再窮都要去旅行！

明洞餃子

由於早一日去完3個景點，預計都會有多少攰，所以第三日只係安排左一個景點：天空公園

早餐方面，就食左無論係旅遊書定朋友都熱烈介紹嘅明洞餃子，週六早上未見人龍，附近坐嘅都係香港人。

明洞餃子只有4款食物：餃子、冷麵、刀削麵、豆漿麵

另外，呢度嘅泡菜太酸太辣，唔好食如果鐘意熟哂嘅泡菜嘅人可能會覺得好食。

---

餃子 10000won

 

首先10粒餃子一萬圜平均黎講港幣6蚊粒，絕對覺得唔平，不過見到賣相，發現唔可以用餃子嘅一般價錢去衡量…因為韓國嘅餃子成個包咁大舊。

以裡面咁多餡料黎講 皮都算薄，唔講都唔知原來裡面係韭菜餃，食唔出有好勁韭菜味，食嘅時候純粹覺得鹹鹹地冇乜特別，未至於去到伏~

 

過左兩三個鐘就黎料！

好鹹 、好口乾、 好臭，此刻係覺得伏了， 狂灌水都解決唔到 

我知有啲人覺得呢度嘅餃子好正，日日食咁滯，但我地唔明點解

---

刀削麵 8000won

比起餃子嘅重口味，呢碗麵都算過得去 （淨係講碗麵咋） 因為裡面都係有啲迷你嘅餃子，同上面嘅餃子味道一樣…

聽聞湯頭用雞骨熬左幾粒鐘 冇乜特別啫~

 

---

韓國拌冷麵 8000won

基本上味道同佢地嘅泡菜一樣 都係比正常嘅拌麵再重口味啲，類似菠菜麵(?) 加入青瓜絲、蘿蔔 用類似甜辣醬攪拌。

食完呢度嘅野，會失控地狂灌水。好在韓國嘅餐廳都有呢種自覺，已為你預備一壺凍水。

我地3人都一致認為中伏，好後悔，搞到一路行天空公園一路灌水，近大半日都受口乾之苦。

---

明洞餃子

地址：明洞2街25-2 (明洞站8號出口)

---

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

天空公園

對於極少運動嘅我而言，要我行上大東山影下芒草基乎係冇可能嘅事，基本嘅自知之明我都係有的。

但講真，見到啲相咁靚，都想去睇下，所以今次去韓國都選定天空公園作為其中一日嘅目的地。

去到世界盃運動場站，其實當中都會見到有指示牌，如果不懂的話，口在路邊啦，附近嘅人都識路。

當日啱啱遇上首爾fc嘅賽事，好多球迷，男朋友都買左件質素唔錯，價錢唔貴嘅衛衣。韓國嘅人真支持體育運動，光係一個運動場，已經咁大，仲特別有個地鐵站。

樓梯上望到嘅運動場：

天空公園好適合我，既可以滿足到睇下芒草園嘅願望，而同一時間並唔需要花好大體力。

點解咁講？

因為只需要行292級樓梯就上到山了！聽落好多？唔會，好似我咁廢都係行左15分鐘~行完樓梯上一段小斜路就到。

小斜路：如果懶嘅話，其實有小車接送，單程2000won，來回3000won就可以不費力，帶到你上公園。

天空公園喺秋冬基本上就係一塊超大芒草園，春夏雖然冇芒草，但藍天綠草 都係另一種靚。

雖然係週六，可能因為紫芒嘅時節都過左，只係見到少數遊客，以韓國人為主。

天空公園嘅大好難形容，閒閒地影番兩三個鐘冇難度，好在而家影相咁方便，只需要相機有電同有空間就可以（雖然我部相機喺晨靜木公園都凍到傻傻地）

基本上求其一個位都已經見唔到人，自high冇難度，可惜我擺pose好廢，張張個樣差唔多。

當日天氣好好，因為中午時間，上到山上本以為會凍，點知有陽光照住，影影下甚至覺得熱。

一整天感覺好完滿。

雪糕係由於早上食嘅明洞餃子太重口味，口乾不解，灌左好多水都解決唔到，於是喺山上嘅小食亭買左雪糕。

天空公園

地址：麻蒲區天空公園路95上岩洞(地鐵9號線世界盃運動場站1號出口）

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com