目前分類:台中 (78)

瀏覽方式: 標題列表 簡短摘要
動漫彩繪巷
前往日期:2017/12/20
 
近年台灣流行彩繪風,有好多舊式嘅村子加入彩繪後好似重生一樣,同時吸引唔少旅客到訪。除左彩虹眷村,台中嘅動漫彩繪巷都係唔少朋友嘅打卡點。
 
而林森路一帶亦因此進駐不少特色食店,起碼一場黎到彩繪巷都可以品嚐甜點、搵間咖啡室坐。
IMG_4379.JPG
呢度嘅彩繪畫得細緻,很有質感,龍貓、龍珠、小丸子、花師奶、Mario、海賊王、火影忍者、憤怒鳥、比卡超等。
幅幅都係童年回憶,除左呢啲街知巷聞嘅漫畫,仲加入較新嘅例如進擊的巨人、你的名字等

IMG_4380.JPG

IMG_4381.JPG

IMG_4384.JPG

吸引唔少動漫迷到訪,所謂高手在民間,原來呢啲彩繪係旁邊機車店嘅老闆畫上。老闆唔係漫畫家,不過係動漫迷,並無接受贊助,都係佢自費喺放假、晚上時候畫嘅

 

IMG_4418.JPG

IMG_4421.JPG

IMG_4425.JPG

 

因為附近係住宅,圖片唔會再廷伸,但若果顏色脫落就會再更新作品,所以唔同時間黎都係有機會見到不同嘅彩繪。

個人認為到此一遊已經很足夠,村子唔大,齋行的話10分鐘左右就行完。

IMG_4406.JPG

IMG_4407.JPG

IMG_4408.JPG

IMG_4413.JPG

 

IMG_4426.JPG

IMG_4428.JPG

IMG_4437.JPG

動漫彩繪巷

地址:台中市西區林森路102號


檢視較大的地圖


蒔初甜點 original tarts

用餐日期:2017/12/20

蒔初甜點就位於動漫巷入面,一直都係我口袋名單,想食佢地嘅撻一段時間了。甜點有賣相,亦有內涵,店內自設餅房,每日手工現做,限量供應,標榜低糖、健康

IMG_4395.JPG

IMG_4402.JPG

小店位置很好,基本上黎到動漫巷都一定會見到,就喺mario彩繪對面,招牌亮眼。

原本係佢地係主要外帶甜品,後來開左二店喺旁邊,裡面有幾個位置可以堂食,亦有室外座位。

IMG_4404.JPG

IMG_4453.JPG

IMG_4459.JPG

IMG_4461.JPG

IMG_4458.JPG

平日唔會好多人,可以輕鬆hea一陣。室內裝潢走文青風,以乾燥花佈置,白色、木色為主調,簡約舒適

 

 

IMG_4454.JPG

IMG_4456.JPG

餐牌供應甜點,以撻為主,平時喺社交網站都會更新每日款式,方便客人預留。

當日有草莓、藍莓、抹茶、百香果、朱古力、栗子撻等,另外仲有泡芙、芝士蛋糕等,甜點定價NT120-170。

IMG_4449.JPG

飲品有拿鐵、咖啡,定價NT90-120,甜點加配可減NT30,點單後,由店員送餐。

我地點左兩款撻、分別係「草莓一號塔」、「京都宇治抹茶塔」及一枝冷泡茶

IMG_4445.JPG

草莓一號塔 NT170

京都宇治抹茶塔 NT140

草莓撻同抹茶撻賣相都好靚,用上小木盤及印花墊紙擺盤。堂食仲附上蛋白餅,幾可愛

草莓撻面頭有新鮮草莓,味道清甜,完全唔酸,草莓下層有唧花奶油,質地滑溜,香而不甜膩。

IMG_4462.JPG

IMG_4464.JPG

撻內餡都加入草莓粒,製作都幾有誠意,混入原味生乳酪,整個撻質素不錯。撻皮即日新鮮製作,低糖配方,口感香脆硬淨,曲奇味道唔重

IMG_4485.JPG

抹茶撻嘅外型令我諗起喺香港幫襯過網店出品嘅焦糖海鹽抹茶撻,此撻嘅裝飾就再複雜一點,加有花生、提子乾,以NT140黎計,都物有所值

用上丸久小山園抹茶製成,茶濃帶點甘味,忌廉、卡士達醬滑溜,花生添加口感,撻皮較為硬略厚。(網店的資料可以再問我)

IMG_4472.JPG

IMG_4479.JPG

冷泡茶 NT50

冷泡茶用原個茶包沖泡,茶香清新甘醇,可一解甜膩。

IMG_4469.JPG

黎到動漫巷都可以一試蒔初甜點,堂食設最低消費NT150,預每人一份甜點啦;如果喺台灣其他地區,小店有部分甜點提供宅配服務,可自行查詢。


地址:台中市西區林森路100巷10號

營業時間:12:00-19:00 (週一公休)

粉專:https://www.facebook.com/originla/

檢視較大的地圖


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog:http://http://bit.ly/ywycarol

Contact us: mrmrsfoodhk@gmail.com

 
文章標籤

I'm Carol 發表在 痞客邦 留言(0) 人氣()

地芋添糖

用餐日期:2017/12/20

已經黎到台中最後一日,因為馬上就要落去台北,除左想大量灌入台式飲品,仲要去埋口袋名單呢家甜品店,想試好耐了。

地芋添糖位於錦新街,益民商圈「步行街」,位置唔難搵,因為我地本身已經食左蛋餅、舒芙蕾鬆餅、同兩杯台茶,本住點都要一試嘅心態行過黎,幸好冇令我地失望

睇過有唔少iger分享,見到啲相七彩繽紛嘅珍珠、手工芋圓被吸引過黎,所以話網絡嘅宣傳何其重要,始終台灣嘅食店咁多,齋睇旅遊書都好難試到啲小店

店名「地芋添糖」,原來係食左字,普通話讀起來就係「地獄天堂」,哈哈。

IMG_4347.JPG


門外都展示不少自家製嘅產品

IMG_4348.JPG

甜品店位置不少,空間感足,以白色為主調,半開放式廚房,隱約可以見到店員喺工作室中製作產品,配料透明度高,點單可以見到實物

IMG_4350.JPG

IMG_4352.JPG

餐牌主要供應剉冰、甜湯等,配上好多唔同款式嘅包心圓、珍珠等配料,價錢唔貴,每人低消一份甜品,繁忙時間限用餐60分鐘。

除左固定款式甜品,亦可以自由選擇配料,兩款配料NT45,三款則NT50,可以再加錢追加手作配料例如包心粉圓、雙色芋薯圓。

IMG_4377.JPG

包心粉圓、珍珠、芋薯圓等強調無化學成份,無添加色素、香料、糖精,珍珠嘅顏色主要來自蔬果,每日新鮮製作,所以供應款式會有所不同。

IMG_4349.JPG

可惜我地係遊客,佢地嘅手作產品需要冷藏,否則真係好有興趣帶番黎香港自家製

IMG_4357.JPG

剉冰自由配 NT65 (粉粿、珍珠、手作綜合包心粉圓)

首先十選二配料,我地揀左粉粿、珍珠,喺NT45嘅基礎下加配手作綜合包心粉圓NT20,共NT65。

剉冰份量相當多,足夠二人分享,店主人好好,相信見到我地係遊客,短時間難以回訪,所以就送左幾粒店家嘅招牌雙色芋薯圓俾我地試試,佢話黎到一定要試啊,再次感謝

IMG_4360.JPG

IMG_4361.JPG

粉粿、珍珠、包心圓嘅口味非常多,而且好特別。粉粿方面有梔子花、寶山紅糖口味,仲有季節限定款式,例如蝶豆花、桂花、火龍果等,不過當日未見。

粉粿切粒,外型似啫喱糖,但口感更柔軟味道清新,梔子花粉粿仲加入人手炒芝麻,好有誠意,但味道上就以紅糖較突出

IMG_4376.JPG

手工包心圓有芝士、雪蓮子、粟米、堅果、大豆、花生、毛豆等口味,隨機分配,包心圓嘅外皮煙韌晶瑩,隱約可以見到裡面係咩材料,口感粒粒唔同

較為得意係芝士,鹹甜交錯感覺突出。其次係毛豆,製作工序好花功夫,比較少見

IMG_4373.JPG

珍珠五顏六色,有紅蘿蔔、洛神花、老薑、有機薄荷、蕃茄、菠菜、黑木耳、芝麻等口味;不過唔係每日都有咁多款式,視乎當日供應。

部分由顏色、質感可以睇得出係咩味,例如芝麻、蝶豆花。有啲較為相近嘅就一路食一路估下係咩味道,幾好玩。

珍珠偏細粒,食落幾煙韌有彈性,如果再大粒啲更得我心。要數到最特別一定係老薑,薑味十足,但唔會太嗆喉

IMG_4375.JPG

至於店主請我地食嘅芋薯圓都係呢度招牌,可以一試呢,芋圓冇添加糯米粉,芋味唔係一入口就有,經嘴嚼口慢慢散出天然芋香,除左煙韌,居然仲保留左芋頭嘅口感,好新鮮

IMG_4355.JPG

地瓜圓亦係第一次食到嘅比例,用上兩種蕃薯製成,所以有兩種顏色,一半偏黃,一半偏橙色。賣相靚啲,地瓜味都會更突出,甜度唔高。

又八掛又見店主幾好傾,佢透露地瓜圓係用左黃金地瓜、紅地瓜製成,做法相當花功夫,經過慢火窯烤地瓜脫水將味道濃縮再各自做成兩種粉圓,再經手工結合成為雙色地瓜圓。

IMG_4374.JPG

同好多台式剉冰一樣並非細滑類,冰底加入左少少蔗糖,甜度適中。

最主要係感受到小店製作用心,對食材講究,一人食一個都唔過份啊,有機會去台中都會回訪。

IMG_4363.JPG


地芋添糖

北區錦新街28-3號

粉專:https://www.facebook.com/heavenlysweet2015/


檢視較大的地圖


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

一心古早味蛋餅

用餐日期:2017/12/20

我在台中的第四天

過去三日都係食西式早餐為主,三文治啊、全日早餐、咖啡等,咁黎到最後一日,想食啲熱辣辣、地道啲嘅野,咁睇過小籠包店,大部分一係就好早關門,一係就好晏先開門

所以我地去左一中商圈附近試下地道早餐 -   一心古早味蛋餅

一心古早味蛋餅位於一心市場,其實係個街市,睇落唔係太起眼嘅店面,雖然係平日過左上班時間,但都有唔少人堂食或者外帶,聽聞好多時都要大排長龍。

IMG_4254.JPG

店內嘅空間係有,但只放左幾張枱,搭枱就是基本;不過即使要等,都唔會太耐,因為翻桌很快

IMG_4255.JPG

IMG_4261.JPG

餐牌供應幾款蛋餅,例如肉鬆、火腿、荷包蛋、原味、芝士等,定價NT20-45,另有饅頭、肉包夾蛋、豆漿、奶茶等,牛奶係台農乳品出品。

全個餐牌最貴係【南屯套餐】,只需NT60就有一份總匯同原味蛋餅,適合兩人分享。

IMG_4256.JPG

超總匯蛋餅 NT45

有選擇困難嘅點一份超總匯就可以解決,裡面有哂火腿蛋肉鬆,咁嘅價錢就莫講話香港食唔到,台北應該都食唔到掛(?) 

