Uptop Bistro and Bar
用餐日期：2017/11/09
上次都黎過呢間位於珀薈酒店嘅餐廳試過佢地嘅晚餐，當時都覺得幾滿意。
環境方面不至於係酒店級咁靚，但因為位處19樓，景觀開揚，坐得舒適。加上店員服務態度可好，留下很好嘅印象。
當時都已經留意過佢地嘅下午茶set，有見過櫻花、薰衣草主題都好吸引。週三有個突如其來嘅假期，二人一同前往試左以茗茶作為主題嘅下午茶
茗茶薈萃下午茶 $348/2位 (星期一至五) - $388/2位 (星期六、日)集合不同茗茶製作鹹甜點各六款，以鹹點比較好食。
龍井蝦仁中規中矩，茶葉鵪鶉蛋都幾入味
細細粒唔會話好滯，口感就唔夠軟腍。
一口豆腐配烏龍茶，仲有蟹籽同木魚碎，夠滑溜。炸蝦球味道唔錯，炸粉稍厚，入口鬆脆，蝦肉彈牙
炭燒豬肉卷正常水準。抹茶冷麵唔會話好重抹茶味，麵質煙韌。
甜點方面伯爵茶馬卡龍唔會太甜，抹茶卷比較普通，抹茶味較弱，幸好蛋糕都算鬆綿。
鐵觀音天使蛋糕有明顯茶香，最好食。桂花杞子大菜糕入口清香，大菜糕質地唔係好動L嗰種，會實少少。
綠茶茉莉夾心蛋糕同抹茶卷質素差不多，以茉莉味較突出
焙茶芝士蛋糕係全個下午茶中味道最一般，焙茶同芝士味各自唔夠突出，同埋好似有陣罨味。
下午茶包括咖啡或茶，亦可加$22升級桂花烏龍或龍井茶，附上茶葉自行沖泡。
桂花烏龍茶清香，食tea感覺都係比較適合配壺熱茶
凍桃茶味道較失色，茶味唔濃，桃味唔出，甜度稍低，唯一係好夠凍。
平日黎講，價錢唔貴，人均二百蚊左右就包左下午茶同飲品，各鹹甜點都配合主題，質素符合價錢。
Uptop Bistro and Bar
I'm Carol 發表在 痞客邦 留言(0) 人氣()
FireBird
用餐日期：2017/10/29
位於銅鑼灣邊寧頓街嘅FireBird係一間日式居酒屋，以串燒為主，同時供應多款日式料理，消費不高，食材例如雞蛋、和牛、鮮魚日本直送，由日本師傅主理，質素有保証。
餐廳位置唔多，一邊係吧枱，有少少酒吧格局，面前就正係開放式廚房，如果鐘意坐吧枱，較有氣氛的話，建議預約位置；另一邊係高枱高櫈，但都唔會覺得不舒適。
餐牌供應沙律、前菜、刺身、壽司、炸物、串燒、日本料理、鍋物、茶漬飯、甜品，選擇豐富，定價合理。
前菜盛合 (6點) $88參考懷石料理嘅概念，前菜六小碟，佐酒不錯。分別有玉子燒、日本蒜頭、蟹籽蘿蔔蓉、瑩光魷魚、日本蘆笋、芝士鰻魚組成。
作為前菜，幾開胃。玉子燒香甜；芝士鰻魚嘅芝士粒creamy；日本蒜頭好特別，蒜味唔重鹹鹹地，口感爽脆
唯獨瑩光魷魚比較腥，唔啱口味
明太子芝士椰菜燒餅 $68
一次過可以試到兩款味道嘅燒餅，左邊係燒汁，右邊係芝士明太子，各有特色，滿滿蛋汁同柔軟嘅雞蛋，裡面加有椰菜絲，口感豐富。
山盛! 芥末脆脆薯條 $58
薯條新鮮炸起，熱辣辣，調味唔會太鹹，份量頗多，兩個人食極都食唔完。
珍寶海老天婦羅盛合 $158
除左珍寶蝦，另搭配茄子、蕃薯、紫蘇葉，非常豐富。我都係第一次食咁大隻天婦羅蝦呢，一共兩隻，性價比幾高嘅炸物，畢竟隻蝦有一隻筷子咁長啊
天婦羅炸漿唔厚，香脆鬆化，蝦肉彈牙鮮味，實在大滿足
鹿兒島霜降A4橫濱風和牛燒2人前 $298
鹿兒島出產嘅和牛油脂分佈平均，和牛肉呈嫩紅色，一場黎到，都要試試。一份約左十件，配上野菜，例如洋蔥、雜菌、茄子，伴味噌汁。
店員首先用和牛油脂燒熱個爐，然後輕輕炒熱野菜，再加入和牛，翻兩三下，最後加入味噌汁食得，十分期待
和牛粒肥美，肉質嫩滑，以味噌調味，唔會太嗆。茄子、洋蔥、椰菜等都煮得香甜。
鮭魚茶漬飯 $78
享用和牛途中上左一份茶漬飯，我地都無瑕欣賞。
飯團燒至微脆，帶飯焦感，面頭係燒鮭魚，附上微溫嘅湯汁，食嘅時候先加入。飯焦香口，鮭魚略乾略鹹，幸好湯汁清淡。
富士雪山布甸 $58
吸睛度高嘅甜品，店員以火槍加熱棉花糖，待棉花糖慢慢溶化後就會見到甜品嘅真身，原來係雪糕、布甸
面頭微脆，雪糕小小一球，配合布甸食冇咁甜膩。布甸質感稍實，奶味重，而且見到裡面有雲呢拿籽呢。
Frozen Grapefruit Cocktail $68
帶清新水果香，柚子、燒酒加上梳打水做成，酒味唔會太濃烈，容易入口。
Lava Flow $78
賣相吸引，以士多啤梨、菠蘿為主嘅飲品，忌廉細滑，飲落香甜唔假。
FireBird
地址：銅鑼灣邊寧頓街13號隆堡柏寧頓酒店地下
Follow us:
I'm Carol 發表在 痞客邦 留言(0) 人氣()
茗茶薈萃下午茶 $348/2位 (星期一至五) - $388/2位 (星期六、日)
細細粒唔會話好滯，口感就唔夠軟腍。
吃貨夫婦 (51)
