再窮都要去旅行！

The ALP @ Lounge Hakuba

銅鑼灣的Lounge Hakuba和THE ALP以酒吧與咖啡店的形式營業中，店內空間寬闊，室內營造木製酒吧小屋的感覺；室外設草地、太陽傘等設計帶出露營、悠閒風格。

日頭供應三文治、炒麵、烏冬等居酒屋食物，除了咖啡，你亦都可以點特調飲料chill chill，是近期另一間環境優勝的cafe

The ALP位於謝斐道，餐廳佔地廣，連同室外位置過千呎，高樓底設計更顯空間感。

室內是咖啡店X酒吧風格，以淺啡色為主調，小木屋造型加上聖誕裝飾，很有節日氣氛，就算無法去旅行，都有種置身外地咖啡店的感覺

戶外有草地，一樣闊落，不過人流頗多，所以未有特地拍照，免得他人入鏡。

店內的座椅舒適，更貼心設有充電位置。當日所見，都有不少客人帶同電腦工作中。

主食方面，The ALP供應三文治、炒麵、烏冬等日式居酒居風味食物，另有酸種包及少量pastries。

星期一至五早上、下午茶時段會有coffee combo優惠，客人可以$55購買一杯咖啡及pastry。

Flat White/Banana Bread $55

 Matcha Latte/Danish $55

下午茶combo價格比很多咖啡店實惠貼地，質素則普普通通。丹麥酥稍為加熱可能會更易入口，否則口感略比較乾也不酥

香蕉蛋糕還可以，甜度不高，未知其他主食水準如何。

咖啡表現未有留下深刻印象。另外亦不推薦抹茶拿鐵，入口淡而苦澀。

如果你想找一間咖啡店，面積較大，可以消磨時間，甚至工作，The ALP或者是一個選擇。

The ALP @Lounge Hakuba

地址：銅鑼灣謝斐道535號Tower 535 地鋪302號舖

the.coffeeology

上個月依然有幾間新的咖啡店開業，其中有位銅鑼灣的the.coffeeology，工業風的裝潢在內街尤為亮眼。小店一間，餐點有限，但咖啡、甜點都頗有水準，值得試試。

之前光顧「為食龍」的時候，都未有留意原來耀華街有幾間咖啡店，the.coffeeology正在對面。工業風是不少咖啡店採用的風格，水泥色搭配白色簡約同時帶種專業感覺。

店內空間不多，滿座的話大概容納十數人；工作枱闊落，磚牆很有設計感。

餐點選擇受空間所限並不多，據講會每月更新。除了全日早餐，有意粉、蛋糕等，定價$50-98。非咖啡類的選項有抹茶拿鐵及朱古力。

已經吃過早餐，就淺嚐咖啡及甜點吧。

Earl Grey Cheesecake $50

芝士蛋糕另有抹茶味，不過當日售罄，所以點了伯爵茶芝士蛋糕。蛋糕以長方形焗盤焗成，質地做得不錯，軟滑綿密，不會過於死實，是我喜歡的口感

吃起來帶清新花香的伯爵茶味和芝士味不相伯仲，期待再訪時可以試試其他口味

Lemon Madeleine $55/3

瑪德蓮也很好吃，口感乾爽蓬鬆，裡頭有少量檸檬皮顆粒感，味道清新！灑在上面的糖霜剛好可平衡酸度，小孩口味的我表示喜歡

Matcha Latte $52

抹茶茶味濃苦，沒有甘味，勝在甜度極低，而且茶粉融合得好，不會結塊。

White $42

咖啡店提供兩款豆子由客人自選，frutiy/nutty中個人偏好後者，豆子來自indonesia/mexico/thailand，風味比一般奶啡濃郁

疫情持續，我們由無飯夫婦變成每日在家煮飯，有喜歡的餐廳都只能夠暫時「收藏」起來，嘆杯啡都幾得奢侈。希望疫情盡快完結，大家可以脫下口罩回到日常。

the.coffeeology

地址：銅鑼灣耀華街12號地舖

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

肥後屋

幾個月前來過肥後屋，這邊平日日頭只供應定食，晚市以預約制形式的居酒屋經營。這次因為他們安排5月的其中一天捐出收入，破例午市都可以吃到串燒、燒物，好開心

午市全場爆滿，不同年齡層的人都有，也都有朋友是一個人前來支持。

餐牌選擇不少：沙律、前菜、牛豬雞串燒、蔬菜類，還有年糕、飯糰、烏冬、蕎麥麵等主食。(平時可以預訂海鮮呢～)

價錢見仁見智，我們這次消費人均約$180 (個人認為很公道啊。)

雞皮 $28

紫蘇雞肉 $30

豬肉蘆筍卷 $32

黃芥末籽五花腩 $34

午餐的關係，沒有太多quota，點了幾串試試。串燒即點即燒，食物全部都新鮮熱辣

尤其喜歡五花腩！肥就一定的啦，爽口不膩，很好吃

豬肉卷可配蘆筍/秋葵/大蔥/酸薑，調味不會太重手，不是一味孜然辣粉，仍然吃得到肉的原味。

牛仔骨 $40

燒原條茄子 $48

牛仔骨稍為燶了一點，已經切開方便食用。

日式燒茄子起肉，軟腍多汁，配上鰹魚碎，真的不錯吃'

燒明太子飯糰 $30

牛油蔥飯 $32

冷蕎麥麵 $36

點了三款主食，很滿意呢尤其是想吃很久的牛油蔥飯，材料很簡單，但放在一起居然這麼好吃，沒有一點臭蔥味 (我本身不是蔥控)

燒香蕉朱古力 $38

Rooftop Cafe by Momentum

兩年前曾經在中環落腳的momentum coffee上個月頭重新開業，細看咖啡店的地址，位於銅鑼灣渣甸街，現址是Rerere1001日式串燒，原來是兩間店的合作企劃。

