Oppa Coffee Bar Restaurant
用餐日期：2017/08/28
金巴利街都食過幾間韓國餐廳，除左南大門係巨伏之外，其他都係中規中矩。
一行四人週一晚試左呢間，平日晚上8點幾鐘係唯一一間有人等位的。等左15分鐘左右就入得，因為坐滿客嘅關係，我都唔太方便周圍影。
環境唔大，位置唔算好多，枱櫈間幸好唔會太密麻，灰色牆身襯木枱櫈，感覺有少少似cafe。
店內只有幾個男店員，配合店名，都係韓國來嘅oppa，如果你有食過前面幾家，可能唔會奇怪我咁都要提，唔通係賣點？
係架，因為呢邊好多餐廳都係請菲藉(?)、印藉(?)店員
餐牌供應溶岩炒飯、芝士系列有排骨/雞腿/八爪魚等、韓式炸雞、蛋卷、煎餅、紫菜包飯、湯拉麵、炒年糕、牛肋骨湯、人參雞湯等，仲有好多人專程黎食同玩嘅章魚流心芝士小丸子，定價中上。
比較詫異係炸雞超過二百蚊、煎餅百五蚊、湯類例如牛肉湯、排骨湯等2-3人份定價二百五十以上
至於我地四人最終點左一客飯、小丸子、炒年糕、炸雞、煎餅，人均$250，還可以接受。
泡菜蛋漿溶岩炒飯 $158如果你同我地一樣，會點「自己動手做嘅章魚丸子」，我建議你二選一，因為溶岩炒飯同章魚丸子味道幾乎有8成相似，或者唔好選擇泡菜做配料，仲可以揀火腿、章魚、雞肉、海鮮呢幾種口味。
呢個價錢食個炒飯，當然有Oppa招呼
oppa亦都有求必應，hold住等我地影影影影相。
oppa亦都有求必應，hold住等我地影影影影相。鐵板飯上枱後佢先加入蛋漿同芝士，然後會用火槍快速加熱芝士，蛋漿同芝士處於半溶狀態，拉絲拉到好似納豆咁款
炒飯加有泡菜，酸酸辣辣，芝士同蛋嘅份量好足，基本上唔會唔好食，價錢比一般連鎖韓食店嘅貴廿零蚊，不過炒得幾好食，而且好飽肚。
章魚流心芝士小丸子 $138人玩我又玩下，店員先送上鐵板、芝士粒、蛋漿、炒飯，材料係咪熟口熟面呢(笑)，所以我咪話同個溶岩飯相似。
唔好以為日式小丸子呀，呢度嘅餡係飯喔，超飽肚的。
為免成餐飯會太忙碌，我地先食哂所有熱食至開爐。話明自己動手做，oppa係唔會理你的，擺低張步驟說明紙佢就撇左
一份材料我地做到兩底丸子，首先將芝士粒加入炒飯然後攪勻，再慢慢放入鐵板中，之後加牛奶蛋漿，半熟時反轉再加蛋漿，最後調整下形狀
經過第一底嘅試驗，個人認為飯量放到啱啱滿就最好，因為太少丸子做出黎就唔夠圓，太多又好難反轉
炒飯中都有加入泡菜，味道都幾濃，至於流心效果係做唔到，章魚份量都唔多，隱約食到少少。
四個人食都覺得有點dry，如果能夠提供啲醬/汁會好啲
其實過程都幾好玩，如果有睇過人地做章魚小丸子，就大概係咁做，只係我地冇學過師，時間有點難掌握。
其實過程都幾好玩，如果有睇過人地做章魚小丸子，就大概係咁做，只係我地冇學過師，時間有點難掌握。隔離枱見咁funny都點左一客玩下
無骨醬油炸雞 $208/全份炸雞分有骨、無骨，相差20蚊，口味有原味、甜辣、醬油、卡邦尼、蒜香，定價$168-198/半份，而全份同半份只係相差30蚊。
炸雞價錢偏貴，我地點嘅無骨炸雞，方便懶鬼，四人點全份份量剛好。雞皮炸漿唔厚，但即時食都腍哂，唔夠香脆
雞肉還可以，都叫嫩滑，不過醬油味真係食唔出，整體一般。墊底嘅係幼身薯條，基本上腍哂，又冇乜味。
韓國韭菜海鮮煎餅 $150煎餅有三款，三色煎、泡菜煎同韭菜煎，賣相同圖片都有多少出入，煎得唔夠香脆，粉感重，韭菜都較淡
個人認為可以留肚試其他食物。
個人認為可以留肚試其他食物。每次食香港嘅煎餅我都諗起南怡島，因為嗰份韭菜餅係食過最好食的。
炒年糕 $138炒年糕有三款，卡邦尼炒更加要俾多十蚊先食到，真心貴兼份量少，不過無可否認，味道唔錯。
除左年糕，仲有魚糕片、雞蛋，辣醬調味適中，唔會太辣，但又好惹味，只係性價比較低。
汽水 $22、提子果肉汁 $27
整體黎講，Oppa Coffee Bar Restaurant嘅食物其實幾對味，只係價格有點高，今次好在係四人同行，如果兩丁友黎會難啲點菜。
OPPA Coffee Bar Restaurant
地址：尖沙咀金巴利街1號F地下
Follow us:
Instagram: http://bit.ly/2g3ZtuS
Facebook: http://bit.ly/2gu1fIG
Blog: http://bit.ly/ywycarol
Contact us: mrmrsfoodhk@gmail.com
文章標籤
全站熱搜
留言列表
吃貨夫婦 (50)