IMG_4258.JPG

蛋餅即叫即整,份量不少,成塊火腿、荷包蛋撻喺面頭,仲見到係半熟狀態。蛋餅酥脆,偏厚實,帶點彈性,係傳統嘅手工蔥花麵糊餅皮。

但最好加少少醬,否則味道頗淡。火腿煎蛋零花巧,但簡單美味,不過有點同蛋餅各有各食嘅感覺幸好全份都唔算太油,獨食可能就會膩啲,但我地分享還好。

IMG_4268.JPG

IMG_4269.JPG

豆漿 NT15/

台幣15蚊就有大大杯豆漿,豆味幾香,甜度適中。

IMG_4260.JPG

因為我地仲有下一餐,就兩個分享一份蛋餅,已經夠食,60蚊台幣就食到個早餐,都幾划算。左右隔離都係街坊,挺有風味。

結果到最後一日先發現原來一中商圈都有唔少食店,可惜啊


一心古早味蛋餅

地址:北區錦中街90號對面

Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

樂丘廚房

用餐日期:2017/12/20

第四日嘅行程基本上以「吃」為主,除左喺下午時間會去到動漫彩繪村走走,咁我地一早食過簡單蛋餅早餐後,就黎到口袋名單另一間餐廳 - 樂丘廚房。

樂丘廚房喺台中有兩店,一間喺東海大學附近,聽聞都係唔少學生嘅愛店,既有主食,又有甜品,價格不高;後來喺一中街開左分店,對好多當地人而言,都係喜訊,起碼唔洗跑咁遠

我地喺第三日亦有到東海大學走走,但由於時間太趕,未能安排喺附近用膳,於是過擇最後一日黎到比較方便嘅一中店。

作為一個頗有準備嘅旅行,能夠預先訂位嘅店,我地都訂左,避免黎到先遇上冇位或者要等位會浪費時間嘅情況。此店開放電話訂位,我地預約左12點,店家一開門我地就到左。

IMG_4289.JPG

樂丘廚房位於一中街 I Plaza愛廣場嘅2樓,樂丘廚房嘅對面就正正係海賊王主題餐廳及專賣店。附近都幾熱鬧,以食店為主,地下更有少少似美食廣場,有不少小店、小食。

而相信係其中一間最火熱嘅茶飲店 - 老虎堂,就喺商場地下,好誇張嘅人龍,未開門已經排左廿幾人,我嚇到調頭走嚕,畢竟我都年紀大,冇咁好腳骨力。(笑)


餐廳裝潢都幾有心思,燈光偏暗一點,用大量乾燥花裝飾天花,牆上掛嘅霓虹燈牌,都係好多美女打卡嘅背景。(可能只有我覺得好難拍得美)

IMG_4295.JPG

IMG_4297.JPG

店中央係高身長枱,一邊係梳化位,反而枱面就冇飾品。位置頗多,但平日下午都好快坐滿,所以如果想喺呢度用餐,先行預約係最正確嘅事

IMG_4290.JPG

IMG_4291.JPG

IMG_4293.JPG

餐牌供應套餐,有齊沙律、麵包、湯、主菜、飲品等,單點有前菜、烤豬肋排、鬆餅漢堡、意大利粉、意大利飯等,甜品有招牌嘅舒芙蕾鬆餅、窩夫等,定價合理。

設最低消費,每人NT200,另收加一服務費,用餐時間1.5小時。

餐廳採取半自助形式,自行到收銀點餐,由店員送餐。因為我地已經食左早餐,加上我主要係為舒芙蕾而來,,所以隨便點多鬆鬆餅漢堡達到低消費費就算。

IMG_4299.JPG

歐姆蛋起司純牛堡 NT248

用上鬆餅皮取代漢堡包,附上一份薯條,如果有需要亦可以將牛肉換成雞肉。入面有生菜、蕃茄、洋蔥、酸黃瓜,店員有提醒,佢地嘅漢堡份量有點大。

其實佢係將啲材料用竹籤串起,歐姆蛋加左芝士炒成,蛋香十足,又夠滑溜鬆餅皮都夠鬆軟,但你話係咪好特別,又唔係囉。

IMG_4320.JPG

牛肉較為失色,口感紮實,略乾,配埋歐姆蛋食會較好。生菜係巨型,好似有半棵咁,唔知有冇人可以一口食呢個漢堡,自問都算係大口仔,結果都係要拆散哂咁食

薯條係好傳統嘅台式薯條,沾粉即時炸,十分香脆,都唔會差得去邊。

IMG_4321.JPG

IMG_4322.JPG

另一份係我比較期待嘅舒芙蕾鬆餅,一共有幾款口味,當日供應珍珠奶茶、玫瑰仙子、抹茶紅豆麻糬、提拉米蘇等,定價 NT180-220。

原本我都對珍珠奶茶口味幾有興趣,直頭喺鬆餅上面加珍珠,比較少見;但我最終都係好似老少女般揀左粉嫩粉嫩嘅玫瑰味

玫瑰仙子 NT220

等左大約20分鐘,上枱時店員都幾貼心,先問我地需唔需要影相,等我地準備好再打開蓋子,如果鐘意呢個乾冰效果就要點玫瑰口味了,得呢個口味先有的。

鬆餅顏色幾fancy,面頭仲灑左玫瑰花瓣,賣相就滿分,都幾夢幻旁邊附上雲呢拿雪糕,乾冰煙霧抹續一陣子,足夠又影相又拍片,以價錢黎計,定價相宜

IMG_4303.JPG

鬆餅嘅size比一般食嘅大塊啲啲,厚度適中,形狀保持得完整,未有空氣感,不會下塌。食落唔算鬆軟,口感綿密,類似蛋糕,蛋香一般,有點過熟,底同面有啲燶燶地,同香港食到嘅差不多。

面頭嘅乳酪加上玫瑰花瓣酸酸甜甜,至少令鬆餅不至於膩口。可能我期望有點太高喇,質素未算理想

IMG_4311.JPG

IMG_4318.JPG

總括黎講,呢間餐廳嘅環境不錯,食物味道中規中矩,兩份餐點連服務費共 NT515,挺公道,聞說佢地家嘅意粉不錯,可惜今次肚子空間有限。

我地係第一輪入座,上菜需時,但由於太人氣,就有限用餐時間,我地都只好睇住店員眼色,一食完自動自覺離開。


樂丘廚房 一中店 

地址:北區一中街96號 I PLAZA愛廣場2樓


檢視較大的地圖

電話預約:(04)2222-0330

粉專:https://www.facebook.com/LEOCHIU02/ 

餐單:http://www.leochiutw.com/menu.html


Follow us:

Instagram:http://http://bit.ly/2g3ZtuS

Facebook:http://http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

 

文章標籤

I'm Carol 發表在 痞客邦 留言(0) 人氣()

鼎王麻辣鍋

用餐日期:2017/12/19

雖然喺香港都搵到唔少台式火鍋店,但一般價錢都唔平,質素又未如理想。難得去到台灣,點都要搵餐麻辣鍋試試。

早幾年黎台灣經常聽到鼎王、無老鍋,不過當時試左後者,事實上兩間係同一集團,而家問香港人食咩麻辣鍋,十個有九個都答無老鍋

關於早年鼎王、無老鍋嘅食品安全爭議,可以去維基睇下,好詳盡的。不過都已經係數年前嘅事,相信有媒體報導後,情況已經有轉。

今次之行,一共喺台中停留4日,原本只係安排左燒肉同火鍋各一次,不過第三日喺夜市只係掃街,冇正經坐低食飯,所以未食飽。

喺台北去到宵夜時間,不論火鍋定燒肉都有好多選擇,但台中感覺上冇咁多,向住麻辣火鍋方向搵,原來好多都收得幾早,最終揀左鼎王

台中鼎王有3間分店,其中兩家營業到凌晨兩點半,有一家更加開到早上六點,啱哂一眾夜鬼

tripodking_01.JPG

我地由台中公園坐的士10分鐘到北區分店,約NT155,冇事冇幹唔想排隊等位,其實夜少少食野係幾爽的。

呢間分店面積非常大,有卡座、大枱,樓底高,空間感足,一邊食野仲會聽到流水聲,幾舒適。其實喺環境、餐牌、價錢、味道、服務同我去過嘅無老鍋相近。

tripodking_02.JPG

tripodking_03.JPG

tripodking_04.JPG

價錢喺台灣我諗都算中等價吧,平過佢嘅有大把,貴嘅亦大有鍋在。由於我地已經食左野兼只有兩人,就唔係點左好多款式。 

tripodking_05.JPG

麻辣鍋 NT108/位

每枱最低消費NT650,鍋底以人頭計算,每個人都要俾,可選酸菜白肉鍋或者麻辣鍋,收費NT108/位,相拼加錢。

湯底已包鴨血、豆腐任添,我地點左少辣,辣度溫和,唔會好似川式火鍋咁,見到大量花椒、辣椒,味道係香辣不麻,唔會太油膩。

tripodking_06.JPG

添加嘅湯底都一樣係麻辣湯,唔會愈食愈淡。豆腐非常入味,鴨血好大件,又夠滑溜,我地都添加左幾轉。

tripodking_17.JPG

配料有肉類、內臟、手打丸、餃滑、海鮮、蔬菜、麵食等,海鮮類有草蝦、墨魚片、鯛魚片、蟹管肉等,部分款式有相拼,但蟹管肉只有單點。 

而自助區有白飯任食,食麻辣野如果配個「靚仔」都係正正子的。

特選去骨鮮牛 NT360

擺放整齊,一卷卷咁,約有15、6片,畢竟唔係任食,質素都唔會太差。牛肉切成薄片,脂肪均勻,肥瘦相隔,牛味係有,但麻辣湯底就點都會有少少蓋過牛味。牛肉薄而腍身,唔會乾柴