日頭是咖啡店，供應全日早餐、小食、貝果、意粉；晚餐依然是串燒居酒屋。餐廳在大廈頂樓，設室外露天位置，天氣好的話坐在戶外吸吸新鮮空氣，總算讓人暫時放下煩惱

Rooftop Cafe by MMT位於銅鑼灣Aura on Pennington，大廈的食肆頗多，餐廳位於22樓，下午5時前會作為咖啡店的空間，十分闊落。

店內裝潢簡單，以2-4人桌為主，用上深木色桌椅，以日式布簾、手寫黑板字增添居酒居風格。

限聚令下，枱與枱間有屏風相隔。到訪當日雖然是平日下午茶，都有約四至五組客人。

大玻璃窗採光度高，望出去遠眺大球場，天氣稍涼的話，坐在戶外，份外舒適。

餐點選擇不多，全日早餐兩款，一款是素食；另有意粉、酸種麵包、貝果、牛角包等輕食，價格稍高。

平日點選主食附一杯$38或以下的飲料，主要是咖啡；其他飲品例如拿鐵、茶、特飲可補差價。

BLT Bagel $98

咖啡店的貝果選用小店Blendit的出品，除了煙肉，亦可選配煙三文魚、牛油果炒蛋，甚至簡單一些，只配忌廉芝士也可。

我們點的是煙肉的版本，賣相相對會砌成花朵、份量大器的煙三文魚略為失色。

貝果是我一向有光顧的，偏紐約式的貝果，嚼勁比較強，塗上忌廉芝士仍不失麵粉香氣。

煙肉、沙律菜及車厘茄的組合並無大驚喜，整體中規中矩

Mentaiko with crab meat pasta $128

三款意粉只賣剩明太子蟹肉忌廉意粉，都即管試試。意粉賣相不俗，可以見到每條都均勻沾上明太子醬，而且面頭有溫泉蛋及蟹籽。

意粉粗身，口感不會太腍，明太子忌廉調味算適中，吃起來沒有很膩；溫泉蛋滑嫩，伴上蟹籽使整體口感更豐富

不過蟹肉的部份未知是太少抑或太細碎，吃不太出來。

French Fries $68

小食有薯條及單骨雞翼，點了一份薯條，即炸香脆，美中不足是只有現成的沙律醬。

Flat White/Combo

平日點選主食附咖啡，咖啡水準不俗香濃對胃，只是奶泡消得有點快。

Hojicha Latte +$4

補差價配了一杯焙茶拿鐵，焙茶完全溶合，沒有粉感，入口順滑，甜度可接受，我挺喜歡的

餐廳的環境舒適，要聊天、消磨時間的話是個不錯的選擇；餐點的味道中規中矩，還有進步的空間。 

在香港要經營一間餐廳非常不容易，要面對最大的壓力，或者是來自高昂、難以負擔的租金，希望大家都能夠撐住，捱過艱難的時刻

Rooftop Cafe by MMT

地址：銅鑼灣渣甸街66號亨環22樓 (Rerere1001日式串燒內)

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

肥後屋

肥後屋是一間低調的餐廳，門面、招牌並不顯眼，日頭供應數款定食，晚市變為主打燒海鮮、串燒、燒物的居酒屋，採取預約形式，方便備料。

午市定食有葷有素，味道家常，餐牌不時轉換，提高新鮮感，價格合理，而且學生設優惠價，是一間良心小店

肥後屋位於銅鑼灣信德街，店面被遮蓋，亦無亮眼的招牌，只是簡單貼上當日的午市餐牌。

輕輕推門，店員好快上前招待。平日的午市，人流不多，加上肺炎肆虐，店員在安排座位上都故意疏落一點，並且會在入座後，提供酒精搓手液，方便客人在脫掉口罩後消毒。

全店座位約二十多個，木桌椅增添居酒屋風味。牆上貼著一些社會運動相關的照片，是八位攝影師為了籌集攝影集經費，於小店寄賣的明信片

當日供應4款定食，分別有明太子奶油雞肉、露筍炒牛肉、鯖魚味噌煮及蕃茄炒山藥，三葷一素。

定食附湯品、前菜、沙律、飯，定價$85，可加錢配咖啡、雪糕等。定食價格合理，設學生及醫護優惠。

明太子奶油雞肉定食 $85

定食以木盤呈上，這樣的擺盤至少讓我感覺自己過得不「頹」，哈哈

湯夠熱、沙律新鮮開胃，主菜明太子奶油雞比想像中清淡，醬汁稍稀，入口順滑，有均勻沾上每一件雞，雞肉感覺有輕煎過，不柴，味道算是不錯。

露筍炒牛肉定食 $85

露筍牛肉相對奶油雞肉重口味，肉汁入味鹹香，送飯剛好，而且牛肉份量不少，比較可惜是部份牛肉炒得略老，影響了口感

白飯加有飯素，特別香口，下單時店員會問及是否需要「多飯」，男生如果怕不夠飽，可以說一聲。

晚市居酒屋形式的燒海鮮、串燒等，招牌牛油蔥飯更加讓我雙眼發光，感覺都很吸引，有機會再訪！提提你，晚市要預約啊。

肥後屋

地址：銅鑼灣信德街9至11號百威商業大廈地下2-3號舖

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

咖啡是很多人的日常，不過近幾個月來飲食都有多一重意義，可能不再去一些以往經常光顧的咖啡店，更加認真去發掘一些良心店。銅鑼灣有家Artista Perfetto，可說是從台北回流香港的。

店主好多年前在台灣文創園區開店，以咖啡拉花聞名；香港店選址霎西街一個有點不太起眼的角落，但有麝自然香，假日特別多人。店內還有售自家烘焙的豆子，有機會可以試試看

Artista Perfetto位於霎西街，街道寧靜，沒有鬧市人擠人的景象。黑白色為主調的門面，沒有多餘裝飾，風格簡約。

店面有點小，吧枱開放式，另有幾個靠牆的座位，空間不多；人多的日子，客人都不介意站著喝咖啡，或者直接坐在門外。

吧枱可以讓你看著咖啡師沖咖啡，有空的話更可以聊聊，繁忙卻不失熱情都是小店的特色。

Artista Perfetto是一家以咖啡為主的店，除了一般意式咖啡、手沖，還有供應中式食物。

跟大部份咖啡不一樣，這裡供應的是蛋黃酥、老婆餅之類，十分有趣。據店員說，是專程找師傅製作的，想不到咖啡跟中式糕點都配合很不錯

White $38

Mocha $45

簡單點了一杯White，歇一歇。友人的是Mocha，他們家的摩卡不錯，偏重咖啡味一點，奶泡細滑，面頭加有一點點可可粉，甜度很低，對胃

紅豆老婆餅 $20

紅豆老婆餅口感扎實，內餡的紅豆略甜，吃一口餅、喝一口咖啡，剛好。

良心小店自然多人幫襯，假日人流較旺，期待平日再來訪，試試其他咖啡，重新感受香港的寧靜。

Artista Perfetto

地址：銅鑼灣霎西街3A號地下2號舖

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

BASAO tea

半年前到訪過灣仔BASAO tea，很喜歡這家店，極簡裝潢、環境幽靜，非常舒適。最近在銅鑼灣開設分店，鋪面更大，假日中午人流不多，確實是鬧市中的綠洲，相對更推薦新店呢。

