再窮都要去旅行！

Dreamiya

用餐日期：2017/11/11

種草左一大堆深圳嘅餐廳， 所以最近一有時都會番去，而且我地兩個唔知係咪日日「抬泥」， 成日覺得周身攰

呢個時候就最適合去揼骨仔， 我刮沙，佢拔罐，爽歪歪成日喺香港 瞓喺張床乜都唔做都好大壓力，番大陸有咩做？都係食野唱K揼骨， 但舒服過喺香港行商場，哈哈。

本來想揀個平日上黎，怕去嘅餐廳假期人多， 但實在冇時間。今次要遷就揼骨的店，選擇喺皇崗口岸過關。 

呢間Dreamiya有兩家分店 ，我本來係想去OCT創意園店，一來地方大啲 ，二來甜品款式感覺上多啲。但時間不多，只能近近地 黎東海店。 我下次會再去OCT店的 因為老少女未影夠 (笑)

餐廳有室內外位置， 二樓室內比較靚 影相會靚啲，但週六下午茶時間比較繁忙， 一係就早啲黎， 一係就等位。室外都不錯， 光線足 影乜都靚。

 餐牌供應蛋糕， 價錢唔平，RMB¥48-58/件， 賣完就冇。本來想食仙人掌嗰款，但賣哂，只係食到最後一件獨角獸 ，淨番嘅都唔靚

飲品有茶、咖啡、蔬打、酒類等 ，定價RMB¥20-58。呢類網紅店消費頗高 ，但人氣高企 ，唔鐘意人多要避開下午茶時間。

獨角獸 RMB¥58

先唔好講味道 ，賣相太可愛了吧 ，有沒有

但除了賣相，冇啥可言，味道普普，兌番港幣接近70蚊 

切開會見到幾層 慕絲、奶凍、忌廉、脆脆餅底，食落係茉莉花味 ，好有spa感覺(?) -     雖然店家話冇加香精香油。

忌廉滑溜 夾層有件芒果薄片 有點奇怪 ，蛋糕軟綿 ，連埋脆脆餅底食 先至冇咁膩口。

蜜桃烏龍冷泡茶 RMB¥38

唔見有蜜桃，但有蘋果、藍莓等水果，加埋一個茶包。冷泡茶茶味唔會好重 ，預期之中 果味較突出， 幾好飲

草莓玫瑰梳打 RMB¥38

新鮮草莓加梳打，玫瑰味道都唔假，裡面仲有藍莓。味道唔差，但飲飲下發現裡面有草莓醬，個人不太喜歡。

呢度有不少人推薦 ，明嘅， 始終每人口味不同。 我覺得還可以，始終我都係俾環境吸引黎

方便嘅話都建議去OCT創意園店，裝潢靚啲 ，位置多啲。

蛋糕味道普普通通， 如果唔係鐘意相機食先嘅人 不要來。

其他嘅深圳cafe介紹：

【我在38樓看風景】KONG 空    http://bit.ly/2BuQf54

【深圳一日遊】初代抹茶   http://bit.ly/2zMSQtF

【深圳一日遊】Line Friends Cafe & Store   http://bit.ly/2ibKKDB

Dreamiya (東海店)