tripodking_07.JPG

tripodking_08.JPG

tripodking_09.JPG

嚴選草蝦 NT289/8隻

冇諗住過質素咁一般,唔推薦草蝦,size又唔係大隻,蝦肉未至於霉,但感覺係唔新鮮,唔爽

tripodking_10.JPG

蟹管肉 NT160

呢個反而幾唔錯,蟹肉幾好肉地,我諗有廿零粒,口感爽彈,亦都唔貴

tripodking_11.JPG

tripodking_12.JPG

品蟹滑膏 NT99/特價

用上花枝、旗魚、豬雞肉、蟹管肉等做成,價錢都反映質素,蟹味唔濃,都係花枝口感,膠質唔重,偏腍,純粹價錢唔貴。

tripodking_13.JPG

干貝滑 NT278

有比較普通嘅墨魚滑啊、蝦滑,我地點左較少見嘅干貝滑。用上花枝、干貝製成,有明顯瑤柱口感同味道,但都係唔夠彈牙。 

tripodking_14.JPG

娃娃菜 NT100

tripodking_15.JPG

烏龍茶 NT70

tripodking_16.JPG

散點同吃到飽,除左喺食物質素上,環境同服務都係最大差異,鼎王始終係精品鍋,環境舒適,出哂名服務好,上菜整個90度鞠躬。

因為地喺夜市食完野先黎,就唔係點左好多野,埋單連加一,消費NT1729,人均二百多港幣,可以接受啦。環境服務係吃到飽不能比較的,臨走前仲幫我地叫的士。


鼎王麻辣鍋

地址: 北區漢口路四段385號 


文章標籤

I'm Carol 發表在 痞客邦 留言(0) 人氣()

逢甲夜市

前往日期:2017/12/19

其實酒店附近都有個一中夜市,不過位置唔係太大,食物唔係十分之對胃口;台中呢邊最多人提、話必定要去嘅相信就係逢甲夜市喇,咁黎到台灣冇理由唔行夜市,於是Day3我地安排去逢甲,諗住掃街仔

由於上午食嘅以甜點輕食為主,實際落肚嘅正餐唔多,想試下喺夜市食飽飽。我地六點鐘黎到,平日都幾多人,不過前後左右都係廣東話,遊客佔大部分

IMG_4175.JPG

其實事前都有上網搵過啲懶人包、必食推介,有記下來,不過喺夜市人多車多,好難跟到足,所以都係求其見到咩啱食就試下。見人排乜,又排埋一份啦,所以某啲店人龍係特別長

起司章魚燒 (原味美奶滋) NT100

近路口位一檔有幾個人排隊,可以望到製作過程,同日本嘅章魚燒唔同,店員將原粒細細隻章魚,放入蛋漿,唔會封口做成波型,成形係半粒。

IMG_4178.JPG

口味可以自選,本來想揀海鹽蔥味,但哥仔話賣哂,咁我地喺海鹽基礎底下,叫佢加左啲蛋黃醬。即時製作,等左超過15分鐘

IMG_4179.JPG

IMG_4180.JPG

只有6粒,其實係半粒,份量唔多,雖然sell原粒八爪魚,但都係好細隻嘅啫。奶漿中加入芝士,外層都幾香脆,章魚燒比想像中唔熱,原粒入口都係暖暖地。

味道都唔差,好有芝士味,不過有點貴

IMG_4183.JPG

自問都算係台灣腸控,黎到台灣諗住大量吸入,但台灣腸是咪out左(?)喺一中同逢甲都搵唔到台腸(嗚),係好簡單咁烤嗰種台灣腸。

見呢間原本賣大腸包小腸嘅官芝霖,都有人介紹過嘅,因為太想食腸,即管問下可否齋要腸兒,店員話可以。

IMG_4185.JPG

台灣腸 NT25

腸兒較瘦身,都算烤得幾脆,可惜本身腸兒嘅肥膏較多,口感較腍。但由於我地太想食腸,頂住檔都可以。

IMG_4184.JPG

 

烤香腸 NT40

行行下又見到烤香腸,呢檔賣香腸波,NT8粒,最少要買5粒。 

香腸唔會太肥太瘦,肉汁必出黎,又唔會好油膩。雖然貴啲,但好食過頭先嘅平價腸。

IMG_4196.JPG

IMG_4195.JPG

 

行黎行去都唔覺冇啲咩啱食,都揀唔啱,可能太多人,冇乜心機。又行番去入口,章魚燒對面有間炭烤胡椒餅,介紹就話係咩澳門米芝蓮乜乜,見到店員即時包胡椒餅,對餡、皮都好認真,粒粒都秤重。

反正冇咩啱食就試下,點知一等就等到花兒都謝了,排第三都等左30分鐘。胡椒餅即時用炭爐烤,等候時間長,每轉出貨唔多,愈排愈多人,條隊足足廿幾人

IMG_4186.JPG

IMG_4187.JPG

炭烤胡椒餅 NT40/個;NT150/4個

即時炭烤完,熱辣辣,可能我地影相一輪,入口又冇想像中咁熱。餅皮唔算好厚,帶少少炭香,而且有芝麻,外皮酥脆,味道都可以

肉餡份量不少,有點肉汁,頭幾口唔算好大陣胡椒味,食到尾尾會較突出。但要等咁耐太誇張,好食都變成一般。

IMG_4189.JPG

IMG_4193.JPG

醬烤牛肋條 (椒鹽) NT150/兩份

喺台灣見過唔少骰子牛,上年旅遊時幫襯過一次,但燒到好濃,份量又隨心今到見到牛肋條,問清楚店員,一份NT100,兩份就NT150,一份講到明係原條

 

IMG_4202.JPG

IMG_4200.JPG

計番都係40蚊,唔錯啊,幾抵食睇住店員由全生烤到熟,大約十分鐘,共有燒汁、海鹽、辣粉、椒鹽等口味。

牛肋條表面烤到微脆,牛肉食落好腍,又有牛味、肉汁,用生洋蔥墊底,所以底下嘅牛肉又會沾上點生洋蔥嘅味,辣辣地,幾過癮,推

IMG_4205.JPG

烤魷魚 NT150/隻

牛肋條哥哥旁邊見到呢檔烤魷魚,原隻大大隻,又試下,魷魚醃過,以烤爐烤成,等左十分鐘。

IMG_4204.JPG

IMG_4203.JPG

IMG_4209.JPG

魷魚軟熟,又有嚼勁,抵食過章魚燒啦,我地要左少少辣,醬汁唔會好鹹,幾鮮。 

IMG_4208.JPG

網上爬過文,逢甲夜市必食嘅,我地都冇食到(笑)。逢甲面積都幾大,除左小食,仲有唔少餐廳,都算係台中必到之地


逢甲夜市

地址:台中市西屯區文華路


檢視較大的地圖


文章標籤

I'm Carol 發表在 痞客邦 留言(0) 人氣()

