目前分類:搵食銅鑼灣 (29)

瀏覽方式: 標題列表 簡短摘要

the.coffeeology

上個月依然有幾間新的咖啡店開業,其中有位銅鑼灣的the.coffeeology,工業風的裝潢在內街尤為亮眼。小店一間,餐點有限,但咖啡、甜點都頗有水準,值得試試。

1.jpg

之前光顧「為食龍」的時候,都未有留意原來耀華街有幾間咖啡店,the.coffeeology正在對面。工業風是不少咖啡店採用的風格,水泥色搭配白色簡約同時帶種專業感覺。

2.JPG

3.jpg

店內空間不多,滿座的話大概容納十數人;工作枱闊落,磚牆很有設計感。

 

4.JPG

5.JPG

6.JPG

餐點選擇受空間所限並不多,據講會每月更新。除了全日早餐,有意粉、蛋糕等,定價$50-98。非咖啡類的選項有抹茶拿鐵及朱古力。

7.JPG

8.jpg

已經吃過早餐,就淺嚐咖啡及甜點吧。

9.JPG

Earl Grey Cheesecake $50

 

芝士蛋糕另有抹茶味,不過當日售罄,所以點了伯爵茶芝士蛋糕。蛋糕以長方形焗盤焗成,質地做得不錯,軟滑綿密,不會過於死實,是我喜歡的口感

10.jpg

 

吃起來帶清新花香的伯爵茶味和芝士味不相伯仲,期待再訪時可以試試其他口味

11.jpg

 

Lemon Madeleine $55/3

 

瑪德蓮也很好吃,口感乾爽蓬鬆,裡頭有少量檸檬皮顆粒感,味道清新!灑在上面的糖霜剛好可平衡酸度,小孩口味的我表示喜歡

12.JPG

13.JPG

Matcha Latte $52

 

抹茶茶味濃苦,沒有甘味,勝在甜度極低,而且茶粉融合得好,不會結塊。

14.JPG

 

White $42

 

咖啡店提供兩款豆子由客人自選,frutiy/nutty中個人偏好後者,豆子來自indonesia/mexico/thailand,風味比一般奶啡濃郁

15.JPG

 

疫情持續,我們由無飯夫婦變成每日在家煮飯,有喜歡的餐廳都只能夠暫時「收藏」起來,嘆杯啡都幾得奢侈。希望疫情盡快完結,大家可以脫下口罩回到日常。


the.coffeeology

 

地址:銅鑼灣耀華街12號地舖

 


Follow us:

 

Instagram: http://bit.ly/2g3ZtuS

 

Facebook: http://bit.ly/2gu1fIG

 

Blog: http://bit.ly/ywycarol

 

Contact us: mrmrsfoodhk@gmail.com

I'm Carol 發表在 痞客邦 留言(0) 人氣()

肥後屋

幾個月前來過肥後屋,這邊平日日頭只供應定食,晚市以預約制形式的居酒屋經營。這次因為他們安排5月的其中一天捐出收入,破例午市都可以吃到串燒、燒物,好開心

 

IMG_0146.jpg

 

午市全場爆滿,不同年齡層的人都有,也都有朋友是一個人前來支持。

IMG_0132.JPG

IMG_0136.JPG

 

餐牌選擇不少:沙律、前菜、牛豬雞串燒、蔬菜類,還有年糕、飯糰、烏冬、蕎麥麵等主食。(平時可以預訂海鮮呢~)

 

價錢見仁見智,我們這次消費人均約$180 (個人認為很公道啊。)

IMG_0133.JPG

雞皮 $28

 

紫蘇雞肉 $30

 

豬肉蘆筍卷 $32

 

黃芥末籽五花腩 $34

 

午餐的關係,沒有太多quota,點了幾串試試。串燒即點即燒,食物全部都新鮮熱辣

 

尤其喜歡五花腩!肥就一定的啦,爽口不膩,很好吃

 

豬肉卷可配蘆筍/秋葵/大蔥/酸薑,調味不會太重手,不是一味孜然辣粉,仍然吃得到肉的原味。

IMG_0138.JPG

IMG_0139.JPG

IMG_0155.JPG

牛仔骨 $40

 

燒原條茄子 $48

 

牛仔骨稍為燶了一點,已經切開方便食用。

 

日式燒茄子起肉,軟腍多汁,配上鰹魚碎,真的不錯吃'

IMG_0149.JPG

IMG_0156.JPG

燒明太子飯糰 $30
 
牛油蔥飯 $32
 
冷蕎麥麵 $36
 
點了三款主食,很滿意呢尤其是想吃很久的牛油蔥飯,材料很簡單,但放在一起居然這麼好吃,沒有一點臭蔥味 (我本身不是蔥控)
IMG_0153.jpg
飯糰也好好吃,烤到外層焦脆,裡面熱辣辣!(明太子份量死不多)
IMG_0140.JPG
天氣濕熱,來一碗冷蕎麥麵,太棒了!
IMG_0141.JPG

IMG_0142.JPG

燒香蕉朱古力 $38
 
沒想到香蕉朱古力以「福袋仔」的方式呈現,很有趣呢!如果香蕉再甜(熟)點更加仲正。

IMG_0158.JPG

IMG_0159.JPG

肥後屋

 

地址:銅鑼灣信德街911號百威商業大廈地下2-3號舖


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

 

I'm Carol 發表在 痞客邦 留言(0) 人氣()

Rooftop Cafe by Momentum

兩年前曾經在中環落腳的momentum coffee上個月頭重新開業,細看咖啡店的地址,位於銅鑼灣渣甸街,現址是Rerere1001日式串燒,原來是兩間店的合作企劃。

日頭是咖啡店,供應全日早餐、小食、貝果、意粉;晚餐依然是串燒居酒屋。餐廳在大廈頂樓,設室外露天位置,天氣好的話坐在戶外吸吸新鮮空氣,總算讓人暫時放下煩惱

IMG_2295.jpeg

Rooftop Cafe by MMT位於銅鑼灣Aura on Pennington,大廈的食肆頗多,餐廳位於22樓,下午5時前會作為咖啡店的空間,十分闊落。

IMG_2283.jpeg

店內裝潢簡單,以2-4人桌為主,用上深木色桌椅,以日式布簾、手寫黑板字增添居酒居風格。

IMG_2307.jpeg

IMG_2284.jpeg

限聚令下,枱與枱間有屏風相隔。到訪當日雖然是平日下午茶,都有約四至五組客人。

IMG_2302.jpeg

大玻璃窗採光度高,望出去遠眺大球場,天氣稍涼的話,坐在戶外,份外舒適。

IMG_2309.jpeg

IMG_2308.jpeg

餐點選擇不多,全日早餐兩款,一款是素食;另有意粉、酸種麵包、貝果、牛角包等輕食,價格稍高。

IMG_2313.jpeg

平日點選主食附一杯$38或以下的飲料,主要是咖啡;其他飲品例如拿鐵、茶、特飲可補差價。

IMG_2310.jpeg

BLT Bagel $98

咖啡店的貝果選用小店Blendit的出品,除了煙肉,亦可選配煙三文魚、牛油果炒蛋,甚至簡單一些,只配忌廉芝士也可。

我們點的是煙肉的版本,賣相相對會砌成花朵、份量大器的煙三文魚略為失色。

IMG_2298.jpeg

貝果是我一向有光顧的,偏紐約式的貝果,嚼勁比較強,塗上忌廉芝士仍不失麵粉香氣。

煙肉、沙律菜及車厘茄的組合並無大驚喜,整體中規中矩

IMG_2296.jpeg

Mentaiko with crab meat pasta $128

三款意粉只賣剩明太子蟹肉忌廉意粉,都即管試試。意粉賣相不俗,可以見到每條都均勻沾上明太子醬,而且面頭有溫泉蛋及蟹籽。

意粉粗身,口感不會太腍,明太子忌廉調味算適中,吃起來沒有很膩;溫泉蛋滑嫩,伴上蟹籽使整體口感更豐富

不過蟹肉的部份未知是太少抑或太細碎,吃不太出來。

IMG_2294.jpeg

French Fries $68

小食有薯條及單骨雞翼,點了一份薯條,即炸香脆,美中不足是只有現成的沙律醬。

IMG_2286.jpeg

Flat White/Combo

平日點選主食附咖啡,咖啡水準不俗香濃對胃,只是奶泡消得有點快。

IMG_2305.jpeg

Hojicha Latte +$4

補差價配了一杯焙茶拿鐵,焙茶完全溶合,沒有粉感,入口順滑,甜度可接受,我挺喜歡的

IMG_2300.jpeg

餐廳的環境舒適,要聊天、消磨時間的話是個不錯的選擇;餐點的味道中規中矩,還有進步的空間。 

在香港要經營一間餐廳非常不容易,要面對最大的壓力,或者是來自高昂、難以負擔的租金,希望大家都能夠撐住,捱過艱難的時刻


Rooftop Cafe by MMT

地址:銅鑼灣渣甸街66號亨環22樓 (Rerere1001日式串燒內)