貫徹原店風格，全白、暖木色為主調，植物裝飾。座位較灣仔店多，坐得鬆動

開放式吧枱令全店看起來更闊落，望向街外的大玻璃窗位置打卡一流。

凍櫃擺放多款甜點，包括有茶味卷蛋、蛋糕、撻，定價$42-55。

除了多款來自中國、台灣的原茶，還有日本抹茶、焙茶，價格稍高。另外，銅鑼灣店亦供應少量輕食。

點選兩款甜點、一杯熱茶及焙茶牛奶。

豆腐慕絲抹茶蛋糕 $55

全白外表的蛋糕，好像一磚方形豆腐，上枱前再灑上抹茶粉豆腐慕絲質地濕潤軟身，豆乳味突出，稍為甜了一點。夾層是抹茶蛋糕，預期內不算很濃。

豆腐蛋糕比較少見，加入抹茶元素，輕易成為最吸引的一件，難怪很多人喜歡

大紅袍黑糖麻糬蛋糕卷 $52

蛋糕卷厚身，茶味甘香，未到濃郁，面頭跟夾層的茶葉有點脆口。蛋卷質地濕潤不乾硬、帶點彈性。

忌廉量不多，藏身忌廉中的兩件麻糬，挺煙韌，有黑糖自然甜味，只是兩件有點少呢。

白芽奇蘭 $70

苦惱喝哪一款茶之際，店員推薦這款「秋天的茶」，香氣持久，茶味甘甜，餘韻長，早上來一杯，提一提神。

焙茶牛奶 $50

焙茶牛奶拉花完整，茶香順滑，個人認為他們家的抹茶記憶點更高，值得試試。

BASAO tea

地址：銅鑼灣白沙道16號地舖

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

Coffever 咖啡熱

最近試過覺得性價比十分高的餐廳之一，有位於銅鑼灣的「咖啡熱」，以樓上店而言，位置算便利，平日午市及假日早午餐價格相宜，所以很受歡迎。

當中的慢煮安格斯腹肉牛扒很有水準，肉味濃郁，值得試試

Coffever是一間上樓咖啡店，位於富明街，鄰近利舞臺廣場，並不難找。餐廳採用會員制形式，入座需要留低名字及電話號碼頭四位數字作記錄。

餐廳面積不算很大，座位有限，加上最近比較多人去支持他們，所以還是建議先訂位，幸好我們到訪時間尚早

餐廳裝潢簡約，以水泥牆身配搭木、白色桌椅，牆上貼有不少標語、每枱擺放乾燥花裝飾。

最舒適應該是幾個可以望向街外的大玻璃窗位置，餐廳位處低層，望著繁忙的街道，顯得自己格外悠閒，我們都需要一個可以稍作喘息的空間

旁邊是一幅好可愛的壁畫

週末早午餐由開店供應至晚上6時，共六款包括全日早餐、三文治、意粉、沙律等，定價$78-138，附西式餐湯。

亦可以半價追加飲品及以$20加配自家製蛋糕 (當日有朱古力布朗尼及伯爵茶奶凍)。

慢煮雞胸配蒜香忌廉扁意粉 $78

以木盤呈上，份量十分足。是日西式餐湯為西蘭花湯，裡面並無添加太多忌廉，質地不會很稠，吃食材原味。

雞胸慢煮，基本上可以放心，不會乾柴，而且吃起來串燒那種孜然香氣

以菇菌墊底，而且我挺喜歡扁意粉質地不會過份creamy或油膩，帶點蒜味，不錯吃，重點是不貴啊

慢煮安格斯腹肉牛扒三文治 $118/6oz

當然我更推薦三文治，以這個價錢，實在好難找到這種質素的食物吧。腹肉牛扒絕不欺場，切成約20小件，慢煮至軟腍，不會攝牙逢，重點是肉味明顯

 麵包薄脆，以焦糖洋蔥、生菜平衡肉感，一口麵包一口肉，太幸福了！

Cafe Latte +$19

早上來一杯凍咖啡，提提神。

伯爵茶奶凍 +$20

奶凍都很有誠意呢，茶味重，還配一球雪糕。

離開前看到旁邊的客人點了全日早餐，很豐富呢。總之，Coffever是最近一家很推薦的餐廳，有時間去支持一下他們吧。

Coffever

地址：銅鑼灣富明街2-6號寶明大廈3樓C室

營業時間：星期二至五 上午11時30分 - 晚上9時30分；星期六、日 上午11時30分 - 晚上10時 (星期一休息)