離開東海大學、彩虹眷村,我地就往下一站出發,喺彩虹眷村乘坐56號公車往西區,於美術館站下車,車程約30分鐘,到美術館站係為左黎附近嘅審計新村走走

審計新村前身係省政府時期嘅審計處員工宿舍之一,後來已荒廢多年。近年規劃為青年創業基地,經過翻新,咖啡店、甜品店、皮具、飾品店等進駐。

overture_01.JPG

不時會舉辦市集、工作坊,成為台中頗受歡迎嘅文創點。當中嘅甜品店-序曲Overture亦係唔少本地人、遊客嘅口袋名單

雖然有部分商店、食店裝修過,但舊式公寓嘅結構依然保留,建築已有多年歷史,隱約可見昔日居民生活過嘅痕跡。而紅磚牆、鐵鏽樓梯等都成為文青打卡位置。

overture_02.JPG

overture_03.JPG

overture_04.JPG

overture_05.JPG

overture_06.JPG

當日係平日,未見市集,唔算好熱鬧,但氣氛悠閒,係消磨時間嘅好地方,而且仲搵到有唔少人氣餐廳,不妨一來

審計新村

地址:西區民生路368巷4弄8號

粉專:https://www.facebook.com/ShenJiNewVillage/


檢視較大的地圖

呢家序曲Overture係我地嘅目的地,本身喺台中北屯區有店,兩店供應款式有所不同。如果要食戚風,到太原店;要食千層,就要去審計366

overture_07.JPG

小店裝潢簡約樸實,保留舊宅風味,用上木枱木櫈。甜品店分為上、下兩層,於地下點單,位置唔算好多,空間感足,都算坐得幾舒適。

overture_08.JPG

overture_09.JPG

平日下午茶時間都有唔少客人,但點都會比假日悠閒,用餐限時1個半小時,每人低消一品項。

餐牌供應撻類、蛋糕類,定價NT120-240。飲品有原葉茶、花茶、拿鐵、抹茶、氣泡飲品等。

overture_18.JPG

伯爵拿鐵 NT150

雖然冇花巧嘅擺盤,只係簡單嘅玻璃杯,但內涵不錯。奶層頗厚,但混合後伯爵茶味都未有被蓋過,甜度適中

overture_10.JPG

美人鐵觀音千層蛋糕 NT180

千層有幾款口味,抹茶、紅烏龍、鐵觀音,定價NT175-180,原本我係睇中黑色嘅伯爵千層,但當日未見,揀左同樣幾特別嘅鐵觀音口味。

overture_11.JPG

overture_12.JPG

千層有16層,面頭有鐵觀音淋醬,千層都唔算好厚,入口綿滑唔會粗糙感,奶油抹得平均,茶味主要來自淋醬

我諗起西環嘅千層蛋糕,口感有點相似,未至於去到ladym咁薄咁creamy。

overture_13.JPG

聖誕樹 NT240

呢款屬於期間限定產品,最底係抹茶撻,上面係抹茶戚風蛋糕、抹茶忌廉、草莓、紅莓等。一如大家所言,抹茶味香濃,忌廉較稠黏,甜度唔高。

蛋糕偏濕潤,唔屬於輕盈,草莓食落好清甜,稍為平衡蛋糕嘅膩,否則單食蛋糕會有飽腹感

overture_14.JPG

底層嘅抹茶撻面頭仲鋪左藍莓,相當足料,撻面嘅忌廉冇咁稠,入口較細滑。撻皮脆口,曲奇味唔重,要慢慢咀嚼先試到。

本身單點一個抹茶撻都NT120,咁聖誕樹都幾抵,而且可以順道試埋原本只有太原店先有供應嘅戚風蛋糕。

雖然呢個甜品唔甜,但始終有三層戚風,加上忌廉,都會比較飽滯,最好都係開心share。

overture_15.JPG


序曲Overture 審計366

地址:台中市西區民生路366號

營業時間:12:00-19:30

粉專:https://www.facebook.com/overture366/


檢視較大的地圖


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

彩虹眷村 

前往日期:2017/12/19

彩虹眷村位於台中市南屯區,每年到訪人數超過百萬人,前往嘅人來自世界各地,一直都係各社交平台嘅熱門打卡點。

IMG_4042.JPG

邊個諗到,當初一條原本要拆除嘅小村子,能夠成為國際知名嘅景點呢

IMG_3989.JPG

IMG_3991.JPG

IMG_3994.JPG

睇過官網少少資料,彩虹村由幾位老兵自己建成,喺十年前本來準備清拆,當時已經85歲嘅老爺爺黃永阜因為消磨時間,喺村內牆上、地上開始作畫。

IMG_4001.JPG

IMG_4005.JPG

IMG_4007.JPG

IMG_4013.JPG

IMG_4014.JPG

IMG_4015.JPG

IMG_4016.JPG

畫作吸引唔少人前來,最終村子得以保留,老爺爺亦被稱為「彩虹爺爺」。 小村五顏六色,用簡單線條展現童真,有唔少人讚嘆,爺爺嘅畫作有療癒作用。

IMG_4018.JPG

IMG_4019.JPG

IMG_4023.JPG

IMG_4025.JPG

IMG_4026.JPG

IMG_4030.JPG

IMG_4035.JPG

IMG_4039.JPG

可以見到有部分已褪色,亦有部分被重新補上油漆,想像到爺爺喺地上作畫嘅背影,都有點眼角濕潤

IMG_4050.JPG

IMG_4081.JPG

其實村子唔大,但慢慢行下,睇下每幅畫、影相,我地大概花上45分鐘

我仲買左文件夾、名信片、貼紙,諗住用貼紙裝飾手帳,花左NT150。

IMG_4075.JPG

IMG_4070.JPG

IMG_4073.JPG

IMG_4074.JPG

 

即使未必會有新嘅畫作,彩虹眷村好值得一來,最重要係希望爺爺身體健康

IMG_4021.JPG


彩虹眷村

地址:台中市南屯區春安路56巷

公車:27號,於嶺東科大站落車。(作為參考,我地於秋紅谷站上車,車程約30分鐘。)

官方網頁中有對彩虹眷村,更詳細嘅介紹:http://www.1949rainbow.com.tw/


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

 Woosaパンケーキ 屋莎鬆餅屋

用餐日期:2017/12/19

台灣同香港一樣,都有陣鬆餅熱潮,屋莎鬆餅屋由高雄起家,開到去台中,最近亦喺台北開設分店,人潮湧湧。其中鬆餅、冰沙都係係店家嘅主打,賣相滿分,又有內涵

咁人氣嘅食店都開放平日時段嘅訂位服務,都算唔話得,起碼唔洗排餐死啊。今次之行雖然先後去台中、台北,但預計前者會冇咁多人,所以一早打定電話過黎訂位

woosa.pancake_01.JPG

台中店位於大遠百3樓,裝潢走日式風格,以木色為主調,餐牌都係手繪,好可愛。座位唔算好多,最好先行預約

位於商場內,半開放式,如果坐近門口位置,都會同行人「你眼望我眼」。但為左美食,唔會理會旁人目光。

woosa.pancake_02.JPG

可能考慮到食物製作時間較長,所以有兩小時用餐時間。設最低消費,每人要點一份餐

woosa.pancake_03.JPG

woosa.pancake_04.JPG

woosa.pancake_05.JPG

本來以為只有鬆餅食,原來仲有輕食,有興趣不妨一次過試哂主食同甜品,唔好好似我地咁多左底先黎,因為佢地有套餐供應,價錢幾優惠。

woosa.pancake_06.JPG


餐牌除左鬆餅,仲有沙律、咖喱飯、貝殼粉、漢堡、班尼迪蛋等,喺台灣都算是中上價位吧。

其中有個餐最優惠,可以揀一份主食 (咖喱飯/貝殼粉) 加 NT199,幾乎係半價,配一份鬆餅、飲品(特飲補差價)。

不過,咁樣只當作一份餐點,即係一人最低消費。因為我地已經食左早餐,就食唔落飯麵喇,點左一份鬆餅、班尼迪蛋同一杯飲品。


鬆餅味道一樣,差異在冰淇淋口味及淋醬,有蜂蜜、檸檬、紅豆抹茶、莓果塔、芒果、蒙布朗 (雲呢拿)   六款,定價NT240-310。

鬆餅系列已經包括一杯NT130嘅飲品,其他特飲可補差價。

莓果塔冰淇淋鬆餅 NT310

鬆餅大概等左20分鐘,鬆餅實物同圖片一樣,係一塊煎左嘅鬆餅,對摺一半,面頭淋上安格斯醬 (香草醬),配黑莓、紅莓、草莓淋醬、草莓雪糕

woosa.pancake_07.JPG

落刀已經感覺到鬆餅好軟綿,入口順滑細膩,有少少濕潤,而溶化感覺,但唔會有蛋糕口感,比例適中,讚

食落帶淡淡蛋香,香草醬稠滑。莓果淋醬酸中帶甜,層次豐富。為左保持雪糕形態,冰感較重,不易溶化。

woosa.pancake_08.JPG

woosa.pancake_09.JPG

整體係非常啱我口味,不甜不膩,亦明白點解會大排長龍。如果點套餐,加NT199就配上鬆餅,大概50幾蚊港幣,變相更加抵食

聽過最初開業嘅時候,鬆餅質素未穩定,蛋漿糊口,幸好冇遇上呢個情況

woosa.pancake_10.JPG


雲之優格 - 原味冰沙 + NT50 (原價NT180)

點鬆餅系列附一杯NT130嘅飲品,其他特飲可補差價,所以呢杯靚靚嘅雲之優格只需50蚊台幣。

woosa.pancake_15.JPG

佢嘅藍色來自梔子花果實萃取,非色素飲品。天空系列飲品仲有另一款以草莓製成,呈粉紅色,少女心爆發之作

冰沙細滑,味道冇乜特別,就係波子汽水、可爾必思,但相機食先一流,而且NT50冇理由唔點

喺香港試過類似嘅飲品,賣相實在差太遠喇,完全做唔到呢個效果。

woosa.pancake_16.JPG

woosa.pancake_17.JPG


屋莎蟹肉班尼迪克蛋 NT280

班尼迪蛋有兩款,分別係蟹肉、煙燻鮭魚,一樣價錢。由於早餐我地已經食過煙燻三文魚麵包,所以我地揀蟹肉,冇揀錯啊。

店員有提醒,班尼迪蛋即時製作,需要等30分鐘,上枱已經覺得非常吸引

woosa.pancake_11.JPG

woosa.pancake_12.JPG

班尼迪蛋中除左蟹肉,仲加有西蘭花、芝士、蕃茄、洋蔥等,配上香滑嘅荷蘭醬,很足料。

水波蛋輕輕一切開,蛋液緩緩流出,蛋香十足。食到明顯新鮮蟹肉,份量大方;其他配料由於煎過,所以好香口

woosa.pancake_13.JPG

班尼迪堡用上烘過嘅鬆餅,類似豬柳強嗰種,所以餅底有入口脆而實。整體不油不膩,口感豐富,非常飽肚。

喺香港食過好幾份,都做唔到呢個質素。七十零蚊港幣就食到,價錢合理。

woosa.pancake_14.JPG


估唔到除左招牌鬆餅,連班尼迪蛋都相當有驚喜,加上一早訂位,唔需要等候,味道唔錯,賣相都美,連埋加一服務費,約NT700,值得試啊。


Woosaパンケーキ 屋莎鬆餅屋

地址:台中市西屯區台灣大道三段251號3樓

粉專:https://www.facebook.com/woosa.pancake/


檢視較大的地圖


Follow us:

Instagram: http://bit.ly/2g3ZtuS

Facebook:http://http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

手樂 S.L CAF'E

用餐日期::2017/12/19 

安排去東海大學路思義教堂同熱門旅遊點之一嘅彩虹眷村於是早餐揀左呢間喺西屯區嘅cafe有公車可到,30分鐘左右車程,車費NT0 (爽)!坐公車上、下車嘟悠悠卡,首10公里免費啊親。

