Frites

用餐日期:2017/05/04

西餐就食得多,比利時菜都係第一次食,呢間比利時啤酒屋喺港島區有四間分店,供傳統歐州美食同比利時啤酒。

當中最經典嘅菜式一定唔少得豬手、青口鍋、正宗比利時薯條。公司嘅總部都喺鰂魚涌 ,週四晚就喺呢間分店享用過滿意嘅晚餐。

食一餐飯,食物質素固然重要,但如果能夠喺舒適環境下用餐,一定會加分。Frites就係由食物、環境到服務都有相當水準。

frites-01.JPG

餐廳位於濠豐大廈,交通相對其他分店冇咁便利。平日附近有唔少寫字樓上班族,所以平日都有午市套餐、早段晚市套餐供應。

到左晚上,呢邊相應靜少少,我地喜歡靜靜地同三五知己飲酒談天,就比較鐘意此分店。

裝潢明顯花過心思,參照傳統比利啤酒屋設計,用嘅係木枱木櫈,空間感足,坐得相當舒適,鐘意飲杯啤酒,亦都可以選擇坐吧枱。

原來平日下午3點至8點嘅happy hour時段,酒類一律以半價供應,$35/起就有杯啤酒,以呢個環境而言,好抵飲。單係香檳、啤酒、葡萄酒已經超過四十款,揭住menu都大開眼界。

我地入座稍遲,享用唔到呢個優惠

frites-17.JPG

餐牌選擇豐富,有前菜、沙律、小食、青口、素漢堡等,主菜有意大利飯、肉腸、豬手、燒春雞、羊架、牛仔骨等,定價中上。

frites-16.JPG

frites-18.JPG

 Prawn and crab balls $80

先點一客小食,以攪碎嘅蝦、蟹肉炸成,配上沙律醬,係唔錯嘅佐酒小食。

MRJQ9080.JPG

frites-03.JPG

份量都唔少,炸粉唔厚,蟹肉味突出口感有啲似薯波,但食多兩粒會有少少口乾。

Frties House Mussels $245/半公斤

店員介紹話,黎到Frties不得不點青口,話餐廳每月平均賣出5千公斤嘅青口,可見幾受歡迎。

一共六款口味,包括忌廉、hoegaarden啤酒、蕃茄、白酒、喇沙、地中海風味,份量可選半公斤/1公斤($395),配薯條。

我地揀左比較穩陣嘅招牌忌廉青口,原煲上碟,賣相好吸引,味道都相當唔錯,鐘意食貝殼類嘅客人不能錯過

frites-04.JPG

以蕃茄、蒜蓉、洋蔥、小蔥,加入忌廉汁煮成,半公斤份量都唔少呀,夠兩個人食。

男朋友本身對青口完全冇好感,因為一般都係雪藏貨,佢覺得好腥,平時都好少食,呢份係我第一次見佢讚好嘅青口,仲同我爭住食添

至於我,一向都好鐘意食貝殼類海鮮,有機會叫多幾個朋友一齊黎,會點1公斤

frites-05.JPG

青口鍋熱辣辣,連蓋上,方便保溫。平時食得多平價雪藏青口,所以一食就知呢煲係新鮮貨,口感軟腍彈牙,完全冇腥味,吸收左濃稠適中嘅忌廉汁,唔會好膩,食完一粒接一粒。

青口而家唔係當造時節,所以size唔會好大粒,但都夠鮮甜肥美,好滿足

frites-06.JPG

薯條係歐式粗薯,新鮮熱辣,配上蛋黃醬,不過不失。

frites-07.JPG

BTBS3155.JPG

配上自家製法國麵包,口感煙韌,猜想係煎過,食落香口,相對可能會有人覺得油份稍多,但我地就覺得好好食,特別係配少量忌廉汁,一流!

frites-08.JPG

Tiger Prawn and Smoked Salmon Risotto $235

點左一客大蝦煙三文魚燴意大利飯,有兩隻大蝦,連同蕃茄粒、火箭菜、少量白酒煮成。

frites-09.JPG

大蝦已去殼,方便客人食用,輕輕煎香過,蝦肉新鮮彈牙

意大利飯份量不少,調味微酸,唔會太creamy,所以清新不膩。裡面加入三文魚,煙燻味道唔強烈,反而俾我感覺似煮熟左嘅三文魚。

frites-10.JPG

店員一直好細心,一路留意我地食到邊個stage,差唔多食完先上另一份主菜。

750g Roasted Pork Knuckle $245

我地點左想試好耐嘅招牌燒鹹豬手,配上焦糖燒雜菜,不得了,好吸引,份量足夠三至四人分享,都幾抵食啦

frites-11.JPG

豬手已經起皮,豬肉亦都已經切片,方便食用。外皮燒到非常香脆,乾身唔油膩。

frites-12.JPG

豬手肥厚,但肉質腍身唔韌,食落豬味突出唔羶,肉汁豐富帶咸香,相當出色

伴碟嘅係焦糖燒雜菜,同樣係加分位,因為齋食豬手可能會覺得有鹹膩,以瓜粒、薯粒可作緩衝。

frites-13.JPG

Sweetheart

簡單而言就係利賓納味道~

frites-14.JPG

餐廳我諗都係走中高檔路線啦,全晚播住8、90年代嘅經典英文歌,首首金曲,男朋友首首都識,好享受。"Girls just want to have fun"、"Making love out of  nothing st all"、"Right here waiting"…
因為當中有唔少個人回憶,陪佢長大嘅英文歌,佢就食歌食得好投入。當然啦,我地都有問過店員,佢話都有唔同歌單,咁啱我地呢一晚就播住熟悉嘅歌曲,令成餐飯感覺加分不少
 
環境、食物都有水準,店員服務殷勤,態度親切,加上平日晚上都比較夜嘅時間,客人唔多,佢都不時同我地傾下計。
據講餐廳週末仲有個「兒童天地」,方便一家大細嘅客人,大人享受食物,小朋友可以喺視線範圍內玩樂,諗得周到。

FRITES Belgium on Tap 
地址:鰂魚涌太古坊英皇道979號濠豐大廈地下

 

Follow us:

Instagram:http://http://bit.ly/2g3ZtuS

Facebook: http://bit.ly/2gu1fIG

Blog: http://bit.ly/ywycarol

Contact us: mrmrsfoodhk@gmail.com

文章標籤

創作者介紹
創作者 I'm Carol 的頭像
I'm Carol

再窮都要去旅行!

I'm Carol 發表在 痞客邦 留言(0) 人氣()