Follow us:

 

Instagram: http://bit.ly/2g3ZtuS

 

Facebook: http://bit.ly/2gu1fIG

 

Blog: http://bit.ly/ywycarol

 

Contact us: mrmrsfoodhk@gmail.com

 

I'm Carol 發表在 痞客邦 留言(0) 人氣()

肥後屋

肥後屋是一間低調的餐廳,門面、招牌並不顯眼,日頭供應數款定食,晚市變為主打燒海鮮、串燒、燒物的居酒屋,採取預約形式,方便備料。

午市定食有葷有素,味道家常,餐牌不時轉換,提高新鮮感,價格合理,而且學生設優惠價,是一間良心小店

fei4hau6uk1_1.JPG

肥後屋位於銅鑼灣信德街,店面被遮蓋,亦無亮眼的招牌,只是簡單貼上當日的午市餐牌。

fei4hau6uk1_2.JPG

輕輕推門,店員好快上前招待。平日的午市,人流不多,加上肺炎肆虐,店員在安排座位上都故意疏落一點,並且會在入座後,提供酒精搓手液,方便客人在脫掉口罩後消毒。

fei4hau6uk1_3.JPG

全店座位約二十多個,木桌椅增添居酒屋風味。牆上貼著一些社會運動相關的照片,是八位攝影師為了籌集攝影集經費,於小店寄賣的明信片

fei4hau6uk1_4.JPG

fei4hau6uk1_5.JPG

fei4hau6uk1_6.JPG

當日供應4款定食,分別有明太子奶油雞肉、露筍炒牛肉、鯖魚味噌煮蕃茄炒山藥,三葷一素。

定食附湯品、前菜、沙律、飯,定價$85,可加錢配咖啡、雪糕等。定食價格合理,設學生及醫護優惠。

fei4hau6uk1_7.JPG

明太子奶油雞肉定食 $85

定食以木盤呈上,這樣的擺盤至少讓我感覺自己過得不「頹」,哈哈

湯夠熱、沙律新鮮開胃,主菜明太子奶油雞比想像中清淡,醬汁稍稀,入口順滑,有均勻沾上每一件雞,雞肉感覺有輕煎過,不柴,味道算是不錯。

fei4hau6uk1_8.JPG

fei4hau6uk1_9.JPG

fei4hau6uk1_10.JPG

fei4hau6uk1_11.JPG

露筍炒牛肉定食 $85

露筍牛肉相對奶油雞肉重口味,肉汁入味鹹香,送飯剛好,而且牛肉份量不少,比較可惜是部份牛肉炒得略老,影響了口感

fei4hau6uk1_12.JPG

fei4hau6uk1_13.JPG

白飯加有飯素,特別香口,下單時店員會問及是否需要「多飯」,男生如果怕不夠飽,可以說一聲。

fei4hau6uk1_14.JPG

fei4hau6uk1_15.JPG

晚市居酒屋形式的燒海鮮、串燒等,招牌牛油蔥飯更加讓我雙眼發光,感覺都很吸引,有機會再訪!提提你,晚市要預約啊


肥後屋

地址:銅鑼灣信德街9至11號百威商業大廈地下2-3號舖


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

I'm Carol 發表在 痞客邦 留言(0) 人氣()

咖啡是很多人的日常,不過近幾個月來飲食都有多一重意義,可能不再去一些以往經常光顧的咖啡店,更加認真去發掘一些良心店。銅鑼灣有家Artista Perfetto,可說是從台北回流香港的。

店主好多年前在台灣文創園區開店,以咖啡拉花聞名;香港店選址霎西街一個有點不太起眼的角落,但有麝自然香,假日特別多人。店內還有售自家烘焙的豆子,有機會可以試試看

1165357398.jpg

Artista Perfetto位於霎西街,街道寧靜,沒有鬧市人擠人的景象。黑白色為主調的門面,沒有多餘裝飾,風格簡約。

店面有點小,吧枱開放式,另有幾個靠牆的座位,空間不多;人多的日子,客人都不介意站著喝咖啡,或者直接坐在門外。

741817136.jpg

吧枱可以讓你看著咖啡師沖咖啡,有空的話更可以聊聊,繁忙卻不失熱情都是小店的特色。

1546053187.jpg

Artista Perfetto是一家以咖啡為主的店,除了一般意式咖啡、手沖,還有供應中式食物。

跟大部份咖啡不一樣,這裡供應的是蛋黃酥、老婆餅之類,十分有趣。據店員說,是專程找師傅製作的,想不到咖啡跟中式糕點都配合很不錯

1692670767.jpg

White $38

Mocha $45

簡單點了一杯White,歇一歇。友人的是Mocha,他們家的摩卡不錯,偏重咖啡味一點,奶泡細滑,面頭加有一點點可可粉,甜度很低,對胃

1251317962.jpg

311022387.jpg

紅豆老婆餅 $20

紅豆老婆餅口感扎實,內餡的紅豆略甜,吃一口餅、喝一口咖啡,剛好。

148126085.jpg

770205563.jpg

良心小店自然多人幫襯,假日人流較旺,期待平日再來訪,試試其他咖啡,重新感受香港的寧靜。


Artista Perfetto

地址:銅鑼灣霎西街3A號地下2號舖


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

I'm Carol 發表在 痞客邦 留言(0) 人氣()

BASAO tea

半年前到訪過灣仔BASAO tea,很喜歡這家店,極簡裝潢、環境幽靜,非常舒適。最近在銅鑼灣開設分店,鋪面更大,假日中午人流不多,確實是鬧市中的綠洲,相對更推薦新店呢。

貫徹原店風格,全白、暖木色為主調,植物裝飾。座位較灣仔店多,坐得鬆動

1.jpg

開放式吧枱令全店看起來更闊落,望向街外的大玻璃窗位置打卡一流。

2.jpg

3.jpg

4.jpg

5.jpg

6.jpg

7.jpg

8.jpg

9.jpg

凍櫃擺放多款甜點,包括有茶味卷蛋、蛋糕、撻,定價$42-55。

10.jpg

11.jpg

12.jpg

14.jpg

除了多款來自中國、台灣的原茶,還有日本抹茶、焙茶,價格稍高。另外,銅鑼灣店亦供應少量輕食。

15.jpg

點選兩款甜點、一杯熱茶及焙茶牛奶。

16.jpg

豆腐慕絲抹茶蛋糕 $55

全白外表的蛋糕,好像一磚方形豆腐,上枱前再灑上抹茶粉豆腐慕絲質地濕潤軟身,豆乳味突出,稍為甜了一點。夾層是抹茶蛋糕,預期內不算很濃。

豆腐蛋糕比較少見,加入抹茶元素,輕易成為最吸引的一件,難怪很多人喜歡

17.jpg

大紅袍黑糖麻糬蛋糕卷 $52

蛋糕卷厚身,茶味甘香,未到濃郁,面頭跟夾層的茶葉有點脆口。蛋卷質地濕潤不乾硬、帶點彈性。

忌廉量不多,藏身忌廉中的兩件麻糬,挺煙韌,有黑糖自然甜味,只是兩件有點少呢。

18.jpg

白芽奇蘭 $70

苦惱喝哪一款茶之際,店員推薦這款「秋天的茶」,香氣持久,茶味甘甜,餘韻長,早上來一杯,提一提神。

19.jpg

20.jpg

焙茶牛奶 $50

焙茶牛奶拉花完整,茶香順滑,個人認為他們家的抹茶記憶點更高,值得試試。

21.jpg


BASAO tea

地址:銅鑼灣白沙道16號地舖


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(1) 人氣()