台灣有相當多嘅cafe,同香港最大嘅分別係,佢地一般面積都大很多,手樂cafe位於福林路,就喺澄清醫院附近。

slcafe_01.JPG

slcafe_02.JPG

slcafe_04.JPG

而呢邊應該唔係太多遊客吧,連本地人都鮮見,所以平日早上黎到,只有三、四枱客人。

cafe走工業風,有啲好raw嘅擺設,半開放式廚房、鐵櫈、水泥地,加上樓底高,分為上、下兩層,仲有室外位置,空間感十足,幾有氣派。

slcafe_05.JPG

slcafe_06.JPG

有啲似倉庫改建,枱櫈間闊落,近門口位嘅鮮橙色層架以喉管設計,好靚。因為空間夠大,都好適合多人聚會,所以呢度間中都會舉辦咖啡分享會。

slcafe_03.JPG

氣氛非常悠閒,感覺可以坐到兩、三得小時,當日亦都見到有客人攜同電腦、平板使用,連假日都不設限時,係其中一大賣點

slcafe_07.JPG

slcafe_09.JPG

slcafe_010.JPG


餐牌供應輕食為主,有全日早餐、三文治、鬆餅、貝果、甜品、飲品等。早上選擇較少,只有全日早餐及幾款麵包類,人均NT200。 

全日早餐一共有三款,都係啲基本配料,定價NT150/180/250,配茶/啡/果汁或可半價升級其他飲品。

slcafe_08.JPG

饗宴吃好飽 NT250 

呢份係三款全日早餐中最大份量,附上蘋果醋、果醬、蒜蓉牛油,擺盤幾精美。包括有沙律、雞腿肉、炒蛋、薯泥、培根、德國腸、麵包、純鮮奶吐司

slcafe_11.JPG

店員就話可以先飲蘋果醋開開胃,早餐即時做起,熱辣辣基本上都唔會差得去邊。

雞腿肉輕輕煎過,加少少香草,肉質幾嫩;炒蛋、薯泥份量有點少,但入口幾滑;沙律菜好新鮮,配胡麻醬好醒胃;德國腸、培根冇技巧可言,可是有點乾。

slcafe_12.JPG

煙燻鮭魚帕里尼 配沙律 NT160 

唔係套餐,不連飲品,但加配飲品可享八折。帕里尼裡面夾左煙三文魚、生菜、蕃茄,附上一杯仔沙律菜。 

沙律一樣新鮮;三文魚煙燻效果一般,入口較淡;包面本身都幾脆,裡面軟熟,唯整體性價比唔算很高。

slcafe_13.JPG

slcafe_14.JPG

焦糖拿鐵 NT75 (跟餐半價)、醇濃可可 NT96 (原價NT120)

兩杯飲品都有好靚嘅拉花,拿鐵綿滑,焦糖味幾香;可可奶味較重,朱古力味唔夠濃。

逢週一,咖啡外帶會有買一送一優惠,其實就幾抵。

slcafe_15.JPG

slcafe_16.JPG

整體黎講,呢間cafe俾我感覺性價比十分高,但呢度嘅賣點係地方夠大,好適合消磨時間。


東海大學、路思義教堂

由cafe行去東海大學大約30分鐘,東海大學面積好大,當中嘅路思義教堂由著名建築師貝聿銘設計,外型好特別,當中冇用上一根柱子支撐,加上一片大草地,都有唔少人專程黎影相

當日天氣好好,唔會好曬,又有涼風,一路往路思義教堂都唔難搵,沿路有指示牌。

slcafe_17.JPG

slcafe_18.JPG

加上東海商圈附近都有好多餐廳、甜品品,人流唔多,有興趣可以過黎食野,順便參觀。

。.JPG


手樂 S.L CAF'E

地址:西屯區福林路80號

粉專:http://www.facebook.com/s.lcafeonly


檢視較大的地圖


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

杏甜

用餐日期:2017/12/18

呢間杏甜我好記得,因為喺香港某甜品店食過類似的甜品,感覺踩雷了。

然後見到台灣的iger介紹【杏甜】,於是我即刻存下來,想著假如以後黎台灣一定要試試呢間。

 

雖然新式甜品有好很多,千層、布丁、戚風等,但傳統野不少得,唔食下仙草、芋圓都對唔住自己,台灣食嘅價錢確係平啲,質素一般都不錯。

 

由【萬客什鍋】步行過去杏甜都唔算太遠,可能係平日啦,店內客人唔多,裡面有十幾個座位,小店以黃色為主調,感覺係成條街較新式、搶眼嘅店,所以我地老遠已經睇到。

IMG_3838.JPG

IMG_3839.JPG

IMG_3834.JPG

IMG_3837.JPG

餐牌供應豆腐冰、 雪花冰、甜湯、飲品等,選擇唔算多,我地一人點左一份。

 

老闆(?)很好客,聽到我地嘅港式國語口音,都知道我地係香港人,喺等候途中,就隨意聊聊天。

IMG_3836.JPG

 

豆腐冰共有5款口味 包括杏仁、抹茶、芋香、鮮奶、鴛鴦,配上珍珠/紅豆/綠豆/薏仁/芋圓/地瓜圓/粟米片/大甲芋頭,定價NT40-55。

原本想跟風點抹茶豆腐冰,但剛巧抹茶豆腐酪沽清,最終揀左鴛鴦。

 

鴛鴦豆腐冰 配珍珠、芋圓、地瓜圓 NT55

以剉冰加上手作豆腐酪、配料製成,賣相比香港某甜品店嘅靚九萬里!

 

剉冰較清淡,唔會加左好多黑糖水,既清涼又唔會太甜。鴛鴦豆腐酪啡啡地色,係咖啡、紅茶混合,淡淡茶香,口感滑溜

 

珍珠偏腍身,唔係平時我地飲台茶嘅煙韌口感。芋圓、地瓜圓大大粒,分別有4粒,因為冰過,食落會實少少,再加強彈性會更好,但各自嘅芋味、地瓜味都明顯,尤其是後者。

IMG_3842.JPG

IMG_3845.JPG

 

杏甜有三款甜湯,按季節轉換,冬天有紅豆湯圓及燒仙草,所以第二份我地按店員推薦,點左燒仙草,推薦啊

 

燒仙草 NT45

除左燒草,裡面仲有配料:紅豆、綠豆、薏仁、芋圓、地瓜圓

配料份量好足啊,接近同仙草1:1。仙草味道同香港食到嘅唔同,好台灣古早味,即係嗰種罐裝仙草嘅味。

 

加熱後好暖胃,口感滑溜,個人認為比剉冰更值得試紅綠豆份量多,煮得夠綿;薏仁軟硬適中。

 

比較驚喜係芋圓同地瓜圓啊,雖然同剉冰一樣,都係嗰啲圓s,但可能因為加熱過,口感煙韌Q彈得多,而且味道再突出啲。 

IMG_3846.JPG

IMG_3848.JPG


杏甜

地址:北平路二段118號


檢視較大的地圖


Follow us:

Instagram:http://http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

萬客什鍋 

用餐日期:2017/12/18

黎到台灣,唔少得要食燒肉同火鍋,價廉物美嘅選擇一樣有。萬客什鍋主打石頭火鍋,係有超過廿年歷史嘅老字號火鍋品牌。現時喺台中有兩間店,準備開第三家。

係唔少當地人嘅深宵食堂,因為火鍋店營業至凌晨四點。不過食萬客,要好有耐性、快人一步,皆因佢地不設訂位,每晚都有長長嘅人龍啊

漢口店面積細,位置較少,裝潢冇乜特別,佈局係一張U型大枱,裡面有兩位店員負責招待。全店約有20個位,因為呢度採用一人一鍋模式,所以每個位都有一個爐,而枱面上已有沙茶醬、雞蛋。 

Wan_Ke Shabu_06.JPG

餐牌供應石頭鍋、燒酒鍋,以套餐形式配上豬、牛、羊、烏雞、海鮮等,鍋底連配料定價 NT298-528,附飯/冬粉,價錢實惠。點選燒酒系列仲會配上高麗菜盤,亦可加NT58升級基本菜盤。 

Wan_Ke Shabu_018.jpg〔萬客粉專圖片〕

鍋底有十幾款,每款價格差異很少,樣樣都想食,左計右計,比較煩係餐牌未有圖文並茂,海鮮份量未有列明,所以引申選擇困難症,我地最終點左一個燒酒鍋、一個石頭鍋

如果兩個人黎食,可以好似我地咁,點一個海鮮鍋,再搭配豬/牛/雞,樣樣都可以試到

Wan_Ke Shabu_04.JPG

萬客燒酒大草蝦鍋 NT450

燒酒鍋人手調製,店員會加入一樽燒酒、藥材包,再大火煮滾,燒乾後酒味唔會好重,反而有藥膳味,容易入口。可能因為咁,好多人都推薦呢度嘅燒酒烏雞鍋,特別天氣冷,食完暖胃

Wan_Ke Shabu_01.JPG

Wan_Ke Shabu_02.JPG

大草蝦鍋有6隻大蝦、十幾隻蛤蜊,大約港幣百零蚊包湯底、海鮮、菜盤 、飯,其實都抵食

Wan_Ke Shabu_07.JPG

如果鐘意食海鮮,建議點海鮮總匯鍋 (NT488),俾多幾十台幣,款式多出一截,除左草蝦、蛤蜊,仲多左天使紅蝦、凍白蝦、鮮蚵、鯛魚、魷魚

蛤蜊吐沙乾淨;草蝦好大隻,新鮮爽口,性價比很高呢

Wan_Ke Shabu_08.JPG

石頭嚴選雪花牛火鍋 NT358/6oz

石頭鍋嘅湯底較燒酒普通,加啲鹽加啲蒜頭製成,所以大部人都點燒酒鍋的。

配上嘅雪花肥牛雖然唔係話好靚好正嘅牛肉,但質素都唔差,薄切入口唔老唔柴。

Wan_Ke Shabu_09.JPG

基本菜盤 +NT58

原本點燒酒鍋都會附上一份高麗菜盤,但我地見升級基本菜盤都唔貴,所以都升級左,估唔到幾超抵食。而且上鍋後,會先上菜盤,可以先菜後肉。

裡要有粟米、木耳、椰菜、菇菌、蟹柳、南瓜、豆腐、丸餃,做成一人份量,椰菜份量大方,所以有9成人都會升級。

Wan_Ke Shabu_10.JPG

Wan_Ke Shabu_11.JPG

王子麵 +NT12

本來點鍋都配上白飯或冬粉,我地加錢升級王子麵,其實即係類似烏冬,食落煙韌。

Wan_Ke Shabu_12.JPG

起司爆口牛肉丸 NT88

因為第一次黎,怕每人一個鍋都唔夠飽,於是都多點左幾款配料,所以食到肚撐。不妨先睇睇份量夠唔夠,先決定需唔需要追加。

牛丸被掏空大部分,注入嘅芝士自然量多,確有流心效果,但只有三粒,有點貴。

Wan_Ke Shabu_13.JPG

Wan_Ke Shabu_14.JPG

老油條 NT45、九層塔花枝丸 NT45

油條普普通通;花枝丸都算幾彈牙,但唔點都唔會覺得有損失。

Wan_Ke Shabu_15.JPG

Wan_Ke Shabu_16.JPG

總括而言,食過呢餐,都明白點解喺咁多「吃到飽」火鍋店嘅情況下,萬客仍然一直都咁受歡迎。

特別係天氣冷時,因為呢度價錢唔貴,有相當質素,特別係海鮮類,性價比高!

