再窮都要去旅行！

鮨玥

用餐日期：2019/02/20

最近吃過的日本料理中，比較值得推薦的可能會想到位於西灣河的鮨玥。店內大部份食材來自日本豐州市場，包括原條新鮮藍鮨本鮪，確保質素。

除了廚師發辦，晚市亦供應多款定食，由刺身、丼、燒物到料理都有，款式多元化，價格合理，加上餐廳環境舒適，聚會、約會都很適合呢。

鮨玥位於蘇豪東鯉景灣近海旁，店面寬敞，以木色為主調，簡約日式風格，吧枱以外尚有卡座，十分舒適。平日晚市，客人不多，店員招呼做得足。

餐牌選擇豐富，刺身、壽司、燒物、炸物、料理等有齊，晚市定食定價$138起，性價比高，單單刺身丼已經有超過十款，定食附湯、沙律、茶碗蒸/炸物。

活赤貝刺身 $128

一份兩隻，貝肉爽脆。

金目鯛刺身 $128

師傅介紹的金目鯛刺身，一份三切，果然新鮮。金目鯛厚身，外層輕輕燒過，有少少脆口，魚肉豐厚爽甜。

中本鮪魚腩丼 $298

以日本直送的原條新鮮藍鮨本鮪製成，餐廳亦有壽司盛，客人可以一次過品嚐本鮪不同部位。點選中本鮪魚腩丼，丼飯賣相吸引，六片中拖羅腩、拖羅蓉、厚蛋擺放整齊。

拖羅顏色粉紅，脂肪比例高，魚脂甘香，肉質鮮嫩滑溜，入口溶化，近乎大拖羅的魚油。

連同加上芝麻及蔥香的魚蓉，十分滿足。壽司飯中規中矩，不會過酸或者黏身。

湯、茶碗蒸

松 壽司定食 $280

另外點了一份壽司定食，除了沙律、湯，還有吉列蠔，非常豐富。壽司分別有海膽、大本鮪魚腩、築地鮮魚、帆立貝、赤貝、油甘魚腩、赤海蝦、象拔蚌。

海膽甘甜、大拖羅肥美、帶子鮮甜，整體水準以上，最重要是新鮮。

定食附上吉列炸蠔，粉漿不厚，口感香脆，蠔身軟熟，保留少許蠔汁，好吃。

火炙左口魚邊壽司 $38

火炙過的左口魚邊油香滿滿又軟腍。

焦糖玉子燒 $38

即時燒起，玉子微溫，帶少許甜度，如果焦糖層厚一點，會更美味。

西京平目 $85

西京燒至香口，魚肉厚實同時嫩滑，確實不錯。

鮨玥

地址：西灣河鯉景灣蘇豪東A期太康街55號地下GA10B號舖

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

繼續太安樓系列…

艾·蜜思手抓餅

地址：西灣河筲箕灣道57-87號太安樓地下A3-A7號地舖 

見到太安樓有兩間手抓餅，兩間都未試過就求其揀一間。 由於當日落大雨，所以冇乜客人 基本上都係即叫即做，點左紫薯味~

餡料方面基本上離唔開芝士、火腿、吞拿魚、肉鬆等等，但足以令我選擇困難症發作。亂揀之下指左11號。

芝士肉鬆八爪魚紫薯手抓餅 $26

店員首先加熱塊紫薯皮，再加入芝士、八爪魚。 然後鋪上肉鬆、沙律醬卷埋。

真係超熱辣辣！皮唔算厚，但都脆脆地。不過個人認為食唔到紫薯味，只係甜甜地。

揀嘅餡料出左事，肉鬆本身帶鹹，加上八爪魚、芝士，真係鹹到飛起。 同一時間沙律醬又酸酸地，呢份手抓餅如果加少少辣醬，真係一次過食哂甜酸苦辣

益力多檸檬 $16

由於手抓餅太鹹，我唯有點埋飲品。不過不失，有齊檸檬同益力多味，稍甜。

喜囍

地址：西灣河筲箕灣道57-87號太安樓地舖44B

食完桜當然唔會滿足，行到前面又有間手卷店。

第一眼俾門外「三文魚手卷全日10元」吸引住，即管試下啦。仲買埋沙律、刺身飯~

三文魚手卷 $10

收得我10蚊一條手卷，我自自然都會調整期望同要求。

三文魚係碎碎一塊塊，好似餸頭餸尾，份量就唔算話特別少，但真係得面頭有。

紫菜唔係好夠脆，可能因為賣10蚊條手卷，所以連包手卷張紙都冇…都算係將貨就價。

蟹籽沙律  (確實價錢唔記得，但30蚊內)

除左10蚊手卷，第二樣吸引我地注意嘅係呢兜沙律，因為見佢幾大兜，價錢唔貴，係唯一冇後悔點嘅。

食落都唔錯，料夠多，蟹籽、青瓜、蟹柳，仲有幾塊生菜墊底，起碼係fresh的。

伏食出現了！我真係覺得呢兩兜魚生飯好唔吸引，性價比超水準低。

首先呢度嘅魚生飯可以自選，先揀飯嘅份量 ($15大/$10小)，再揀配料同數量。好難一一列清，例如：腐皮、墨魚 $3/片；吞拿魚腩、赤海蝦 $8/片；帆立貝、北寄貝 $12，單單咁睇落都唔貴呀可？

