Brady's Coffee Bar 브래디네커피바
Brady's Coffee Bar 브래디네커피바 是一間頗多遊客介紹的咖啡廳，喜歡打卡的「仙女們」不要錯過，哈哈！
一棟兩層建築，木色、奶油色調為主，傢俱有點復古感覺，加上鮮花佈置，有點像studio呢！很美！
而最常出現的打卡位一定是這個小水池邊，二樓向窗，地下的小水池則在入口處 (這兩個不是座位區，所以不怕拍不到照。)
餐牌供應鹽麵包、法包、貝果等；飲品有咖啡、梳打、花茶等，低消一人一杯飲品，價錢合理。
Salty Butter Bread Sandwich ₩8800
Hibiscus Apple Ade ₩6000
Cold Brew ₩5500
麵包好味啊
外薄脆內柔軟，帶微微鹹味 (旁邊兩位日本女生就大讚貝果好吃，你們也可以試試看)。
咖啡偏淡但順口的，蘋果梳打正常發揮，有粒蘋果仔，但質地比較硬，嘻。
Brady's Coffee Bar 브래디네커피바
地址：1F & 2F, 23 Seongmisan-ro 23an-gil, Mapo-gu
金豬食堂 금돼지식당
年頭到現在為上去了幾次旅行，大滿足！上個月快閃釜山幾天，10月份就去首爾玩一個禮拜！
第一餐選擇了超人氣的米芝蓮推薦燒肉 - 金豬食堂
餐廳一棟三層，不設訂位，需要韓國電話號碼登記。我們下午3點半左右到店，輸入電話號碼候位，大約一個小時後，收到店員的電話通知表示有位。
二樓係吧枱形式，店員會全程幫烤，抽風系統ok。餐牌簡單，得三層肉、梅頭、豬皮同豬肉泡菜鍋。
三層肉同梅頭都係厚切，店員先用豬油燒熱鐵板，之後三扒兩撥燒好。
炭爐烤肉寧舍香，肉汁鎖住！我覺得三層肉更加出色
必點嘅仲有泡菜鍋，入面有兩舊豬肉，超軟腍。湯頭味道似加咗泡菜同肉煲嘅羅宋湯，清爽唔辣。
這個鐘數到店，不算排了很久，我覺得都值得試啊。
본삼겹 ₩19000/150g
눈꽃목살 ₩18000/150g
통돼지 김치찌개 ₩8000
金豬食堂 금돼지식당
地址：149 Dasan-ro, Sindang-dong, Jung-gu
安國站一帶的咖啡店，普遍開得比較早。除了cafe onion、cafe layered之外，這間dotori cafe也是9點前已開。（本店位於龍山區，淺藍色外型更搶眼！）
安國店面積超大，獨立屋設庭園、露天座位。
室內分幾個間隔，內部保留老屋元素。
木系桌椅加上播著動畫純音樂，有點像進入了童話世界。我們一早到達，拍照比較方便。
食物方面，以烘焙產品為主，有麵包、瑪德蓮、可麗露，還有幾款蜂蜜希臘乳酪。
Matcha Pistachio Madeleine ₩3800
Earl Grey Madeleine ₩3800
Egg Mayo Salt Bread ₩6800
Apple Cinnamon Greek Yogurt ₩16000
Iced Americano ₩5000
Juciy De Jole ₩7000
咖啡店以橡實果為主題，瑪德蓮是可愛的橡實果造型，可惜味道普通，散碎偏乾
蛋沙律麵包不會出錯！
希臘乳酪比想像中好吃 (不過貴呢！) 乳酪厚稠微酸，材料豐富，有無花果、蘋果肉、提子乾、香蕉脆片，以肉桂調味，蜂蜜天然甜味不錯吃！
來首爾的咖啡店，好多時都要點凍美式，因為其他飲品太甜呢！哈哈！
DOTORI 安國店
地址：19-8, Gyedong-gil, Jongno-gu
Margaret Cafe是延南洞的人氣咖啡廳，樓高兩層，室、內外都有座位，落地玻璃有自然光透入。
平日中午人流不算超多，拍照比較方便
二樓
這裡供應麵包、蛋糕、司康，賣相全部好可愛，顏色繽紛。飲品有咖啡、茶、梳打，每人低消一杯飲品。