Wan_Ke Shabu_17.JPG


萬客什鍋

地址:台中市北區漢口路四段16號


檢視較大的地圖


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

 

文章標籤

I'm Carol 發表在 痞客邦 留言(0) 人氣()

近呢幾年旅遊嘅模式有點啲改變左,就以我自己為例,以往總係訂完機票酒店後,要到書局買本旅遊書,出發前刨定文,做定功課,睇下食乜,去邊啲景點。

而家反而傾向於搵啲所謂「打卡點」,呢啲點通常當地人亦會去,簡單上上facebook、ig等已經可以搵到,而通常旅遊書未必有詳細介紹。等如人地黎香港旅遊,都唔再局限於山頂同主題公園。

我地今次台中遊有點可惜,未有安排到好似清境啊、日月潭呢啲大自然景色,主要花時間去一啲網美點影下相,其中沙鹿區可以花上大半日時間。

建議行程:高美濕地、沙鹿夢想街、好好聚落、美仁里彩繪村

沙鹿夢想街

夢想街位於靜宜大學附近,我地喺科博館站坐公車,去到靜宜大學站約45分鐘,由於公車上落車嘟嘟悠悠卡,首10公里係免費的,是次車費只需NT9

早上11點左右去到,估唔到平日早上都有比我想像中多人,哈哈。同埋感覺上唔淨止遊客,都有唔少係本地人,亦見到學生哥影畢業相。

夢想街其實就係一條街,以「夢想」、「堅持」、「態度」作為概念,主要係利用店鋪閘門嘅塗鴉、彩繪,以及一啲空間裝置作為照片背景,花45分鐘至1小時可以簡單影完。

而家仍未有很多商店、食店進駐,當日只見到豆花店、甲子園居酒屋同一間小食店營業,如果日後有多啲食店,一定更熱鬧。

呢度實際環境冇照片上睇起黎咁靚,咁精緻但如果鐘意影相、打卡裝逼還可以,加上沙鹿區仲有幾個景點,可以安排作個一日遊。但如果為行街、食野就唔太適合。

街口嘅「夢想」二字,除左拍照外,有否都令你想起什麼呢

小時候夢想好大好大,要做乜乜師、乜乜專業人士,而家嘅夢想好細好細,每日過得開心便好

shalu_dream_street_01.JPG

愛心鞦韆

shalu_dream_street_02.JPG

天空籃球場

shalu_dream_street_04.JPG

彩虹巴士

shalu_dream_street_03.JPG

地板至牆身彩繪

shalu_dream_street_06.JPG

shalu_dream_street_07.JPG

天使、蝴蝶翅膀彩繪,令我諗起韓國嘅壁畫村。

shalu_dream_street_08.JPG

其他彩繪 (還有氣球那個幾靚的,只可惜有我嘜頭就唔放上來了,大家大可到IG睇睇,有好多照片可以參考的)

shalu_dream_street_09.JPG

shalu_dream_street_10.JPG

打卡位例如「籃球」,約莫11點半鐘已經有條小人龍,可以到IG參考下別人嘅照片,影相要快,因為面前會有排隊影相嘅人,很多眼睛望住你啊

shalu_dream_street_05.JPG

甲子園居酒屋

shalu_dream_street_11.JPG

shalu_dream_street_12.JPG

shalu_dream_street_13.JPG

shalu_dream_street_14.JPG

夢想街內食店:

貨櫃咖啡屋:Dream St. Coffee、日式居酒屋:甲子園居酒屋、豆花店:小巷子豆花、飛鏢酒吧:Final&21、便當店:FUN飯

沙鹿夢想街

地址: 台中市沙鹿區晉文路3巷

園區開放時間:9am - 7pm

粉專:https://www.facebook.com/dreamstreetshalu/


檢視較大的地圖


好好聚落文創園區

第二日到沙鹿區幾個點影相,包括係夢想街、好好聚落,順道影埋美仁里彩繪。有部分人會加插高美濕地嘅行程,只係我地仲要留番啲時間番市區食,就冇去到喇。

離開沙鹿夢想街,挑戰一下腳骨力,步行到好好聚落,邊行邊影下相,時間過去不知不覺。行左30分鐘左右,依著地圖標示,去到永福巷一直搵唔到路。

後來有駕車嘅當地人本想問我地路,原來佢帶幾個新加坡朋友到好好聚落,得知大家係同一目的地後,佢好熱情邀請我地上車,仲要約實我地可以一齊離開,送我地出番去美仁里。

呢兩程順風車係旅途上嘅小確幸,相信人生冇幾多次,所以心裡面係很感激至少喺香港係「不可能任務」,既冇人會車你,亦都冇人會俾人車。

沙鹿區呢邊唔多遊人會到,而且園區位置唔算太方便,有點難搵,之所以興起,全靠當地網美捐窿捐罅搵出黎,形成所謂一大堆網美景點。

好好聚落文創園區主要以彩色貨櫃屋嘅裝置藝術打造成,之前有好瓦小館喺旁邊可以用餐,以用餐費抵入場券,但因為經營問題喺11月暫時歇業,於是好好聚落直接轉換為收取入場費,就可以入去影相。

IMG_3589.JPG

IMG_3590.JPG

IMG_3591.JPG

門票:NT50/位,如果要暫時離開園區,職員會喺手臂蓋印仔,即日內可以再入場。(所以記得保存收據)

入場費都好抵玩,雖然網上見到有啲文章建議逗留時間係45分鐘,不過我地喺人流唔多嘅情況下都影左超過1個半小時,哈哈,我地影左一堆照片。

IMG_3598.JPG

IMG_3601.JPG

IMG_3678.JPG

彩色貨櫃屋

IMG_3658.JPG

IMG_3659.JPG

IMG_3693.JPG

IMG_3716.JPG

IMG_3715.JPG

IMG_3727.JPG

IMG_3710.JPG

IMG_3728.JPG

彩色椅子

IMG_3638.JPG

文青字句

IMG_3636.JPG

IMG_3637.JPG

IMG_3686.JPG

為左方便遊人影相,大部分位置都設有小腳架,方便冇自備腳架嘅朋友都一樣可以輕鬆自拍不求人而腳架係流動嘅,方便調較位置,一般手機同細部嘅DC仔都放得入,非常貼心。(大機當然不行)

IMG_3623.JPG

IMG_3624.JPG

鐘意影相、鐘意fancy野、鐘意貨櫃屋嘅朋友可以一遊;但如果唔鐘意影相,只會覺得好無聊,只係一堆粉嫩粉嫩嘅貨櫃,自己考慮清楚。

IMG_3729.JPG

IMG_3741.JPG

IMG_3743.JPG

IMG_3744.JPG

IMG_3754.JPG

後記:揸車黎好好聚落會比較方便,然後我地真係好感恩遇上咁好心嘅當地人送我地順風車,佢地人真好,仲約實我地可以一齊離開,送我地出番去沙鹿車站。

亦提議我地可以去埋美仁里彩繪村影下相。途中我地都有聊到相互嘅行程,又睇左佢地去高美濕地嘅照片,氣氛歡愉,唔止當地人熱情好心,其實連同車嘅新加玻旅客都一樣好nice

好好聚落文創園區

地址:台中市沙鹿區鎮南路永福巷7號  

開放時間:10AM - 5PM (週二公休)


檢視較大的地圖


美仁里彩繪村

有好多朋友黎到沙鹿區,都會順道「探訪」美仁里彩繪村,呢度嘅彩繪同其他地方唔同,走復古、懷舊、地道風情,好寫實嘅一類,水果店、旗袍店、茶室、公共電話、郵筒等描繪50年前嘅台灣景色。位於沙鹿光位於光綜合醫院對面,目前共有5幅彩繪牆,地方唔大,大約20分鐘行得哂。除左喺度影下相,都可以從中睇到台灣以往嘅景象。

IMG_3766.JPG

IMG_3767.JPG

IMG_3777.JPG

IMG_3774.JPG

IMG_3781.JPG

IMG_3782.JPG

IMG_3785.JPG

IMG_3787.JPG

IMG_3791.JPG

IMG_3793.JPG

IMG_3794.JPG

IMG_3795.JPG

IMG_3796.JPG

而且比較特別係某部分彩繪有立體效果,仲要畫得好細緻,最鐘意老麵館中嘅啤酒碰杯圖,依照為遊人設嘅小攻略,做個無影櫈姿勢,栩栩如生。

IMG_3778.JPG

前往美仁里嘅交通唔算方便,我地睇過沙鹿火車站嘅班次有點疏,所以回程都係坐公車,約1小時車程,車費NT23。

IMG_3765.JPG

我地影完相,本來打算食少少野先離開,不過平日三點零鐘,好多食店都已經關門,只係飲左杯台式飲品就番台中市區。

美仁里彩繪村

地址:台中市沙鹿區美仁里美秀巷、新平巷


檢視較大的地圖


文章標籤

I'm Carol 發表在 痞客邦 留言(0) 人氣()

