目前分類:搵食西營盤 (8)

瀏覽方式: 標題列表 簡短摘要

Good Good

用餐日期:2019/08/03

週末找一家咖啡店,除了品味咖啡,享用用心做的食物、甜點,都是一個放鬆、療癒自己的機會。位於西營盤的Good Good正是一間很受文青歡迎的小店。

日式簡約裝潢,本著為家人料理的心思,供應以蔬食為主的好東西,兼買手作甜點,雖然價格稍高,但能夠慢活大半天,值得了

goodgood_01.jpg

Good Good本來是主打健康食材的網店,在西營盤開設實體店剛過一年,累積不少熟客

goodgood_02.jpg

餐廳位於第二街,一棟兩層,地下是廚房及數個高枱櫈位置。二樓的座位數量較多,只是大部份人用餐時間頗長,所以還是有機會要等候位置的。

goodgood_03.jpg

goodgood_04.jpg

goodgood_05.jpg

goodgood_06.jpg

餐廳裝潢走文青風,木色搭配白色,以木質傢具為主,放置乾燥花、書本、小物等擺設。

室內燈光較昏黃,十分舒適、溫暖。

goodgood_07.jpg

goodgood_08.jpg

goodgood_09.jpg

goodgood_10.jpg

goodgood_11.jpg

餐牌主打日式簡餐,款式不時轉換,可以參考餐廳專頁更新。除了招牌Good Good飯、納豆飯,還有最受歡迎的「C餐」,當日為蔬菜炸串咖喱烏冬,午餐定價$98/108。

goodgood_12.jpg

另有少量輕食例如燕麥碗、甜點例如蛋糕、布丁、蛋卷等。

goodgood_13.jpg

goodgood_14.jpg

Good Good重視選材,每日新鮮備料,出品既有賣相,亦有內涵。

goodgood_15.jpg

二樓用餐區的枱面上有「鐘仔」,布織好可愛。客人如有需要下單或者協助可以按鈴。

goodgood_16.jpg

水蜜桃奶油蛋糕 $58

三層蛋糕以鮮忌廉相隔,中間加入桃肉,白桃以糖漬白酒熬煮,清甜多汁之餘帶淡淡白酒香

蛋糕體有彈性,濕潤度適中,忌廉量頗多,香滑輕盈,沒有甜膩感。貪心的我,當然希望多一點桃肉。

goodgood_17.jpg

goodgood_18.jpg

焦糖雞蛋布甸 $48

很多台灣、日本的咖啡店都有做布甸,Good Good都有啊。布甸口感較紮實,質地滑溜,焦糖濃郁不過甜,蛋味沒有很重,中規中矩。

但不得不提,以冧酒煮過的新鮮車厘子,軟腍香甜,好吃呢

goodgood_19.jpg

House Black $35

Good Good的環境十分舒適,來店用餐的客人都自動降低聲量,而且店員不催不趕,有真正慢活的感覺。

goodgood_20.jpg

為家人料理的心思於菜單中充分體驗,能夠從出品中感受小店的用心。如果你也累了,可以到Good Good休息、充充電再重新出發。

goodgood_21.jpg


Good Good

地址:西環西營盤第二街地下2號A舖


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

Infiniti C By October

用餐日期:2019/08/03

近年香港有愈來愈多提供素食、無麩質的餐廳,無論賣相、味道都有別於傳統素食,令不少非素食者都踏出一步嚐試

INFINITI C 品牌最近在西營盤開了分店,是主打無麩質素食的咖啡店,而且設計多款適合生酮飲食的菜式。餐牌、裝潢跟堅尼地城店略有分別,所以都吸引不少人到訪。

InfinitiCByOctober_01.jpg

餐廳位於西營盤,距離地鐵站不遠,深藍色的外觀引人注目,店內面積頗大,比堅尼地城店闊落,假日中午時間都無需等候。

InfinitiCByOctober_02.jpg

InfinitiCByOctober_03.jpg

裝潢方面花心思,以深藍色為主調,藍色階磚搭配雲石枱、金色椅子、人造花擺設、牆上的紙花等十分優雅。

InfinitiCByOctober_04.jpg

InfinitiCByOctober_05.jpg

不論拍攝食物或人像都很美,相信大部份女孩都會喜歡。

InfinitiCByOctober_06.jpg

InfinitiCByOctober_07.jpg

盡頭的霓虹燈裝飾亦是不少人的打卡位,上面寫著:Outside of the comfort zone is where the magic happens.