Coffever 咖啡熱

最近試過覺得性價比十分高的餐廳之一,有位於銅鑼灣的「咖啡熱」,以樓上店而言,位置算便利,平日午市及假日早午餐價格相宜,所以很受歡迎。

當中的慢煮安格斯腹肉牛扒很有水準,肉味濃郁,值得試試

Coffever_01.jpg

Coffever是一間上樓咖啡店,位於富明街,鄰近利舞臺廣場,並不難找。餐廳採用會員制形式,入座需要留低名字及電話號碼頭四位數字作記錄。

Coffever_02.jpg

餐廳面積不算很大,座位有限,加上最近比較多人去支持他們,所以還是建議先訂位,幸好我們到訪時間尚早

Coffever_03.jpg

Coffever_04.jpg

餐廳裝潢簡約,以水泥牆身配搭木、白色桌椅,牆上貼有不少標語、每枱擺放乾燥花裝飾。

最舒適應該是幾個可以望向街外的大玻璃窗位置,餐廳位處低層,望著繁忙的街道,顯得自己格外悠閒,我們都需要一個可以稍作喘息的空間

Coffever_05.jpg

Coffever_06.jpg

旁邊是一幅好可愛的壁畫

Coffever_07.jpg

週末早午餐由開店供應至晚上6時,共六款包括全日早餐、三文治、意粉、沙律等,定價$78-138,附西式餐湯。

亦可以半價追加飲品及以$20加配自家製蛋糕 (當日有朱古力布朗尼及伯爵茶奶凍)。

Coffever_08.jpg

Coffever_09.jpg

Coffever_10.jpg

慢煮雞胸配蒜香忌廉扁意粉 $78

以木盤呈上,份量十分足。是日西式餐湯為西蘭花湯,裡面並無添加太多忌廉,質地不會很稠,吃食材原味。

439074585.jpg

Coffever_13.jpg

雞胸慢煮,基本上可以放心,不會乾柴,而且吃起來串燒那種孜然香氣

Coffever_14.jpg

Coffever_15.jpg

以菇菌墊底,而且我挺喜歡扁意粉質地不會過份creamy或油膩,帶點蒜味,不錯吃,重點是不貴啊

Coffever_16.jpg

慢煮安格斯腹肉牛扒三文治 $118/6oz

當然我更推薦三文治,以這個價錢,實在好難找到這種質素的食物吧。腹肉牛扒絕不欺場,切成約20小件,慢煮至軟腍,不會攝牙逢,重點是肉味明顯

1448005266.jpg
 麵包薄脆,以焦糖洋蔥、生菜平衡肉感,一口麵包一口肉,太幸福了!

1564329258.jpg

Coffever_18.jpg

Cafe Latte +$19

早上來一杯凍咖啡,提提神。

1985689765.jpg

伯爵茶奶凍 +$20

奶凍都很有誠意呢,茶味重,還配一球雪糕。

1784469527.jpg

離開前看到旁邊的客人點了全日早餐,很豐富呢。總之,Coffever是最近一家很推薦的餐廳,有時間去支持一下他們吧。

Coffever_23.jpg

Coffever_24.jpg

Coffever_25.jpg


Coffever

地址:銅鑼灣富明街2-6號寶明大廈3樓C室

營業時間:星期二至五 上午11時30分 - 晚上9時30分;星期六、日 上午11時30分 - 晚上10時 (星期一休息)