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

鮮芋仙

經常到台灣或者深圳的朋友，對鮮芋仙一定不會陌生了，其實品牌於全球有接近800間店，分佈台灣、日本、澳洲、中國各地，「千呼萬喚」首間旗艦店終於開到香港。

選址銅鑼灣V-Point，食材大部份由台灣供應，每日現煮現賣，原汁原味，其芋圓、仙草、豆花等均為招牌。相信還有不少人未試過鮮芋仙的出品，未知會否引來一陣熱潮呢

鮮芋仙位於登龍街，鋪面不算很大，裝潢用色以木色為主，跟品牌的其他分店設計無異。

餐牌跟台灣大致相同，分芋圓、仙草、豆花、茶飲、點心五大系列。同時針對香港市場，點心系列口味更多元化，而且會按時令推出限定款式，更讓人期待。

甜品系列分芋圓、仙草、豆花、冰品、紅豆湯、紫米粥等，定價比台灣、深圳為高，招牌甜點定價$36-62，部份款式份量頗多，適合三至四人分享

招牌仙草冰沙 $45

鮮芋仙的芋圓、仙草系列共5款，相同號數，配料一樣，只是芋圓系列基底為刨冰，而仙草系列基底為仙草。

配料有紅豆/綠豆/珍珠/花生/芋頭/地瓜/薏仁/湯圓等，一律$45，可以加$3/6額外追加配料。

招牌仙草冰沙有芋圓、仙草凍、仙草冰沙，仙草味道濃郁，帶點清幽，不會死甜，厚薄適中，口感超滑溜，可按個人喜好加入鮮奶油

墊底位仙草冰沙，待冰碎融化一點更清爽好吃。芋圓、地瓜約十多粒，味道還可以，不算很突出，但口感Q彈，有韌性不死實

芋圓4號 $45

到訪鮮芋仙不下十次，還是最喜歡4號，配料有芋頭、紅豆、珍珠搭配招牌芋圓，以刨冰墊底，份量不少。

芋圓口感Q彈實在，珍珠偏硬，紅豆粒粒分明。最值得一讚芋頭粉糯，芋味重，稍為甜了一點。刨冰較粗糙，配上甜度適中的黑糖漿，十分消暑。

豆花2號 $42

喜歡傳統甜品可選豆花系列，2號包含豆花、地瓜、薏仁。

芋薯圓Q麻糬牛奶冰 $52

有齊麻糬、芋薯圓、小芋圓、冬瓜凍及一座刨冰，份量非常多，三人分享都足夠。

綠豆糕麻糬拼盤 $38

仙草冰沙凍奶霜 $35

小芋圓冬瓜茶 $29

小芋圓口感有彈性，冬瓜茶偏甜

據負責人所言，未來會開兩至三間分店，讓人期待呢。

鮮芋仙

地址：銅鑼灣登龍街18號V-Point地下1號鋪

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

老鍋台式火鍋

用餐日期：2019/01/12

一年四季都打邊爐，最近愛上台式火鍋，麻辣鍋、酸菜白肉鍋、鴨血、凍豆腐等使人吃個不停。老鍋台式火鍋在香港頗有名氣，銅鑼灣、尖沙咀都有分店。

主打台式火鍋，鍋底溫和，配料質素高，單點價格稍高，但在網上、手機程式不時有訂枱折扣優惠，相對抵食，可以襯優惠一試呢

銅鑼灣有兩間分店，今次到訪澳門逸園中心店，一早預訂位置，準時入座。餐廳位置不算多，枱與枱間有適量空間，二人枱夠闊落，坐得舒適。

枱邊亦有布藍，客人可以放置個人物品。裝潢方面走中國風，木色枱櫈，以格子木門作分隔，環境過得去。

由於是次使用訂座折扣優惠，店員會先解釋條款，茶芥、海鮮類、飲品並不適用，加一按原價收費。

餐牌選擇頗多，湯底有麻辣鍋、酸菜白肉鍋、美人鍋、養生鍋，定價$158/228，可以雙拼。

配料方面有海鮮、肉類、小食、丸類、餃類、蔬菜等。價格稍高，不過經折扣後人均消費約二百多，可以接受。

茶芥、醬油 $20/位

麻辣鍋拼酸茶白肉鍋 $158

餐牌標示，湯底麻辣度偏低，令食物保持原有鮮味，建議喜歡吃麻辣的，要點大辣。我們點了小辣，果然辣度偏低。

以香料、藥材配製，可見龍眼肉、紅棗等材料。湯頭聞起來有點嗆，完全不麻。慶幸不鹹，可能我比較適合中辣以上。

鍋底配上鴨血、凍豆腐，鴨血為友人推薦，果然出色，滑溜到像啫喱一樣，鮮嫩無比

豆腐軟綿，湯汁滲入，好吃。點選麻辣鍋底追加鴨血及凍豆腐每份只需$30。

至於酸菜白肉鍋以秘製大白菜、豬腩肉製作，湯底還有粟米、蕃茄、冬菇、寬粉條，頗為足料。

腩肉肥瘦雙隔，口感挺爽；粟米值得一讚，漲卜卜又甜；寬粉條份量多，但容易斷開，略為細碎。

我們倆比較喜歡酸一點的，會比較推薦阿里山台式美人鍋的鍋底。

美國特級牛肋肉 $218

牛肉冰底上，兩至三人用足夠。雪花都可以，肉質嫩腍，脂肪不多。

手工丸類拼盤 $108/10粒

拼盤有齊梅菜豬肉丸、墨魚丸、蝦丸、芝士牛肉丸、黃金咸蛋黃豬肉丸五款，價格合理。

丸類整體質素不俗手打大粒，牛肉丸芝味不算濃郁；蝦丸彈牙；墨魚丸不過不失，反而兩款豬肉丸幾特別，梅菜豬肉丸有梅菜味！

自家鮮做鮮蝦雲吞 $48/4粒

雲吞皮薄餡靚，蝦肉明顯，口感爽脆。

台灣A菜 $68

台灣萵荀 $48

留意到幾家台式火鍋的蔬菜類價格較一般港式火鍋高，但吃火鍋總少不了蔬菜，還是點了兩份。萵荀配麻辣鍋，爽而入味。

台灣蒜香腸 $48

去台灣旅遊，肯定會狂吃台灣腸，這份味道對辦，輕輕煎過，帶淡淡蒜香，外皮脆一點更好。

除了茶芥之外，我們點的都有折扣，確實提高了性價比！鍋底質素中規中矩，未算好特別，但配料整體質素不錯，我最喜歡鴨血、雲吞、丸類跟萵荀。

老鍋台式火鍋

地址：銅鑼灣軒尼詩道525號澳門逸園中心3樓

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

鮨和居食屋

用餐日期：2019/01/22

登龍街曾經被拉麵店佔據，同一街的永光中心則有多間日本料理，位於7樓的鮨和去年年底才開業，走中高檔路線，魚生由日本空運直送，保證質素。

除了刺身、壽司等，還供應各款日本料理，擺盤精緻，用料上乘，不輸廚師發辦，尤其一客蓮葉蒸鰻魚飯，很有新鮮感，值得推薦

鮨和位於永光中心，餐廳面積不算很大，約三十餘個座位，加上數個吧枱位置，裝潢清雅，可見師傳製作料理，跟食客互相交流。

雖然開張不久，但已積下來不少回頭客，平日晚上生意不俗。不論情侶約會，抑或朋友聚餐，都很適合。

餐牌選擇多，刺身、壽司、刺身飯、燒物、串燒、一品料理、和牛、飯、烏冬、鍋物等，價格中上。

每日推介會寫於黑板上，例如富山白蝦壽司、魴鮄魚刺身、鮟鱇魚肝、喜之次干燒等。

廚師發辦刺身拼盤 $480

刺身6款，包括拖羅、 鱲魚、鯛魚、赤貝、牡丹蝦、深海池魚，擺盤精美。

魚生新鮮不在話下，亦可見細緻配搭。牡丹蝦大隻甘甜，配上松露提鮮。赤貝爽脆、拖羅肥美

鮑魚磯煮 $150

鮑魚爽脆，加上膽汁帶出鮮味。

鮟鱇魚肝 $128

提到時令，少不了鮟鱇魚魚肝這種矜貴食材，肥美甘香，而口感綿滑。

和風沙律卷 $55

沙律卷甚有驚喜，簡單以紫菜包裹生菜、蟹柳、青瓜、蛋，口感很爽，清新開胃

