再窮都要去旅行！

小豬存錢筒

去到韓國食左一餐姜虎東當然唔會滿足，見到有唔少人都會去呢間小豬存錢筒，咁我都唔執輸試一試石頭燒肉。

呢度位置唔多，週一晚上時間都幾爆滿，既有本地人，亦都有遊客，座位之間唔會話闊落。

店員先放好燒紅嘅炭就會準備石頭盤。

肉類係有規定每人最少點一款，唔洗急最緊要快，店員光速推介肉類，再光速下單

點好菜例牌送上生菜、泡菜、芽菜等等，仲有一碗都幾重口味嘅豆腐湯。

梅花肉 12000won

五花肉 12000won

豬扒 12000won

肉一到店員都上左機關槍咁嘭嘭聲放哂上石頭，幾下手勢幫你剪好埋。

石頭燒肉嘅感覺唔錯，一來幾快熟，二來避免好似一般燒肉正直掂到啲火，係會冇咁易濃，冇咁油膩，而且肉都保持到幾嫩而爽口。

不過老實講，唔係太感覺到幾種肉嘅分別，因為呢度嘅肉並冇用重口味腌料腌過，就係直接俾舊豬肉你。

如果唔靠生菜、醬料、泡菜包住，基本上係一舊冇乜味嘅豬肉。

參考隔離枱嘅韓國人，燒得差唔多嘅肉會放喺石頭邊，未熟嘅會放喺中間燒。

呢度抽風都幾差，石頭燒雖然冇煙出，但燒肉嘅味道點都避唔開，食完真係覺得自己臭到飛起。

呢度勝在價錢唔貴，一百蚊唔洗已經飽到上心口，唔會話特別推介，不過石頭燒肉翋幾特別，唔係噱頭野而有實際用途。

過呢度服務基本上係零，一來店員唔多，來來去去兩三個；二來客人真係算幾多，遲少少都要排隊啦。

小豬存錢筒

地址：麻蒲區西橋洞331-1 (弘大站8號出口)

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com