Matcha Cube Pie ₩5800
Souffle Cheesecake ₩7000
Iced Americano ₩5000
Grapefruit Black Tea ₩6000
方塊酥有幾款口味，芝麻、lotus、朱古力、抹茶等，吃起來硬身酥脆，層次明顯，幾香牛油味。裡面是流心抹茶醬味道大眾化，勝在甜度正常，挺好吃
另一件日式芝士蛋糕口感實在，不走輕盈空氣感路線，帶淡淡蛋香，但吃下來還是有一點膩，必需share。
最後不推薦水果茶，甜到爆；在首爾喝凍美式最不會出錯，哈哈。
Margaret Cafe @margaret.cafe
地址：10 Seongmisan-ro 29-gil, Yeonnam-dong
首爾之旅另一間十分期待的cafe就是Pie In The Shop，店位於延南洞，附近一帶很好逛，比起聖水洞，
Pie In The Shop是一間批的專賣店，鹹批、甜批都有供應 (注意，這裡只接受卡！
)
店有三層高，樓底極高，有地庫和露天位置，空間感十足。
地庫
我們點了一款鹹批、兩款甜批、兩杯飲品，最終收費才₩
鹹批味道好穩陣，外皮酥鬆，內餡有煙肉薯仔香，
甜批要有心理準備，真的很甜，哈哈。批皮硬身脆度高，餡料厚實，
碧根果批的果仁香口，焦糖味批餡，相對士多啤梨那件沒有那麼膩。
凍飲很大杯，冰量多，朱古力拿鐵甜度高。
士多啤梨拿鐵有果肉，是雪糕新地的味道，嘻嘻。
小卡片
Bacon Potato Pie ₩7000
Original Pecan Pie ₩7600
Strawberry White Blossom Pie ₩9800
Dark Choco Latte ₩5800
Strawberry Cream Latte ₩6300
PIE IN THE SHOP @pie_intheshop (card only)
地址：26 Seongmisan-ro 27-gil, Mapo-gu
經常看韓綜，見到主持人想補身就會吃炭烤鰻魚，
搜尋首爾鰻魚，最多人介紹就是這家弘大風川鰻魚呢，
可能是平日，都不用等位，坐下來不久就發現，
姨母nim好快就會上小菜和醬料，泡菜、芥茉、紫蘇葉、薑絲、
還有大醬湯(送的，4個人有兩份)。
鰻魚需要按人頭份點，每條₩35000。全程有人幫烤，
店員動作爽手，兩三下手勢就加鹽烤好並剪成小份。
炭火烤的鰻魚香味重，魚肥大肉厚，就算單吃都沒有腥味，
再烤久一點，吃起來更加脆
整體來說，都值得試的！ (跟日式蒲燒鰻魚完全不一樣)
風川鰻魚 延南洞店
地址：39 Donggyo-ro 27-gil, Mapo-gu (서울마포구동교로27길39)
中午人流會多點，如果想自由地拍照，記得要早點去。
溫馨提示： Teddy’s Oven只收卡，不接受現金
地址：43 Seoulsup 2(i)-gil, Seongdong-gu (城東區首爾林2街43)
首爾之行其中一間好想去的咖啡店 - 레이어드！做資料搜集時見好多人讚，所以期望有點高。如果好吃的話，打算回程時來買幾顆帶回香港。(不過試完，覺得不算對胃)
Cafe Layered本店位於安國，分店分別在延南洞和汝矣島現代百貨裡面。安國店開門最早，適合我們這種跑行程的旅客
門面用上淡奶油黃色調，保留了韓屋屋頂，裝潢走復古風，桌椅都挺可愛的。
咖啡店主打多款口味的司康、蛋糕，平日大約8點半左右會陸續出爐更多口味。
設每人低消一杯飲品。
司康拳頭般大，外脆、口感扎實，咬起來微黏，並不是我喜歡的質感，而味道偏淡。
蛋糕都大件，質地濕潤，不算好甜。
所以之後去延南洞遊覽，都沒有回訪了。