InfinitiCByOctober_08.jpg

主食有沙律、湯、多士、奄列、薄餅、意粉等。菜單細心以小圖標示素食、無麩質、無奶、無堅果、無精製糖、生酮,方便不同飲食習慣或者對部份食材敏感的客人。

生酮是一種高脂、適量蛋白質、低碳水的飲食方式,我們並非「酮友」,亦無意減肥,不過覺得菜式頗有新鮮感。如果對食材有疑問,可向店員查詢,他們都很友善。

InfinitiCByOctober_09.jpg

飲品方面除了咖啡、茶等,還有幾款果昔,健康之餘,相機食先一流。

InfinitiCByOctober_10.jpg

當然少不了店家的招牌甜點,茹素、對奶敏感,甚至進行生酮飲食中的朋友都有選擇,美中不足就是價格稍高。

InfinitiCByOctober_11.jpg

InfinitiCByOctober_12.jpg

InfinitiCByOctober_13.jpg

InfinitiCByOctober_14.jpg

InfinitiCByOctober_15.jpg

餐具、餐紙貫徹餐廳風格。

InfinitiCByOctober_16.jpg

Seared Tuna Steak Salad $108

點了一份沙律,吞拿魚扒香煎,油份不高,配上沙律菜,醬汁味道不濃,很健康的感覺

InfinitiCByOctober_17.jpg

InfinitiCByOctober_18.jpg

Broccoli Crust Pizza $102

適合「酮友」的薄餅,選用西蘭花為批底,面頭鋪上大啡菇、芝士,以食用花裝飾,另有素食版本。

味道方面,吃起來富菜香,但不會過份強烈只是口感有別於一般薄餅,吃起來較軟身、濕潤。

InfinitiCByOctober_19.jpg

InfinitiCByOctober_20.jpg

Blue Acai Fruit Bowl $88

果昔碗鋪上新鮮水果,例如奇異果、火龍果、士多啤梨等,以藍藻調色,色彩豐富。雖然沒有添加冰塊,但口感冰涼消暑,皆因水果是急凍再打碎,果味濃郁。

如果不喜歡冰冰的果昔碗,可以考慮他們的smoothie。

InfinitiCByOctober_21.jpg

InfinitiCByOctober_22.jpg

InfinitiCByOctober_23.jpg

Royal blue rose cake $72

除了純素蛋糕,亦有無麩質、生酮選擇,賣相吸引,跟一般蛋糕無異。點了當中最搶眼的玫瑰紅茶戚風蛋糕,用上藍藻染色。

蛋糕濕潤有彈性,茶味隱約,夾層帶點酸酸甜甜的莓味。忌廉量多,玫瑰香氣十分重,反正寶藍色外型打卡一流。

InfinitiCByOctober_24.jpg

InfinitiCByOctober_25.jpg

InfinitiCByOctober_26.jpg

Beauty Smoothie:Green $82

一共三款果昔,主要以水果、奇亞籽、燕麥奶、乳酪製作,我們點的"Green"主角是牛油果、香蕉、菠菜,草綠色的造型加上乳酪拉花圖案,彷如藝術品。

果昔常溫,無添加冰塊,食材健康,質地厚稠,具飽腹感。底部以奇亞籽增強口感,即使我比較抗拒草青味,都能輕鬆入口

InfinitiCByOctober_27.jpg

InfinitiCByOctober_28.jpg

InfinitiCByOctober_29.jpg

Keto Matcha Cheesy $58

奶蓋厚身、質地濃稠,芝味亦夠重。抹茶反而味道較淡,並非我杯茶。

InfinitiCByOctober_30.jpg


Infiniti C By October

地址:西環西邊街38號明德山地下A店


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

Hashtag Coffee

用餐日期:2019/04/07

