探魚

用餐日期:2018/02/17

最近見大家到深圳,除左必定到訪喜茶外,探魚都係另一深圳名物,就算唔北上嘅人,都應該會聽過探魚吧。之前都算係個極級挑食嘅人,亦都唔願意嘗試。

深圳呢個對方,對於我飲食上有很多改變,其中一樣要數到,就係因為鐘意食辣野,自從認識烤魚,就有少少欲擺不能

喺香港都食過唔少烤魚店,當然價錢比較貴啲,其實味道都好對辦,但次次人均都接近二、三百蚊,拍得住啲靚料邊爐。

探魚喺深圳都有好多分店,大部分位於商場入面,仲有部分分店係24小時營業,怕等位嘅咪避開繁忙時間。

IMG_8501.JPG

東門店都比較多香港人幫襯,1234space商場都幾多熱門餐廳,裝潢充滿特色,標誌性嘅黑貓警長老是常出現,牆身都畫左唔少魚兒。

此店位置唔多,新年期間,唔需要等太耐,不過人手有點不足

IMG_8504.JPG

IMG_8506.JPG

IMG_8505.JPG

餐牌同大部分烤魚店差不多,食品選擇唔會好多。魚分為草魚、凌波魚、清江魚、鮰魚、鱸魚等,定價RMB¥108-168。平價魚咪多啲骨。

鐘意食辣可選麻辣、豆豉泡椒、青椒等;唔鐘意食辣,仲有其他口味選擇,有酸菜、蒜香、蘿蔔等。

另有涼菜、配菜,以蔬菜類為主,金菇、豆腐、蘿蔔、寬粉,定價RMB¥6.5-13。人均消費大概係香港一半吧

IMG_8502.JPG

IMG_8503.JPG

前菜

IMG_8507.JPG

重慶豆花烤魚 - 鮰魚 RMB¥168

原本都想點啲配料,但店員提醒我地呢款魚已經有大白菜、豆腐、百頁,份量不少,兩個人夠哂,於是我地直情慳番,只係追加左寬粉。

辣度不能自選,辣椒、辣醬係放喺魚嘅面頭,咁如果唔食得太辣嘅,可以預先將辣椒去掉,始終會愈食愈辣

IMG_8517.JPG

IMG_8519.JPG

IMG_8521.JPG

辣度重手過香港好多,偏香辣,唔係十分麻,好啱口味。鮰魚size正常大小,已經拆起魚骨放喺旁邊,方便食用。

魚肉算幾滑,有彈性,計番都差不多200蚊,質素都唔太差,間中有一兩條肉眼可見嘅小骨。

IMG_8526.JPG

配菜墊底,百頁、白菜超級吸汁,豆腐滑到不得了。喺深圳食嘅花生,點都唔夠香脆。

IMG_8533.JPG

寬粉 RMB¥6.5、白飯 RMB¥3

寬粉明顯用滾水解凍,淥淋左,上枱時已經係一條條、軟熟。但如果放涼了,就會變左一餅野,痴到實哂,要煮好耐先會熟,最好準備要食嘅時候先點。

IMG_8530.JPG

蒜泥青瓜 RMB¥9

雖然唔辣,但蒜味很重,加左好多麻油,青瓜爽脆。

IMG_8514.JPG

飲品價格偏高,可樂、雪碧配檸檬 RMB¥9/杯。

IMG_8511.JPG

食烤魚唔會好似打火鍋咁食咁多野,埋單二百零蚊人民幣,點都比香港食來得划算,加上喺呢邊食酸食辣,一般都不會令人失望。


 探魚

地址:東門1234space商場五樓L511


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

嘯月抹茶 XY Matcha

用餐日期:2018/02/16

好多人都熟知深圳幾間抹茶店,包括我們我之前都去過的初代、青木、無邪,最近另覓一個新選擇。