岡山產珍珠蠔 $88

珍珠蠔蠔肉飽滿軟綿，味道濃郁。

明太子蝦天婦羅 $120

天婦羅亦有點驚喜，以兩隻蝦夾住明太子做成，口感比較一般的天婦羅豐富，蝦肉爽口到不得了，明太子鹹鮮，香脆度高

牛肉薄燒 $120

主食選擇牛肉薄燒，以野菜、芽菜墊底，少許肉汁滲入，但略嫌牛肉燒到稍老。

蓮葉鰻魚飯 $80

鰻魚飯值得一試，細細碗份量，以蓮葉墊底蒸飯，飯粒帶葉香，而且偏濕潤。

配搭燒到香口的鰻魚，鰻魚軟腍無細骨，無需額外醬汁都已經好好吃，好像珍珠雞的變奏版

整體而言，鮨和人均消費接近廚師發辦，出品一樣水準，不但新鮮，配搭都很有心思，可以一試。

鮨和

地址：銅鑼灣登龍街永光中心7樓

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

幸福班戟 A Happy Pancake

用餐日期：2018/01/31

梳乎厘班戟可說是近年人氣食物之一，除了本地甜品店爭相推出、製作班戟，多間日本過江龍都選擇於香港開店，更加引起長長人龍。

幸福班戟 A Happy Pancake於東京、大阪、沖繩都有分店，早前開到銅鑼灣，標榜使用日本雞蛋、小麥粉製作，對食材講究，即點即製，吃罷滿滿幸福感

幸福班戟位於銅鑼灣利園三期，餐廳裝潢簡約，光線充足，面積頗大，設開放式廚房，客人可從中央的大玻璃見到製作過程。

廚房人手充足，出品時間不會太長。店員都戴上口罩，比較衛生

開業多個月，人氣不減，平日設網上預約服務，可以先行預約，節省時間。皆因我們平日下午前往，都有十多位客人等候位置。

餐牌分甜、鹹班戟共十款，另外不時推出期間限定款式，定價$98-138，點班戟可以優惠價加配飲品，例如咖啡/茶/牛奶咖啡等。

店面設自助水機，客人可以自行添加。

古典魅惑班戟 $138

班戟即點即製，等候約20分鐘，這款是期間限定款式，一球比利時白朱古力慕絲、忌廉、莓脆、開心果粒配上法式醬，酸甜交錯的組合。

一份三件班戟，口感實在，空氣感低，偏蛋糕狀，確實軟綿，配上忌廉、微酸的醬汁，不會過乾。

最值得一讚，蛋香出眾略嫌班戟未夠蓬鬆，變相飽滯感較強烈。

忌廉量多，滑溜不膩口，加上莓脆，口感豐富。

白朱古力慕絲軟滑香甜，單吃可能有點膩，配搭醬汁，剛好可作平衡。

喜歡日本過江龍出品的班戟，一來價格合理，二來質素較穩定，蛋香的濃郁並非一般小店或平價班戟可以相比，期待日後分店更多，可以減省排隊時間

幸福班戟 A Happy Pancake

地址：銅鑼灣新寧道1號利園三期2樓203-205號舖

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

和牛燒肉‧純

用餐日期：2018/03/13

相對韓牛，我都係較鐘情日牛，和牛軟腍油脂無可取代。講到日本燒肉，不得不提和牛燒肉純，曾經去過尖沙咀分店食午飯，印象良好，久唔久又想食。

今日去到銅鑼灣店，餐廳位於亨利大廈， 位置唔多，有吧枱、卡位、梳化位，枱櫈間較集中。個人較喜歡尖東店嘅裝潢格局，私隱度高啲，而且闊落啲。

午市供應套餐，有燒肉有定食，定價$98-380，跟咖啡或紅茶，可加錢升級其他飲品，性價比當然較晚市為高。

豪華燒肉二人餐 $420

前菜、沙律

特選和牛牛排肉、和牛上牛排肉、和牛壺漬牛排、日本產雞腿肉

大蝦、魷魚、帶子

和牛牛肉厚切小片，已經調味，輕輕燒好兩邊食得，入口嫩到不得了，冇牙都會溶化咁濟

上牛排肉脂肪均勻，肉汁豐富，油香十足；特選嘅更多脂肪，一切都值了。食和牛帶來嘅滿足，同其他牛肉不能相提並論

壹漬牛排有三大片，牛味香濃，較為瘦身，同牛排肉當然冇得比。

大蝦唔講得笑好大隻，已開邊，蝦殼薄身，輕輕烤好，食落又爽又脆。

魷魚同帶子正常水準，雞腿肉喺和牛面前變得渺小，冇辦法啦，哈哈

定食附味噌湯、日本米白飯，飯粒分明，配牛肉一流，呢餐真係大滿足！

和牛燒肉‧純

十下 SUPPA

用餐日期：2018/04/14

經常見到有人介紹銅鑼灣十下火鍋，一見到照片，就認得出店家的出品，辨識度高。火鍋位於永光中心，四四正正，枱與枱間有適當空間，坐得舒適。

裝潢走懷舊路線，有各種八十年代佈置、裝飾，格仔地磚、圓枱、雪櫃、日曆、熱水壺、雞毛掃、碗筷、霓虹燈等，令人置身舊式屋邨中，加上經典廣東歌，很有感覺。

走懷舊風的火鍋店不下一家，以整體裝潢、食物水準，十下做得出色。

火鍋配料單點價格稍高，相信有一部分人會選擇點套餐。套餐分兩款，包括鍋底、十款配料、飲品，定價每位$288/368，可加錢升級汽水以外飲品。

前者可配一般邊爐湯底，例如蕃茄魚湯、麻辣鍋、胡椒豬肚等；$368套餐可選湯底為較貴價款式，例如花膠魚肚湯、卜卜蜆湯、椰子雞、龍蝦鮑魚海鮮鍋(+$60)。

兩個套餐中的十款配料分別不大，選擇哪一款就視乎湯底。消費跟一般火鍋店差不多，火鍋配料很有本地風味，份量很足

醬油

十下2人精選套餐 $368/位

湯底：龍蝦鮑魚海鮮鍋 +$60

湯底豐富裡面有龍蝦、貴妃蚌、象拔蚌、翡翠螺、鮑魚、帶子粒、魷魚筒、大蜆，大部分為人頭份量，大蜆接近十幾隻，所以鐘意食海鮮不妨升級。

湯底除了海鮮，還加有蕃茄肉，不會太鹹。海鮮整體不俗，雖然不至於生猛，但以60元升級一定抵食。

大刀手切本地牛肉

手切牛厚切、大塊，新鮮牛肉牛味濃郁，口感腍身不過注意時間，比較容易韌。

牛白胸膀油

牛胸油既不油膩，入口爽身，淥一淥即可。

三寶滑

見到廚房手打情況，三款分別為辣椒馬蹄牛筋滑、鮮打鹹蛋黃蝦滑、臘腸鯪魚滑，加上蟹籽點綴。賣相美之餘配搭有心思、新鮮感

三寶滑撻得夠，已起膠，牛筋滑有微微香辣味，馬蹄爽口；作為鹹蛋控就好喜歡粒粒鹹蛋黃蝦滑；鯪魚滑入口軟綿，加入臘腸，沒有粉感。

果皮魚蛋

配合懷舊主題，果皮魚蛋不能少。

漿爆瀨尿牛丸、流心粟米丸

瀨尿牛丸裡面用上瀨尿蝦肉餡，牛丸有彈性，名副其實會爆汁

脆炸響鈴、爽滑鴨血、蔬菜拼盤、寬冬粉

最後有蔬菜及一般火鍋配料，非常飽肚。

套餐包括每位一罐汽水，可以兩罐汽水並$10升級其他飲品，例如冬瓜茶、酸梅湯、甘蔗汁、洛神花茶等。

十下

地址：銅鑼灣登龍街28號永光中心2樓

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

ATUM Desserant

用餐日期：2018/04/05

一直都知道呢間餐廳很有名氣，大時大節、男女朋友生日，總會聽身邊朋友推薦，其中「席前甜品」為餐廳招牌，以創新藝術角度帶給客人新鮮感，甜品既呃like亦有相當水準。