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

柞木炭家

用餐日期:2019/04/21

一連四日復活節假期,當然係同朋友飲飲食食嘅最佳時機,揀左呢間之前食過一次嘅柞木炭家再訪,一來覺得好食過一般平價韓燒,二來價錢都可以接受

銅鑼灣分店位於金百利,餐廳面積頗大,座位間非常闊落,被安排到卡位,又唔洗同隔離枱貼枱、背貼背。店內燈光稍暗,可能係假期啦,客人頗多,店內嘅通風有待加強。

1676683606.jpg

餐牌有單點,亦有套餐,根據上次經驗,套餐比較划算,亦都免得我地諗到頭爆。全新套餐有兩款,分別係「王道」、「御膳」,定價每位$356/420。

套餐包括五道菜,可以試到唔同牛肉部位,點餐前店員會推出展示牛肉嘅餐車,其中西冷仲可以由客人自選產地(韓牛/和牛)。

876832241.jpg

前菜、粟米、生菜無限添加,泡菜可以自行剪出,味道剛好

1454328793.jpg

1478714912.jpg

1708627314.jpg

1595391549.jpg

沙律

334352521.jpg

御膳套餐 $420/位/2位起

套餐包括:牛舌、黑毛豬、汁燒牛小排、是日稀少部位、和牛牛胸腹、和牛牛胸、和牛西冷、牛肩、鰻魚、八爪魚、柞木韓牛飯、大醬湯

首先上枱係牛舌同黑毛豬,牛舌有齊厚切、薄切兩種口感,厚切特別爽口黑毛豬腩肉難得冇被比下去,肉香軟腍。

1637140226.jpg

呢四款當中,我地比較喜歡和牛,不論係牛胸定牛胸腹都同樣咁正。尤其係和牛胸腹,好搶火,脂肪較多,食落柔軟溶化,唔洗特別醃製調味,油香馥郁。

981408399.jpg

汁燒牛小排都唔差,韓牛嚼勁較強。反而呢塊稀少部位好難燒啊,可能因為瘦,油份唔多,燒到好散。

1169917990.jpg

1717915679.jpg

第三道菜實在回味無窮,要二選一的話,我都係投油脂豐富嘅日本和牛一票。

薄薄一片,為免浪費,我地請店員幫我地燒起,輕輕沾少少鹽份,入口溶化

639029077.jpg

299439627.jpg

1303231635.jpg

最後燒埋鰻魚同八爪魚,因為店員比較忙,由另一半操刀,有上次嘅經驗,佢都燒得唔錯。

1587796156.jpg

鰻魚肉厚無骨,外皮燒到香口(雖然燶左少唐,哈哈)。八爪魚入口好爽,不過我地燒到有少少過火,噍頭太強勁。

1398038388.jpg

2103212508.jpg

1956586567.jpg

燒左成晚肉,再食埋柞木韓牛飯飯同大醬湯,更加飽足。

柞木韓牛飯牛肉加蛋黃、大半碗京蔥拌飯,簡單美味;大醬湯不過不失。

1435373305.jpg

1564605898.jpg

我地對柞木炭家嘅印象依舊唔錯,牛肉整體質素比一般燒烤店好,但又未到負擔唔到嘅消費,值得再訪。


柞木炭家

地址:銅鑼灣記利佐治街1號金百利廣場3樓301室


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

鮮芋仙

經常到台灣或者深圳的朋友,對鮮芋仙一定不會陌生了,其實品牌於全球有接近800間店,分佈台灣、日本、澳洲、中國各地,「千呼萬喚」首間旗艦店終於開到香港。

選址銅鑼灣V-Point,食材大部份由台灣供應,每日現煮現賣,原汁原味,其芋圓、仙草、豆花等均為招牌。相信還有不少人未試過鮮芋仙的出品,未知會否引來一陣熱潮呢

meetfresh_01.jpg

鮮芋仙位於登龍街,鋪面不算很大,裝潢用色以木色為主,跟品牌的其他分店設計無異。

meetfresh_02.jpg

meetfresh_03.jpg

餐牌跟台灣大致相同,分芋圓、仙草、豆花、茶飲、點心五大系列。同時針對香港市場,點心系列口味更多元化,而且會按時令推出限定款式,更讓人期待。

甜品系列分芋圓、仙草、豆花、冰品、紅豆湯、紫米粥等,定價比台灣、深圳為高,招牌甜點定價$36-62,部份款式份量頗多,適合三至四人分享

meetfresh_04.jpg

meetfresh_05.jpg

招牌仙草冰沙 $45

鮮芋仙的芋圓、仙草系列共5款,相同號數,配料一樣,只是芋圓系列基底為刨冰,而仙草系列基底為仙草。

配料有紅豆/綠豆/珍珠/花生/芋頭/地瓜/薏仁/湯圓等,一律$45,可以加$3/6額外追加配料。

招牌仙草冰沙有芋圓、仙草凍、仙草冰沙,仙草味道濃郁,帶點清幽,不會死甜,厚薄適中,口感超滑溜,可按個人喜好加入鮮奶油

meetfresh_08.jpg

墊底位仙草冰沙,待冰碎融化一點更清爽好吃。芋圓、地瓜約十多粒,味道還可以,不算很突出,但口感Q彈,有韌性不死實

meetfresh_09.jpg

芋圓4號 $45

到訪鮮芋仙不下十次,還是最喜歡4號,配料有芋頭、紅豆、珍珠搭配招牌芋圓,以刨冰墊底,份量不少。

meetfresh_06.jpg

芋圓口感Q彈實在,珍珠偏硬,紅豆粒粒分明。最值得一讚芋頭粉糯,芋味重,稍為甜了一點。刨冰較粗糙,配上甜度適中的黑糖漿,十分消暑。

meetfresh_07.jpg

豆花2號 $42

喜歡傳統甜品可選豆花系列,2號包含豆花、地瓜、薏仁。

meetfresh_10.jpg

芋薯圓Q麻糬牛奶冰 $52

有齊麻糬、芋薯圓、小芋圓、冬瓜凍及一座刨冰,份量非常多,三人分享都足夠。

meetfresh_11.jpg

綠豆糕麻糬拼盤 $38

meetfresh_12.jpg

仙草冰沙凍奶霜 $35

meetfresh_13.jpg

小芋圓冬瓜茶 $29

小芋圓口感有彈性,冬瓜茶偏甜

meetfresh_14.jpg

meetfresh_15.jpg

據負責人所言,未來會開兩至三間分店,讓人期待呢。


鮮芋仙

地址:銅鑼灣登龍街18號V-Point地下1號鋪


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

老鍋台式火鍋

用餐日期:2019/01/12

一年四季都打邊爐,最近愛上台式火鍋,麻辣鍋、酸菜白肉鍋、鴨血、凍豆腐等使人吃個不停。老鍋台式火鍋在香港頗有名氣,銅鑼灣、尖沙咀都有分店。

主打台式火鍋,鍋底溫和,配料質素高,單點價格稍高,但在網上、手機程式不時有訂枱折扣優惠,相對抵食,可以襯優惠一試呢

laoguohotpot_01.jpg

銅鑼灣有兩間分店,今次到訪澳門逸園中心店,一早預訂位置,準時入座。餐廳位置不算多,枱與枱間有適量空間,二人枱夠闊落,坐得舒適。

laoguohotpot_02.jpg

枱邊亦有布藍,客人可以放置個人物品。裝潢方面走中國風,木色枱櫈,以格子木門作分隔,環境過得去。

laoguohotpot_03.jpg

laoguohotpot_04.jpg

由於是次使用訂座折扣優惠,店員會先解釋條款,茶芥、海鮮類、飲品並不適用,加一按原價收費。

餐牌選擇頗多,湯底有麻辣鍋、酸菜白肉鍋、美人鍋、養生鍋,定價$158/228,可以雙拼。

配料方面有海鮮、肉類、小食、丸類、餃類、蔬菜等。價格稍高,不過經折扣後人均消費約二百多,可以接受。

laoguohotpot_05.jpg

laoguohotpot_06.jpg

茶芥、醬油 $20/位

laoguohotpot_25.jpg

麻辣鍋拼酸茶白肉鍋 $158

餐牌標示,湯底麻辣度偏低,令食物保持原有鮮味,建議喜歡吃麻辣的,要點大辣。我們點了小辣,果然辣度偏低。

laoguohotpot_07.jpg

laoguohotpot_08.jpg

以香料、藥材配製,可見龍眼肉、紅棗等材料。湯頭聞起來有點嗆,完全不麻。慶幸不鹹,可能我比較適合中辣以上。

laoguohotpot_09.jpg

鍋底配上鴨血、凍豆腐,鴨血為友人推薦,果然出色,滑溜到像啫喱一樣,鮮嫩無比

laoguohotpot_10.jpg

豆腐軟綿,湯汁滲入,好吃。點選麻辣鍋底追加鴨血及凍豆腐每份只需$30。

laoguohotpot_11.jpg

至於酸菜白肉鍋以秘製大白菜、豬腩肉製作,湯底還有粟米、蕃茄、冬菇、寬粉條,頗為足料。

laoguohotpot_12.jpg

腩肉肥瘦雙隔,口感挺爽;粟米值得一讚,漲卜卜又甜;寬粉條份量多,但容易斷開,略為細碎。

我們倆比較喜歡酸一點的,會比較推薦阿里山台式美人鍋的鍋底。

laoguohotpot_13.jpg

美國特級牛肋肉 $218

牛肉冰底上,兩至三人用足夠。雪花都可以,肉質嫩腍,脂肪不多。

laoguohotpot_14.jpg

手工丸類拼盤 $108/10粒

拼盤有齊梅菜豬肉丸、墨魚丸、蝦丸、芝士牛肉丸、黃金咸蛋黃豬肉丸五款,價格合理。

laoguohotpot_15.jpg

laoguohotpot_16.jpg

laoguohotpot_17.jpg

丸類整體質素不俗手打大粒,牛肉丸芝味不算濃郁;蝦丸彈牙;墨魚丸不過不失,反而兩款豬肉丸幾特別,梅菜豬肉丸有梅菜味!

laoguohotpot_18.jpg

laoguohotpot_19.jpg

自家鮮做鮮蝦雲吞 $48/4粒

雲吞皮薄餡靚,蝦肉明顯,口感爽脆。

laoguohotpot_20.jpg

laoguohotpot_21.jpg

台灣A菜 $68

台灣萵荀 $48

留意到幾家台式火鍋的蔬菜類價格較一般港式火鍋高,但吃火鍋總少不了蔬菜,還是點了兩份。萵荀配麻辣鍋,爽而入味。

laoguohotpot_22.jpg

laoguohotpot_23.jpg

台灣蒜香腸 $48

去台灣旅遊,肯定會狂吃台灣腸,這份味道對辦,輕輕煎過,帶淡淡蒜香,外皮脆一點更好。

laoguohotpot_24.jpg

除了茶芥之外,我們點的都有折扣,確實提高了性價比!鍋底質素中規中矩,未算好特別,但配料整體質素不錯,我最喜歡鴨血、雲吞、丸類跟萵荀。


老鍋台式火鍋

地址:銅鑼灣軒尼詩道525號澳門逸園中心3樓


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

I'm Carol 發表在 痞客邦 留言(0) 人氣()