Earl Grey Scone 5200₩
Cranberry Cream Cheese Scone 5800₩
Red Velvet Cream Cake 8500₩
Flat White 6000₩
Fresh Orange Iced Tea 7500₩
Cafe Layered
地址：2-3 Bukchon-ro 2-gil, Jongno-gu 鐘路區北村路2街 2-3
狎鷗亭羅德奧站一帶有不少餐廳、咖啡店，早上去了Dalmatian (上一篇有介紹過，環境很美)
下午吃了一間叫LittleNeck的cafe，要二擇其一的話，我會投後者一票，食物比較好吃，性價比也高一點
餐廳有兩層，假日下午茶時間人不多，至少不用排隊。店內溫度舒適，不會過暖/焗到暈。
餐牌供應沙律、班尼迪、多士、意粉、意大利飯等。
食物賣相如圖，是剛剛好一人份量。
粗薯香脆亮點是醬料，質地夠厚帶松露香 (另外也有不少人人讚番薯條好吃)
美國牛排面頭煎香，肉都算軟腍，薯蓉厚滑，底部的應該是青醬吧(?) 好濃味。
肉醬千層都不錯呢！
House Steak 29000₩
Lasagna 19000₩
French Fries 9000₩
Green Grape Ade 6000₩
Iced Latte 5500₩
Little Neck 리특넥
地址：17 Dosan-daero 51-gil, Gangnam-gu (狎鷗亭羅德奧5號出口)
上次的首爾之旅，只是集中明洞、弘大這些地區，狎鷗亭、清潭洞、梨泰院等基本上沒有去過
所以今次安排了時間到這邊的咖啡店，做資料搜集時於IG見到這間cafe，即管試下。
餐廳佔地廣，一棟兩層高，黃、橙色主調，近門口位置有超大的花園和水池，走 歐陸式感覺，裡裡外外都是打卡位
內部樓底極高，座位有充足空間，還有露台座位。
為了食物而來未必會好驚喜，畢竟價格偏高；但如果為了拍照、打卡而來，應該會好滿意的
Dalmatian主打brunch，供應全日早餐、多士、意粉、意大利飯等，不過是混入韓式口味的。
每桌都有設置平板電腦，自行點單，由店員送餐，定價算高，一般主食兩萬WON起跳。
主食點了意大利飯，飯粒有咬口，屬於偏辣的韓式醬味，大蝦燒得香。
shakshuka味道其實不差的，但並非一貫做法的北非蛋，是偏韓式的，吃起來沒有茄酸和香料味。
最意想不到是中間有炸飯糰，結果我們一大早就吃了兩碟飯，哈哈。
多士都不是一般浸蛋液傳統做法那種，而是超硬脆 (蝦多士概念)，面頭加了煉奶、果醬、糖霜，還不錯。
French Toast 22000₩
Arancini Shakshuka 27000₩
Grilled Shrimp Risotto 29000₩
Vanilla Bean Latte 8000₩
Cold Brew Coffee 6500₩
Dalmatian 달마시안
地址：42 Apgujeong-ro 42-gil, Gangnam-gu
首爾之旅到訪了不少咖啡店，這間屬於行程之外，隨意亂入的，
Cream Chic位處明洞，炸雞一條街那條巷子，裝潢簡潔明亮，
由於位處熱鬧的位置，旁邊又有酒店，所以本地人、遊客都多。
咖啡店主打多款口味可麗露，另有鬆餅、蛋糕等，消費不算高，而且當日有買三送一的活動
鬆餅好吃！質地是我喜歡的硬脆型，夠鬆又香；
可麗露現場吃，外殼夠脆 ( 隔夜質地保持不到，不建議外帶)
士多啤梨和提拉米蘇底用了達克瓦茲，有誠意，餅殼不會太甜，
Daquoise Strawberry 9500₩
Daquoise Tiramisu 8500₩
Fig Canelé 3300₩