甜品店位於16樓，裝潢簡約，帶點格調，景觀開揚，日頭採光一流，晚上配合夜景更有氣氛。店內有幾張梳化位，另外大範圍一張圓形吧枱，方便甜品師在客人面前即席「作畫」。

工作枱整潔衛生，枱底設掛鈎可放置個人物品。餐廳人氣不一般，正值公眾假期，我地都一早訂位，以免撲空，亦見到致電預約電話響過不停。

餐牌供應"improvisation"，正是店家的招牌席前甜品，定價$348/2位；$522/3位。此外亦有其他藝術感滿滿的甜品。

飲品有茶、咖啡、果汁等，每位客人最低消費一款甜品。點餐後，店員好快送上歡迎飲品，士多啤梨汁味道清新，酸甜開胃

席前甜品 $348/2位 

甜品師先鋪上膠墊，然後會問客人有沒有特別字句需要寫上，既然我們來慶祝生日，寫上happy birthday最適合不過

整福畫用上多種材料，包括幾款果醬，芒果、芋頭、椰子、紅莓；再配以果凍、果乾、忌廉、脆米作畫，可以想像得到口感會好豐富

抹茶麻糬、柑桔果凍、哈蜜瓜奶凍、梨子奶凍，樣樣都屬味道鮮明的配料，有清新、有較甜的。朱古力慕絲、烘乾70%朱古力片味道濃郁

脆脆是男朋友最愛。

甜品師技巧純熟，手到拿來。一路畫畫外，亦一邊介紹食材，跟客人之間的互動是一般甜品店鮮有。

然後再加入重頭戲  - 液態氮製作的分子雪糕。

椰子菠蘿分子雪糕清新鮮甜，而竹炭朱古力味亦很香濃。

做起大致圖畫後，甜品師亦都好「識做」，先為我們拍照。還為我加上蠟燭，十分細心

整份甜品既滿足眼球，味道亦相當不俗，加上煙霧瀰漫效果，我終於明白為何ATUM一直人氣高企。

Mocha 

和牛88 

用餐日期：2018/01/15

去到日本其中一樣必食嘅相信係和牛吧，來自沖繩嘅Steak House 88進駐香港，取名「和牛88」座落銅鑼灣登龍街，客人可以合理價格品嚐到不同部位嘅牛肉。

而且餐廳營業至凌晨，更加推出宵夜和牛套餐，成為不少人嘅深宵食堂

餐廳位於永光中心，裝潢富日式風味，座位不少，有吧枱、梳化、卡座、另有傳統和式包廂，環境舒適。平日嘅宵夜時間，人流唔算多。

店員可以更自在跟客人交流，感覺佢地對餐廳、日本都有相當豐富嘅認識，招呼亦很到位。

餐牌供應黑毛和牛刺身、和牛壽司、不同部位嘅和牛，有招牌火焰牛扒、牛柳、西冷、肉眼、和牛粒、漢堡扒等。

另有沙律、小食、前菜、鍋物、飯麵、甜品，迎合香港人需要，唔怕只有牛食咁單調。

至於宵夜套餐，每晚十點半至凌晨一點供應，有和牛牛柳、蓋飯、和牛漢堡等，定價$148-388，附沙律、餐湯、白飯/法包。

我地點左兩份宵夜，然後再追加正餐牌嘅薄燒和牛、幾件壽司，非常滿足

沙律、餐湯

燒和牛 $32、和牛大拖羅 $45、和牛鵝肝 $58 

和牛壽司有不同配搭，燒和牛、赤身、配海膽、配三文魚籽等，定價$32-68，有選擇困難嘅大可點廚師精選五款壽司拼盤。

燒和牛呈淡粉紅色，脂肪較少，紋理分明，面頭嘅生洋蔥粒令一口燒和牛口感味道提升。和牛大拖羅係同行朋友之選，果然好似拖羅一樣入口即溶嫩腍冇筋，但牛嘅味道唔重。

和牛鵝肝上枱傳來香氣，鵝肝燒至微焦，慢慢喺口腔溶化味道濃而不膩，和牛都幾乎淪為配角。

薄燒和牛壽司 $68

呢款相信係其中一款幾乎每枱客人都會點嘅和牛壽司，上枱後店員都先問我地需唔需拍照，我地準備好手機佢就以酒燒香和牛，肉質薄身，輕輕一燒已經食得。

除左視覺效果滿分，味道都係一流，炙燒過後，和牛油份逼出，油香十足，沾點附上嘅蔥花、蒜，更加香口

和牛牛柳 $388/200g (宵夜餐牌)

和牛牛柳以鐵板上，落單時店員會問到需要幾成熟，我地點左五成，賣相吸引，一份約切成十件，表面燒至金黃，肉質保持嫩紅，熟成度剛好。

由於會有鐵板餘溫，最佳味道、口感應該選擇三成熟會更好，不過同行朋友怕太生。食前可以加入大蒜汁，唔需要加多調味。

牛柳肉質嫩腍，外脆內軟，口感帶點嚼勁，脂肪均勻，唔會有油膩感。伴菜有薯仔、栗米、豆角，以洋蔥墊底，浸入牛柳嘅肉汁，我地食清光。

燒和牛蓋飯 $188 (宵夜餐牌)

和牛肉鋪滿碗中，香氣十足，配上白飯、雞蛋、沙律醬，食之前輕輕拮穿雞蛋，蛋漿流出，我地輕輕搞勻再食。

牛肉煎到嫩紅色，唔會太熟，肪肪唔多，口感柔軟，加入蛋漿，更加濕潤滑溜。

Like 店家facebook送嘅飲品：

和牛88

地址：銅鑼灣登龍街28號永光中心13樓

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

Pizza Maru

用餐日期：2017/11/30

位於銅鑼灣希慎廣場嘅Pizza Maru原來係韓國品牌啊，早幾年喺韓風好流行時已經開過黎香港，主要原材料都會由韓國進口，保持正宗嘅味道。

以健康為概念，佢地嘅麵團配方居然有專利啊薄餅有綠茶成份之餘，仲加入左亞麻籽、小球藻、大麥第健康殼物，製成嘅薄餅甚有特色。

餐廳裝潢簡約，韓式快餐風格，枱與枱間空間不多，一路聽住kpop。平日晚上，客人都非常多，基本上我地離開時都仲等緊位，客人以年輕人為主 

餐牌供應多款薄餅，有牛肉、蒜香雞、泡菜、薯角等接近十款，分為9寸、12寸，更具彈性，即使人少少都唔怕食唔哂，定價$117/168。

鐘意食芝士嘅不能錯過，佢地有三款手工批邊可升級，包括金芝邊、摩卡邊、雙芝邊。

另外仲有芝加哥薄餅、黑米長批、炸雞、意粉、炒飯、拌飯、沙律、扒類、炸物小食、炒年糕、湯等，價錢唔算話好貴，難怪平日都人流不斷。

韓式海陸 9" $133 (+$24雙芝邊)

呢個韓式海陸裡面有鮮蝦、牛肉、薯角、蘑菇、青椒、洋蔥，配料都幾多，而且我地仲加左雙芝邊，類似芝心批嘅意思。

薄餅以香辣醬、酸忌廉醬、馬蘇里拉芝士調味，非常惹味。呢度嘅薄餅有少少似麵包，餅底較軟腍，麵粉感唔重。

每小件薄餅都有一隻蝦、牛肉，蝦仁彈牙；牛肉類似韓式做法，煎過，唔會太肥膩，但又有少少油份，所以成份薄餅食落都唔會乾 加上其他大量配料，口感豐富。

如果鐘意脆底嘅人未必會鐘意，但我地兩個都幾鐘意，而且完全唔覺得飽滯。加錢配嘅雙芝邊令口感提升，芝味都幾濃

韓國烤肉芝加哥 $176

薄餅上枱時已經切好哂，材料用處馬蘇拉芝士、芝士條、牛小排、臘肉腸、蕃茄、巴馬臣芝士、糖霜等製成，非常豐富。

薄餅嘅芝士香濃，拉絲效果出眾。自己都曾經喺尖沙咀食過類似嘅薄餅，相對之下，呢份嘅芝味更突出。

薄餅外層好香脆，而可能加左啲糖霜嘅關係，食落帶點甜，粉感唔重，不膩口。

每件薄餅有一塊烤牛小排同幾片臘肉腸，烤牛肉都幾香口，切成條狀，如果每份再多少少性價比會高啲整體呢份薄餅係非常好食，香口惹味。

蜂蜜牛油秘製炸雞 $98/6件 ($183/12件) 