鮨和居食屋

用餐日期:2019/01/22

登龍街曾經被拉麵店佔據,同一街的永光中心則有多間日本料理,位於7樓的鮨和去年年底才開業,走中高檔路線,魚生由日本空運直送,保證質素。

除了刺身、壽司等,還供應各款日本料理,擺盤精緻,用料上乘,不輸廚師發辦,尤其一客蓮葉蒸鰻魚飯,很有新鮮感,值得推薦

sushikazuhk_01.jpg

鮨和位於永光中心,餐廳面積不算很大,約三十餘個座位,加上數個吧枱位置,裝潢清雅,可見師傳製作料理,跟食客互相交流。

sushikazuhk_02.jpg

sushikazuhk_03.jpg

sushikazuhk_04.jpg

雖然開張不久,但已積下來不少回頭客,平日晚上生意不俗。不論情侶約會,抑或朋友聚餐,都很適合。

sushikazuhk_05.jpg

sushikazuhk_06.jpg

sushikazuhk_07.jpg

餐牌選擇多,刺身、壽司、刺身飯、燒物、串燒、一品料理、和牛、飯、烏冬、鍋物等,價格中上。

每日推介會寫於黑板上,例如富山白蝦壽司、魴鮄魚刺身、鮟鱇魚肝、喜之次干燒等。

sushikazuhk_08.jpg

sushikazuhk_09.jpg

sushikazuhk_10.jpg

sushikazuhk_11.jpg

sushikazuhk_12.jpg

廚師發辦刺身拼盤 $480

刺身6款,包括拖羅、 鱲魚、鯛魚、赤貝、牡丹蝦、深海池魚,擺盤精美。

sushikazuhk_13.jpg

魚生新鮮不在話下,亦可見細緻配搭。牡丹蝦大隻甘甜,配上松露提鮮。赤貝爽脆、拖羅肥美

sushikazuhk_14.jpg

sushikazuhk_15.jpg

sushikazuhk_16.jpg

sushikazuhk_17.jpg

sushikazuhk_18.jpg

鮑魚磯煮 $150

鮑魚爽脆,加上膽汁帶出鮮味。

sushikazuhk_21.jpg

鮟鱇魚肝 $128

提到時令,少不了鮟鱇魚魚肝這種矜貴食材,肥美甘香,而口感綿滑。

sushikazuhk_22.jpg

和風沙律卷 $55

沙律卷甚有驚喜,簡單以紫菜包裹生菜、蟹柳、青瓜、蛋,口感很爽,清新開胃

sushikazuhk_19.jpg

sushikazuhk_20.jpg

岡山產珍珠蠔 $88

珍珠蠔蠔肉飽滿軟綿,味道濃郁。

sushikazuhk_23.jpg

明太子蝦天婦羅 $120

天婦羅亦有點驚喜,以兩隻蝦夾住明太子做成,口感比較一般的天婦羅豐富,蝦肉爽口到不得了,明太子鹹鮮,香脆度高

sushikazuhk_25.jpg

sushikazuhk_26.jpg

牛肉薄燒 $120

主食選擇牛肉薄燒,以野菜、芽菜墊底,少許肉汁滲入,但略嫌牛肉燒到稍老。

sushikazuhk_24.jpg

蓮葉鰻魚飯 $80

鰻魚飯值得一試,細細碗份量,以蓮葉墊底蒸飯,飯粒帶葉香,而且偏濕潤。

配搭燒到香口的鰻魚,鰻魚軟腍無細骨,無需額外醬汁都已經好好吃,好像珍珠雞的變奏版

sushikazuhk_27.jpg

sushikazuhk_28.jpg

sushikazuhk_29.jpg

整體而言,鮨和人均消費接近廚師發辦,出品一樣水準,不但新鮮,配搭都很有心思,可以一試。


鮨和

地址:銅鑼灣登龍街永光中心7樓


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

幸福班戟 A Happy Pancake

用餐日期:2018/01/31

梳乎厘班戟可說是近年人氣食物之一,除了本地甜品店爭相推出、製作班戟,多間日本過江龍都選擇於香港開店,更加引起長長人龍。

幸福班戟 A Happy Pancake於東京、大阪、沖繩都有分店,早前開到銅鑼灣,標榜使用日本雞蛋、小麥粉製作,對食材講究,即點即製,吃罷滿滿幸福感

ahappypancake_01.jpg

幸福班戟位於銅鑼灣利園三期,餐廳裝潢簡約,光線充足,面積頗大,設開放式廚房,客人可從中央的大玻璃見到製作過程。

廚房人手充足,出品時間不會太長。店員都戴上口罩,比較衛生

開業多個月,人氣不減,平日設網上預約服務,可以先行預約,節省時間。皆因我們平日下午前往,都有十多位客人等候位置。

ahappypancake_02.jpg

餐牌分甜、鹹班戟共十款,另外不時推出期間限定款式,定價$98-138,點班戟可以優惠價加配飲品,例如咖啡/茶/牛奶咖啡等。

店面設自助水機,客人可以自行添加。

ahappypancake_03.jpg

ahappypancake_04.jpg

ahappypancake_05.jpg

古典魅惑班戟 $138

班戟即點即製,等候約20分鐘,這款是期間限定款式,一球比利時白朱古力慕絲、忌廉、莓脆、開心果粒配上法式醬,酸甜交錯的組合。

ahappypancake_07.jpg

一份三件班戟,口感實在,空氣感低,偏蛋糕狀,確實軟綿,配上忌廉、微酸的醬汁,不會過乾。

最值得一讚,蛋香出眾略嫌班戟未夠蓬鬆,變相飽滯感較強烈。

ahappypancake_08.jpg

忌廉量多,滑溜不膩口,加上莓脆,口感豐富。

ahappypancake_09.jpg

白朱古力慕絲軟滑香甜,單吃可能有點膩,配搭醬汁,剛好可作平衡。

ahappypancake_010.jpg

ahappypancake_11.jpg

喜歡日本過江龍出品的班戟,一來價格合理,二來質素較穩定,蛋香的濃郁並非一般小店或平價班戟可以相比,期待日後分店更多,可以減省排隊時間


幸福班戟 A Happy Pancake

地址:銅鑼灣新寧道1號利園三期2樓203-205號舖


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

和牛燒肉‧純

用餐日期:2018/03/13

相對韓牛,我都係較鐘情日牛,和牛軟腍油脂無可取代。講到日本燒肉,不得不提和牛燒肉純,曾經去過尖沙咀分店食午飯,印象良好,久唔久又想食。

今日去到銅鑼灣店,餐廳位於亨利大廈, 位置唔多,有吧枱、卡位、梳化位,枱櫈間較集中。個人較喜歡尖東店嘅裝潢格局,私隱度高啲,而且闊落啲。

午市供應套餐,有燒肉有定食,定價$98-380,跟咖啡或紅茶,可加錢升級其他飲品,性價比當然較晚市為高。

豪華燒肉二人餐 $420

前菜、沙律

29177236_761827670676123_152422376380825600_n.jpg

29177860_761827644009459_1245084321593688064_n.jpg

特選和牛牛排肉、和牛上牛排肉、和牛壺漬牛排、日本產雞腿肉

大蝦、魷魚、帶子

29178531_761827474009476_5229857092222844928_n.jpg

29214089_761827477342809_6179280125767450624_n.jpg

和牛牛肉厚切小片,已經調味,輕輕燒好兩邊食得,入口嫩到不得了,冇牙都會溶化咁濟

上牛排肉脂肪均勻,肉汁豐富,油香十足;特選嘅更多脂肪,一切都值了。食和牛帶來嘅滿足,同其他牛肉不能相提並論

29178912_761827487342808_4322919462853410816_n.jpg

壹漬牛排有三大片,牛味香濃,較為瘦身,同牛排肉當然冇得比。

29177005_761827567342800_3078087951624699904_n.jpg

29178627_761827680676122_2993604995724607488_n.jpg

大蝦唔講得笑好大隻,已開邊,蝦殼薄身,輕輕烤好,食落又爽又脆。

29178158_761827577342799_8574284555807096832_n.jpg

魷魚同帶子正常水準,雞腿肉喺和牛面前變得渺小,冇辦法啦,哈哈

29136178_761827554009468_1599345941565931520_n.jpg

29186451_761827570676133_3476312594845794304_n.jpg

29243891_761827470676143_8341870634036363264_n.jpg

定食附味噌湯、日本米白飯,飯粒分明,配牛肉一流,呢餐真係大滿足!

29177637_761827677342789_4230721659062976512_n.jpg


和牛燒肉‧純

地址:銅鑼灣恩平道42號亨利中心15樓

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

道鮨日本料理

用餐日期:2018/09/22

曾經喺餐廳新開不久就到訪過,事後朋友圈中一直有聽聞仍然甚有水準,但老實講,要我一頭半個月就食廚師發辦,我負擔唔來

知道佢地午市有其他套餐供應,今次就選擇中午到訪。週六約一點鐘到達,餐廳位置不少,分成三個用餐區,裝潢日式,簡約風格,環境寧靜舒適

IMG_0018.JPG

IMG_0019.JPG

IMG_0020.JPG

想唔到生意十分好,師傅前面嘅吧枱都坐滿了,我地被安排到另一邊嘅二人枱。由於環境太舒適,我地慢慢食、慢慢傾,不知不覺過左接近兩少時。

IMG_0022.JPG

午市餐牌除左同樣供應兩款廚師發辦(刺身/壽司)之外,仲有超過15款御膳,包括自選壽司、刺身、海鮮丼、西京燒、天婦羅、燒活鰻、網燒西冷等。

套餐附沙律、茶碗蒸、味噌湯、甜品、咖啡/茶,定價二百至四百零蚊。

IMG_0015.JPG

IMG_0016.JPG

IMG_0017.JPG

IMG_0021.JPG

店員先送上熱毛巾,雖然係午市,但應有嘅服務都做到足,加茶、收拾、上菜速度等都有細心留意,起碼令客人覺得物有所值。

沙律、茶碗蒸

首先送上沙律、茶碗蒸,茶碗蒸香滑料多,略嫌蛋味唔夠。

IMG_0025.JPG

吞拿魚御膳 $420

喜歡吞拿魚嘅可以點呢款全10件吞拿魚盛,分別有拖羅、赤身、吞拿魚蓉卷、炙燒拖羅,擺盤非常精美。

IMG_0041.JPG

IMG_0050.JPG

最鐘意炙燒拖羅,油份爆棚,魚油香久久不散拖羅喺口中融化,肉質軟腍,肥美到不得了。赤身色澤紅潤,口感較清爽

IMG_0044.JPG

IMG_0046.JPG

IMG_0045.JPG

吞拿魚蓉卷頗有驚喜,用上赤醋飯,魚蓉份量不少,加埋蔥香,口感、味道都令人印象深刻

收得咁嘅錢,比一般壽司連鎖店層次肯定係要有分別

IMG_0043.JPG

自選壽司12貫 配稻庭烏冬 $280

喜歡呢度嘅壽司御膳提供自選,畢竟唔係所有魚生都啱食,可以自己揀就梗係最好啦。而且自選壽司款式有約20款,除左固定款式,仲會有每日精選。

除左海膽外,每款可選兩件,好吸引,我樣樣都想食!最終揀選左吞拿魚腩、深海池魚、三文魚、燒右口魚邊兩件、帆立貝、赤蝦、真鯛、炙銀鱈魚兩件、蔥吞拿魚腩、北海道海膽,共12件。

包含海膽、拖羅、真鯛、太刀魚等款式可自選,雖然唔及廚師發辦食到嘅咁特別,魚類所謂比較大路,穩打穩扎,但性價比不俗。最重要係質素高,不輸廚師發辦

IMG_0027.JPG

店家幫我地將軍艦後上,以免紫菜變腍,非常細心。先上十件壽司,我只係按個人喜好食,冇特別去按魚味濃淡排次序。真鯛白嫩,味道淡雅;帆立貝極度新鮮,鮮甜程度令人回味。

IMG_0036.JPG

IMG_0031.JPG

三文魚肥美;深海池魚口感爽滑,魚味比較濃。赤蝦軟滑,吞拿魚腩肥美無筋,魚油甘香

IMG_0034.JPG

IMG_0030.JPG

IMG_0037.JPG

最後當然少不了我最喜歡嘅炙燒右口魚邊,燒過後香氣濃,油份喺口中爆發,點夠兩件先滿足;炙銀鱈魚同右口魚邊口感唔同,但魚油一樣豐腴

飯粒中已加左山葵,用上赤醋米,壽司本身唔會好大件,米粒黏性適中,夾起唔散。

IMG_0032.JPG

IMG_0035.JPG

見我食得八八九九,店員就安排送上剩低嘅兩件軍艦,包括係蔥吞拿魚腩及北海道海膽,魚腩幼滑,加上蔥香,一定要點;最正係海膽軍艦啊,鮮甜飽滿,欲罷不能,可惜只係可以點一件,哈哈。

IMG_0052.JPG

IMG_0054.JPG

味噌湯

稻庭烏冬 (可選冷/熱)