在西環、西營盤尋找一些有特色的咖啡店,絕對不難。自從地鐵可達,確實吸引不少餐廳、cafe進駐,為舊區重新增添魅力。

位於高街的hashtag coffee開業不久,宣傳不多,已吸引很多喜歡咖啡的朋友到訪

hashtagcoffee_01.jpg

Hashtag coffee位於高街99號,斜路旁邊,門面未算顯眼,加上新開沒有多久,招牌的紅紙還沒拆。

hashtagcoffee_02.jpg

小店裝潢偏工業風,水泥牆身,配木色桌椅,沒有添加花巧裝飾,牆身以手繪斑馬點綴,隨性中帶點型格。

hashtagcoffee_03.jpg

裡面有長枱、吧枱、數張高身圓枱,靠窗位置採光度高,成為不少客人最愛的打卡點,望著街外不太繁忙的街道,十分舒適。

hashtagcoffee_04.jpg

廚房開放式,可以見到店員炮製咖啡、製作食物的過程,正正是小店的魅力,拉近跟客人的距離。

hashtagcoffee_06.jpg

角落位置有水、餐具。

hashtagcoffee_06.jpg

主打咖啡、手沖,價格合理,另有多士、牛角酥、貝果、蛋糕等輕食,出品不俗。特別是喜歡咖啡拉花的朋友,可以到小店的專頁欣賞店主的作品。

hashtagcoffee_07.jpg

hashtagcoffee_08.jpg

hashtagcoffee_09.jpg

hashtagcoffee_10.jpg

Avocado on Toast $68

多士烘至脆身,鋪上沙律菜、蕃茄仔和牛油果;麵包本身帶酸味,嚼勁十足,牛油果跟沙律不敗配搭,不過記得襯熱吃,因為麵包放涼後會慢慢變得硬身。

hashtagcoffee_11.jpg

hashtagcoffee_12.jpg

Dirty $40

完全是被外形吸引,牛奶慢慢被濃縮咖啡染成啡色,酸度突出,一冷一熱富層次感。不過這次只點了一杯飲料,賞心悅目的拉花只好留待下次再嚐。

hashtagcoffee_13.jpg


Hashtag Coffee

地址:西營盤高街99號B地下


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

JOMO Coffee & Cakes

用餐日期:2019/01/19

早排真係開左好多cafe,間間都好吸引,我最想試位於西營盤嘅JOMO,連黎台灣旅遊嘅朋友都試過,我真係冇理由再等喇,哈哈

2.jpg

小店位於西營盤水街巷弄中,接近香港大學站,全靠路口嘅指示牌先留意到。店面很小,以白色為主調,裝潢簡約,店內位置約十個,門外亦可以擺放左少量椅子。

1.jpg

6.jpg

週六下午茶時間,人流頗多,幸好入座時仍有空位,不過自己都唔好意思坐太耐,食完急急腳離開,希望搵次平日黎,睇下會唔會悠閒啲。

7.jpg

1769780846.jpg

餐牌供應自家製蛋糕,例如戚風、卷蛋、磅蛋糕、蘋果批等,口味不時轉換,部份更加係全素,無蛋奶素,有一定嘅市場,甜點定價$38-68。

另有少量輕食例如多士、沙律、全日早餐。飲料有茶、咖啡、手沖、奶昔等。

9.jpg

10.jpg

833739909.jpg

8.jpg
芝麻戚風蛋糕 $52

當日戚風有伯爵茶、芝麻口味,你問我就梗係兩款都想試,最後忍痛揀左芝麻味。戚風蛋糕賣相好可愛,面頭加左黑芝麻淋醬,以杞子、桂花點綴。

1718531663.jpg

淋醬輕盈,芝麻味濃郁,仲有啲芝麻口感,單食都完全唔膩蛋糕鬆軟到不得了,唔乾亦唔會過濕,水準甚高,只係蛋糕本身嘅芝麻味唔算好濃。

3.jpg
焙茶卷蛋 $48

焙茶卷味道都冇令人失望,蛋卷厚身,茶味明顯,甜度唔高,比較大眾化嘅口味,面頭嘅奶油好香滑

4.jpg
朱古力奶 $45

簡單灑少少朱古力粉、玫瑰花瓣已經令我融化,鐘意小店嘅用心。用黑朱古力製作,但添加左牛奶,飲落就唔算話好濃郁,勝在唔會太甜。

5.jpg
整體黎講,我地都好鐘意JOMO嘅出品,戚風蛋糕尤其出色,小店氛圍舒適,好想再黎試多幾款蛋糕啊!

