再窮都要去旅行！

點點甜甜 TEN TEN DEN DEN 

用餐日期：2017/12/22

喺板橋區有間很受歡迎嘅好初早餐，行程中未有安排，反而紀錄左甜品店「點點甜甜」，後來先知道原來係姊妹店。

甜品店位於捷運板橋站，店內位置很大，空間感十足，但座位數不多，未有將枱櫈放得密密麻麻。

有梳化椅，亦有長枱，裝潢偏歐式，又帶點復古風，很適合消磨時間。

當時並唔係好多客人，可能因為接近晚飯時間，但有部分甜品已經售完，只剩低三款蛋糕，定價NT130-140。

最低消費每人一杯飲品，有台灣本土茶飲、梳打、奶類、酒精飲品、咖啡等，定價NT120-160。

由於我地已經食左無數甜品先過黎，純粹休息，於是點左兩杯飲品及一件蛋糕分享。先自行點單，由店員送餐，不收服務費。

丸久小山園抹茶戚風 NT130

細細一件，分成兩層，中間抹上忌廉，黑豆粒飽滿偏硬，配上抹茶淋醬、鮮奶油。

將醬均勻倒出，抹茶味道都幾濃郁，比起單食一件抹茶蛋糕來得突出。蛋糕質地鬆軟，冇所謂「戚風就一定係偏乾嘅問題」，亦唔會過份濕潤

不過普遍甜品店都做得到差不多質素，未有讓我留下十分深刻嘅印象。

莓果森林 NT120

底層有莓醬，裡面亦有雜莓果肉，加入梳打水製成，酸酸甜甜，咁簡單嘅飲品冇咩好講

波本巧克力大叔 NT160

裡面有70.5%比利時朱古力，加少量威士忌。第一口飲落有香濃朱古力味，奶泡有點鹹香，威士忌飲得出，但唔會好強烈，好似食緊酒心朱古力。

而且朱古力濃度夠高，飲品唔會甜膩，整體很讚，味道豐富多變。反而呢杯飲品可以一試，哈哈

點點甜甜

地址：板橋區光正街45巷2弄2號

粉專：https://www.facebook.com/tentendenden/

Follow us:

Instagram: http://bit.ly/2g3ZtuS

Facebook:http://http://bit.ly/2gu1fIG

Blog:http://http://bit.ly/ywycarol

Contact us: mrmrsfoodhk@gmail.com

桃園眷村 

用餐日期：2018/02/16

有間網紅店叫桃園眷村喺朗豪坊都開左一段時間，一直見到好多人去食，但見評語一般，又有啲評語水份很重，所以一直未試。

大年初一喺深圳過，未食早餐已經去到海岸城（話說最近超多人北上吃喝玩樂啊，我都想發掘多啲未去過嘅地方了）

如果你未去過海岸城，交通很方便。深圳灣口岸出，坐M299號公車直達；其他口岸可坐地鐵到后海站。（唔會教你坐的士，坐的士唔洗你教啦）

桃園眷村喺深圳有兩店，一家位於海岸城，另一間喺萬象天地。海岸城店就喺2樓，Line Cafe斜對面。

【深圳一日遊】Line Friends Cafe & Store  http:// http://bit.ly/2ibKKDB

之前廈門朋友話我知，桃園眷村來自上海，一個唔小心睇到名字還以為係台灣野啊。

餐牌供應豆漿、鹹甜豆花、油條、燒餅、飯團等，我諗同香港嘅餐牌幾乎一樣，只係燒餅中嘅餡料有少許分別，價錢方面連同兌率，就大概係香港嘅8折。

咁我都安慰自己，喺香港冇食，番到深圳當平少少，又唔洗排隊。

餐廳裝潢簡約基本上好多餐廳都冇國內品牌嘅味道，分室內外位置，採用半自助形式，先到收銀點單結賬，由店員送餐。假日關係，客人頗多，餐點即製，等餐時間約十分鐘。

期間見到個好似大爺一般，幫襯幾十蚊，又叫人地洗手抹枱，剛坐低又呻吟話等左好耐嘅大媽。呢度，我都幾佩服店員，依然幾有禮。

套餐有四款，比單點平幾蚊，均一RMB¥40，我地揀左聽落好巴閉嘅「飛黃騰達套餐」-  公司火腿燒餅、鹹豆漿。

公司火腿燒餅、鹹豆漿 RMB¥40

鹹豆漿有紫菜、咸酸菜、蝦皮、少量油條、辣油等，硬係覺得香港嘅鹹豆漿用菜甫好食啲，咸酸菜令成碗野食落偏酸，辣度一般。

唔知道香港店係咪一樣做法，可能由細食到大嘅關係，習慣左嗰隻味道，呢個有少少偏離

至於公司火腿燒餅都很普通，裡面有火腿、雞蛋、生菜，加上少量沙律醬、芝麻。燒餅微溫，聞落就幾香，餡料亦頗豐富。

入口太乾身，唔係人人會喜歡，仲要有點油膩感。啲配料係夾埋一齊，但仍然係各有各食，未有一種好融合嘅感覺。

此套餐兌番都要港幣50蚊，食就食得飽，但唔會覺得好食，兼性價比稍低了

肉鬆飯團 RMB¥22

其實就係粢飯，同香港差不多價錢，平時食開嘅通常都係落菜甫，辣辣地；呢間用嘅鹹酸菜，仲有青瓜、肉鬆、油條。

青瓜無妨，幾爽脆；但鹹酸菜硬係有啲唔夾，蓋過肉鬆嘅香；至於油條，係少到無感，隱約食到，但實在感唔強。

食開上海野嘅朋友一定知道銅鑼灣嘅粢飯啦，我自己就比較常食通達嘅出品。

芝麻糖霜油條 RMB¥8

成餐最好食、抵食一定係油條了。普通油條就¥6，加兩蚊就有芝麻糖霜，連唔喜歡食油條嘅人都食左大半條

油條即炸，熱辣辣，夠香脆之餘亦冇油膩感，芝麻同糖令油條更香，今次我地敗筆在忘記左點個熱豆漿，油條熱豆漿正啊。

凍豆漿 RMB¥8

豆漿啤酒杯size，都幾大杯，有豆香，非開粉，十蚊可接受。

就算要再食，我都只會食油條配熱豆漿，廿蚊埋單，經濟又實惠

桃園眷村

地址：文心五路33號海岸城購物中心2層289號鋪 (后海站E出口)

海岸城其他飲食：

【深圳一日遊】初代抹茶   http://bit.ly/2zMSQtF

【深圳一日遊】Line Friends Cafe & Store   http://bit.ly/2ibKKDB

【深圳一日遊】奈雪の茶 http://bit.ly/2k5ntDO

【深圳一日遊 - 歐包熱】樸悅間 http://bit.ly/2iZDyY2

【深圳一日遊】喜茶 - 超級網紅店   http://http://bit.ly/2iXC3ts

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com