食完12貫壽司後,來一碗小小嘅熱烏冬,烏冬煙韌滑溜,腸胃都滿足了。

IMG_0061.JPG

套餐包括甜品、餐飲,是日甜品為豆腐雪糕,豆腐味濃郁,雪糕細滑,高質呢。

IMG_0067.JPG


道鮨日本料理

地址:銅鑼灣渣甸街50號渣甸中心6樓


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

道鮨日本料理

用餐日期:2018/03/26

香港人對飲食追求愈黎愈高,尤其是日本料理,由早年比較流行嘅迴轉壽司到成行成市嘅放題改變,願意花錢去食啲高級日本料理,其中不得不提廚師發辦

廚師發辦不時不食,除左食物,仲講究環境、同師傅間嘅交流,我地唔係試過好多間,完全係門外漢,每次食都好似去學習般,加上師傅經驗豐富,令我地對好多食材有啲基本知識

坊間雖然都出現過一啲平價板嘅omakase,但食過嘅都應該知道係完全不同嘅體驗。

銅鑼灣道鮨日本料理可謂近期試過比較有水準嘅廚師發辦,位於渣甸中心,上左樓,加上係月初先開業,估唔到平日晚上都有咁多客人,相信靠口碑傳開。

打開電梯,可見餐廳裝潢走傳統日式風格,以木色為主,布簾、流水、竹葉等,環境清幽。(但好搞笑,播嘅係kpop,哈

michi-japanese -uisine-01.JPG

圍繞吧枱,最接近師傅嘅位置,約可坐七、八人,記得預訂位置。師傅就喺面前製作,透明度高,亦係廚師發辦嘅一大特色。

師傅根據當日新鮮食材,設計餐牌,可以享用當季魚生,而如果有特別需求,可向師傅提出,較為個性化。雖然價錢貴啲,但至少讓人覺得物有所值。

當晚約有八位客人,師傅都好細心,照顧到每位需要,試左定價每位$1200嘅omakase set,整餐飯接近兩個半鐘,氣氛歡愉,師傅亦不時提出有關食材嘅資訊,可以見到每道菜嘅配搭都係經過精心安排。