Stollen Canelé 3500₩
Chestnut Canelé 3500₩
Cranberry Scone 4500₩
Flat White 5800₩
Caramel Butter Cream Latte 6800₩
行程第二日的第一站，選了Cafe Onion (어니언) - 人氣咖啡店。做資料搜集的時候，見過很多這間咖啡店的介紹。
Cafe Onion幾間分店的選址都是遊客會去的熱門景點，包括聖水、安國及最新的廣藏市場店。聖水店由廢棄工廠改建的工業風、安國店以傳統韓屋建築。 (我們選了這間分店)
咖啡店開得早，我們當日10時多到達，已經滿座並排長龍。安國店面積頗大，韓屋裝潢打卡一流。
點了兩杯飲品，美式配麵包減低飽滯感；另一杯是招牌，不會甜到極致。天氣很冷，喝完暖粒粒。
Chilli Sausage 3500₩
Chocolate Scone 4500₩
Pandoro 5500₩
Ansel Chouchou 6000₩
Americano 5000₩
Vanilla Bean Latte 6000₩
Cafe Onion Anguk
地址：鐘路區桂洞146-1 (乙支路3街搭的士到安國3800₩)
在首爾10日9夜，溫度大約在-8°C至3°C，中午有太陽的時間還好，不至於凍到傻。
晚上會凍一點點，羽絨真是必需的，我都忍不住在The North Face買了一件
MOLTO (몰토) 這間咖啡店位於3樓，正對著明洞聖堂，日頭夜晚景色各有各靚。
好明顯是一間打卡系咖啡店，飲品價錢都比一般高。
室內只有企位，當然啦，來這裡都是為了坐室外座。(凍到拍完照就馬上撇，哈哈)
餐牌供應一般咖啡，另有茶和果汁，食物方面有牛角包、少量蛋糕。
點了聖誕造型蛋糕(Pandoro)，層層忌廉相隔，吃起來就是普通蜂蜜蛋糕味，現在看看收據才知道原來挺貴的。
另外兩個牛角包中規中矩。
飲品ok啦，細杯的是濃縮咖啡加奶泡和可可粉沖泡成，比較少在香港喝到。
Marocchino 4800₩
Latte 7000₩
Fruit Croissant 6000₩
Hazelnut Croissant 6000₩
Pandoro 18000₩
MOLTO
地址：73 Myeongdong-gil, Myeongdong 1(il)-ga, Jung-gu
相隔三年，終於可以再出發旅遊😊
上次去首爾已經有整整六年，所以這次再踏足首爾，都做了很多「遊客會做的事」，很開心，哈
第一餐選了一隻雞，網上最多人介紹的是孔陵和陳玊華，各有粉絲。我們則是兩家都沒吃過，隨心挑一家。
從東大門9號出口走過去不遠，到達的時候大概4點多，用餐的人不多。(離開的時候經過陳玉華，大排長龍呢)
孔陵一隻雞有中文餐牌，最新的價格如下。(2022年12月底)
基本就點一隻雞，裡面只有蔥和一兩片薯仔。不夠吃的話就額外點薯仔、菇、年糕、麵或者粥。
上菜後，店員兩三下手勢就把雞剪開，然後再等待十分鐘就可以開始食用。
湯頭好清，原汁原味那種，雞肉真的很嫩口，就算不是雞脾位都不會柴口。
不過重口味的朋友可能會覺得不夠味，這個時候可以沾醬或者把蒜、辣椒醬加到鍋裡。
天氣這麼冷，吃口雞喝口湯，真的很暖呢
一隻雞 25000₩
刀削麵 2000₩
啤酒 5000₩
孔陵一隻雞 공릉닭한마리
地址： 20 Jong-ro 40ga-gil, Jongno-gu
由機場去首爾市選擇較便宜嘅鐵路，今次回程就選擇左舒服啲嘅巴士，收15000won/位。
去到機場搞好登機，就搵個地方食晚飯。由於都冇特別喜好，所以隨便搵左間韓食，呢間餐廳都幾大，空間感足，即使推住行李都唔會唔方便。