刺身飯 $41

刺身飯 $34

我簡直唔敢相信自己對眼我知~每樣點左一件，賣相咪咁衰囉…但問題係，我黎得太安樓，唔會expect要食個7、80蚊嘅刺身飯掛？！

咁梗係按budget點架啦。樣樣點幾片我唔好正正經經搵間日本野食個刺身飯？ 先唔好講啲刺身新唔新鮮，爭鮮啲刺身飯差唔多價位，賣相都好過佢兼有內涵啦。

如果同類型嘅手卷店，旺中、葵廣一定好幾條街。

太安樓雞蛋仔

地址：西灣河筲箕灣道57-87號太安樓地下A3B舖

買完手抓餅，旁邊就係蛋記，順便食埋。本來仲有空間試下另一間做下比較，但另一間寫住放假數天。

店內掛住呀蘇個樣，個人對佢冇乜特別感覺，所以唔係重點。

普通雞蛋仔就15蚊，不過見「店長推介」呢款即管試下。

見好多人都話有個呀叔態度唔好，不過我當日就冇遇到，係個呀嬸整嘅，態度冇乜特別。

芝士雞蛋仔 $20

個樣就整得幾靚，滑滑溜溜好完整。作為雞蛋仔就蛋味有點不足，相對甜度就冇咁高；芝士味薄弱兼唔太平均，有啲食到有，有啲就冇芝士味。不過蛋記嘅雞蛋仔，真係幾脆口，稱得上外脆內軟

以廿蚊而言，呢個價錢則有啲貴，性價比唔高。

太安樓林記

地址：西灣河筲箕灣道57-87號太安樓地下A34A舖

住喺港島區冇人唔識嘅車仔麵配料款式極多，價錢唔貴，三餸30蚊起、四餸36蚊起…

店內有位置可以堂食，但眼見都唔少人叫外賣，由於已經食左兩間手卷，都有5成飽，但點都堅持一人一碗。

每碗都附咖喱汁，如果唔要記得落單出聲~

午餐肉鳳爪雞翼尖咖喱粗麵 $29

肉丁酸菜牛膀咖喱油麵 $28

湯底非常濃味！所以鐘意清淡野嘅人唔洗試…雞翼尖都用咖喱汁煮，炆得又淋！鳳爪夠入味，午餐肉又係男朋友至愛所以三扒兩啖食哂。其實咖喱齋都好食啫~

男朋友表示：店內環境就一般啦，空間唔多，加上碗麵熱辣辣 一路食一路標汗，爽！仲有，4蚊罐可樂咁平唔慳得啦~

由於之前食嘅都比較飽肚，只能夠食個甜品作結。

一直想黎太安樓掃街，不過嫌遠，上個月最後嘅週六男朋友喺附近踢波，機會黎喇！
下雨天過去，人唔多，基本上全部都唔洗排隊。

魚蛋佬 

地址：西灣河筲箕灣道57-87號太安樓地下A28號B舖

魚蛋 $5/串

牛栢葉 $8/串

腸仔 $3/串

中大伏！呢度嘅魚蛋唔知發生咩事…魚蛋質感唔好，太鬆拋拋，唔爽口，唔彈牙。我覺得浸左太耐囉，都淋兼脹…完全食唔出咖哩汁味道…唔知係咪我地黑仔啦…

牛栢葉3塊，價錢唔貴；腸仔食左兩條，但整體係普通非常

桜

喺魚蛋佬食左一般般嘅魚蛋 就向手卷出發，桜嘅手卷定價合理，冇特別平貴，一般材料例如三文魚、蟹籽、北寄貝20蚊內；帶子、海膽呢類大概30蚊。

店外有幾張吧枱，方便客人食用~

三文魚手卷 $16

雖然食開三文魚手卷嘅都明白，一般咪兩片，不過睇左店家嘅圖片，滿滿三文魚咁🐟見到實物點都會有多少失落，明明幅圖有…幾片…
撇除數量問題，三文魚不過不失，都算厚切，1/3條白飯手卷，可接受範圍~

飛魚籽手卷 $18

最符合圖片描述就係呢條~ 好好食講唔上，但見朋友食到幾底都有零碎飛魚籽。

紫菜唔淋，但唔算脆口，白飯咪普通白飯囉…

吞拿魚蓉手卷 $22

要數當中最同圖片不符一定係呢條吞拿魚蓉手卷！

男朋友點嘅，我嘗試總結下佢嘅感想：把鬼唔係講笑，幅圖真係鋪滿哂的，實際得一督

一個唔覺意第一啖咬得大啖左…哈，白飯手卷就咁誕生左，不過唔洗驚 ，店家有提供豉油、wasabi油等你送飯

呢度嘅手卷唔貴，整體不過不失，視乎點邊款手卷。但我個人比較鐘意真實性高嘅照片