小巷子豆花

用餐日期:2017/12/18

喺柒柒手作早餐 () 食完早餐後,我地就前往第一個打卡點 - 沙鹿夢想街,沙鹿夢想街都算係台中頗受歡迎嘅拍照點之一。

夢想街位於靜宜大學附近,我地喺科博館站坐公車,去到靜宜大學站約45分鐘,由於公車上落車嘟嘟悠悠卡,首10公里係免費的,是次車費只需NT9

早上11點左右去到,估唔到平日早上都有比我想像中多人,哈哈。同埋感覺上唔淨止遊客,都有唔少係本地人,亦見到學生哥影畢業相。

夢想街其實就係一條街,以「夢想」、「堅持」、「態度」作為概念,主要係利用店鋪閘門嘅塗鴉、彩繪,以及一啲空間裝置作為照片背景,花45分鐘至1小時可以簡單影完。

而家仍未有很多商店、食店進駐,當日只見到豆花店、甲子園居酒屋同一間小食店營業,如果日後有多啲食店,一定更熱鬧。

呢度實際環境冇照片上睇起黎咁靚,咁精緻但如果鐘意影相、打卡裝逼還可以,加上沙鹿區仲有幾個景點,可以安排作個一日遊。但如果為行街、食野就唔太適合。

街口嘅「夢想」二字,除左拍照外,有否都令你想起什麼呢

小時候夢想好大好大,要做乜乜師、乜乜專業人士,而家嘅夢想好細好細,每日過得開心便好

shalu_dream_street_01.JPG

愛心鞦韆

shalu_dream_street_02.JPG

天空籃球場

shalu_dream_street_04.JPG

彩虹巴士

shalu_dream_street_03.JPG

地板至牆身彩繪

shalu_dream_street_06.JPG

shalu_dream_street_07.JPG

天使、蝴蝶翅膀彩繪,令我諗起韓國嘅壁畫村。

shalu_dream_street_08.JPG

其他彩繪 (還有氣球那個幾靚的,只可惜有我嘜頭就唔放上來了,大家大可到IG睇睇,有好多照片可以參考的)

shalu_dream_street_09.JPG

shalu_dream_street_10.JPG

打卡位例如「籃球」,約莫11點半鐘已經有條小人龍,可以到IG參考下別人嘅照片,影相要快,因為面前會有排隊影相嘅人,很多眼睛望住你啊

shalu_dream_street_05.JPG

甲子園居酒屋

shalu_dream_street_12.JPG

shalu_dream_street_11.JPG

shalu_dream_street_13.JPG

shalu_dream_street_14.JPG

由於當日天氣有點熱,正值中午時份,我地揀左「小巷子豆花」食個甜品,稍作休息,再前往其他拍照點。

dream_smallalley_01.JPG

小巷子豆花只供應豆花,夠哂專一。餐牌供應多款配料配搭,有原味、花生、紅綠豆、薏仁、粉圓、古早味 (乾豆花,冇湯) 薑汁 (冬季限定) 等,豆花可選冰、暖、熱,定價NT35-45,價錢合理。

IMG_9024.JPG

小店8月份先開業,以賣豆花嘅店而言,位置頗多,裝潢幾靚,正中心有啲用乾燥花製成嘅花環,花過心思。用上木枱木櫈,走簡約路線,半開放式廚房,乾淨企理。

dream_smallalley_02.JPG

dream_smallalley_03.JPG

dream_smallalley_04.JPG

dream_smallalley_05.JPG

綜合豆花 NT45

可選兩款或三款配料,我地揀左紅豆、綠豆、粉圓,冰底上。豆花都幾大碗,因為我地已經食過早餐,加上款式變化唔多,所以就兩人分享。

豆花嘅豆香中庸,入口軟滑,如果單點原味/古早味豆花,相信會更加濃郁。紅綠豆唔會煮得太腍,保持咬口,不帶粉感。

dream_smallalley_06.JPG

粉圓比較是個誤會,因為我以為係芋圓之類的,結果係珍珠啊。粉圓細細一粒,口感偏腍身,唔算好有噍頭。

冰底冰感重,都算打得幾細緻,未見硬塊,雖然加左糖水,但不甜不膩。反而綠豆味特別突出,感覺似食緊綠豆冰。

dream_smallalley_07.JPG

整個甜品配料簡單,清涼消暑,正好為我地喺夢想街嘅行程作結

 一日遊行程:高美濕地、沙鹿夢想街、好好聚落、美仁里彩繪村


沙鹿夢想街

地址: 台中市沙鹿區晉文路3巷

小巷子豆花

地址:沙鹿區晉文路3巷19號


檢視較大的地圖


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

柒‧柒手作早午餐

用餐日期:2017/12/18

韓國之前吹起一股「自動販賣機潮」,有咖啡店外設藍色販賣機,吸引好多網美前去打卡。而黎到台中,都可以搵到幾家有販賣機造型嘅店家啊,喺北區有藍色同黃色販賣機出沒。

呢家設有粉紅色販賣機嘅「柒‧柒手作早午餐」喺西區昇平街,有唔少人都專程去影相架。唔知幾時吹到黎香港?

77seventy_14.JPG

柒‧柒手作早午餐位於昇平街嘅轉角位,距離公車站接近15分鐘,作為參考由台中公園出發的士收費大約NT135。

77seventy_01.JPG

餐廳位置比想像中多,有望窗嘅文青位,另有8張枱,裝潢簡約樸實,空間感足,枱櫈唔會密麻麻。

餐廳採用開放式廚房,煮嘅都係簡單嘅早午餐,唔會話聞到油煙味,客人自行點單,餐具自取,由店員送餐,並冇收取服務費。

77seventy_02.JPG

77seventy_03.JPG

77seventy_04.JPG

小店就營業到下午3點,用餐限90分鐘,不過平日早上客人唔多,所以都可以輕鬆食下早餐。

餐牌供應全日早餐、三文治、貝果、歐姆蛋、意大利麵、沙律、小食、飲品等,點了兩份早餐及飲品,人均NT220,價格合理。

38413873125_e1e413eeb9_o.jpg

77seventy_09.JPG

起司培根貝果 NT160

食物即點即製,大約8分鐘上枱。呢份有原味貝果、芝士、培根、滑蛋、沙律

貝果中規中矩,因為加左蒜蓉烘過,口感唔算軟熟,放涼的話會偏硬。其他配料都係簡單材料,正常質素,冇乜特別驚豔之處 

77seventy_08.JPG

77seventy_10.JPG

厚蛋起司豬排三明治 NT149

呢份會較抵食,所以眼見大部分人都有點,價錢大約40蚊港幣,有炸豬排、芝士、厚蛋、蕃茄、沙律菜,仲配埋原味脆薯。

三文治係薄薄一片,配料豐富,豬排即時炸起,冇油膩感。蛋同豬排一樣厚,食落滿足,不過會稍微影響豬排外皮脆脆嘅口感。

薯條份量不少,沾粉即炸,薯味幾重,口感酥脆,呢份三明治性價比挺高

77seventy_11.JPG

77seventy_12.JPG

巧克力尬鮮奶 NT100 (跟餐減NT20)

相對較小一杯,價錢唔貴。不過朱古力奶唔算話好濃嘅朱古力味。

柒彩霓虹燈 NT110 (跟餐減NT20)

果昔共有4款,有藍莓配香蕉、鳳梨配藍莓等,呢杯「柒彩霓虹燈」係火龍果加奇異果嘅果昔,有明顯漸層。

果昔打得細滑,口感唔會過份稠,火龍果味本來就比較弱,搭配奇異果味道自然清新

77seventy_13.JPG

柒‧柒係一間比較多本地人前來嘅食店,環境舒適,係個食早餐嘅選擇,餐點製作較簡單,味道上雖然唔會有啲咩大驚喜,但價錢唔貴。

餐廳後門就係粉紅色販賣機,又可以影下相,可以一試啊

77seventy_14.JPG

77seventy_15.JPG


 柒‧柒手作早午餐

地址:台中市西區昇平街146號


檢視較大的地圖


Follow us:

Instagram:http://http://bit.ly/2g3ZtuS

Facebook: http://bit.ly/2gu1fIG

Blog:http://http://bit.ly/ywycarol

Contact us: mrmrsfoodhk@gmail.com

 

文章標籤

I'm Carol 發表在 痞客邦 留言(0) 人氣()

屋馬燒肉 

用餐日期:2017/12/17

第一日完成兩個拍照點後, 晚上選擇喺西屯區嘅屋馬燒肉晚飯,燒肉店很受本地人及遊客歡迎 ,生意很好, 所以我地都一早訂位

因為係週日, 店員回覆,只係得番9pm呢輪有位置 ,即使提前黎到 都冇得入座的, 跟足預約時間。入座起限兩小時, 上菜速度迅速, 基本上都好夠喇。

中港店裝潢都幾霸氣, 幾有設計感, 不過網上見到國安店仲有型 ,面積更大。地下有張長枱用作等位 ,客人如果早到左 可以喺店內等候,我地仲好驚訝地見到有按摩服務(不過我地冇問及收費)

umai_01.JPG

umai_02.JPG

二樓、三樓用餐 ,慶幸我地兩人都被安排四人座 ,始終套餐份量不少。入座後店員快手快腳遞上濕紙巾, 招呼做足

umai_03.JPG

餐牌供應多款套餐 ,有雙人亦有三人, 定價NT1580-2880, 另收加一。選擇很多, 差異主要在有牛、冇牛、有海鮮冇海鮮等,亦有單點 ,價錢都唔貴, 不過點都係點套餐划算。 

調味料(昆布鹽、檸檬汁、燒肉醬  )

呢度嘅肉類基本上都已經醃過/已調味,所以我地都冇乜點用過醬 ,只係間中沾昆布鹽 提升肉嘅層次。

雞湯

每枱都有一整壺雞湯 ,湯頭清澈冇味精感, 天氣涼涼地 一口接一口。

umai_04.JPG

雙人套餐 NT2180/全牛

下午只係食左冬甩,所以我地都好餓, 點左呢個全牛套餐 ,約HK$650,沙律、泡菜、南瓜泥、韓式蔥拌牛舌、美國安格斯牛小排(厚切、薄切)、美國安格斯極盛貝身牛小排、澳洲和牛牛舌、

