灣都紅左好耐嘅花甜果室開到香港了。

飲品店主要供應果汁，由於裝潢幾文青，加埋fancy造型，好多遊客都會去打卡

至於香港店選址尖沙咀，見係咁方便，就揀左第一日試業去試下。原本以為報導出左，會有啲人排隊，不過可能時間尚早，我係唯一嘅客人。

雖然係地鋪，但大廈樓上有工程，或多或少都影響左少少門面位置，加上橫巷有車出入，如果日後有人龍，其實喺位置上唔係太方便，勝在自成一角。

店面裝潢同台灣差不多，布簾、植物等佈置，走簡約風，門外有啲小道具應該可以拎黎影相掛。

餐牌分果汁、果昔、沙冰類，主要用水果、鮮奶、燕麥、乳酪等材料製成十幾款飲品，未有自由配搭，定價$26-45。 

她•與他的香水味 $45

店員幾細心，見我成個諗樣，都有作出介紹，問我鐘意酸啲嘅，定甜啲嘅；又好醒目特別介紹幾款有漸層效果。 最後揀左呢杯沙冰，材料有火龍果、蘋果、乳酪、蜂蜜同椰絲。

飲過其他差唔多類型嘅少女果汁店，彼此價錢差不多，以花甜果室嘅最大杯，類似starbucks嘅grande

面頭插左枝流蘇，我以為係裝飾，原來係枝竹籤；又，我以為有果肉所以俾枝籤，但原來冇，哈哈。

紅肉火龍果加乳酪、蜂蜜，甜滋滋的味道，加埋椰絲有少少口感。沙冰本身幾滑，冇冰粒冰碎，唔會塞住飲管。

飲果汁嘅好處係，味道新鮮，甜度自然，比手調飲品來得解喝，自我感覺健康啲。

對於我呢啲飲料控，果汁同手調飲品我都喜歡 (只要不是水，哈)。反正天時暑熱，一日飲幾杯都唔係問題

花甜果室 

地址：尖沙咀加連威老道 52&52A 地下C號

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: http://mrmrsfoodhk@gmail.com