michi-japanese -uisine-02.JPG

michi-japanese -uisine-03.JPG

前菜:鴨胸、粟米湯

鴨胸軟諗,加上醬汁,幾開胃;粟米湯凍上,呷一口為以下美食作開始。

michi-japanese -uisine-04.JPG

真鯛刺身

先食魚背,再食魚腹,可算係食過最為鮮味嘅鯛魚,魚片爽脆。

michi-japanese -uisine-05.JPG

醬油八爪魚

八爪魚新鮮,味道濃烈,底下墊有昆布,吸收醬油,保留八爪魚本身嘅鮮味。

michi-japanese -uisine-06.JPG

赤貝刺身

一向係我個人私心之選,赤貝大粒,加上即磨山葵,帶出鹹鮮味

michi-japanese -uisine-07.JPG

清酒鮑魚

鮑魚薄片,味道香濃,配上赤醋米飯,一口接一口。

michi-japanese -uisine-08.JPG

梭子魚壽司

梭子魚屬春夏時令魚,面頭輕輕燒開,魚味濃郁,完全唔腥

michi-japanese -uisine-09.JPG

海膽魷魚壽司

魷魚黏身而爽,海膽份量大方,入口軟滑,平時唔係太喜歡海膽,係怕遇到唔新鮮嘅海膽,食廚師發辦基本上會食得好放心。

michi-japanese -uisine-10.JPG

車海老壽司

赤醋飯配山葵,加上新鮮車海老配搭,邊個唔鐘意。

michi-japanese -uisine-11.JPG

michi-japanese -uisine-12.JPG

地蛤壽司

加上醬油,突顯肉身鮮甜多汁,爽口唔韌,平時比較少食到咁大粒厚肉。

michi-japanese -uisine-13.JPG

烤白子

第一次食白子,聽就聽得多,烤白子微稠魚油感,口感好軟熟,難怪咁多人一試愛上。

michi-japanese -uisine-14.JPG

michi-japanese -uisine-15.JPG

生蠔

蠔身肥美大粒,配酸汁冇咁膩口。

michi-japanese -uisine-16.JPG

青柳貝裙邊、青柳貝壽司

青柳貝味道清甜,貝肉爽身薄脆。

michi-japanese -uisine-17.JPG

michi-japanese -uisine-18.JPG

毛蟹壽司

蟹腳鮮甜。

michi-japanese -uisine-19.JPG

魚籽

面頭以金箔點綴,更加豪華。三文魚籽粒粒飽滿,魚肉四溢,鮮味十足

michi-japanese -uisine-20.JPG

海膽手卷

海膽份量多,唔算好濃味嘅,口感軟滑,入口即溶,適合我呢種平時唔係太沉迷海膽嘅人。

michi-japanese -uisine-21.JPG

michi-japanese -uisine-22.JPG

拖羅壽司

唔係屬於油脂好多嘅部位,粉嫩色澤,食落較爽。

michi-japanese -uisine-23.JPG

最後,師傅都好貼心,仲問我地夠唔夠飽,可以來一個熱烏冬,但我地已經好飽,食左十幾款菜。

昆布清湯

清湯製作有誠意,昆布都係自家製,味道清淡暖胃。

michi-japanese -uisine-24.JPG

靜崗蜜瓜

一大片蜜瓜,瓜肉多汁香甜,作為結尾,取代甜品,相當滿足

michi-japanese -uisine-25.JPG


道鮨日本料理

地址:銅鑼灣渣甸街50號渣甸中心6樓


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

十下 SUPPA

用餐日期:2018/04/14

經常見到有人介紹銅鑼灣十下火鍋,一見到照片,就認得出店家的出品,辨識度高。火鍋位於永光中心,四四正正,枱與枱間有適當空間,坐得舒適。

suppa_01.JPG

IMG_2758.JPG

IMG_2740.JPG

suppa_03.JPG

裝潢走懷舊路線,有各種八十年代佈置、裝飾,格仔地磚、圓枱、雪櫃、日曆、熱水壺、雞毛掃、碗筷、霓虹燈等,令人置身舊式屋邨中,加上經典廣東歌,很有感覺。

走懷舊風的火鍋店不下一家,以整體裝潢、食物水準,十下做得出色。

suppa_02.JPG

suppa_04.JPG

suppa_05.JPG

suppa_06.JPG

火鍋配料單點價格稍高,相信有一部分人會選擇點套餐。套餐分兩款,包括鍋底、十款配料、飲品,定價每位$288/368,可加錢升級汽水以外飲品。

前者可配一般邊爐湯底,例如蕃茄魚湯、麻辣鍋、胡椒豬肚等;$368套餐可選湯底為較貴價款式,例如花膠魚肚湯、卜卜蜆湯、椰子雞、龍蝦鮑魚海鮮鍋(+$60)。

兩個套餐中的十款配料分別不大,選擇哪一款就視乎湯底。消費跟一般火鍋店差不多,火鍋配料很有本地風味,份量很足

suppa_07.JPG

suppa_08.JPG

醬油

suppa_09.JPG

十下2人精選套餐 $368/位

suppa_10.JPG

湯底:龍蝦鮑魚海鮮鍋 +$60

湯底豐富裡面有龍蝦、貴妃蚌、象拔蚌、翡翠螺、鮑魚、帶子粒、魷魚筒、大蜆,大部分為人頭份量,大蜆接近十幾隻,所以鐘意食海鮮不妨升級。

suppa_11.JPG

suppa_12.JPG

湯底除了海鮮,還加有蕃茄肉,不會太鹹。海鮮整體不俗,雖然不至於生猛,但以60元升級一定抵食

suppa_13.JPG

suppa_14.JPG

suppa_15.JPG

大刀手切本地牛肉

手切牛厚切、大塊,新鮮牛肉牛味濃郁,口感腍身不過注意時間,比較容易韌。

suppa_16.JPG

suppa_17.JPG

牛白胸膀油

牛胸油既不油膩,入口爽身,淥一淥即可。

suppa_22.JPG

三寶滑

見到廚房手打情況,三款分別為辣椒馬蹄牛筋滑、鮮打鹹蛋黃蝦滑、臘腸鯪魚滑,加上蟹籽點綴。賣相美之餘配搭有心思、新鮮感

三寶滑撻得夠,已起膠,牛筋滑有微微香辣味,馬蹄爽口;作為鹹蛋控就好喜歡粒粒鹹蛋黃蝦滑;鯪魚滑入口軟綿,加入臘腸,沒有粉感。

suppa_18.JPG

果皮魚蛋

配合懷舊主題,果皮魚蛋不能少。

suppa_23.JPG

漿爆瀨尿牛丸、流心粟米丸

瀨尿牛丸裡面用上瀨尿蝦肉餡,牛丸有彈性,名副其實會爆汁

suppa_19.JPG

脆炸響鈴、爽滑鴨血、蔬菜拼盤、寬冬粉

最後有蔬菜及一般火鍋配料,非常飽肚。

suppa_20.JPG

suppa_21.JPG

suppa_24.JPG

suppa_25.JPG

套餐包括每位一罐汽水,可以兩罐汽水並$10升級其他飲品,例如冬瓜茶、酸梅湯、甘蔗汁、洛神花茶等。

suppa_26.JPG


十下

地址:銅鑼灣登龍街28號永光中心2樓


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

ATUM Desserant

用餐日期:2018/04/05

一直都知道呢間餐廳很有名氣,大時大節、男女朋友生日,總會聽身邊朋友推薦,其中「席前甜品」為餐廳招牌,以創新藝術角度帶給客人新鮮感,甜品既呃like亦有相當水準。

甜品店位於16樓,裝潢簡約,帶點格調,景觀開揚,日頭採光一流,晚上配合夜景更有氣氛。店內有幾張梳化位,另外大範圍一張圓形吧枱,方便甜品師在客人面前即席「作畫」。

atum_01.JPG

atum_02.JPG

工作枱整潔衛生,枱底設掛鈎可放置個人物品。餐廳人氣不一般,正值公眾假期,我地都一早訂位,以免撲空,亦見到致電預約電話響過不停。

IMG_1858.JPG

IMG_1860.JPG

餐牌供應"improvisation",正是店家的招牌席前甜品,定價$348/2位;$522/3位。此外亦有其他藝術感滿滿的甜品。

飲品有茶、咖啡、果汁等,每位客人最低消費一款甜品。點餐後,店員好快送上歡迎飲品,士多啤梨汁味道清新,酸甜開胃

atum_03.JPG

席前甜品 $348/2位 

甜品師先鋪上膠墊,然後會問客人有沒有特別字句需要寫上,既然我們來慶祝生日,寫上happy birthday最適合不過

atum_04.JPG

atum_05.JPG

整福畫用上多種材料,包括幾款果醬,芒果、芋頭、椰子、紅莓;再配以果凍、果乾、忌廉、脆米作畫,可以想像得到口感會好豐富

atum_07.JPG

atum_08.JPG

抹茶麻糬、柑桔果凍、哈蜜瓜奶凍、梨子奶凍,樣樣都屬味道鮮明的配料,有清新、有較甜的。朱古力慕絲、烘乾70%朱古力片味道濃郁

atum_09.JPG

atum_15.JPG

脆脆是男朋友最愛。

atum_16.JPG

甜品師技巧純熟,手到拿來。一路畫畫外,亦一邊介紹食材,跟客人之間的互動是一般甜品店鮮有。

atum_10.JPG

然後再加入重頭戲  - 液態氮製作的分子雪糕。

atum_11.JPG

atum_12.JPG

椰子菠蘿分子雪糕清新鮮甜,而竹炭朱古力味亦很香濃。

atum_13.JPG

atum_14.JPG

做起大致圖畫後,甜品師亦都好「識做」,先為我們拍照。還為我加上蠟燭,十分細心

c.jpg

整份甜品既滿足眼球,味道亦相當不俗,加上煙霧瀰漫效果,我終於明白為何ATUM一直人氣高企。

Mocha 

atum_18.JPG

Chocolate 70%

atum_17.JPG


ATUM Desserant

地址:銅鑼灣駱克道459-461號The L. Square 16樓


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog:http://http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

和牛88 

用餐日期:2018/01/15

去到日本其中一樣必食嘅相信係和牛吧,來自沖繩嘅Steak House 88進駐香港,取名「和牛88」座落銅鑼灣登龍街,客人可以合理價格品嚐到不同部位嘅牛肉。

而且餐廳營業至凌晨,更加推出宵夜和牛套餐,成為不少人嘅深宵食堂

wagyu88_02.JPG

餐廳位於永光中心,裝潢富日式風味,座位不少,有吧枱、梳化、卡座、另有傳統和式包廂,環境舒適。平日嘅宵夜時間,人流唔算多。

店員可以更自在跟客人交流,感覺佢地對餐廳、日本都有相當豐富嘅認識,招呼亦很到位。

wagyu88_03.JPG

餐牌供應黑毛和牛刺身、和牛壽司、不同部位嘅和牛,有招牌火焰牛扒、牛柳、西冷、肉眼、和牛粒、漢堡扒等。

另有沙律、小食、前菜、鍋物、飯麵、甜品,迎合香港人需要,唔怕只有牛食咁單調。

至於宵夜套餐,每晚十點半至凌晨一點供應,有和牛牛柳、蓋飯、和牛漢堡等,定價$148-388,附沙律、餐湯、白飯/法包。

我地點左兩份宵夜,然後再追加正餐牌嘅薄燒和牛、幾件壽司,非常滿足

wagyu88_04.JPG

沙律、餐湯

wagyu88_05.JPG

wagyu88_06.JPG

燒和牛 $32、和牛大拖羅 $45、和牛鵝肝 $58 

和牛壽司有不同配搭,燒和牛、赤身、配海膽、配三文魚籽等,定價$32-68,有選擇困難嘅大可點廚師精選五款壽司拼盤

燒和牛呈淡粉紅色,脂肪較少,紋理分明,面頭嘅生洋蔥粒令一口燒和牛口感味道提升。和牛大拖羅係同行朋友之選,果然好似拖羅一樣入口即溶嫩腍冇筋,但牛嘅味道唔重。

wagyu88_07.JPG

wagyu88_08.JPG

和牛鵝肝上枱傳來香氣,鵝肝燒至微焦,慢慢喺口腔溶化味道濃而不膩,和牛都幾乎淪為配角。

IMG_6442.JPG

薄燒和牛壽司 $68

呢款相信係其中一款幾乎每枱客人都會點嘅和牛壽司,上枱後店員都先問我地需唔需拍照,我地準備好手機佢就以酒燒香和牛,肉質薄身,輕輕一燒已經食得。

wagyu88_09.JPG

wagyu88_10.JPG

除左視覺效果滿分,味道都係一流,炙燒過後,和牛油份逼出,油香十足,沾點附上嘅蔥花、蒜,更加香口

wagyu88_011.JPG

wagyu88_012.JPG

和牛牛柳 $388/200g (宵夜餐牌)

和牛牛柳以鐵板上,落單時店員會問到需要幾成熟,我地點左五成,賣相吸引,一份約切成十件,表面燒至金黃,肉質保持嫩紅,熟成度剛好。

wagyu88_13.JPG

由於會有鐵板餘溫,最佳味道、口感應該選擇三成熟會更好,不過同行朋友怕太生。食前可以加入大蒜汁,唔需要加多調味。

牛柳肉質嫩腍,外脆內軟,口感帶點嚼勁,脂肪均勻,唔會有油膩感。伴菜有薯仔、栗米、豆角,以洋蔥墊底,浸入牛柳嘅肉汁,我地食清光。

wagyu88_14.JPG

燒和牛蓋飯 $188 (宵夜餐牌)

和牛肉鋪滿碗中,香氣十足,配上白飯、雞蛋、沙律醬,食之前輕輕拮穿雞蛋,蛋漿流出,我地輕輕搞勻再食。

wagyu88_15.JPG

牛肉煎到嫩紅色,唔會太熟,肪肪唔多,口感柔軟,加入蛋漿,更加濕潤滑溜。

wagyu88_16.JPG

Like 店家facebook送嘅飲品:

wagyu88_17.JPG


和牛88

地址:銅鑼灣登龍街28號永光中心13樓


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

Pizza Maru

用餐日期:2017/11/30

位於銅鑼灣希慎廣場嘅Pizza Maru原來係韓國品牌啊,早幾年喺韓風好流行時已經開過黎香港,主要原材料都會由韓國進口,保持正宗嘅味道。

以健康為概念,佢地嘅麵團配方居然有專利啊薄餅有綠茶成份之餘,仲加入左亞麻籽、小球藻、大麥第健康殼物,製成嘅薄餅甚有特色。

IMG_7595.JPG

IMG_7594.JPG

餐廳裝潢簡約,韓式快餐風格,枱與枱間空間不多,一路聽住kpop。平日晚上,客人都非常多,基本上我地離開時都仲等緊位,客人以年輕人為主 

IMG_3018.JPG

IMG_3019.JPG

IMG_3020.JPG

餐牌供應多款薄餅,有牛肉、蒜香雞、泡菜、薯角等接近十款,分為9寸、12寸,更具彈性,即使人少少都唔怕食唔哂,定價$117/168。

鐘意食芝士嘅不能錯過,佢地有三款手工批邊可升級,包括金芝邊、摩卡邊、雙芝邊。

另外仲有芝加哥薄餅、黑米長批、炸雞、意粉、炒飯、拌飯、沙律、扒類、炸物小食、炒年糕、湯等,價錢唔算話好貴,難怪平日都人流不斷。

IMG_2630.JPG

韓式海陸 9" $133 (+$24雙芝邊)