甜品店位於kkone mall,此商場鄰近地鐵下沙站,從深圳灣口岸或者其他口岸過來,都很方便。

面積不算很大,沒啥好逛,不過食店不少,太二酸菜魚、新白鹿、奈雪之茶都有

嘯月抹茶鋪面頗大,位置不算很多,裝潢走少女風,以粉紅色、白色為主調,大理石紋碟、盤都很美,跟現在很多少女系咖啡室差不多,打卡滿分

IMG_8118.JPG

IMG_8123.JPG

IMG_8124.JPG

餐牌以抹茶類為主,供應千層蛋糕、卷蛋、大福,但亦有草莓、乳酪蛋糕等;另外有雪糕、鯛魚燒、甜筒、芭菲杯等,定價 RMB¥ 20-38。

雪糕是吸引我來的主因,因為看到這邊有一個鯛魚燒冰淇淋,是便便型雪糕。另有少量飲品,例如抹茶、果茶、沙冰、奶蓋等,價錢就跟初代、無邪其實差不多啦。

IMG_8125.JPG

IMG_8126.JPG

強調無添加、用進口食材、天然奶油,無人造色素、香精等,蛋糕手工製,確保新鮮。

店面擺放了五十鈴抹茶粉罐,但未有列明是否使用這款抹茶粉,哈哈。

IMG_8128.JPG

抹茶千層   RMB¥38

食物一上枱已經忍不住要相機食先,大理石擺盤,千層未有核桃粒款式,以草莓乾取代,平衡甜膩感。

IMG_8134.JPG

蛋糕一共18層,眼見層次不明顯,味道還好,保留班戟皮的口感,比很多香港吃到的網店或者手工千層更薄,但不會像初代般薄到似是忌廉蛋糕。

IMG_8137.JPG

抹茶奶油抹得平均,亦很滑溜,但抹茶味太淡,不夠滿足。以38元人民幣而言,還是有一點貴。

IMG_8145.JPG

IMG_8148.JPG

抹茶大福  RMB¥28

大福兩枚,外皮看上去有點厚,幸好吃下去還好,煙韌帶點濕潤。抹茶餡滿滿,味道比起千層已經算明顯一點了

IMG_8138.JPG

IMG_8143.JPG

抹茶芭菲杯   RMB¥32

本來就為便便型雪糕而來,但當日沒有供應我原本想吃的鯛魚燒,我只好點個芭菲杯。芭菲杯份量多,兩個人都吃不完,定價不高。

除了京都抹茶口味,還有北海道牛乳,可以混合。老實說,千層、大福我都還可以接受。但就真的只有顏值,味道強差人意

IMG_8219.JPG

層次感不強,旁邊一條通風蛋卷,面頭有兩款雪糕、草莓乾,然後是紅豆、忌廉,最底的草莓奶凍。

雪糕類似韓式的冰淇淋,不算幼滑,本來屬不易溶化的質地。可是接近杯口溶得很嚴重,是因為紅豆。紅豆是用滾水解凍,溫度高,令雪糕變得水汪汪。

抹茶雪糕味淡到不得了,感覺不到是抹茶而且太甜;北海道牛乳有點離譜,牛乳味欠奉,只有死甜,跟北海道牛乳有太大出入了

IMG_8232.JPG

草莓大爆炸 RMB¥28

飲品質素不俗,有點像喜茶的莓莓,除了草莓,應該還有加其他雜莓吧,不光是草莓的味道。

冰感不會太重,酸酸甜甜,到底還有一點茶味,挺解喝,甜度適中。

不過如果你不喜歡果核的口感,那麼這個會讓你覺得很煩,裡面有像莓核的東東。

IMG_8151.JPG

期待這邊的甜品有所改進,無謂浪費了這麼美的裝潢,相機能吃,味道也要好。


嘯月抹茶 XY Matcha 

地址:濱河大道kkone 購物中心負1樓 (地鐵下沙站)


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()