1400243329.jpg


JOMO Coffee & Cakes

地址:西環西營盤水街4號地下D號鋪


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

身邊總有幾個朋友,無論正餐食到幾飽,都希望食埋個有水準嘅甜品作結。最近千層蛋糕都稱得上係甜品中嘅大熱,大大小小嘅甜品店、餐廳、網店都推出千層蛋糕。
呢間主打千層嘅小店最近新開張,選址西環,供應多款口味嘅千層,而且仲有每月限定款式,啱哂貪新鮮嘅一班吃貨,值得一試呢。
 
shazconfections_01.JPG

shazconfections_02.JPG

小店嘅位置一啲都唔小,門面亮眼,透過大玻璃可以望到店內環境,簡潔企理,一邊有幾張枱櫈供客人堂食,一邊係陳列多款千層嘅凍櫃、沖咖啡嘅位置,隱約見到廚房,感覺都有點規模,唔講仲以為係連鎖店呢。
餐牌除左供應千層蛋糕,仲有少量輕食,例如牛角包、鬆餅等,不過當日我地就已經食過正餐,未有試到熱食,有機會再黎
千層蛋糕定價 $58/件,一共六款固定口味,分別係斑蘭椰子、玫瑰荔枝、抹茶、海鹽、焦糖、紅莓,10月份仲有限定嘅港式奶茶口味,想試嘅記得呢個月去喇
 
shazconfections_03.JPG

shazconfections_11.JPG

斑蘭椰子千層蛋糕 $58
喺坊間未有食過呢隻味道,而且見過之前有朋友分享過照片,淡淡綠色嘅蛋糕賣相好靚,所以一直最期待呢款斑蘭千層
小店嘅千層一共16層,餅皮薄身,厚薄平均,以忌廉相隔,最底一層蛋糕,清楚見到層次。
斑蘭嘅味道突出,加有椰漿,不甜不膩,忌廉層亦做得軟滑,份量唔多,即使食兩件都冇問題
 
shazconfections_05.JPG
玫瑰荔枝千層蛋糕 $58
玫瑰荔枝千層呈粉紅色,面頭唧上忌廉花,同樣吸睛。離遠都聞到玫瑰味,食落唔假,搭配淡淡荔枝,都幾清新,裡面仲有少量果肉,口感冇咁單調。
玫瑰始終強勢,顯得荔枝味較低調。相對斑蘭口味,甜度稍高,但仍可接受。
 
shazconfections_06.JPG

shazconfections_07.JPG

港式奶茶千層蛋糕 $58
10月份嘅限定口味,我地兩個都覺得呢款好特別,食千層蛋糕除左餅薄忌廉滑,仲要對味,一食就知道係咩味。
奶茶味都幾明顯,容易入口,比較接近係台式奶茶,奶比例重啲,但整體幾有驚喜,令我更加期待之後推出嘅口味。
 
shazconfections_08.JPG

shazconfections_09.JPG

抹茶拿鐵 $48
 
shazconfections_10.JPG
 
西環對於我地新界西而言,其實路途頗遠,但自從有鐵路站後,都比以前方便得多。
呢排亦有唔少有質素嘅食店進駐,早午晚三餐連埋甜品一次過喺西環解決都冇問題呢

 Shaz Confections

地址:西環西營盤第一街21號地舖


Follow us:

Instagram: http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

請坐  

用餐日期:2017/07/30  

自從鐵路可達西環,由新界西過黎都方便得多,唔知係咪因為咁,近年西環都多左好多食店,帶動不少區外人前來搵食。

講到台灣菜,阿元來了人氣一直不減,對上一次試過略為失望,唔係太啱我地口味,今次就左喺佢附近嘅另一台灣食店:請坐

週日下午時間,本來我係想去另一間文青餐廳,可惜佢地只剩下露天座位,烈日當空我梗係耍手擰頭。轉戰「請坐」,好在快一步有兩個位,否則要喺外面排隊呢。

餐牌選擇唔算好多,飯、麵、湯、蛋餅、小食等,本來真係想點好多好多野食,因為樣樣都吸引,可惜我地仲有下一餐,只好忍痛點幾款,留待下次再食

20604503_666577406867817_3547618834547754525_n.jpg

相對阿元來了嘅台式裝潢,請坐顯得較為新派,設計比較簡約,店名、黑色門面、白色木色為主調,驟眼睇以為係間cafe。

店內位置唔多,枱櫈有點密麻,餐枱有點小,搭枱係基本,一人點一碗麵、小食、飲品,僅僅放得落。不過相對阿元,個人認為已經算比較舒適。

當然啦香港寸金尺土,食完個飯都唔好諗住喺度坐太耐啦,你估真係台灣咩

得知小店由兩位嫁到香港嘅台灣媽媽經營,主打家鄉味道,當日亦都喺店內見到其中一位店主,落手落腳招呼客人,店員都親切有禮。

除左食物有水準,還能感受到台灣人的態度真好。

20479631_666577220201169_2142060317515063873_n.jpg

20479769_666577240201167_3910176079771382768_n.jpg

紅燒牛肉麵 $68

麵嘅價格係全店最高,係少我地覺得好食嘅牛肉麵,特別喜歡店家嘅麵條,雖然偏幼身,但軟硬適中有嚼頭

牛肉份量不少,幾件似牛腩咁嘅口感帶筋,比起牛肋條可能冇咁腍身,但有兩件特別嫩腍鬆軟,睇你好唔好彩。

湯頭很對味,面頭有少量酸菜、蔥粒,入口隨即散發微微花椒味,比起一般嘅紅燒多一點香辣,味道較重但湯底唔會好油膩,飲完亦唔會覺得好口渴。

憑住呢一點香辣,我已經知道自己會再訪

20479482_666577393534485_4447852646486482806_n.jpg

20476082_666577380201153_4846000408086919548_n.jpg

20431228_666577343534490_1795268990730354836_n.jpg

起司蛋餅 $29

蛋餅除左原味,可配玉米、火腿、起司、鮪魚、九層塔、肉鬆、木魚花等不同材料,定價 $25-35。

看似普通嘅材料,不過要啱我地口味就唔簡單,食過程班長嘅蛋餅比較起來有明顯分別,後者煎得較酥脆,帶點手抓餅口感,但我地就覺得有點膩。

請坐嘅蛋餅偏柔軟,餅皮光滑只有少量蔥,食落煙韌唔乾面頭加有醬油,餡料選濃郁嘅芝士,微微拉絲,穩陣之選,只係份量頗多

如果獨食一個麵再加蛋餅或許會飽滯,我地想多試幾款小食都無能為力。同時聽到隔離枱討論道話覺得肉鬆蛋餅更好食,又再次令我想回訪了

20525925_666577313534493_8871470998660290897_n.jpg

20525595_666577306867827_3388928281693639775_n.jpg

香腸 $26

講到最掛住嘅台灣美食,其中台灣腸走唔甩,特別係男朋友,去親旅遊每日都要食,就好似我去到韓國日日都要食魚糕一樣。

但香港冇一間整得好食,因為男朋友要嘅係煎到香脆,喺夜市有十檔八檔嗰種。而非白灼腸 (食過阿元來了嘅腸大概知道我地講邊種)

26蚊得嗰4條仔,真心貴,不過簡單煎已經好食,啱食冇辦法

20476379_666577263534498_3448880192335046206_n.jpg

洛神花茶 $12   (原價 $24)  

茉香綠茶 $9   (原價 $18)

飲品選擇不少,其中有十款飲品惠顧飯麵小食可享半價,喜歡珍珠、椰果可加錢配。 請坐嘅飲品亦很對味,甜度唔高,清涼消暑

20479806_666577230201168_3316486383747480689_n.jpg

20597208_666577293534495_91308114986263716_n.jpg

喺香港食台灣野認真唔平呢,好多人都笑言,數字係一樣,只係 dollar sign唔同。

喺度點個麵點份小食點杯飲品,人均一百左右,可以接受。不過最緊要啱自己口味,唔啱食幾平都冇用


請坐

地址:西環西營盤英華台1-6號華輝閣地下2-3號舖


Follow us:

Instagram:http://http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

I'm Carol 發表在 痞客邦 留言(0) 人氣()

Cafe Siam

用餐日期:2017/04/24 

Cafe Siam一聽個名就知道係泰國菜餐廳,中環店開業多時,最近喺堅尼地城開設分店,位置更加方便。

聽到港島區,加上係打住米芝蓮旗號嘅食府,會以為價位都堅離地嗎?又唔係喎,反而定價都接近一般嘅泰國菜館。

來自泰國嘅廚師團隊更喺菜單中加入唔少新菜式,食物水準有保證,服務都相當唔錯,值得推薦

有別於中環店,新店係地鋪,裝潢帶少少懷舊味道,環境寬敞,坐得更舒適。

cafe-siam-01.jpg

餐廳面積唔算十分之大,但用上木枱、木凳襯托灰色牆身、色調和營諧,營造空間感。

cafe-siam-02.jpg

因為有唔少人都喜歡喺飯前飲杯酒,餐廳亦設有吧枱,每逢假日特別多客人黎過一個悠閒下午。

cafe-siam-03.jpg

餐單選擇豐富,有泰式小食、沙律、湯、咖喱、海鮮、肉類、蔬菜、飯麵、甜品等。

 青檸蝶豆花特調 $38 (原價$48/新張優惠)

賣相好靚嘅飲品,大玩漸層顏色,蝶豆花本身冇味道,所以呢杯其實就係青檸梳打,可按個人喜好添加糖水,中和酸味。

cafe-siam-19.jpg

 泰式奶茶 $48

茶味較淡,飲落有少少雲呢拿味,同港式奶茶好唔同。

cafe-siam-20.jpg

 冬蔭蝦湯 $80

睇個賣相以為一般?但好好飲啊,份量大概有兩碗半,真材實料!

裡面有兩隻新鮮大蝦,蝦肉爽口彈牙,加上磨菇,值回票價;香茅味唔會過重,飲落唔會太鹹,適合港人口味。

cafe-siam-04.jpg

cafe-siam-05.jpg

 泰式單骨雞翼 (冬蔭) $68

單骨雞翼係西環店限定,雞翼切開一半,方便食用,冬蔭味道唔算好強烈。

單骨雞翼一般比較乾身,所以配合泰式醬會更好食。

cafe-siam-08.jpg

cafe-siam-09.jpg

 燒豬頸肉伴酸子醬 $92

豬頸肉燒得剛好,外皮微脆,肉質保持腍嫩,而且份量頗多。

附上酸子醬中和,食落完全唔會油膩,反而更惹味,推薦!

cafe-siam-06.jpg

cafe-siam-07.jpg

 香芒牛柳粒 $158

賣相非常吸引,牛柳粒煎得腍身,完全唔韌,而且冇筋;芒果肉香甜,加上炒過嘅洋蔥,配合得宜。

比想像中味道好,唯份量唔算好多,性價比唔高。

cafe-siam-10.jpg

 椰汁焗飯$108 (雞肉/豬肉/牛肉/蔬菜/蝦+$20)

椰汁焗飯好有驚喜!店員表示,椰青係泰國直送,印上店家名字,增添獨有特色。

以新鮮開嘅椰青,椰青水,再加上椰漿焗製而成。一上枱已經聞到清香椰子味,有別於一般泰國菜館食到嘅椰青飯,唔會有過多椰油,食落清新不膩。

我地選擇雞肉,雞肉份量唔多,稱唔上嫩滑;面頭有少量肉鬆、腰果,加上飯中椰子肉,增添口感,但唔蓋過椰香;米飯加入適量椰漿,食落唔會過黏。

整體黎講係水準之作!相信如果點蝦肉,會更鮮味。

cafe-siam-11.jpg

cafe-siam-12.jpg

cafe-siam-13.jpg

   蒜香椒絲炒椰苗 $76

椰菜苗纖維高,有助消化,而且一般要喺泰國餐廳先食到,所以我地必點椰菜苗。

椰菜苗新鮮葉嫩,食落唔苦,以蒜蓉椒絲輕炒,並冇過多油份,屬健康之選。

cafe-siam-14.jpg

甜品方面有布甸、黑白糯米、雪芭、果盤、泰式糕點等,我地試左兩款。

 香芒黑白糯米 $68

推介之選!糯米、紫糯米都非常軟熟,微暖,芒果肉熟透,甜而不膩,加上適量椰奶,果然係店家招牌!