原味炸雞 $98/6件

炸雞份量彈性，好似我地咁人少，怕食唔哂可以選半份，個人最欣賞呢種做法，因為太多韓國餐廳嘅炸雞只有全隻，一食就十幾件，唔太適合人少食用。

半份六件啱啱好，雞脾、雞胸、雞翼都有。炸雞款式多，有蒜香甜辣、原味、火辣、蜂蜜牛油、洋蔥、芝士、蜂蜜蒜泥、紫蘇等。

比起醬炸雞，我比較鐘意呢種乾身嘅炸雞，雖然睇個樣有啲似快餐店雞，外皮炸到脆卜卜，完全唔會油膩，新鮮熱辣 雞脾肉嫩滑，保留雞嘅油份，食落唔乾唔鞋。

雞胸肉相對較大件，同埋口感冇咁滑。蜂蜜牛油味幾香口，主要係調味粉，唔會有好飽滯嘅感覺。至於原味相對之下，當然較為失色

（個人口味，都係比較欣賞Goobne chicken嘅烤雞！）

火焰海鮮湯意粉 $96

揀呢個因為我地都比較鐘意啲香辣野，剛好見到有辣湯意粉，即管一試。湯底唔算好辣，容易入口，質地帶稠身，會比較容易掛汁。

意粉腍身，加上有啲蕃茄，酸酸辣辣，幾惹味海鮮就唔多，有四隻青口、少量魷魚圈。

青口不錯，雖然細細隻，但質地軟腍，唔會有雪藏青口硬到不行嘅感覺。魷魚圈則略嫌太幼身，煮得有點耐，比較乾韌

辣味魷魚烤蛋拌飯 $98

旁邊圍住有烤蛋，唔係好厚身，加左燈籠椒同辣醬去炒，食落香香辣辣，裡面仲有魷魚、椰菜、紫菜，份量唔算好多，不過簡單美味

Maru紫蘇炸魷魚圈 $73

魷魚圈係當中比較失望的，約有十件，中間一坨沙律菜。食落感覺唔係即時炸起，炸漿厚身，口感偏硬實，而非香脆。魷魚都係比較硬實，冇乜彈牙感覺

Pizza Maru嘅薄餅相當出色，我地就食厭左連鎖餐廳嘅薄餅，事隔一段時間，先重拾對薄餅嘅興趣。而且款式夠多，唔怕冇選擇啊。

Pizza Maru

地址：銅鑼灣軒尼詩道500號希慎廣場13樓1302舖

檢視較大的地圖

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

丸作食茶

用餐日期：2017/11/25,  12/10

下月中去台灣，本來而家想少飲台式野，準備去到大飲特飲月尾行過，見到【丸作食茶】，原來準備開業，幾有興趣，諗住之後黎！新開張仲有9折，飲料控即試！

來自台灣嘅人氣茶店(?)，第一店選址銅鑼灣，裝潢參照台灣店，從玻璃房可以見到店員，即場製作珍珠，透明度高

店內分排隊買飛同取飲品兩條隊，剛開張，等候時間唔長，遲下有人報導的話，就唔敢講了(笑)  

餐牌供應原茶、拿鐵、奶茶、抹茶、黑芝麻等特飲，定價$14-28，可加配手作奶蓋、珍珠(5款)，定價$5-6。較特別有竹炭、黑芝麻同仙人掌口味，冰、糖度可自選。 

手燒焦糖奶茶 加焦糖珍珠 $23 (9折 原價$26)

甜度固定，個人認為都唔會過甜，可以接受。焦糖味突出，幾香，奶茶夠順滑。

焦糖珍珠橙黃色，唔會太甜，味道自然，幾啱我地口味。口感煙韌帶黏，又有嚼勁，似噍緊軟身嘅橡皮糖

珍珠份量大方，不過建議少冰，否則會卡住珍珠。 

如果影相效果突出，一定係揀黑洞拿鐵，黑白配，型。（事後見過網上評語卻話味道一般，哈哈）

宇治抹茶拿鐵 加仙人掌珍珠 $28 (9折 原價$31)

有第一杯嘅經驗，今次點左微冰，珍珠唔會俾啲冰卡住，又怕太甜，所以點左微糖。

但唔知同奶量有冇關係，我呢杯抹茶拿鐵嘅鮮奶層好少，其他人嘅奶層有接近一半。

抹茶味道有，帶微微茶澀，不過茶粉融合得不太好，入口唔夠順滑。可能因為奶層少，跟抹茶混合後幾乎冇一絲奶味

至於仙人掌珍珠，呈紅紅地色，透透地明，份量大方，比第一杯試嘅焦糖珍珠淡得多，要好認真噍先有少少酸味，口感煙韌帶黏，又有嚼勁，會再試埋其他口味嘅珍珠。

二訪係因為上次買兩杯飲品有抽獎機會，抽中左【買一送一】優惠券，於是再黎試試其他款式。

其實佢地當日都做緊【買一送一】優惠，不過我去到時100杯限額已售完。條隊排左廿分鐘，等飲品唔洗十分鐘，涼涼地我特別好耐性，又唔覺得話等左好耐

琥珀鐵觀音+奶蓋+黑芝麻珍珠、白玉珍珠 $27

因為茶底只需14蚊，加左3樣野都係27蚊，上次拿鐵不討我歡心，加上個人鐘意茶飲，於是揀左鐵觀音底，可惜呢度嘅茶香一般

始終沖定哂，同用單個茶包沖泡，有一定嘅分別。

奶蓋並冇好似而家流行嘅茶店咁，做出可以傾斜飲嘅杯子，取飲品時問過店員，佢地話原本係冇奶蓋的， 只係見香港人幾鐘意而加入，所以並冇特製杯子。

其實大可以好似KOI咁，喺杯邊界開。不過講咁多野，我都唔建議試奶蓋

奶蓋唔厚亦都唔算稠，奶香一般，反而係非常之鹹，太鹹sick（去到底完全唔想飲，搞到我淨番啲珍珠都冇食哂） 

因為上次試唔到黑芝麻珍珠，今次決定一黑一白，混搭白玉珍珠。

黑芝麻珍珠味道超濃郁，好似食緊芝麻糊，甜度適中。但比較霸道，基本上我全杯野只係飲到黑芝麻味 (但我幾鐘意的)。

至於白玉珍珠，甜甜地冇啥特別。珍珠口感係我鐘意的，煙韌有咬口

香港愈開愈多茶飲店，但要搵一家有質素嘅都唔易。 

 丸作食茶

地址： 銅鑼灣禮頓道138號希雲大廈地舖

檢視較大的地圖

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

101手工涮涮鍋

用餐日期：2017/11/29

最近麻辣鍋大行其道，但多食都冇乜新鮮感，最近試過位於銅鑼灣金朝陽中心嘅101手工涮涮鍋，主打台式火鍋，好評甚多，所以都幾有信心，定價中上。

比較適合大胃口嘅人士，畢竟呢個價錢仍然有好多選擇。

餐廳位於大廈29樓，店內位置非常大，有卡位、梳化位，亦有房間供應，落地大玻璃，居高臨下，景觀一流，人多可以預先訂位。

另外設有戶外位置，方便吸煙嘅客人，又或者唔吸煙嘅客人也大可出去吹吹風，飲杯野，隱約望到過對面海，加上微微涼風，幾舒適

餐牌供應【無限時任飲任食套餐】，基本係包括前菜、鍋底(2-6人選一款鍋)、肉類(每兩位一碟)，另有手工火鍋拼盤(人頭份)或台灣夜市拼盤、一份手工炸響鈴卷及炸魚皮、飲品任飲、甜品(人頭份)。

另外有精選火鍋配料超過30款可無限追加，有肉類、魚腩、丸餃類、蔬菜、麵食等。

如果鐘意食海鮮嘅可以每位另加$58有五款海鮮拼盤。

醬料 $15/位 (基本嘅都有齊，個人特別喜歡XO醬，夠哂香辣)

前菜 (麻辣醬手撕雞、麻辣木耳)

前菜無限追加，兩款都好食，木耳夠哂爽脆，帶微微麻辣，夠哂入味。手撕雞更容易入口，唔會好麻辣

台式香辣三杯卜卜蜆涮涮鍋

鍋底有10款選擇，以雞、卜卜蜆配唔同嘅味道為主，例如冬蔭公/冬瓜/酸菜/香辣三杯卜卜蜆，香辣三杯雞、麻辣雞、沙茶雞，另有紅燒牛肉鍋同酸菜白肉鍋等。

我地四位可以選一款，揀左香辣三杯卜卜蜆鍋，因為同行朋友唔係好食得辣，選左少辣。

鍋底都幾多配料，有卜卜蜆，其實係沙白嘅大小，豬紅、娃娃菜、洋蔥、蕃茄、墨魚丸、蘿蔔等，雖然揀左少辣，但都幾惹味，鍋底香辣唔油膩，怕辣嘅應該都食到。

蜆肉份量唔算好多，乾淨冇沙；豬紅軟腍，墨魚丸都明顯食到有墨魚粒。點呢個湯底基本上唔需要醬料都好入味。

海鮮拼盤 +$58/位 (人頭份量)