價錢方面，以機場黎計，亦都唔算貴，味道過得去，經已好過好多香港混水摸魚嘅韓國菜。
芙門
烤肉套餐 15000won
男朋友點嘅係烤肉套餐，跟圖片吻合~牛肉都烤得幾嫩口，唔乾柴，亦都唔係紙皮口感。小菜都有4碟~
豆腐湯配綠豆餅 12000won
豆腐湯辣度好足，惹味非常，不過覺得多少油膩。豆腐雖然唔屬於超滑，配辣湯點都冇得輸。
綠豆餅個人真係唔識欣賞，又硬又乾身，點食？
手工炸豬扒套餐 12000won
雖然喺韓國食嘅炸豬扒一定冇日本咁好食~不過問心呢塊都唔算差，炸粉唔太厚，豬扒比較薄身，但豬肉唔鞋，而且都幾大塊，合格有餘。
成個旅程就以呢餐作結，雖然係第一次去韓國，事前亦都有擔心飲食方面會有唔適應，但實際情況比想像中好，都有好多野啱食。
而且去過嘅景點都景色怡人，令我好難忘，過左好幸福嘅6日5夜。
韓國，我會再黎架~
Follow us:
Instagram:http://http://bit.ly/2g3ZtuS
Facebook: http://bit.ly/2gu1fIG
Blog: http://bit.ly/ywycarol
Contact us: mrmrsfoodhk@gmail.com
喺建大行左一陣之後，就決定食個午餐先。忽然醒起好似幾日來都未有試過韓國嘅拌飯，見到呢間餐餐廳有得食就試下。
門外貼住中文店員availbale，加上有中文menu，所以點餐冇難度。裡面都有本地人食緊，應該係學生，仲聽到佢地猛話「맛있다」！好食好食！
石鍋拌飯 7000won
呢個拌飯不錯吃，雖然材料簡單，不過價錢合理，芝麻同紫菜配搭飯食真係幾香口！
涮鍋 10000won/2人份 (蔬菜、麵條、炒飯、牛肉)
聽到後面學生就係讚呢個鍋好食！一萬圜有咁嘅份量嘅野食真係好抵食，特別係諗起香港食嘅韓國菜，貴嘅都未必整得好食。
先上辣鍋，講真係幾辣架，不過之後慢慢加水會好啲。
裡面已有啲蔬菜，例如菇類，入哂味。阿豬媽唔知點解催我地落牛肉，所以都盡快食左啲牛肉先。
雖然個鍋好平，不過啲牛肉都未至於核突，又唔肥又唔係紙皮牛。
麵條嘅份量都唔少，本身話個鍋係2人份，但問心我地3個都食唔哂~
食完碗麵，仲有個炒飯！
個炒飯都幾搞笑，因為用番同一個鍋炒，所以要等你確認食哂唔再加野先會幫你炒架。
同埋店員唔喺你面前炒，會將個鍋同飯拎埋一邊炒唔知係咪有啲獨門炒飯秘方。
個人認為應該有加好重嘅調味，因為個炒飯都幾鹹~
整體黎講，都算食到餐平平地嘅家常韓國料理，3個人埋單30000won~
不過由於唔見佢有中文店名，冇辦法提供作為參考呀。
Follow us:
Instagram: http://bit.ly/2g3ZtuS
Facebook: http://bit.ly/2gu1fIG
Blog: http://bit.ly/ywycarol
Contact us: mrmrsfoodhk@gmail.com
土俗村蔘雞湯
Day4因為租左韓服玩下，預約時間11點半，韓服店比較近景福宮。
雖然本身並唔喜好蔘味，但黎到韓國好似點都要搵餐蔘雞試下，於是早餐選定景福宮附近嘅土俗村蔘雞湯。
網上睇就話有個總統好鐘意食，所以就紅左，通常都要等位。週日早上10點半左右到，雖然客人都幾多，但都有位，而且鋪頭好大，就算要等都唔會好耐。
每枱都有白菜泡菜同蘿蔔泡菜，任夾，自己招呼自己，呢度嘅泡菜係幾好食。至於送上嘅人蔘酒我就頂唔順，同行朋友就幾鐘意。
土俗村蔘雞湯 16000won
預計大家都唔會太鐘意強勁蔘味，純粹當乜都試下，怕山蔘味道重，所以只係點最普通嘅蔘雞湯。聞落蔘味唔算好勁，接受到，可惜主角係老雞，唔嫩唔滑，冇諗過韓國會食到唔嫩嘅雞
我估如果想食滑啲，可能要點烏雞~