韓風小牛排、北海道干貝、精選蝦品、白飯(加NT60可升級海鮮豚肉粥)、兩杯哈根大師雪糕、飲品,非常豐富。

屋馬主廚沙律、泡菜、南瓜泥、生菜包任添

可選配凱薩或日式胡麻醬 ,我地揀左後者 ,裡面加左花生 冇咁單調。

umai_06.JPG

umai_05.JPG

韓式蔥拌牛舌

熟上 混有蔥花、白芝麻 ,薄薄一片 。

umai_07.JPG

牛小排

一共有四款, 分別係厚、薄切、極盛貝身、韓風小牛排, 以層架送上。基本上幾份味道都唔錯 ,以厚切最深得我心, 一方面有好濃烈牛香 ,口感軟腍 ,肉汁豐富

umai_09.JPG

umai_15.JPG

薄切亦都唔差, 脂肪平均, 牛味都意想不到重, 而且比較薄身 ,容易燒熟, 唯一係帶點油份 會較搶火, 燒嘅時候要留意

umai_13.JPG

極盛貝身 厚薄適中 食落有嚼勁 ,脂肪唔多韓風小牛排較容易燒焦, 較有厚度, 適合夾泡菜包生菜食。

umai_08.JPG

umai_14.JPG

澳洲和牛牛舌

輕輕燒一陣已經食得, 加埋洋蔥更惹味。

umai_11.JPG

umai_12.JPG

北海道干貝、精選蝦品

以錫紙兜隔住燒 ,唔怕整到燶哂, 貝味鮮甜。海蝦都幾大隻, 肉質爽口

umai_16.JPG

umai_17.JPG

白飯

飯粒分明 ,配燒肉一流, 但如果鐘意食粥都可以加錢升級海鮮粥啊, 因為眼見隔離枱點嘅賣相不俗呢。

umai_18.JPG

雪糕、飲品

umai_19.JPG

umai_20.JPG

整體而言 ,屋馬燒肉係名符其實CP值頗高的, 我地點呢個雙人餐 ,食到好飽,難怪霜淇淋職員聽到我地要去食屋馬 都話不錯的

唯一就係店員比較繁忙啲, 唔會好似其他燒肉店咁會幫忙烤肉喇。


屋馬燒肉

地址:台中市西屯區台灣大道三段300號


檢視較大的地圖

其他分店:

文心店:台中市南屯區文心路一段436號

園邸店:台中市西區公益路111號

國安店:台中市西屯區國安一路168號B1-2

營業時間:週一至週日上午11:00至晚間00:00

網址:http://www.umai.tw/


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

金帛霜淇淋專賣店 

用餐日期:2017/12/17

完成屯區藝文中心同大坑情人橋嘅行程後 (參考鏈接:http://bit.ly/2m4lmxZ), 已經差不多6點鐘。

本來我地都想試圖企圖慳慳地坐公車,但情人橋呢邊好高尚住宅feel,公車站挺遠,連的士都係金睛火眼先截到。

金帛霜淇淋專賣店一直喺口袋名單,大家都知,我對便便形雪糕特別有好感,加上佢地經常推出新口味,或者限定款式,好吸引的

kinbo-icecream-01.JPG

kinbo-icecream-02.JPG

kinbo-icecream-03.JPG

雪糕店位於北區,事實上都鄰近一中商圈,行十分鐘左右都去到,幾方便。店內位置闊落,有幾個內用座位,室外都有兩張枱仔,以木色為主,走日系風格。

kinbo-icecream-04.JPG

kinbo-icecream-05.JPG

餐牌供應霜淇淋,當日有兩款口味,分別係烏龍鮮奶、草莓,有基本款同升級款,即係多啲配料,定價NT80-130;仲有鯛魚燒、泡芙,價錢唔貴。

kinbo-icecream-06.JPG

草莓DO DO NT130

既然係草莓季,一定要試試草莓霜淇淋,成杯輕鬆食,底層係草莓雪糕,中間有可可脆片、奶酪,然後加有切片嘅新鮮草莓,最後一層便便雪糕,層次豐富

霜淇淋質地冇雪糕咁滑,類似天仁嗰種沙沙地,唔算溶得好快。莓味清新,不甜不膩,奶酪味唔係好重,脆片香脆唔硬

草莓食落酸酸甜甜,面頭嗰粒心型朱古力就弱啲,較黏牙。但雪糕控都好滿足,本來想離開前再黎,都冇時間了。

kinbo-icecream-07.JPG

茶の盛宴 NT130

用杯裝嘅烏龍鮮奶霜淇淋 面頭有茶凍、珍珠同一件伯爵乳酪蛋糕。霜淇淋質地同草莓味一樣 都唔會好滑身, 呢款可能加左鮮奶關係 ,溶得比草莓味快少少。 

烏龍茶味香濃 同一時間令我諗起天仁嘅鐵觀音雪糕,有 過之而無不及,加左鮮奶 茶香而清新。

 伯爵乳酪蛋糕雪得幾凍 ,冰感有點重, 帶淡淡伯爵茶味 ,又有乳酪酸酸地嘅感覺 ,有趣

幾粒茶凍彈牙,有茶香 。珍珠份量不少, 細細粒, 尚算煙韌。整體而言 我地都好鐘意呢間霜淇淋專門店。

kinbo-icecream-08.JPG

而且喺台灣很容易就感受到人嘅熱情、熱心,同店員傾起佢地剛巧黎過香港旅遊, 短短十幾分鐘,氣氛歡愉。

呢個時間難截的士,佢地提出可以幫我地用電話程式叫車, 令我地印象深刻

kinbo-icecream-09.JPG


金帛霜淇淋專賣店

地址:北區三民路三段201巷14號

營業時間:12:30 PM - 9:00 PM

Instargram :kinbo_icecream 金帛霜淇淋

粉專:https://www.facebook.com/jinbo888/


檢視較大的地圖


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

 

 

文章標籤

I'm Carol 發表在 痞客邦 留言(0) 人氣()

2017年聖誕前來一個「台灣遊」,輕輕去玩7日6夜,頭4日留喺第一次去嘅台中,之後就番台北。

班機:國泰

機場兌換率:3.68(17/12,收NT30收續費)

電話卡:大哥大,7日4G數據任用+NT150通話費 - 收費:NT500(不限流量)

26001289_10155778092255734_1657094256852032828_n.jpg

交通:台北機場台中:客運 - 收費:NT280/位 - 時間:2小時30分鐘 (高鐵:NT700/位;1小時)

26001117_10155778092355734_4381477376389954335_n.jpg


其實第一次去台中,大部分遊人照理應該去清境、日月潭等景點吧,不過我地冇,幾日都係以食為主,日日食食食

我地兩個都好喜歡台中,實在太多美食了,價廉物美,而且遊客沒有台北多,有機會希望再黎,到時會去一去熱門嘅旅遊點。

IMG_3206.JPG

因為第一日有兩個「點」想要去,到酒店check in完都已經下午3點幾,於是我地喺酒店樓下嘅便利店,買左兩個冬甩就出發。

IMG_3218.JPG

有唔少人鐘意呢間啲冬甩,可能香港買唔到,而且價錢平,款式又多,我地喺便利店買,當然唔會係新鮮架喇,揀左兩個聖誕版

IMG_3219.JPG

耶誕草莓波提 NT40/個

耶誕檸檬波提 NT40/個

波提一個粉紅、一個黃色, 面灑左彩針,賣相幾靚嘅。我唔係特別鐘意食波提嘅人,所以覺得一般般。草莓味比較自然,檸檬味就假假地。

波提口感實啲,都會有點乾,純粹平平地要黎頂頂肚

IMG_3223.JPG

IMG_3224.JPG

IMG_3225.JPG

交通:台中交通冇台北咁方便 公車站多,時間較長,趕時間係不能坐的。好多時問酒店職員,佢地第一句多數建議坐的士,所以我地第一日都坐左幾次

到第二日及期後,適應左公車路線,預早出門,加上公車首十公里免費的,其實好抵搭坐個幾鐘都係廿幾蚊台幣,哈哈。

第一日淨係去左以下呢兩個地方,如果唔鐘意拍照可能會覺得無聊,但我地影得幾開心架。


屯區藝文中心【傘亮花博 - 展覽已完結】

估唔到實物係咁簡單嘅背景,都可以變成打卡位,牆上放左不同顏色嘅雨傘,都幾好影,輕鬆過左一小時。

IMG_3228.JPG

IMG_3229.JPG

IMG_3233.JPG

當日係呢個主題最後一日,聽講而家已經拆掉,好可惜啊,因為此展覽簡單得黎,都吸引左唔少人過黎呢

IMG_3239.JPG

IMG_3241.JPG

IMG_3267.JPG

IMG_3268.JPG

IMG_3271.JPG

IMG_3272.JPG

IMG_3282.JPG

地址:台中市太平區大興路201號 ‬

我地前往嘅交通(參考):台中公園往屯區藝文中心 的士NT230

 「傘亮花博、閃耀臺中」裝置藝術展:「台中市屯區藝文中心」  https://www.facebook.com/ttdac

 展示時間:10/15 - 12/17 09:00~17:30(週一休館)


檢視較大的地圖


大坑情人橋

由藝文中心大約步行20分鐘到情人橋,有唔少人專程過黎影相,我地去到已經接近黃昏時間,粉紅色橋已經著左燈,hen可以啊,影相會幾靚的(雖然只係一條橋)

IMG_3343.JPG

IMG_3342.JPG

 

IMG_3344.JPG

IMG_3336.JPG

地址:台中市北區祥順東路一段與景賢路交叉路口 ‬

我地離開嘅交通(參考):情人橋往北區 的士NT210


檢視較大的地圖


Follow us:

Instagram: http://bit.ly/2g3ZtuS

Facebook:http://http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()