而且份量頗多,兩至三人分享剛好,特別食完幾款鹹食,以甜品作結,非常滿足!

cafe-siam-15.jpg

cafe-siam-16.jpg

 菠蘿雪芭 $68

以迷你菠蘿造型呈上,令平凡嘅雪芭帶點不平凡。

菠蘿味道天然唔假,食落清涼解膩,帶少少甜味。另一款椰子雪芭相信都唔錯呢!

cafe-siam-17.jpg

cafe-siam-18.jpg

整體黎講,Cafe Siam環境舒適,食物有水準,用料新鮮,特別推薦冬蔭公湯、椰汁焗飯及香芒黑白糯米。

西環分店喺週末下午更加推出"all-you-can-eat brunch",價錢都幾吸引架。


Cafe Siam
地址:西環堅尼地城科士街38號地舖

Follow us:

Instagram:http://http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol         

Contact us: mrmrsfoodhk@gmail.com

 

 

 

 

文章標籤

I'm Carol 發表在 痞客邦 留言(0) 人氣()

Seoulmate Cafe

用餐日期:2016/12/26

韓國返嚟之後抽起條筋又會想食韓國菜,睇番都有人介紹過seoulmate cafe,大部分都係好評,襯聖誕假期去試下~

假日7點鐘左右到餐廳,並冇人龍,正~我最鐘意食過氣餐廳。

店面位置不大,不過餐廳後面有露天位置,晚上坐外面,採光一般,唔適合影相,不過有另一種氣氛,感覺寧靜。

IMG_1118.JPG

雖然由韓國人主理菜式,但完全唔係韓國街嗰回事:fusion野
餐單大概有五六款主食,甜點、飲品選擇較多~
 
餐牌挺可愛:
IMG_1088.JPG

IMG_1091.JPG

IMG_1096.JPG

脆芝士泡菜炒飯配蜜糖鴨胸 $84

個名夠哂長,不過好安全,因為已經將所有材料列出

價錢稍貴,但賣相不俗~溫泉蛋放泡菜炒飯上,撈勻食。

泡菜味唔太突出,止唔到條癮,叫唔醒味蕾…煙鴨胸加上蜜糖烹調 唔會乾,不過不失。比較特別係墊底嘅芝士脆脆,芝士味香,可惜唔太脆。

不過成個飯唔夠熱係致命點,可能我麻煩,食飯係鐘意食熱辣辣的~

IMG_1123.JPG

紫薯K爆米薄餅配泡菜肉腸 $56

薄餅細細一人份,不過始終係頂肚野,share食最好。

相對泡菜炒飯 薄餅嘅泡菜味反而更濃,肉腸弱弱幾塊,不說…

芝士、泡菜、肉腸、薄餅本來都係夾得到嘅材料,加入紫薯,不至於怪,但口感蓉蓉地,食落甜甜地,好難形容。

餅底以爆米做,唔太脆口,但每人兩塊都有少許膩。

IMG_1125.JPG

韓山什莓 $32

果茶有6款,全部來自韓國,大部分係有機咁話。(高敞郡什莓+配智異山蜂蜜)

賣相一般之餘,味道係凍利賓納,仲要係淡嗰隻…三十幾蚊,唔建議點果茶~

凍柚子椰沫飄雪 $42

比較而言,呢杯好好多。柚子、椰子搭配融洽,味道幾清新~

IMG_1122.JPG

IMG_1120.JPG

可能我食左手卷先過黎,所以兩款食物已飽肚。Cafe嘅價錢略貴,味道不過不失,記憶點弱。

但fusion嘅野我識條鐵咩,見甜品評價唔錯,不過我地一試就夠了。


Seoulmate Cafe
地址:西環西營盤第三街83號
文章標籤

I'm Carol 發表在 痞客邦 留言(0) 人氣()