蔘雞湯裡面仲有啲粥，粥唔係韓國綿綿嗰種，比較接近廣東粥，一粒粒米，個人黎講食粥多過食雞…
電烤雞 15000won
以為蔘雞老啦，真係低處未算低…呢隻電烤雞真係老到冇朋友
皮硬，肉乾柴，仲要冇味… 好在佢地有鹽同胡椒粉點下
海鮮蔥餅 15000won
我地塊蔥餅煎得唔均勻，一邊燶一邊冇咁燶，呢塊煎得唔算厚，唔算油~但由於喺南怡島食過太好食嘅蔥餅，呢件都好普通。
整體黎講，呢個早餐輕微中伏，好在因為要著韓服，冇叫太多款式。
土俗村蔘雞湯
地址：鍾路區紫霞門路5街5(地鐵3號線景福宮站2號出口)
Follow us:
Instagram: http://bit.ly/2g3ZtuS
Facebook: http://bit.ly/2gu1fIG
Blog: http://bit.ly/ywycarol
Contact us: http://mrmrsfoodhk@gmail.com
DORÉ DORÉ
Last day check out左後，早餐食埋最後一次isaac toast就出發去建大common ground。天氣預報轉涼，日頭有太陽曬住都覺得凍
建大貨櫃屋雖然的確係見到一堆藍色貨櫃，影出黎嘅相只係還可以 並冇想像中咁靚，貨櫃屋裡面有好多零碎鋪頭，實際值得行嘅野唔多，男朋友買左個平平地嘅背囊，我只係買左棵乾花。
彩虹蛋糕 8500won
雖然有無數個人表示中伏，但有一類食物就係，明明知道係伏都依然會去食一次兼一路呻抵死，正正形容到呢件蛋糕，件蛋糕仲要唔平~哈哈
基本上成舊野都係忌廉，甜到漏。我有嘗試逐個顏色食，感覺味道係一樣冇分別，甜。大概係俾左50蚊食舊cream，唔知其他會唔會正常啲…
但我一心黎中呢個伏，當然係點彩虹呢款。
熱可可 5500won
相對地飲品價錢比較合理。熱可可雖然都係甜椰椰，同佢地嘅甜品一樣
檸檬樂園 6000won
非常普通嘅一杯梳打，除左檸檬仲混合少量蜜糖，所以都係帶甜
整體黎講 建大真係冇乜特別，除非好想同個貨櫃合照或者試下，明知係個伏都要食一次嘅蛋糕。
DORÉ DORÉ
地址：首爾峨嵯山200 Common Ground地下 (建大站6號出口)
Follow us:
Instagram: http://bit.ly/2g3ZtuS
Facebook: http://bit.ly/2gu1fIG
Blog: http://bit.ly/ywycarol
Contact us: mrmrsfoodhk@gmail.com
魚糕迷，出動！
暫時為止每日都有食嘅係魚糕，完全冇諗過自己咁鐘意食❤️
Day 1明洞有檔小食就開始韓國第一串魚糕
魚糕 2000won
食左魚糕，飲啖湯，驚覺原來魚糕咁好食！可能平時香港食嗰啲太垃圾😰
地址：明洞Savoy Hotel直行右轉
同一日食完晚飯明明都夠哂飽，都係忍唔住整串魚糕，所以又去番明洞，夜晚開左好多街邊檔~
魚糕 2000won
我覺得咁多條，呢條最好食，辣度剛剛好，而且魚糕唔會因爲太耐冇人買而浸脹哂！
地址：明洞街頭小食
Day2去晨靜木公園，嗰日最凍，臨上旅遊巴前都忍唔住食！
魚糕 2000won（凍到我相都冇影）
其實呢度嘅魚糕個樣同味道一啲都唔吸引…但因為凍到疆哂，熱辣辣嘅魚糕的確係暖入心！
晨靜樹木園
地址： 京畿道加平郡上面樹木園路432
Day3弘大 地鐵9號出口有幾檔小食，基本上都係賣嗰幾樣野。
魚糕 1000won
魚糕平過明洞，但係相對細條啲味道冇咁出，眼見唔係太多人買魚糕，所以多少有啲發脹。
地址：弘大9號出口外街頭小食
Day4晚上喺鐘路三街嗰邊食左最平魚糕，感覺嗰邊少啲遊客，小食都冇明洞咁cap水~