呢個韓式海陸裡面有鮮蝦、牛肉、薯角、蘑菇、青椒、洋蔥,配料都幾多,而且我地仲加左雙芝邊,類似芝心批嘅意思。

薄餅以香辣醬、酸忌廉醬、馬蘇里拉芝士調味,非常惹味。呢度嘅薄餅有少少似麵包,餅底較軟腍,麵粉感唔重。

IMG_2640.JPG

每小件薄餅都有一隻蝦、牛肉,蝦仁彈牙;牛肉類似韓式做法,煎過,唔會太肥膩,但又有少少油份,所以成份薄餅食落都唔會乾 加上其他大量配料,口感豐富。

如果鐘意脆底嘅人未必會鐘意,但我地兩個都幾鐘意,而且完全唔覺得飽滯。加錢配嘅雙芝邊令口感提升,芝味都幾濃

IMG_2641.JPG

IMG_2643.JPG

韓國烤肉芝加哥 $176

薄餅上枱時已經切好哂,材料用處馬蘇拉芝士、芝士條、牛小排、臘肉腸、蕃茄、巴馬臣芝士、糖霜等製成,非常豐富。

薄餅嘅芝士香濃,拉絲效果出眾。自己都曾經喺尖沙咀食過類似嘅薄餅,相對之下,呢份嘅芝味更突出。

IMG_3039.JPG

IMG_3045.JPG

薄餅外層好香脆,而可能加左啲糖霜嘅關係,食落帶點甜,粉感唔重,不膩口。

每件薄餅有一塊烤牛小排同幾片臘肉腸,烤牛肉都幾香口,切成條狀,如果每份再多少少性價比會高啲整體呢份薄餅係非常好食,香口惹味。

IMG_3044.JPG

蜂蜜牛油秘製炸雞 $98/6件 ($183/12件) 

原味炸雞 $98/6件

炸雞份量彈性,好似我地咁人少,怕食唔哂可以選半份,個人最欣賞呢種做法,因為太多韓國餐廳嘅炸雞只有全隻,一食就十幾件,唔太適合人少食用。

半份六件啱啱好,雞脾、雞胸、雞翼都有。炸雞款式多,有蒜香甜辣、原味、火辣、蜂蜜牛油、洋蔥、芝士、蜂蜜蒜泥、紫蘇等。

IMG_2636.JPG

IMG_2638.JPG

比起醬炸雞,我比較鐘意呢種乾身嘅炸雞,雖然睇個樣有啲似快餐店雞,外皮炸到脆卜卜,完全唔會油膩,新鮮熱辣 雞脾肉嫩滑,保留雞嘅油份,食落唔乾唔鞋。

雞胸肉相對較大件,同埋口感冇咁滑。蜂蜜牛油味幾香口,主要係調味粉,唔會有好飽滯嘅感覺。至於原味相對之下,當然較為失色

(個人口味,都係比較欣賞Goobne chicken嘅烤雞!)

IMG_3024.JPG

火焰海鮮湯意粉 $96

揀呢個因為我地都比較鐘意啲香辣野,剛好見到有辣湯意粉,即管一試。湯底唔算好辣,容易入口,質地帶稠身,會比較容易掛汁。

意粉腍身,加上有啲蕃茄,酸酸辣辣,幾惹味海鮮就唔多,有四隻青口、少量魷魚圈。

青口不錯,雖然細細隻,但質地軟腍,唔會有雪藏青口硬到不行嘅感覺。魷魚圈則略嫌太幼身,煮得有點耐,比較乾韌

IMG_2632.JPG

IMG_2635.JPG

辣味魷魚烤蛋拌飯 $98

旁邊圍住有烤蛋,唔係好厚身,加左燈籠椒同辣醬去炒,食落香香辣辣,裡面仲有魷魚、椰菜、紫菜,份量唔算好多,不過簡單美味

IMG_3032.JPG

IMG_3035.JPG

Maru紫蘇炸魷魚圈 $73

魷魚圈係當中比較失望的,約有十件,中間一坨沙律菜。食落感覺唔係即時炸起,炸漿厚身,口感偏硬實,而非香脆。魷魚都係比較硬實,冇乜彈牙感覺

IMG_2634.JPG

Pizza Maru嘅薄餅相當出色,我地就食厭左連鎖餐廳嘅薄餅,事隔一段時間,先重拾對薄餅嘅興趣。而且款式夠多,唔怕冇選擇啊。


Pizza Maru

地址:銅鑼灣軒尼詩道500號希慎廣場13樓1302舖


檢視較大的地圖


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

丸作食茶

用餐日期:2017/11/25,  12/10

下月中去台灣,本來而家想少飲台式野,準備去到大飲特飲月尾行過,見到【丸作食茶】,原來準備開業,幾有興趣,諗住之後黎!新開張仲有9折,飲料控即試!

38076434365_cd9aeca174_o.jpg

來自台灣嘅人氣茶店(?),第一店選址銅鑼灣,裝潢參照台灣店,從玻璃房可以見到店員,即場製作珍珠,透明度高

38626917202_812b9e5f9a_o.jpg

38659060141_3603eaa289_o.jpg

店內分排隊買飛同取飲品兩條隊,剛開張,等候時間唔長,遲下有人報導的話,就唔敢講了(笑)  

38659058951_07e177cfd4_o.jpg

餐牌供應原茶、拿鐵、奶茶、抹茶、黑芝麻等特飲,定價$14-28,可加配手作奶蓋、珍珠(5款),定價$5-6。較特別有竹炭、黑芝麻同仙人掌口味,冰、糖度可自選。 

38626916802_bd83790954_o.jpg

38626916212_4f8a39d0a0_o.jpg

 

手燒焦糖奶茶 加焦糖珍珠 $23 (9折 原價$26)

甜度固定,個人認為都唔會過甜,可以接受。焦糖味突出,幾香,奶茶夠順滑。

焦糖珍珠橙黃色,唔會太甜,味道自然,幾啱我地口味。口感煙韌帶黏,又有嚼勁,似噍緊軟身嘅橡皮糖

珍珠份量大方,不過建議少冰,否則會卡住珍珠。 

如果影相效果突出,一定係揀黑洞拿鐵,黑白配,型。(事後見過網上評語卻話味道一般,哈哈)

38626914262_e1bfd2f19f_o.jpg

宇治抹茶拿鐵 加仙人掌珍珠 $28 (9折 原價$31)

有第一杯嘅經驗,今次點左微冰,珍珠唔會俾啲冰卡住,又怕太甜,所以點左微糖。

但唔知同奶量有冇關係,我呢杯抹茶拿鐵嘅鮮奶層好少,其他人嘅奶層有接近一半。

抹茶味道有,帶微微茶澀,不過茶粉融合得不太好,入口唔夠順滑。可能因為奶層少,跟抹茶混合後幾乎冇一絲奶味

至於仙人掌珍珠,呈紅紅地色,透透地明,份量大方,比第一杯試嘅焦糖珍珠淡得多,要好認真噍先有少少酸味,口感煙韌帶黏,又有嚼勁,會再試埋其他口味嘅珍珠。

38626912882_85083814a9_o.jpg
二訪係因為上次買兩杯飲品有抽獎機會,抽中左【買一送一】優惠券,於是再黎試試其他款式。

其實佢地當日都做緊【買一送一】優惠,不過我去到時100杯限額已售完。條隊排左廿分鐘,等飲品唔洗十分鐘,涼涼地我特別好耐性,又唔覺得話等左好耐

琥珀鐵觀音+奶蓋+黑芝麻珍珠、白玉珍珠 $27

因為茶底只需14蚊,加左3樣野都係27蚊,上次拿鐵不討我歡心,加上個人鐘意茶飲,於是揀左鐵觀音底,可惜呢度嘅茶香一般

始終沖定哂,同用單個茶包沖泡,有一定嘅分別。

奶蓋並冇好似而家流行嘅茶店咁,做出可以傾斜飲嘅杯子,取飲品時問過店員,佢地話原本係冇奶蓋的, 只係見香港人幾鐘意而加入,所以並冇特製杯子。

其實大可以好似KOI咁,喺杯邊界開。不過講咁多野,我都唔建議試奶蓋

奶蓋唔厚亦都唔算稠,奶香一般,反而係非常之鹹,太鹹sick(去到底完全唔想飲,搞到我淨番啲珍珠都冇食哂) 

因為上次試唔到黑芝麻珍珠,今次決定一黑一白,混搭白玉珍珠。

黑芝麻珍珠味道超濃郁,好似食緊芝麻糊,甜度適中。但比較霸道,基本上我全杯野只係飲到黑芝麻味 (但我幾鐘意的)。

至於白玉珍珠,甜甜地冇啥特別。珍珠口感係我鐘意的,煙韌有咬口

25090996288_4f81469ef4_o.jpg

香港愈開愈多茶飲店,但要搵一家有質素嘅都唔易。 


 丸作食茶

地址: 銅鑼灣禮頓道138號希雲大廈地舖


檢視較大的地圖


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

1 2