考慮到有啲朋友未必鐘意食海鮮，做法比較有彈性，可選擇個別追加與否。咁我地見陣容咁吸引，四個都追加左。

拼盤有珍寶美國桶蠔、鮑魚、大海蝦、馬刀貝、蜆，按人頭份量上。除左蜆之外，每人一份。

桶蠔真係好大隻，冇雪感，淥完都冇乜野縮水，回味。大蝦、馬刀貝新鮮爽口，而鮑魚則比較腍身，蜆就係卜卜蜆嘅size，較為普通。

肉類 (每兩位選一碟)

手切安格斯prime grade牛頸脊肥牛片/西班牙伊比利亞黑毛豬肉片/西班牙伊比利亞玫瑰黑毛豬頸肉，我地揀左肥牛片同豬肉片。

牛肉肥脂平均，牛味重而腍身；豬肉片薄片，唔需要淥好耐，入口夠腍唔柴

101特選手工火鍋拼盤 (人頭份量)

有墨魚汁鳥結糖、黑松露蟹籽海鮮軍艦、太極冬菇、黑松露蟹肉餃、安格斯牛丸、黑松露芝士豚肉餃、三重芝士鮮蝦丸、三重芝士鮮墨魚丸。

非常豐富，擺盤精美。幾丸類基本上都好新鮮彈牙，蝦丸同墨魚丸都有明顯流心；蟹肉餃味道唔算太突出，餃皮薄身餡唔易散；豚肉餃皮比較厚，我自己就麻麻地鐘意食。

太極冬菇釀左墨魚滑，都幾爽爽口；鳥結糖比較少見，墨魚汁味道頗濃，口感煙韌。

手工即炸響鈴拼手工即炸魚皮

兩者都係即時炸起，口感香脆，響鈴size巨型，加上香辣湯底，特別入味。

台灣沙茶滑牛片、八寸長鱈場蟹棒、午餐肉、日式芝士竹輪卷、冬瓜、豆腐

其實食哂佢套餐入面嘅野，都已經好飽肚。但見有張配料紙任點，我地就點少少野試下啦。

相對套餐入面嘅食材，呢啲就比較正常，係一般火鍋店食到嘅質素。其中沙茶滑牛，朋友就讚幾濃味，幾好食。

其實仲有好多款配料都係任食，自問都算大食，但都冇本事試哂，哈哈。

甜品：木槺珍珠奶茶布丁

布丁質地較為流質，都幾重奶茶味，可惜面頭嘅木槺粉有點格格不入

飲品

好誇張，呢度同其他火鍋店其中一個最大分別，就在於飲品，亦係台式二字展現之處，一般喺火鍋店點飲品都唔平啦，更何況幾有誠意

超過20款台式飲品都係任飲，而且味道都唔差，不過留意，會比較大杯，可能會飽肚。分別有倒插沙冰、水果冰茶、盆栽奶茶、汽水、咖啡等都係任飲。

奶茶系列幾有驚喜，珍珠亦都幾煙韌。不過朋友點嘅兩杯愛文芒都一般，唔推薦

柑桔檸檬沙冰、青蘋果水果茶、愛文芒水果茶、蜂蜜水果茶、盆裁珍珠奶茶、盆栽香芋珍珠、盆栽特濃朱古力珍珠

週一至週四定價$398/位，星期五、六日、假期前每位加$30。加埋海鮮、醬油、服務費，人均差唔多500蚊有多，但好處係無限時，而食物都幾有水準，我地四個都覺得值回票價。

101手工涮涮鍋

地址： 銅鑼灣登龍街1-29號金朝陽中心2期29樓全層

檢視較大的地圖

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

I Love You dessert bar

用餐日期：2017/11/25

食甜品 以前多數淨係會點心太軟，梳乎厘眼尾都唔望下，自從出現一樣叫梳化厘班戟嘅野，我有少少著迷感

熱潮唔知幾時會消退，但至少而家好多甜品店，即使唔係專門做梳乎厘，都一樣有供應。

白布街嘅班戟店，喺新開嘅時候食過一次，賣$28份，排哂長龍，當時食過，覺得以價錢黎計 算中規中矩，唯獨口感像風一般，唔係我鐘意嘅類型。

銅鑼灣分店其實都開左 一段時間，礙於唔太鐘意食風，一直未訪。由於我冇再去過旺角店，所以唔清楚兩邊供應嘅款式有否唔同。

但選址銅鑼灣，設堂食，定價比旺角只有企街食高一半，分店位置唔多，冇乜特別嘅裝潢，相對用個紙兜企街食，我寧願俾多一半，用玻璃碟鐵叉 ，加有個位坐，所以並唔覺得特別貴

餐牌供應10款梳乎厘班戟，底蘊都係嗰件戟，在於味道、配料不同；另有拿破崙班戟，目測係疊起左嘅班戟，甜品定價$42-59。

設最低消費每人$35，唔食班戟，點杯熱飲就到數。

日本紫薯梳乎厘班戟 配甜薯、豆腐雪糕 $59

我諗呢份梳乎厘並非即製，因為前後十鐘就上枱，加上只係好微溫。班戟依然係原味，只係面頭灑上少量紫薯粉，所以並唔會有好重紫薯味。

班戟明顯同旺角店食嘅不同，因為嗰個一陣風嘅感覺太強烈，記憶猶新。 呢份空氣感唔會太重，帶點實在感，但又唔會似食紙杯蛋糕。

唔知係咪並非即製，蛋香稍弱， 但伴著帶甜嘅滑忌廉食，頗有驚喜

伴碟嘅紫薯蓉質地比較粗糙，入口香而不甜，甜薯片脆口。豆腐雪糕旁灑有木糠，豆腐味濃郁，唔會好快溶，不錯食。

為滿足最低消費，我地食到咁上下，就多點一份班戟，第二份冇失望呢

揀左自覺較特別嘅流心奶皇嗰款，店員話需時等候，大概係因為要營造流心效果，而冇法一早整定。那麼更好，因為我時間多的是，唔怕等。 

事實證明我食兩左份，即時做嗰份係好食得多 (等左30分鐘有多)。

流心奶皇梳乎厘班戟 配豆腐雪糕、蓮蓉馬卡龍 $56

梳乎厘上枱時脹卜卜，厚身飽滿，而到食完一刻都未有下塌同漏氣。用力擠壓下，見到梳乎厘嘅輕盈鬆軟，蛋味香，比第一份出色

空氣感唔會太重，有點實在，但又唔會似食紙杯蛋糕。 

第一件班戟並冇流心，有啲似奶皇包餡，食到中間會有小小蛋黃；第二件切開依然冇流心，但有少少蛋黃汁咇出黎，鹹香同班戟幾夾，口感會較濕潤

馬卡龍脆身，但個人口味覺得蓮蓉呢件事太中式，唔多夾而且有點甜

由於我對件戟本身幾滿意，就唔苛刻流唔流心呢一點喇

唔知係咪冇抱期望入黎，又覺得幾好味喎！今次第一次黎銅鑼灣店，未知水準能否喺我下次再訪時保持