魚糕 1000won/2串
居然有兩串，呢度嘅魚糕唔太粉，魚湯都係一樣自由添加，咁平冇野挑剔~
地址：鐘路三街站4號出口
Day5行完壁畫村就去左廣藏市場5，嗰邊幾高消費😒
魚糕 3000won/3串
明明想叫一串，但呀豬媽有多少老屈，見我地有3個人就隊左3串落黎，心裡唔高興
魚糕味道都一般 比較薄身，唯獨個湯加左紫菜好飲啲。
地址：廣藏市場
Last day當然都要食魚糕，呢間係建大6號出口，可以堂食
魚糕 3000won/碗(大概3串)
呢度嘅魚糕較薄身，碗湯熱辣辣，因為嗰日天氣最凍。
男朋友就讚呢度嘅湯冇咁味精、比較清；我就覺得冇加青辣椒，硬係爭啲
地址：建大站6號出口
雖然都係魚糕，但都有唔同價錢
不過以魚糕以言，個人覺得明洞嘅較好食，哈，雖然貴啲，主要係重口味，有辣醬好食啲。朋友話食魚糕好似食粉…魚糕湯好味精，我覺得…好食喎😂
Follow us:
Instagram: http://bit.ly/2g3ZtuS
Facebook: http://bit.ly/2gu1fIG
Blog: http://bit.ly/ywycarol
Contact us: http://mrmrsfoodhk@gmail.com
Florte Flower Cafe
除左BORA Cafe，去到韓國我另一間期待嘅就係呢間花花Cafe。
見過大多人post過靚相，女漢子都要溶化。
店門外最signature嘅櫻花樹報置，我地晚上去，所以睇落就冇咁靚。
除此之外，店內提供唔少花嘅配件，例如捧花、花環等等，有時間嘅話絕對會坐多陣。
後面嘅韓妹大概都自拍左200張嘅氣勢，我弱弱影左廿張左右。
雖然充滿花嘅佈置，但都唔顯得俗氣。
既然黎得都想發下花顛，當全部人同你一齊喪影嘅時候，尷尬是什麼？所以最好唔好帶太多隨身物品，方便移動。(雖然我見啲韓國人都係直接將電話放喺枱上，人就行開左)
草莓奶昔 7000won
見有唔少人都點呢杯，外型真係靚到「哇」一聲。
但除左外型靚，味道都出奇地唔錯。草莓味香濃，但唔過甜，味道亦都唔假冇藥水味。
面頭嘅忌廉唔多，而且細滑，甜而不膩。
食完燒肉過黎，飲杯冰凍奶昔好舒服。
朱古力拿鐵 5300won
男朋友點嘅係熱飲，拉花好靚而且呢杯都幾有內涵。
朱古力味濃，但唔會過甜，而且口感又夠滑， 飲得出唔係開粉沖。
3杯當中以呢杯最好飲，男朋友聲稱佢一路飲諗起方大同嘅《Love Song》
雖然有人話呢度係食環境，一般都認為呢種花痴產物得個樣。但我覺得靚得黎都算不錯飲 ！
女仔黎點都鐘意，男仔黎咪當睇下女仔
Iced Lemonade 5500won
因為最低消費一杯飲品，所以一共有3杯，以外型同味道，當中最唔期待嘅就係呢杯聽落最普通嘅檸檬水。
檸檬水仲可以有冇花樣，大概都係靠擺盤。
點知…錯哂！
我覺得3杯中最靚係呢杯，除左每份都有嘅小鮮花裝飾，裡面都有特別野。
檸檬水入面居然有朵玫瑰花形狀嘅冰，真係好靚！
連男朋友呢種冷漠派都忍唔住用高8度聲表示靚，兼幫舊冰影寫真。
以為完左？未…
舊玫瑰花冰入面居然有棵小花，可惜我地等唔到舊冰溶就離開左。
講到呢度，都未提過味道，因為就係杯唔難飲嘅lemonade囉。
整體黎講，都好推薦美女們要黎潮聖一下。
地址：麻蒲區新村路6街22號 (弘大站6號出口)
Follow us:
Instagram: http://bit.ly/2g3ZtuS
Facebook: http://bit.ly/2gu1fIG
Blog: http://bit.ly/ywycarol
Contact us: mrmrsfoodhk@gmail.com
吃貨夫婦 (51)